This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of VP Leni at the 3rd Anniversary of Bahay Pagbabago Community-based Reformation Center

    Dinalupihan, Bataan

    Magandang tanghali! Maupo po tayong lahat.

    Ayan. Maraming salamat po kay Director General Aaron Aquino—palakpakan po natin siya [applause]—ang head po ng ating PDEA, pati po iyong buong PDEA ng Bataan. Andito din po iyong ating acting Governor, Vice Governor Cris; siyempre paborito kong mayor, napakasipag at napakaganda: Mayor Gila [applause]; Vice Mayor Rey; pati po iyong ating mga konsehal na nandito ngayong umaga; iyong atin pong mga board members na nandito; iyong atin pong mga kapulisan—wala po si RD, pero baka nandito pa si PD saka si… iyong ating Chief of Police, pati po iyong buong pamilya ng PNP-Dinalupihan; iyong atin pong mga heads ng mga iba’t ibang mga ahensya ng pamahalaan na andito; iyong atin pong mga barangay captains—alam ko na… iyong mga kapitan po sa amin, nagrereklamo na sila daw iyong maraming, maraming trabaho [laughter] pagdating sa barangay clearing operations, kaya alam ko po kung anong pinagdadaanan niyo; iyong ating mga barangay kagawad; iyong atin pong mga teachers na nandito; iyong iba’t iba pong mga partners: andito iyong Lion’s Club, andito iyong DepEd, andito iyong mga faith-based organizations; iyong ating mga—sabi ni Dolphy Jr.—“Transformers” at iyong kanilang mga pamilya; sa inyo pong lahat: Magandang, magandang tanghali!

    Ang promise ko po kay Mayor Gila, ang sabi ko bibilisan ko lang kasi baka gutom na kayo, mag-a-alas dose na. Pero alam niyo po, sobrang laki ng aking pasasalamat na inimbita niyo ko at nakasama ko kayo ngayong umaga: isang umagang punong-puno ng pagmamahal, isang umagang punong-puno ng pag-asa, punong-puno ng inspirasyon, pagkakaisa, at punong-puno ng pag—parang excitement, ‘di ba, excitement sa darating.

    Ito po, gusto kong i-congratulate iyong lahat, hindi lang iyong ating mga graduates, pero iyong lahat na nagtulong-tulong para mangyari hindi lang iyong umagang ito, pero iyong nangyari noong nakaraang tatlong taon. Sabi ko po, hindi lang ito graduation noong ating mga reformers, pero graduation pala ito ng Bahay Pagbabago dito sa Dinalupihan. Tinitingnan ko po iyong mga pulis natin na andito sa harap kanina, saka si Sir Rolly. Nagkukuwentuhan kami ni Mayor Gila, sabi namin, baka may withdrawal symptoms kasi mawawala na iyong ginagawa nila sa pang-araw-araw.

    Pero alam niyo po, dalawang malaking aral iyong narinig ko kay Mayor kaninang nagsasalita siya, at iyon din iyong ating pinapaniwalaan. Iyong una po, sabi ni Mayor, ito ay sakit ng lipunan. Napakahalagang aral kasi kapag mayroon po tayong nakikilala o nababalitaan na nagkamali at nalulong sa droga, karamihan sa atin tinitingnan iyon na kasalanan, ‘di ba? Kapag tiningnan natin na kasalanan noong nagkamali, iba iyong ating pag-deal sa kanya; ang ginagawa natin, hinuhusgahan, pinaparusahan, ‘di ba? Parang hindi pinapansin. Iba iyong pakiramdam ng lipunan. Pero mahalaga iyong sinabi ni Mayor Gila. Sabi niya, dahil sakit ito ng lipunan, kabahagi tayong lahat sa dahilan kung bakit ito nangyari at kabahagi tayo lahat sa paghanap ng solusyon.

    Noong ako po ay— Kahapon, anniversary ko din, Mayor. Pangalawang linggo sa bago kong assignment kahapon. Kaya ito, unang araw ng pangatlo kong linggo. Pero pag-upo ko pa lang, sinasabi ko na na ang aking paniniwala, ang kalaban natin droga, hindi tao. Dahil droga iyong ating kalaban, laban natin ito lahat. Hindi ito laban noong nagkamali, hindi laban ng pamilya niya lang, pero laban nating lahat.

    At ngayong umaga, pinakita niyo po lahat na kinikilala niyo iyon—na laban natin ito lahat. Kaya napakaganda ng programa niyo dito dahil nagtulong-tulong lahat. Iyong LGU ng Dinalupihan, iyong PNP, iyong PDEA, iyong provincial government, iyong iba’t ibang mga ahensya, iyong mga barangay, iyong civil society, faith-based organizations—nagtulong-tulong para sagipin iyong mga nagkamali.

    Alam niyo po, napakapalad niyo. Hindi lahat ng lugar, ganito ang sitwasyon. Hindi po lahat na lugar may programang ganito. Hindi lahat na lugar ganito ang pagtingin sa problema. At iyon po iyong pinag-uukulan natin ng panahon ngayon. Ang pinag-uukulan po natin ng panahon ngayon, iparamdam sa bawat Pilipino na problema natin ito lahat para tulong-tulong tayo sa paghanap ng solusyon. Iparamdam sa lahat na hindi nagtatapos iyong ating pakikibaka sa mga paunti-unting ginagawa ng iba’t ibang mga grupo pero kailangan tayong magkaisa. At kailangang pagtuonan natin ng pansin at siguraduhin na iyong mga anak natin, hindi dadaanan iyong ating napagdaanan.

    Kaya napakahalaga po sa akin na pagtuonan ng pansin iyong prevention pa lang. Hindi lang iyong pagsugpo pero na hindi na mangyari. Alam ko po na lalo na iyong nagdaan na sa madilim na kabanata ng buhay, sa pagmamahal natin sa ating mga anak, hindi natin pinapangarap o pinapanaginip na pagdaanan din nila ito. Pero sa pagsiguro po natin na iyong mga anak natin hindi diyan magdadaan, tulong-tulong po tayong lahat. Hindi po ito problema lamang ng pulis, hindi po ito problema lamang ng LGU, hindi ito problema lamang ng barangay. Pinakita niyo po dito sa Dinalupihan na iyong imposible, maaaring maging posible pag tayo nagtulong-tulong. [applause]

    Ngayon po, umiikot po ako sa kung saan-saan. Noong isang araw nasa Navotas ako. Nandoon po ako, ang pangalan po ng barangay, Market 3—iyon po iyong pinaka-drug infested na barangay sa Navotas. Bukas may pupuntahan din ako na isa pang barangay. Ngayon nandito ako sa Bataan. Pero iyong sadya natin hanapin iyong mga inspiring stories na kagaya ninyo, para magaya din ng ibang lugar kung ano iyong ginawa niyo dito.

    Ngayon po, mayroon kaming partner, isang private na grupo, na kinakalap iyong mga kuwentong kagaya nito para ipakita natin sa iba na posible, basta nagkakaisa.

    Kaya ito po, isang malaking karangalan, Mayor Gila, at salamat sa iyong imbitasyon. Isa pong malaking karangalan na naimbitahan niyo ako at nakita ko isang solidong ehemplo, na iyong mga kuwento kagaya ng mga narinig natin kanina, posibleng mangyari sa bawat isang Pilipino na nagkamali din ng landas. Ang kailangan po ng nagkakamali ng landas, arugain at tulungan magbago.

    Kaya nagpapasalamat po tayo sa PNP. [applause] PNP iyong nag-umpisa ng Bahay Pagbabago noong si General Aquino ay RD pa dito. Pero kanina po— Nasaan na iyong tatlong pulis na kasama natin? Si Sir Uy, si Sir Waje, saka si Ma’am… Ma’am Czarina? Sobrang bilib ako sa inyo. [applause] Puwede bang ma-invite natin iyong tatlo dito sa harap? Siguro si Sir Rolly din? [applause]

    [The three police officers and Sir Rolly of Lion’s Club join VP Leni onstage]

    Ayon. Sila iyong nagtayo niyong mga magulang, ‘di ba? Sila iyong nagtayong mga magulang. Sobrang babata pa naman. May tsinismis sa akin si Mayor Gila, Sir Uy. [laughter] Maraming success iyong nakuha ng bawat— Ay, nasaan si Sir? Ayon. Palakpakan po natin si Sir Rolly saka si Sir Waje. [applause] Ayan.

    Ito po, parang graduation niyo din, ‘di ba? Parang graduation niyo din. Pero lahat po tayo nagkakaisa sa pasasalamat sa kanila. Kasi lahat yata sila, three years na—parang sa pag-umpisa ng Bahay Pagbabago, kasama na natin sila hanggang sa hulihan at hindi pa nga hulihan, ‘di ba? Hindi pa hulihan, kasi mayroong Phase 2 pa iyong programa. Pero iyong ramdam po namin, kahit first time akong— Third time ko pong nakapunta sa Dinalupihan, pero first time ko kayong lahat nakasama. Ramdam na ramdam ko iyong sense of family, ano? Iyong sense of community dito sa Bahay Pagbabago.

    Kaya sa inyo po, maraming, maraming salamat! At siyempre sa grupo na nire-represent ninyo.

    Sa inyo pong lahat, mabuhay po kayo! Iyong ating pong mga reformers, Mayor Gila, iyong buong PNP, PDEA— Hindi ko pala na-greet si Attorney Roman, iyong representative po ni Congresswoman Geraldine Roman. [applause] Iyong atin pong mga government agencies na nagtulong-tulong, iyong ating faith-based organizations, barangays: maraming, maraming salamat po!

    Tayo po lahat iyong nag-graduate ngayong umaga. Kaya happy anniversary at mabuhay po kayong lahat! [applause]

    Posted in Speeches on Nov 21, 2019