Mga kaigsuonan kong Dabawenyo, Assalamu Alaykum!

Akong ginapaabot ang akong kinasing-kasing nga kalipay sa atong mga kaigsuonang Dabawenyo sa siyudad sa Dabaw diin ang tanan madasigon nga gasaulog sa 87th Araw ng Dabaw. Happy Araw ng Dabaw kaninyong tanan!

Ang pagsaulog sa Araw ng Dabaw usa ka pasundayag sa kadugayon ug kalawmon sa kasaysayan, garbo, ug kabilin sa mga Dabawenyo. Kini nagpamatuod sa kalig-on, katakus, ug matinud-anong pagdumala ug pag-amuma dili lamang sa lokal nga gobyerno kung dili apil na pod ang kinatibuk-ang lumulupyo sa Siyudad sa Dabaw.

Nalipay ko nga luyo sa mga pagsulay ug hagit sa kinabuhi, ang mga Dabawenyo nagpabiling malig-on, malaumon, ug matinunghaon sa pagbangon ug sa pagpaningkamot alang sa kalampusan sa tanan.

Hinaot nga luyo sa mga pagbag-o, ang tanan padayon sa pakig-uban, pakigtimbayayong, ug pagsuporta para makab-ot nato ang mga damgo alang sa kaayuhan sa mga lumulupyo dinhi sa atoang siyudad.

Sa atong pagsaulog sa ika-87th Araw ng Dabaw, nanghinaot ko nga ang tanan magmalipayon, madasigon, ug magmalaumon sa kanunayon ug hingpit nga kalinaw ug kalamboan alang sa tanan.

Mga kababayan, patuloy tayong maging MATATAG tungo sa pagtaguyod ng isang Bansang Makabata at mga Batang Makabansa.

Ang lahat ng ginagawa natin ay para sa Diyos, sa Bayan, at sa Pamilyang Pilipino.

Shukran.

Sara Z. Duterte Vice President of the Philippines Secretary of the Department of Education