This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message at the Graduation of Blind Masseurs in Daet, Camarines Sur

    Pinyasan Kiosk, Daet, Camarines Sur

    delivered on 07 December 2017

    Magandang hapon! Pasensya na kayo, akala ko hindi pa ako. Ako na pala kaagad.

    Bago po ako magpatuloy, pagbigay-galang po muna sa mga kasamahan natin ngayong hapon, sa pangunguna ni Dr. Rex Bernardo—nasaan na si Dr. Rex?—ayan, Dr. Rex Bernardo, ang ating Provincial PWD Officer; Ms. Joan de Luna, iyong ating Municipal Administrator; Ms. Norma Eboña, president ng Asian Technological and Skills Institute; Ms. Paz Quiboloy, officer-in-charge ng Pinyasan Kiosk; Col. Ernesto Cruz, ang ating Deputy Brigade Commander ng 902nd Brigade; Mr. Bryan de Rama, Daet Persons With Disability Affairs Officer; iyong atin pong mga RIC—nasaan iyong ating mga RIC?—ayan, magandang hapon sa inyo! Bakit nakatayo kayo? [laughter] Nagpapatangkad?

    Iyon atin pong mga graduates, magandang hapon sa inyong lahat. Iyong Pederasyon ng May Kapansanan ng Daet, Inc.—ayon, kayo pala iyon—magandang hapon. Mga kawani sa gobyerno. Mga minamahal kong kababayan—

    Hindi ko pala na-greet iyong aking brother-in-law, Mr. Butch Robredo. Siya po iyong pangulo ng Philippine Blind Union. Okay. Sa inyo pong lahat: Magandang, magandang hapon! Magandang hapon! [audience responds]

    Masaya po ako na nakabalik ako sa Daet, ano? Kahit halos every other week umuuwi ako sa Naga, hindi ganoon kadalas na nakakabisita ako dito sa inyo. At tamang tama, ngayong hapon may ilo-launch na programa iyong Office of the Vice President dito sa Daet, iyong Istorya ng Pag-asa, ano? Iyong Istorya ng Pag-asa—alam niyo iyon, ano, kasi partners tayo—kung saan may mga ifini-feature po kaming kuwento na mga ordinaryong mga tao pero dumaan sa matitinding pagsubok, pero naging matagumpay kahit napakaraming pagsubok. Alam ko mayroon kayong mga kasamahan [na kasali doon], tatlo sila na mafi-feature namin ngayong hapon during the launch. Tamang tama po na noong nalaman ni Butch na papunta ako dito sa Daet, sabi niya baka puwedeng dumaan ako sa inyong okasyon. Kaya maraming salamat po sa mainit na pagtanggap sa akin dito.

    Alam niyo po, hindi man ako makakatagal dahil sunud-sunod iyong okasyon ngayong hapon dito sa Daet, mahalaga po sa akin iyong okasyon niyo. Mahalaga sa akin kasi sa pamilya po namin, lalong lalo na sa side ng aking asawa, matagal nang adbokasiya ng pamilya iyong pagtulong sa mga may kapansanan. Siguro hindi naman lingid sa kaalaman niyo na sa pamilya po mismo ng aking asawa, mayroong kapansanan na pinagdaanan, pero kung nakita niyo kung paano sila mabuhay, parang hindi ininda iyong kapansanan. Iyong akin pong father-in-law ay bulag. Iyong akin pong brother-in-law na nandito at iyong aking sister-in-law ay may parehong kapansanan. Mayroon po kaming mga pamangkin na ganoon din. Pero kahit ganoon, sinusubukan na gawing normal ang buhay, na iyon naman iyong gusto natin, ‘di ba? Iyong kahit may pinagdadaanan na kapansanan, sinisiguro pa din na kahit papaano, kahit mahirap, ginagawang normal iyong buhay—nakakapagtrabaho, nakakapag-aral. Actually po mayroon po kaming pamangkin ni Butch na kahit napakahina na ng kaniyang paningin ngayon, kumuha pa po siya ng Bar exam, ano? Kumuha siya ng Bar exam, gumamit lang siya ng assistive device.

    Siguro po alam niyo din na sa Naga, mayroon nang resource center for the blind. Nandoon sa aming Raul Roco Public Library, kung saan maraming gamit na nakakatulong para sa mga ‘di nakakakita, kung paano mas mabuhay nang normal. Gusto po sana natin na kahit may pinagdadaanan na ganitong pagsubok, nararamdaman pa din na kung ano iyong mga na-e-enjoy ng mga walang kapansanan ay na-e-enjoy din.

    Kaya masayang masaya po tayo ngayong hapon. Nagpapasalamat po tayo sa TESDA, nagpapasalamat po tayo sa Municipal Government of Daet, sa programang ganito. Ngayong hapon iyong sine-celebrate po natin iyong graduation ng mga nag-undergo ng training para sa pagmasahe. Hindi ko po alam kung nakabisita na kayo sa Naga, pero sa Naga mayroon din po kaming isang grupo na katulad nila, at binigyan din ng espasyo ng Naga City Government sa Plaza Rizal. Sila po ay nakakapagbuhay nang parang normal. At ngayon pong hapon, sa pag-graduate nila, nagpapasalamat po tayo sa Municipal Government of Daet na nabalitaan ko po na binibigyan din ng permanenteng lugar iyong ating mga graduates dito sa Pinyasan Kiosk.

    Kaya pagkatapos po nito, parang mas lalo tayong nasisiyahan. Mas lalo po tayong nasisiyahan na mayroon tayong mga kasamahan na makakapagbuhay kahit may kapansanan. Parati po tayong nasisiyahan kasi iyong tulong na ipinakita ng TESDA, iyong tulong na ipinakita ng municipal government, nagpapakita na iyong kahirapan ninyo hindi ninyo sarili. Iyong kahirapan niyo, kasama niyo kaming lahat. Na kami ay may obligasyon na subukan na maibsan iyong kahirapan na pinagdadaanan.

    Marami pong adbokasiya, kahit iyong Opisina ng Pangalawang Pangulo, para sa mga PWD. Actually po noong nakaraang November 30 lang, magkasama naman po kami ng aking sister-in-law—iyong bunso namang kapatid nina Butch saka ng aking asawa—magkasama po kami sa V. Luna [Medical Center]. Hindi ko alam kung narinig niyo na iyong V. Luna, iyong V. Luna Hospital, kung saan iyong mga sundalo natin na nasugatan sa laban ay doon po naka-confine. Pagpunta po namin doon, marami tayong sundalo na naputulan ng paa, ng kamay, nabulag dahil sa pagsabog ng bomba, at iyon po, sinusubukan nating tulungan sila. Actually po noong November 30, mayroon po kaming mga nakabitan ng artificial limbs. Ang partner po namin doon iyong Physicians for Peace, na bahagi po doon iyong aking sister-in-law. Pero ito po iyong mga paraan para kahit papaano dumali nang kaunti iyong kahirapan at pinagdadaanan.

    Kaya nagpapasalamat po tayo, unang una sa ating mga kapatid na magga-graduate ngayong hapon, dahil isa po kayong malaking inspirasyon sa aming lahat, kasi kahit po mayroong pinagdadaanan na kahirapan, hindi ito naging dahilan para hindi kayo magpagod, hindi ito naging dahilan para mawalan kayo ng pag-asa. Patuloy na naghahanap ng mga paraan para maibsan ang kahirapan.

    Nagpapasalamat din po tayo sa asosasyon niyo, dahil nandito kayong lahat. Kahit hindi po kayo magga-graduate, nandito kayo lahat—pati na rin iyong IRC—para suportahan iyong ating mga graduates. Kaya ito po ngayong hapon, isang hapon na masaya. Isang hapon na kailangan tayong magbunyi, dahil mayroon tayong nakamtan na isang… parang isang achievement para sa ating mga kasama dito ngayong hapon.

    Sa uulitin po. Maraming salamat ulit. Maraming salamat sa pagtanggap sa akin nang mainit ngayong hapon. Congratulations sa ating mga graduates!

    Hihingi lang po ako ng paumanhin sa inyo na hindi ako makakatagal, kasi papunta pa lang po kami, iyong okasyon ko po doon sa paaralan, naghihintay na din sa akin. Sa akin po, kahit napakaiksi na oras, masaya pa din po ako na nabigyan ako ng pagkakataon na ganito.

    Magandang hapon pong muli, at congratulations po sa inyo!

    Posted in Speeches on Dec 13, 2017