This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of VP Leni at the Consultation with Coco Sugar Farmers

    20 August 2016

    Alabat Coco Sugar Farm, Brgy. Bacong, Municipality of Alabat, Quezon delivered on 19 August 2016

    Alam ninyo po, matagal ko na pong pinangarap makapunta dito sa inyo. Kinuwento ko po ito kay Mayor noong nagkita kami sa Guamaca mga tatlong linggo na nakaraan, marami na po akong narinig tungkol sa Alabat.

    Kaya sabi ko kay Mayor, “Mayor ano ba ang pinaggagagawa mo doon at maganda ang dinig sa inyong munisipyo?”

    At tamang tama naman po ngayong araw, inimbita ako ng Mayor ng Quezon, Quezon. Tamang-tama kasi kung pupunta ako ng Quezon, daan naman ng Alabat.

    Kanina po, noong pagdating ko, dumaan kami sa Perez. Ngayon po nandito kami sa Alabat, hindi pa po kami nagpapakita sa Quezon.

    Dinaanan muna namin kayo. Pero ito po ang pinaggagagawa ko, pag Biyernes at Sabado. Ito po ang mga araw ko na tawag ko, mga laylayan days.

    Ito po ang, ang Lunes ko po hanggang Huwebes, nandoon po ako sa Maynila, nandoon po ang mga Cabinet Meeting, nandoon po ang pagpulong sa puwedeng tumulong.

    Pero iyong Biyernes at Sabado iyong sinusubukan ko pong pumunta sa malalayong lugar para ako naman ang makinig. Makinig unang-una para malaman ang mga pangangailangan para sa maliit naman pong, sa limitadong kapangyarihan na binigay sa amin, baka naman pag narinig natin ang hinaing, pag narinig natin ang pangangailangan, baka may magawa naman po tayo para sa kanila.

    Pero parang baliktad yata ang nangyari dito sa Alabat, iyong pagkakinig ko, pareho kami ni Cong. Helen, pareho kaming nabigyan ng inspirasyon. Nabigyang inspirasyon dahil marahil kayo ang pinakamagandang halimbawa na pag maayos ang pamumuno, pag masipag ang mga tao, hindi imposible ang mga maabot na pangarap.

    Iyong coco sugar po, matagal ko na po itong naririnig ang detalye kung gaano ito puwedeng seryosohin talaga at makapalit ng kahirapan sa buhay. Na-inspire po ako sa dating mangingisda, naging magsasaka ngayon.

    Dapat po ang kwento niya naririnig ng marami, dapat ang kwento mo naririnig ng mga kagaya mo din na nabubuhay na parang, isang kahig isang tuka. Na pag nilawakan pala ang tingin, na pag mas lalong dinagdagan ang sipag, hindi naman kailangan ang buhay.

    At kay, Sir naman, sabi ko, noong pinapakinggan kita kanina, iyong nagtatanim ka ng sili, sabi ko dapat taga-doon ka sa amin eh, iyong sili Bicol iyon diba? Bakit walang gumagawa noon? Baka kayong dalawa ang puwede kong imimbita minsan para magbigay ng inspirasyon naman doon sa amin.

    Pero, gaya po nang sabi ko, masuwerte po kayo. Masuwerte kayo na may congresswoman kayo na napakasipag, gaya ni Congresswoman Helen Tan.

    Magkaibigan po kami, magkasabay kami sa Kongreso, magkaklase kami. Magkalapit ang aming upuan kaya parati kami nagkukuwentuhan.

    Dito ko po sa kanya nalaman una na mayroon palang mga isla, mga barangay sa Quezon. Mula nakuwento niya sa akin parati ko na sinasabihan na dalhin mo naman ako doon, kasi hindi ko pa yun nakikita.

    Alam ninyo po, linggo linggo ako umuuwi nagbubus ako, iyong mga dinadaanan ko sa Quezon mula Candelaria hanggang Tagkawayan. Pero ang lugar ninyo siyempre hindi ko nadadaanan kasi coastal kayo.

    Kaya pag nakakarinig ako ng bagong pangalan ng mga bayan, parang gusto ko talagang mabisita para malaman ko kung anong klase ang buhay.

    Malayo po ito sa aking imahinasyon, akala ko maabutan kong mga bayan, mga hirap na hirap. Pero ang ganda ng kalsada!

    Sabi nga ni Mayor, pasalamat kay Congresswoman Helen. At saka ang naabutan po namin, mga taong hindi nawalan ng pag asa. Bagkus mga taong pinapakita sa pagsisikap, marami talagang mararating.

    Ako po, sabi nga ni Cong. Helen noong nasa sasakyan kami, sabi niya, “Itong Alabat na ‘to, malaking ginhawa ito sa akin kasi hindi napasanin. Talagang lahat ng programa ko mayroon din silang sariling programa.”

    Kaya napakapalad po, Mayor, napakapalad ng inyong bayan na nandiyan kayo para maging tatay nila na parating naghahanap ng mga paraan para mabuti ang buhay ng mga anak.

    Ang kabutihan ni Mayor hindi lang nasa sa gobyerno, iyong kabutihan kay Mayor, talagang naghahanap ng paraan para magkaroon ng mga partnerships sa mga pribado.

    At tingin ko po ito ang pinakamahalaga, tingin ko po ang pinakamagandang recipe sa pag-unlad ng isang lugar, na inaayos ang partnership ng gobyerno, ng pribado, at ng mga tao.

    At nakita naman po. Sabi ko nga ang mga kuwento ninyo po dapat maikuwento sa iba, para gaya po sa amin, kung ano-anong mga incentives na binibigay ng PCA, magtanim lang ng niyog.

    Halos ayaw na magtanim ng niyog ng mga tao, marahil kasi hindi nila alam na mayroong ganitong posibilidad sa ganitong pagtanim. Parati pong dahilan nila, ang tagal nilang maghihintay, kaunti naman ang kita. Dahil wala iyong value added.

    Pero itong coco sugar, talaga namang – kaya tinanong ko ang nagsisili, sabi niya mayroon siyang 2,000 na puno ng sili, kaya tinanong kita kung gaano kalaki ang lupa.

    Sabi mo 300, sabi ko, puwedeng puwede iyan sa amin. Puwedeng puwede na ang mga maliit na lupain kayang-kaya.

    Alam ko po ang sa amin, parang bagay sa kanila ang sili, kaya ito po talaga, nakakatuwa. Pumunta ako para magbigay ng inspirasyon pero kayo yata, baliktad po ang nangyari.

    Kayo ang nagbigay ng inspirasyon sa akin. Kaya pinapahalagaan ko po ang oras na binigay ninyo sa akin, kahit po alanganing oras, pinagbigyan ninyo po ang aking pagbisita.

    Pero ito po, hihingiin ko po sa inyo, maging resource kayo. Sasabihin pag may gusto kaming tulungan dadalhin namin dito sa inyo para makita po ang halimbawa ninyo na sa pagtatanim talaga malaki ang kaginhawaan na makukuha, mapatama lamang.

    Pero, ito po Mayor, sa ngalan po ng ating kababayan, nagpapasalamat po kami sa serbiyso na binibigay mo. Bihira po, bihira na mayroon tayong isang lingkod bayan na lumalabas sa sarili niyang limitasyon.

    Kadalasan po kasi mga naririnig namin, lahat reklamo na kulang ang pondo, kulang lahat. Pero sa iyo wala yatang reklamo, lahat paghahanap ng ibang pamamaraan. Talaga pong makabago ang pamaraan kaya maraming salamat sa inyo.

    Ito po si Cong. Helen kasi matagal ko na–magka-Facebook po kami. Pareho po, ako po pinapagalitan niya ako na masyado akong masipag, sabi ko ikaw parang mas masipag ka sa akin eh.

    Kakatapos po ng aming Session noong nakaraang Kongreso, pareho po kami niyan pauwi. Pero ako hinihintay ko ang susunod na araw pero ito hatingggabi magbibiyahe na para makauwi dito sa inyo para maagang makapagsimulang manungkulan.

    Kaya napakapalad, napakapalad ng mga taga-4th district at napakapalad ng mga taga-Alabat kasi mayroon kayong nanay at tatay na talagang karapat-dapat na tawaging lingkod bayan.

    Maraming salamat po, hindi na ako magtatagal para hindi ko na kayo madistorbo.

    Maraming, maraming salamat po sa pagbibigay ng pagkakataon para makilala kayo at mabisita ang inyong magandang bayan.

    Magandang hapon po muli sa inyong lahat.

    Posted in Speeches on Aug 20, 2016