Mga kababayan,

Sa kulminasyon ng National Reservist Week, nais nating bigyang-diin ang mahalagang papel ninyong mga Filipino reservist sa ating bansa.

Sa panahon ng banta ng terorismo at mga krisis, ang inyong kahandaan, dedikasyon, at mga sakripisyo ay nagbibigay ng seguridad at kapayapaan sa ating mga komunidad.

Ang inyong tapang at kahandaang magsilbi sa bayan ay mahalaga sa pagpapalakas ng ating pambansang seguridad.

Ang inyong buhay ay magandang halimbawa ng mga Pilipinong tunay na nagmamahal sa kapwa at nagsisilbi sa bansa na may dangal, paninindigan, at tunay na katapangan.

Mabuhay ang ating mga reservist! Mabuhay ang Pilipinas!

SARA Z. DUTERTE Vice President of the Philippines