This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message at the Inauguration Ceremony of Gov. Kaka Bag-ao

    Provincial Capitol, Dinagat Islands

    delivered on 03 July 2019

    Maraming salamat. Maupo po tayong lahat.

    Governor Kaka, pati na po iyong lahat na provincial officials na nandito ngayong hapon; iyong ating mga mayors na kasama natin; Senator Kiko [Pangilinan], Senator Risa [Hontiveros], Congressman Bolet [Banal], Congressman Teddy [Baguilat], Congressman Tom [Villarin]; dating congressman and secretary, Butch Abad; iyong atin pong mga department heads; iyong ating mga regional saka provincial officials ng ating iba’t ibang mga government agencies; mga kababayan po natin na mga Dinagatnon; mga members ng AFP at PNP na kasama natin ngayong hapon; sa inyo pong lahat: Maayong hapon sa tanan! [applause]

    Kabalo po ako ng Bisaya pero hindi ako makasalita nang diretso. Pero lahat na sinabi niyo in Bisaya, kabalo ko man. [laughter]

    Pangalawang pagkakataon po na napunta ako sa Dinagat, at bawat… bawat bisita, may bagong nakikita. Kanina po pinapakinggan ko si Governor Kaka, umaapaw po ng pagmamalaki, umaapaw ng kaligayahan iyong nararamdaman ko, dahil iyong amin pong pagkakaibigan—binilang ko, Governor Kaka, 20 years na pala mula noong una tayong nagkasama. 1999 po, una kaming nagkasama ni Governor Kaka. Pareho po kaming abogado para sa mga mahihirap ng isang NGO na tinawag na SALIGAN. Matagal po kaming nagkatrabaho, kahit po noong lumipat na si Governor Kaka sa BALAOD MIndanaw, at pinili niya nang lumagi… lumagi dito sa Mindanao, at ako po ay nasa SALIGAN pa din, maraming mga pagkakataon na nagkakasama kami. Gaya po noong pagmartsa ng Sumilao, nagkasama kami—ng Sumilao farmers, nagkasama kami. Marami pang ibang mga laban para sa mga karapatan ng mga nasa laylayan ng lipunan ay sabay po kaming nakipaglaban.

    Pero noong pumasok po si Governor Kaka sa politika, hindi na po ako iyong kabarkada niya; iyong asawa ko na. Mas kabarkada niya na iyong asawa ko. Iyong asawa ko po talaga iyong politiko sa pamilya namin, ako po ay hamak na abogado lamang. Pero iyong asawa ko po iyong matagal na naging poltiiko, at iyong mga… iyong mga kasama ko po ngayong araw, hindi lang si Governor Kaka, pati si Congressman Bolet, Congressman Teddy, Secretary Butch, Senator Kiko, sila po iyong mga katrabaho, kakampi, kasangga sa lahat na laban ng aking asawa.

    Nagkasama po kami ulit ni Congressman—dating Congressman noong panahon na iyon—Kaka noong namatay na iyong asawa ko. Noong bumagsak po iyong eroplano ng asawa ko seven years ago, at dahil sa kaniyang biglaang pagkamatay, bigla akong naging politiko, naging miyembro ako ng House of Representatives. Nagkasama po ulit kami sa 16thCongress ni dating Congressman Kaka. Tama po iyong sabi nila, magkakabarkada po iyong tatlong B—si Bag-ao, Baguilat, saka Banal. Kami po ni Congressman Dina Abad, asawa ni… yumaong asawa ni Secretary Butch, kami po iyong bagong kabarkada nila. Kami po iyong mga, ano, mga salimpusa. Tatlo po silang magkakabarkada, nadagdag kami ni Congressman Dina. Kaming lima iyong magkakabarkada. Kung magso-sponsor po ng batas, ng panukalang batas iyong isa, lahat kami co-author. At sa lahat ng mga laban—sa komite, sa plenary, sa floor—kami po iyong magkakakampi. Kaya maraming… marami-rami din pong mga kahirapan iyong mga pinagdaanan. Dahil po sa tagal ng pagkakakilala namin ni Governor Kaka, nakita ko na siyang masaya, nakita ko na siyang malungkot, pero pinaka-ayaw ko sa kaniya kapag siya [ay] galit. Hindi ko alam kung nakita niyo na siya kapag siya ay galit, pero nakakatakot iyang si Governor Kaka kapag galit. [laughter]

    Pero kahit nakakatakot siya kapag galit, talagang isang politiko na tapat sa kaniyang sinumpaan, isang politiko na busilak ang puso para sa mahihirap. Marami pong laban na kapag naaapi iyong mga mahihirap, iyon iyong ikinakagalit parati ni Governor Kaka.

    Kaya naman po noong sumabak siya sa laban sa pagka-gobernador, alam po namin na hindi madali iyong laban. Alam namin na ibang klaseng politiko siya. Sabi ko nga po, bihira siguro sa kasaysayan ng bawat lugar na mayroong isang politikong rebolusyonaryo. At si Governor Kaka ay masasabi nating rebolusyonaryo—[applause]—dahil hindi sumusunod sa mold ng politiko. Kanina po—kaya sinasabi kong umaapaw sa pagmamalaki iyong naramdaman ko noong pinapakinggan ko siya, dahil marami na din po akong mga ganitong pagtitipon na nadaluhan, unang pagkakataon na narinig ko na isang gobernador na ang pinag-usapan pagbabahagi ng kapangyarihan sa ordinaryong mamamayan. Bihirang bihira po iyon… [applause] dahil iyong tradisyonal na konsepto ng leadership, o tradisyonal na konsepto ng governance, kapag nahalal na sa posisyon, ang kapangyarihan ay nakukulong na doon sa kung sino iyong nahalal. Pero kanina pinapakinggan ko si Governor Kaka, sinasabi niya na ang tunay na kapangyarihan nasa kamay ng bawat Dinagatnon, at humihingi siya ng tulong sa Sangguniang Panlalawigan na tulungan siya na siguruhin na magkaroon ng mekanismo para iyong ordinaryong mamamayan ng Dinagat Islands ay makilahok nang direkta sa pamamahala. Kaya maraming salamat sa iyo, Governor Kaka. Kami—sigurado ako, si Senator Kiko na siyang pangulo at head ng Liberal Party—[ay] magiging masayang-masaya kapag isang gobernador na galing sa partido ay mamuno nang isang kampanya na sinisiguro na ang kapangyarihan ay galing sa kamay ng ordinaryong mamamayan. [applause]

    Hindi po ako magtatagal dahil araw po ito ni Governor Kaka. Pero gusto ko lang po—pareho ng sinabi ni Congressman Banal kanina—gusto ko pong pasalamatan iyong lahat na Dinagatnon, sa suportang ipinakita ninyo—mula 2013, tama?—mula 2013, noong unang hinalal niyo siya bilang district representative. Dahil sa pagbibigay sa kaniya ng pagkakataon na iparamdam sa inyo iyong uri ng pamamahala, iyong uri ng governance, iyong uri ng leadership na pinapaniwalaan niya, at pinapaniwalaan po namin—kami pong magkakasama. Kaya naman nagpapasalamat po kami.

    Ngayong governor na si Governor Kaka— Kanina po bagong dating ako. Sinundo niya po ako maaga kanina. Akala ko kukumustahin ako. Pero ang sinabi niya na kaagad, iyong lahat na kailangan dito sa Dinagat Islands. [laughter] At iyong pinag-uusapan po namin, hindi kung kumusta ako o kumusta siya, pero iyong problema sa tubig sa Dinagat Islands—[applause]—at sabi niya po, tulungan ko daw siya, na sa lalong madaling panahon masolusyonan na iyong matinding problema dito sa tubig. Sabi ko po sa kaniya hindi namin siya papabayaan. [applause]

    Mayroon po kaming mga tulong. Iyon po iyong number one sa listahan niya—tubig—pero napakahaba po ng listahan niya. [laughter] Medyo ninenerbyos ako, Sec. Butch, kasi alam ko na noong congresswoman si Congressman Kaka, sabi ko iba na talaga iyong malapit kay Secretary Butch. Kanina po umiikot kami dito sa Dinagat, parang… parang iyong lahat yatang kalye na dinaanan namin, napagawa yata ni Congressman Kaka dati dahil kay Secretary Butch Abad. [applause] Inaaway po namin—magkakasama po kaming mga congressman sa sasakyan—inaaway po namin si Secretary Butch, kasi sabi po namin mukhang paborito niya si Governor Kaka noong panahon na iyon, kasi ang daming naibaba dito sa Dinagat. Hindi lang po mga daan, kundi… ilang tulay, Governor Kaka? Forty-six na tulay. Pati iyong bago pong ospital, pinakita niya sa amin kanina. [applause]

    Kaya excited po tayong lahat sa next three years. Pero pinakahuling pakiusap, hindi po iyan kaya ni Governor Kaka kung hindi niyo siya tutulungan. Iyong atin pong eleksyon, tapos na. Gaya po ng paulit-ulit na sinasabi kanina, ang tunay nating kalaban, kahirapan. Kaya po tayo matutulung-tulungan para masugpo natin iyong kinakalaban natin.

    At sa uulitin! Mabuhay ka, Governor Kaka! Mabuhay po ang mga Dinagatnon! Happy 50thbirthday! Mabuhay po kayo lahat! [applause]

    Posted in Speeches on Jul 04, 2019