This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of VP Leni Robredo at Brgy. Pinagbayanan, Taysan, Batangas

    Office of the Vice President 14 June 2017

    Message of VP Leni Robredo at Brgy. Pinagbayanan, Taysan, Batangas, 13 June 2017

    Maraming maraming salamat, Mayor. Uusog usog po ako dito para di ko matalikuran iyong iba. Magandang umaga muli sa inyong lahat.

    Bago po ako magpatuloy, pagbigay galang lamang po sa mga opisyal na kasama natin ngayon. Siyempre po sa pamumuno ng ama ng munisipyo ng Taysan, Mayor Grande, magandang umaga, Mayor. Nandiyan din po, Vice Mayor Nitoy, magandang umaga.

    Si Kapitana Dory, ayan, Kapitana Dory, kasama na po iyong buong konseho ng Brgy. Pinagbayanan ayan. Iyong iba pa pong opisyal na kasama po natin ngayon, iyong mga taga Purok 4 Sitio ibaba, sino po iyong mga taga-Purok 4? Eto pa ba iyong Purok 4, ayan. Mayroon din po tayong mga kasama mula sa Purok 6, Sityo Bagong Silang. Ah kayo iyon. At tsaka Purok 3, Sityo Sentro. Mahiyain iyong mga taga Sityo Centro, ayan kayo nahihiya sila.

    Pero gusto ko rin po ipakilala iyong mga kabahagi, mga kasama namin na mga partners po namin na mga kumpanya,mga organisasyon na nais tumulong sa inyo. Kanina po narinig natin magsalita si Dr. Rico Kabangon, nasaan ulit si Dr. Rico, ayan si Dr. Rico ng DOST FPRDI. Iyong opisina po nila iyong tumitingin ng ginagawa niyo, para titingnan po nila kung puwede sila maka-design o makagawa ng makina na mapapabilis iyong trabaho niyo. Kasi gaya po kanina, iyong tinatanong ko po iyong nagtatrabaho, isang haba ng kawayan, tinatanong ko kung natatapos ng isang araw, sabi niya ‘ay hindi po mga isang linggo.’

    Pero ang problema kung ganoon kahaba iyong paggawa, konti iyong kita, diba. So iyon po iyong hinihingi nating tulong kay Dr. Rico, paano ba makakagawa ng parang makina, simpleng makina, na kahit papaano mapapadali iyong inyong ginagawa. Sila rin po iyong mag-aadvise sa atin para doon sa mga ginagawa ninyong mga bamboo sticks, ano pa iyong mga produkto na puwedeng gawin, para mas maraming pagkukunan ng kita.

    Kasama din po natin si Ms. Chari Credito, ng Pilipinas Shell Foundation. Iyong Pilipinas Shell Foundation, partner rin po namin sa iba naming Angat Buhay na mga sites. Dito po sa Taysan, tinitingnan nila, mayroon bang job matching na puwedeng gawin.

    Kinukuwento ninyo kanina na iyong mga lalaki iyong nagtatrabaho. Iyong mga, iyong term ninyo pala, iyong lalaki iyong mga gumagala, iyong mga babae iyong naiiwan. Iyon po iyong titingnan ni Ms. Chari.

    Tinitignan niya din, kasi sa iba po naming lugar gaya sa amin sa Camarines Sur, iyong ginagawa po ng Pilipinas Shell, kaming gumawa ng mga organic farms, mga vegetable farms. Titingnan po din iyan ng Pilipinas Shell kung puwede iyong gawin dito.

    Kasama ho din po si Mr. Jeffrey Ng. Jeff, tayo ka, Jeff. Si Mr. Jeffrey Ng po, dalawang grupo iyong ni-rerepresent niya. Ang isa po ay ang Filipino-Chinese Chamber of Commerce and Industry. Ang Filipino-Chinese Chamber of Commerce and Industry sa buong Pilipinas, tumulong silang magpagawa ng mga classrooms.

    Ano po… Dito sa Taysan, may gagawin ang FFCCCI pero ka-partner po yung Vice Squad. Si Jeff po at si Judith, ayun si Judith, sila po ay miyembro ng Vice Squad. Ang Vice Squad po, kaya ganyan ang pangalan nila, mga kaklase ko sila noong college. Mga kaklase ko noong college na tinutulungan po kami sa mga proyekto namin ngayon. Kaya iyong Vice Squad at saka yung FFCCCI, sila po ang magpapagawa ng three classroom buildings sa Taysan Central.

    Ano… Kasi noong nag-attend si Mayor at si Vice Mayor noong launch namin ng Angat Buhay, iyon ang isa sa mga hiningi nila. Kaya ngayong araw, pagkatapos po nito, pupunta kami sa paaralan. Sisimula na ang construction ng classrooms.

    Ano po… Si Judith na kasama din sa Vice Squad, sila po magtatabi, sila parehong naka-black. Sila din po ang parating naming kasama sa mga projects namin. Nirerepresent din po nila ang Raf Forwarders Incorporated. Iyong Raf Forwarders Incorporated po, sila ang nag… nag-tatransport. Sila po ang nag-tatransport ng mga gamit, ng mga kung-anu-ano sa iba’t-ibang bahagi sa Pilipinas. Kasama din natin sila ngayon para tingnan din nila kung paano sila makatulong.

    Kung naalala po ni Mayor at saka ni Vice Mayor, mas maaga pa iyong Air21, isa din po sa ka-partner natin, nagpahayag na ng parang interes. Para tulungan kayo dito sa inyong ginagawang mga bamboo items. Ano po… Ang Air21 parang Raf Forwarders din po iyan – na tutulong sa pagtransport ng mga produkto niyo.

    Um… Kanina po, ang iyong mga bag, kaya kami pumunta dito ngayon – ay hindi pala muna. Hindi muna iyon ikukuwento ko. Sabi ni Mayor, Taysan lamang ang kabahagi ng Angat Buhay program namin dito sa Batangas, totoo po iyon. Ang Angat Buhay, isang programa ng ating opisina sa buong Pilipinas. Mayroon po kaming programa sa taas, sa north; mayroon kaming program sa Kalinga, Apayaw; mayroon kami sa Mountain Province; mayroon kami sa Ifugao.

    Hanggang po sa pinaka-south. Mayroon po kami sa Basilan; mayroon kami sa Zamboanga. Marawi, po, area namin. Kaaalis lang po namin sa Marawi noong Marso at nag-launch kami ng Angat Buhay doon. Pero bakit, bakit namin napili iyong Taysan?

    Kasi po noong mag-uumpisa kami, gusto naming pumili ng singkuwenta, singkuwentang mga lugar na gusto naming tulungan. Iyong pagpili po namin ng singkuwentang lugar, tiningnan namin, marami ba iyong mahihirap sa lugar na ito?

    Iyong Taysan po, isa sa mga listahan ng maraming mahihirap, pero hindi lang po iyon iyong aming hinanap. Pwero sa maraming mahihirap, maayos ba iyong pamamalakad ng gobyerno dito, iyong lokal na gobyerno?

    Kasi po, ayaw po naming makipag-partner sa isang lugar na kahit mahirap, pero hindi maayos iyong pamamalakad, kasi po mapapahiya po kami sa aming mga partners na dadalhin. Kaya nakita po namin, si Mayor po, si Vice Mayor, tsaka iyong buong konseho, malinis iyong pagpalakad dito po sa Taysan, maayos iyong pamumuno, kaya po namin napili kayo.

    Ang inaasahan po namin ay iyong ipapakilala po namin sa inyo, hindi naman kami mapapahiya. Kasi po iyong pinakamahirap sa lahat, may pinapatulungan kami tapos masasayang lang ang tulong na ibinibigay kasi hindi maayos ang pamamalakad.

    Kaya ngayon po, ngayong araw, nandito kami, kaya po tinignan namin iyong mga gumagawa ng bamboo sticks kasi nabalitaan namin na isa ito sa ginagawa ng maraming mga taga-dito, lalo na iyong mga kababaihan.

    Pero kanina pa lang po, sa pag-interview ko sa inyo parang naawa ako sa inyo, na napakadami noong pagod at oras na ibinibigay ninyo pero parang konti iyong kita. Konti iyong kita. Kanina nakita na namin, noong una puwede pa siya nating hanapan ng solusyon, sa tulong po ng DOST, para mas marami iyong ating ma-poproduce.

    Pangalawa, hahanap tayo ng mabebentahan ninyong direkta kayo. Maghahanap po tayo ng market na diretso na kayo doon bebenta kasi ngayon po, ang ginagawa ninyo, mayroon kayong mga ahente.

    Mayroon kayong mga ahente, baka mas kumikita iyong ahente. Sa inyo iyong trabaho, pero mas kumikita iyong ahente. Iyong sa atin lang naman po, gusto lang po natin na hindi na matalo natin iyong iba, pero kahit papaano, makadagdag lang naman sa kita ninyo.

    Kinukuwento ko po kanina na noong pang buhay iyong asawa ko, siya iyong pulitiko sa amin. Pero tumutulong ako sa amin sa mga kababaihan. Mayroon pong isang lugar sa amin na ewan ko lang kung narinig na ito ni Mayor tsaka ni Vice Mayor, ang pangalan po Bula. Isang munisipyo ito, ang negosyo po ng mga tao doon ay kawayan din. Nakahanap po kami ng partner, iyong nahanap po namin na partner, iyong Canadian Fund, isa pong foreign na partner na ang kapartner po dito ay iyong Philippine Commission on Women, ka-partner dito sa Pilipinas, na tinulungan iyong mga taga-Bula sa bamboo industry.

    Naglagay po sila ng common service facility. Alam ninyo ba iyong common service facility? Parang isang building siya na nandoon iyong mga makina at doon lang nila nilalagay kung na saan – halimbawa dito, doon sa Barangay Pinagbayanan doon gagawin.

    Pero iyong mga gumagawa puwedeng pumunta doon para gamitin iyong makina. Para napapabilis – nag-scheschedule lang sila kung anong oras at anong araw sila gagawa. Pero sila po ang ginagawa nila doon, mas mga furiture, iyong mga gamit pangbahay.

    Kaya kakausapin po namin ang mga partner namin doon kasi ang isang puwede siguro na dalhin namin. Dalhin namin doon sina Mayor at tsaka si Vice at si Kapitan para tingnan ang proyekto at tignan natin kung puwede ba ang ganoon doon sa inyo.

    Wala po tayong ibang pagnanais kung hindi matulungan lang kayo ng kahit papaano at maibsan ang kahirapan. Kagaya po kanina, ikaw pa po ang nagkukuwento na tatlong linggo daw tatlong linggo ang ginawa niya ang nakuha niya 1400 binawas pa ang presyo ng kawayan.

    Ang kuwento kanina, mga 1,000 na lang kung nabawas ang presyo ng kawayan. Pero kung 1000 ang presyo para sa tatlong linggo parang kulang iyon para sa pagkain. Diba? Kulang na kulang.

    Kaya, kasi hindi naman dito, wala namang kakulangin ng kasipagan. Kasi po nakikita namin na masisipag kayo. Kaya pag masipag, puwede na mangyari ang napakaraming bagay. Pero iyong isa pong kuwento ko, iyon po hahanapan na po namin kayo ng paraan kung paano po namin kayo matutulungan. Pero isa pong naging problema namin sa Bula, noong nakahanap na ng market nakahanap na ng mga bagong produkto, tuloy tuloy na iyong production, ang naging problema na nila ang supply ng kawayan. Kaya iyon po din ang isang, ngayon marami pa kayong kawayan kasi hindi pa full blast yung production.

    Pero iyong po ang tutulungan namin kayo, plaplanuhan po namin kasama si Mayor at si Vice Mayor papaano tayo magkakaroon ng programa na tuloy tuloy ang iyong production ng kawayan. Kasi mas maigi sana na lahat tumutulong magpatanim. Kasi kung sarili niyo nang tanim, hindi ninyo na kailangan bilhin.

    Sabi ni Vice kanina na pagbabawalan na ng Konseho iyong labong. Kasi bata pa ang kawayan, kinukuha na. Kayo na ang mag-uusap. Pero tingin ko pa ngayon naghahanap na tayo ng paraan para tulugan, hanap tayo pag umusbong na iyong negosyo ninyo, hindi na dapat kayo nagkukulang na sa supply.

    Kasi iyon po ang naging problema ng Bula. Nakanap na sila ng market, ng mga furniture noong full blast na, wala nang supply ng kawayan. Kaya ngayon pa lang na naguumpisa palang tayo sana napapagplanuhan na natin iyong. Hindi po tayo mag-coconcentrate sa kawayan lang. Iyong Angay Buhay po, dahil po ang pinakatarget namin ang mapabuhay ang buhay ninyo lahat na puwedeng itulong, hahanapin po natin ng tulong.

    Sinasabi din po, Mayor, na isa ding problema dito ay ang tubig inumin kase kulang iyong pressure. May LWUA na raw po rito pero siguro po makiki.. Naging partner po namin iyong LWUA sa iba naming programs pero iyon din po yung puwede naming matulong dito na kausapin namin iyong LWUA kung paano ma-iimprove iyong water supply.

    Sa tingin ko po mas kaunti iyong magiging problema kasi nandiyan na sila. Mayroon po kaming mga areas na wala pa sila doon kaya mas hirap kaming pumasok. Kaya ngayon na andito na sila, baka po kailangan ng dagdag na funding para sa kanila para masali kayo sa susunod nilang budget para maayos iyong pressure. Naalala ko din po noong October.

    Noong presentation po ng Taysan sa mga partners natin, isa po sa mga niraise ninyo iyong malnutrition, marami po tayong partners diyan. Hahanap po tayo for Taysan para iyong partnership natin buo. Hindi lang para sa paaralan. Hindi lang para sa negosyo ng mga kababaihan dito pero iyong lahat na mga puwede nating pagtulungan gagawin po natin iyon.

    Pero iyong sa amin po natutuwa kaming makarating dito sa inyo. Alam niyo po taga-Bicol ako gaya ng sabi ni Mayor, madalas akong dumaan dito kasi pag nagbubus po kami, dumadaan kami dito pero parati lang kasi naming dinadaanan, Sto. Tomas saka iyong mga nandoon sa highway. Hindi ko po nakita na mayroon pang ganito.

    Kaya noong papasok po kami sabi ko mayroon pala sa Batangas na ganito. Parang probinsya pa, ang sarap. Sana po ako yung gusto ko parati na papaano ba na mapapagpatuloy pa yung ganitong buhay, pero mas maayos iyong buhay?

    Kaya isang malaking karangalan din po sa amin na nakapunta kami dito kasi kung hindi po sa sipag ng Mayor at Vice ninyo, hindi po sana namin makikilala iyong Taysan. Kaya iyong amin din pong taos-pusong pasasalamat, kasi mayroon din po kaming partner na kapag hindi masipag iyong Mayor at Vice Mayor, hindi rin kami ginaganahan.

    Pero kapag nakikita po namin na nagsasariling sikap, masipag na kausap—doon kami mas ginaganahan din. Kaya ito po, malaking pasasalamant po namin, pasalamatan din natin iyong mga partners na kasama po natin ngayon.

    Kapag pumupunta po sila, alagaan nyo po sila, para lalo po silang ganahan na tumulong dito. Mamaya po pasalamatan po natin iyong FCCCI tsaka yung Vice Squad kasi sisimulan na po natin iyong 3 classrooms na school building doon sa ating paaralan.

    Maraming salamat po, magandang umaga uli.

    Posted in Speeches on Jun 14, 2017