Mabuhay ug Madayaw!

Ang Kadayawan Festival dili lamang selebrasyon sa kagarbo sa atong dakbayan apan selebrasyon sab kini sa padayon nato nga pagsaulog sa gugma, panaghiusa, ug kalinaw sa onse ka mga tribo sa Davao City — ang tribong Ata, Bagobo, Bagobo-Tagabawa, Bagobo-Klata, Matigsalug, Obo-Manuvu, Bangsa Maranao, Tausug, Kagan, Maguindanaon, Sama, ug Iranun.

Tinubdan sa Kadayawan ang atong kasaysayan ug ang atong mga damgo, paningkamot, kadaugan, ug padayon nga kadasig, kaisog, ug kusog isip usa ka komunidad. Sa Kadayawan, atong ginasaulog nga kitang tanan usa ra ug sa kanunay kitang tanan nagkahiusa.

We built Davao City from the foundations of our past and the strength of each and every Dabawenyo who, despite the diversity of cultures and traditions, would overcome adversities alongside each other — bonded by faith, by unbroken sense of community, and the shared values that constantly remind us about the life that we nurture as one people.

Magsadya kita isip pasalamat sa Labaw nga Makagagahom sa tanang gasa nga atong nadawat sa tibuok tuig.

Padayon ta nga magtinabangay sa pagkab-ot sa kalambuan ug hinaot nga padayon kita sa pagpuyo nga malinawon uban sa kalipay, pagrespeto, ug gugma, taliwala sa atong mga kalahian.

Malipayong pagsaulog sa ika-39 nga Kadayawan Festival, Dabawenyos!

Magsadya kita!

SARA Z. DUTERTE Vice President of the Philippines