This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message of Vice President Leni Robredo at the Handog Titulo for Camp O’Donnell Resettlement Site Families

    Barangay Cristo Rey, Capas, Tarlac

    Maraming salamat po. Maupo po tayong lahat.

    Maraming salamat, Mayor Reycat, sa pagsabi na ako po iyong tunay na nahalal. [applause]

    Bago po ako magpatuloy, pagbigay lang po sa mga opisyal na kasama natin ngayon. Siyempre po sa paborito ko at paborito niyo din na senador, Senator Bam Aquino [applause]; ang akin pong kasama sa 16th Congress, napakasuwerte ng Tarlac at napakasipag ng kanilang gobernadora, Governor Susan Yap [applause]; akin pong kaibigan – boss ko rin po ito sa 16th Congress – palakpakan po natin, Congressman Noel Villanueva ng [Tarlac] District III [applause]; at siyempre, iyong idolo ng lahat ng taga-Capas, Mayor Reycat Catacutan [applause]; kasama rin po natin, Vice Mayor Boots Rodriguez [applause]; si Mr. Forester Lagartera, ang ating OIC [officer-in-charge] CENRO [City Environment and Natural Resources Office] Capas, magandang hapon po [applause]; iyong boss po ng Barangay Cristo Rey, Kapitan Arturo Joves [applause]; ito po – boss ko rin ito – iyong ating dating congressman, Congressman Hermie Aquino [applause]; Atty. Ronnie Tababa, Provincial Registrar of Deeds [applause]; Dr. Amparo Muñoz—nasaan po si dok, ah, nandoon po—principal ng Cristo Rey High School at iyong mga guro at estudyante ng Cristo Rey High School [applause] – oh, bibong-bibo; Colonel Angel Madarang, ang ating Deputy Brigade Commander ng 702nd Brigade; iyong ating Chief Police Superintendent Noriel Rombaoa [applause]; iyong ating pong mga pinakabida ngayong hapon – iyong mga tatanggap ng kanilang mga titulo – masaya iyong hapon po natin ngayon dahil diyan; mga kapwa ko lingkod-bayan; mga minamahal ko pong kababayan: magandang-magandang hapon sa inyong lahat!

    Masayang-masaya po ako na nagkaroon po ako ng pagkakataon na makapunta dito sa Capas. Alam niyo po, ilang beses na akong pumunta ng Tarlac pero tinatanong ko nga si Senator Bam… Alam niyo po si Senator Bam, siya iyong aking campaign manager noong nakaraang eleksyon. Sabi ko, “Senator, nakadaan ba tayo ng Capas?” Hindi po namin maalala, kasi umikot kami nang umikot. Pero kung nakadaan man ako o hindi, ngayon po, masayang-masaya ako kasi nakita ko kayong lahat [applause] at maraming salamat po sa inyong mainit na pagtanggap. [applause]

    Alam niyo po kanina, nasa sasakyan ako – galing po ako ng Quezon City – binabasa ko iyong kasaysayan ng Barangay Cristo Rey. Napakayaman pala ng kasaysayan ng Barangay Cristo Rey. Nabasa ko po na ang pangalan pala dati nito ay Camp O’Donnell, at naging bilangguan siya ng 40,000 mga sundalong Pilipino, saka 9,000 sundalong Amerikano. Iyon iyong noong unang panahon. Pagkatapos daw ng digmaan ay naging naval transmitting facility ito.

    At noong 1991, dahil po sa tulong ni Congressman Hermie Aquino, iyong ating Pangulong Cory Aquino ay—sinabi na ito ni Mayor kanina—nilagdaan iyong Proclamation No. 813 na kinonvert iyong bahagi ng Clark Air Base Military Reservation dito po sa Capas na maging resettlement site para sa mga pamilyang naapektuhan noong pagputok ng Bulkang Pinatubo. At mula doon sa mahabang kasaysayan niya, noong 2003, pinagtibay ng Sangguniang Panlalawigan ng Tarlac ang isang ordinansa na pinalitan ang pangalan ng O’Donnell Resettlement Site. At ngayon, kayo ay kilala na bilang Barangay Cristo Rey.

    Kanina po, kinukuwento sa akin ni Senator Bam kung gaano kalaki iyong populasyon ng inyong barangay. Alam niyo po, [noong] naging Congresswoman ako, walo iyong LGU sa aking distrito. Noong sinabi ni Senator Bam iyong population ng Barangay Cristo Rey, Kap, mas malaki pa kaysa sa iba kong mga munisipyo. Kaya puwedeng-puwede nang maging isang kaharian ni Kap ang Barangay Cristo Rey. [laughter]

    Pero alam niyo po, iyong nakakabigay ng inspirasyon sa akin, iyong kuwento ninyo. Kasi iyong kuwento ninyo, kuwento ng matinding pagsubok. Iyong lahat na taga-rito sa barangay, kuwento ng matinding pagsubok, pero kuwento rin ng lakas at katatagan. Malaking trahedya ang pinagdaanan niyo pero kayo po, dahil sa sarili niyo din na desisyon, kayo ay nakabangon muli.

    Ngayong hapon, napakahalaga nito para sa mahigit na apat na daan na pamilya. Alam ko po – matagal na po akong nag-abogado para sa informal settlers – alam ko kung gaano kahalaga iyong paghawak ng titulo ng lupang kinatatayuan ng mga bahay. Iyong titulo, ito iyong magbibigay sa atin ng proteksiyong panligal, ‘di ba? Wala nang agam-agam, wala nang pagtatago. Kapag hawak na natin iyong ating titulo, atin na atin na talaga iyong lupang kinatitirikan ng ating bahay.

    Kaya nagpapasalamat po tayo dito sa Handog Titulo na proyekto ng DENR [Department of Environment and Natural Resources], ng Register of Deeds, at ng NHA [National Housing Authority]. Ngayong hapon, maibibigay na po sa inyo iyong pinakaaasam-asam ninyong titulo.

    Ito po, sabi ko, magbibigay sa atin ng katahimikan sa ating pagtulog dahil wala nang puwedeng kumuwestiyon pa ng ating pag-aari. Pero alam po natin, na kahit iyong lupa at bahay nagbibigay ng kaginhawaan sa napakarami sa atin, hindi naman ito kasagutan sa lahat ng pagsubok na dumadaan. Kanina sinasabi ni Senator Bam, maraming mga pagsubok na pinagdadaanan ngayon: napakataas ng presyo ng mga bilihin lalo na ng bigas. Kahit po saan kami magpunta ni Senator Bam, iyon iyong reklamo sa amin ng aming mga kausap: “Iyong dati, kapag namamalengke kami ng 500 pesos, ang dami na naming nabibili. Pero ngayon, iyong aming 500 pesos kakapiranggot lang iyong dala-dala namin pag-uwi.” Talaga pong napakatindi ng buhay.

    Pero sa tindi ng buhay, iyong paghawak po natin ng titulo ngayong hapon kahit papaano, maiibsan iyong kabigatan na dala-dala natin. At masayang-masaya po kami na kabahagi kami ng inyong kasiyahan na sa wakas, mahahawakan niyo na iyong inyong inaasam na titulo.

    Kaya nagpapasalamat po kami kay Mayor Reycat sa pag-imbita. Nagpapasalamat po kami kay Governor Susan sa pagtanggap sa amin, saka kay Congressman Noel na binigyan kami ng pagkakataon na makita iyong kasiyahan na sigurado akong bakas sa mga mukha ng bawat isa sa inyo habang tinatanggap niyo ang inyong mga titulo.

    Kaya kami po, ang pagpaabot namin ng aming pagbati, at pagpaabot po ng amin pong pagsabi sa inyo na sa gitna po ng maraming kahirapan – kami po ni Senator Bam, kami po ni Mayor, kami ni Governor, kami ni Congressman – nandito po kami para tumulong maibsan iyong bigat na dala-dala natin sa araw-araw.

    Congratulations po sa inyo at maraming, maraming salamat sa inyong lahat! [applause]

    Posted in Speeches on Jul 04, 2018