This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at the Turnover of Livelihood Subsidies for Women IDP dressmakers

    Turnover of livelihood subsidies for women IDP dressmakers

    Saguiaran Municipal Hall, Saguiaran, Lanao del Sur

    delivered on 06 March 2018

    Magandang hapon! Maupo po tayong lahat. Maraming salamat.

    Ayon, bago po ng aking mensahe, pagbigay-galang muna po sa mga opisyal natin na kasama po natin ngayon. Siyempre po, pinapangunahan ng ating minamahal na vice governor—parating governor iyong tawag natin sa kaniya pero Vice Gov. Bombit Adiong, palakpakan po natin; iyong mayor po ng Marawi, palakpakan po natin, Mayor Majul Gandamra; siyempre iyong mayor na nag-adopt po sa inyo, Mayor Macmod Muti, saka po si Vice Mayor, Vice Mayor Hafiz Muti, palakpakan po natin. Nandito din po, Sangguniang Bayan members, iyong atin pong mga barangay captains, mga barangay officials na kasama po natin ngayong hapon. Siyempre po, iyong staff ng LGU Saguiaran, maraming, maraming salamat po sa lahat na tulong na binigay niyo sa aming opisina; iyong atin pong local partner dito, iyong executive director ng Al-Mujadilah Foundation, palakpakan po natin, Ms. Linki Mapandi; iyong mga miyembro ng IDP Women Dressmakers, sa pangunguna ni Ma’am Rose Acompong, magandang hapon po sa inyo.

    Iyong lahat pong nandito, magandang hapon pong muli.

    Tama po iyong sinabi ni Mayor: ilang beses po akong bumalik dito. Iyong pinakauna, isang linggo pagkatapos nag-umpisa iyong labanan, nandito po ako, pero hindi ako nakagalaw. Hanggang Iligan lang po ako, hindi po ako pinayagang gumala. Nasundan po iyon, mga dalawa o tatlong beses pa. Parati pong binabalak kong pumunta ng Saguiaran; hindi ako pinapapunta dito. Naaalala ko hanggang Balo-i lang ako. Pero iyong anak ko, si Tricia, iyong pangalawa ko pong anak, nakapunta na dito.

    Dalawang araw pa lang po matapos nag-umpisa, nag-set up na po iyong aming opisina ng parang team dito po sa… dito sa mga katabing bayan ng Marawi. Partner po namin iyong Al-Mujadilah saka iyong Xavier University para tumulong sa mga evacuation centers. Pero alam po namin na hindi sapat iyong aming tulong na relief operations, kasi kapag nagbigay kami ng pagkain, ilang araw, ubos na iyon. Pero hindi po tayo makabuwelo noong panahon na mayroon pang labanan kasi marami pang mga limitasyon iyong ating tulong. Pero pagkatapos lamang na madeklara na tapos na iyong laban, inasikaso na po natin iyong paano ba makakatulong.

    Alam niyo po, dalawang araw bago mag-umpisa iyong laban, iyong mga women weavers galing sa Barangay Dayawan, nandoon po sa opisina para tumanggap ng tseke mula sa Metrobank Foundation. Sila po iyong isa sa mga partners namin sa Angat Buhay. Dahil bago pa po mag-umpisa, gaya noong kinukuwento ni Linki, bago pa nagkaroon ng labanan, nandito po kami March. Si Mayor nandoon, si Vice Governor po nandoon. Nandito po kami noong March para i-launch iyong Angat Buhay dito sa Lanao [del] Sur. Sixteen na bayan iyong aming unang tutulungan, at pinakauna pong community iyong Barangay Dayawan ng Marawi. Mga taga-Marawi pareho ninyo iyong mga kababaihan doon. Iyong una po naming napag-usapan, tutulungan sana namin sila na ma-upgrade iyong kanilang mga weaving loom para madagdagan, para mas maging moderno, para mas marami silang landap na magawa. Pero nasa kanila na po iyong tseke, nasa kanila na iyong laban, hindi na po nila ma-upgrade iyong kanilang weaving. Kaya napagdesisyunan po namin—nakatira po sila sa isang evacuation center sa Iligan—dinalhan po namin sila doon ng mga makina, kaya habang nandoon po sila sa evacuation center, nakapagsimula na silang magtahi. Binigyan namin ng mga tela, mga makina, kaunting kapital. Nakapagumpisa na.

    Ngayon po, kahit medyo huli na nang kaunti, masaya pa din kami na kahit paano makagaan kami sa dala-dala niyong kahirapan. Kanina pinapakinggan namin si Rose, iyong puso po namin talagang nakikiramay sa matinding pighati na sinapit niyo. Kinukuwento po kanina ni Mayor, nakaupo po kami sa unahan, kinukuwento po niya kung paano kayo dumating dito sa Saguiaran, na naglalakad kayo, naglakad kayo nang matagal. Karga niyo, akay-akay iyong mga anak, at iniwan iyong buong kabuhayan. Iniwan iyong buong kabuhayan sa Marawi.

    At malaki po iyong ating pasasalamat na mayroong LGU na kagaya ng Saguiaran, na kinupkop kayo. Sila po iyong nagbahay sa inyo, siyempre sa tulong ng provincial government, ni Gov. Zoraya saka ni Vice Gov. Bombit, saka siyempre ni Mayor Macmod.

    Malaki po iyong kahirapan na pinagdadaanan, pero siguro po magsasang-ayon kayo sa akin na kahit marami iyong hirap na pinagdaraanan, kapag naipaparamdam sa atin na mayroon tayong mga kababayan na nagmamalasakit sa ating sinapit, kahit paano naiibsan iyong bigat. Kaya ito naman po, iyong ibibigay namin sa inyo ngayong hapon, galing po ito sa aming opisina. Ano lang ito, para sa… isa kayo sa mga unang grupo na matutulungan pagkatapos ng sakuna na dumaan sa inyo. Ito po, 175,000 [pesos] worth na gamit. Ito po ay limang sewing machines—may isang high-speed na sewing machine, may isang zigzag na pantahi.

    Sana kahit paano, kahit nandito pa kayo, nakakapag-umpisa na ng kabuhayan. Sabi nga ni Linki kanina, bigyan lang—ito siguro iyong malaking bagay din sa mga taga-Marawi, ‘di ba?—parang bigyan lang kayo ng kahit kaunting mapag-uumpisahan, napapalaki niyo na. Kaya iyong sa amin naman po, iyong makakaya namin na makakatulong kahit paano, na mayroon na kayong pinagkukuhanan ng hanapbuhay. Hindi madali—‘di ba, kayo lahat sanay kayo na hindi umaasa sa iba, pero siyempre dahil sa pinagdaanan niyo, kahit ayaw niyo iyong mangyari, talagang umasa kayo sa iba. Sana po iyong tulong na ito, mabibigyan tayo ng kaunting lakas ng loob na kahit paano may mapag-uumpisahan.

    Kanina po nagkukuwentuhan kami nina Vice Gov, nina Mayor, kung gaano kasakit, hindi lang iyong sinapit, pero na makita na iyong pinag-ipunan natin habambuhay, parang nawala nang isang iglap. Pero kahit po ganoon, siguro pasalamat na din po tayo na buhay po tayo ngayon, iyong pamilya natin ligtas. At kami naman po, nandito lang kami para tumulong kahit sa anong paraan.

    Kanina po nandoon kami sa Piagapo, kasama din po namin si Mayor Ali doon. Ang tinulungan naman po namin doon iyong mga abaca farmers. Nagdala po kami ng stripping machine, kasi nalaman po namin kay Mayor Ali na iyong mga abaca farmers doon pumupunta pa sa Balo-i para maki-strip. Ngayon po dinalhan po namin. Sana makadagdag nang kaunti sa kanilang kita.

    Tapos po lumipat kami sa Barangay Sagonsongan, mayroon po tayo doong groundbreaking para sa mga bahay. Minamadali po natin iyon dahil alam po natin na wala tayong ibang kagustuhan kundi makabalik na. Pero siyempre po iyong ating pamahalaan, kailangang siguraduhin ang kaligtasan niyo, kaya kahit po alam namin na naghihirap pa kayo, kaunting tiis pa po. Kaunting tiis pa, makakabalik din tayo, basta sigurado lang na ligtas iyong bawat isa.

    Ito po, dasal natin… dasal natin na sana kahit paano makabangon kaagad tayo. Gaya po ng sabi ko, isa kayo sa pinakamasisipag na mga Pilipino. Kilala po kayong lahat; marami po kayong… marami po kaming mga—taga doon po ako sa Bicol, taga-Naga ako—marami po kayong mga kababayan na galing Marawi na nandoon sa amin. Matagal na po namin silang mga kaibigan, at iyong mga kamag-anak po nila na galing dito, noong sumiklab iyong laban, marami po silang kamag-anak na pumunta doon sa amin. Noong naglalabanan na po, mga more than 300 din iyong dumating doon sa amin, at iyong kabutihan, nabigyan na din po sila ng puwesto sa aming merkado, nakakapag-umpisa na sila ng hanapbuhay.

    Pero siyempre po naiintindihan ko na tayo pong lahat, kung puwedeng hindi tayo aalis sa dati nating tinitirhan, iyon iyong gusto natin, ‘di ba? Kaya iyong sa akin po, nakikiramay po kami sa pagtiis niyo. Matagal-tagal na rin. Nagkukuwentuhan nga po kami ni Mayor pag-akyat dito po sa munisipyo. Sabi ni Mayor, 10 months na. Sabi ko, oo nga pala, Mayor, 10 months na. Mahaba-haba na ding panahon.

    Kaya nagpapasalamat din po tayo sa lahat na tumulong sa atin. Pasalamat po tayo sa lahat na nakiramay, nagbigay ng tulong. Iyong sa amin po, pagpapakita din na magkakapatid po tayo, anuman iyong ating relihiyon, anuman iyong kaibahan ng pananalita natin. Iba’t ibang pinanggalingan pero magkakapatid po tayo. At sa oras ng kagipitan, wala naman pong magtutulungan kundi tayo-tayo din. Iyong amin pong opisina, hindi naman po malaki iyong budget, pero kahit po ganoon, marami tayong mga partners na mga private, na iyon din iyong tumutulong. Gaya po noong mga pabahay na uumpisahan natin—sana po June tapos na iyon—iyong karamihan pong pera na gagamitin para doon, tulong po iyon ng aming mga private partners.

    Kaya ito po, pagpapakita din sa inyo na maraming nagmamahal sa inyo. Marami pong… maraming gustong makita na maayos na ulit iyong iyong pamumuhay. Siguro tingnan din natin ito na pagkakataon din para lalo kayong mas makilala ng ating mga kababayan, at ano naman po ito, mula naman po noong nag-umpisa iyong gulo dito, marami po iyong nagpapaabot sa amin na hindi man sila makapunta dito, nagpapaabot ng pagmamahal para sa inyong lahat. Kanina po, nag-iwan din kami ng mga 400 na mattresses para doon sa mga lumilipat. Mayroon pong nagpapadala ng mga gamit, ng mga upuan, mga lamesa para sa mga paaralan. May mga nagpapadala ng pagkain. Mayroon pong nagpapadala ng kung anu-ano para lang ipahayag iyong pagmamahal sa inyo.

    Kaya po sana baunin ninyo, gaya po ng sabi ni Mayor, kahit wala kaming dala-dala, parang na-a-appreciate ninyo na pumunta kami. Kami din po, gusto din po namin parati kayong pinapa… parating pinapalakas ang loob niyo, na marami ang gustong tumulong, maraming gustong magpaabot ng kanilang pagmamahal.

    Kaya nagpapasalamat po tayo sa Provincial Government ng Lanao [del] Sur. Gaya ng sabi ko, kasama po namin si Governor kanina, ngayon po sinamahan po kami ni Vice Gov mula kanina; sa City Government po ng Marawi, kaya po naging posible iyong Angat Buhay Village na gagawin ay dahil din po sa pakikipagtulungan ng City Government of Marawi. Saka siyempre, iyong Municipal Government ng Saguiaran, na naging bahay, naging tagapagkalinga niyo nang 10 buwan na.

    Kaya maraming, maraming salamat po. Magandang hapon pong muli sa inyong lahat!

    Posted in Speeches on Mar 07, 2018