This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Kabalikat Youth Christmas Party

    Speech at the Kabalikat Youth Christmas Party

    delivered 19 December 2017

    Sa inyong lahat, welcome sa Tanggapan ng Pangalawang Pangulo.

    Kanina pinapakinggan ko kayo at natutuwa ako na iyong grasp ninyo doon sa tinuro, kung ano ang leader, malalim. Hindi lang siya minemorize, pero naiintindihan ninyo kung anong gustong sabihin ng effective, ethical at empowering leadership.

    At iyon ang pinakasadya kung bakit binuo natin ang programang ito. Iyong mga taga-Baseco, matagal na naming nakatrabaho. Noong dati, wala pa ako sa pulitika, nasa isang NGO ako ng mga abogado, ng SALIGAN. Isa kami sa mga tumutulong sa mga taga-Baseco. At iyong asawa ko, noong nabubuhay pa—alam siguro ito ni Ate Jo—mahal na mahal niya ang Baseco.

    Kaya noong namatay siya, isa sa mga una kong binisita—kasi nakatira ako sa Bicol—unang-unang binisita ko rito, iyong Baseco. Sina Kuya Jorgy, sina Ma’am Alice, sinamahan ako. Siguro nakatatlo o apat na…beses na akong pumunta, at mayroon akong nakitang kakaiba sa Baseco. Kasi napakarami naman ng urban poor communities. Siguro alam niyo naman iyon.

    Ang daming urban poor communities, pero ang kakaiba sa Baseco, kahit malaki pa ang problema, empowered ang leaders. Iyong mga leaders, magulang niyo rin. Pero ito ang mga klase ng leaders na hindi lang basta tinatanggap kung ano ang dumarating sa kanila, pero mayroon silang lakas ng loob at self-confidence—sinabi niyo iyon kanina—na ipaglaban kung ano ang pakiramdam [nila] na tama. At iyon ang gusto nating klaseng leaders.

    Maraming mga leaders sa community natin. Manood lang kayo ng TV, marami ka nang makikitang pulitiko. Mapapanood mo sila. Puwede mo nang isipin, sa mga mapapanood ko, sino ba ang gusto kong tularan? At tingin ko, kayo, hindi ninyo kailangan maghanap sa malayo, kasi iyong mga leaders sa Baseco ay ilan sa mga kilala kong talagang hinahangaan. At gusto namin, kahit na hinahangaan na namin ang mga magulang ninyo, hinahangaan namin ang mga leaders ninyo, parang gusto natin, mas maging mahusay kayo kaysa sa kanila. Ganoon naman kaming mga magulang—kahit ako. Mayroon akong tatlong babaeng anak. Pero ang pinakapangarap ko, mas maging mahusay ang mga anak ko sa amin. Kasi, parating sinasabi, ang pag-asa ng ating bayan ay nasa sa inyo. Kaya sa tingin ko, obligasyon namin na siguraduhin na bigyan kayo ng pagkakataon na maging mahusay.

    Unang-una, iba’t iba iyong mga communities na ginagalawan natin. Mayroong mga communities na, dahil siguro sa mga halimbawang pinakita ng mga nakakatanda sa kanila, marami ang mga naeengganyo na, imbis na… Kasi iyong buhay naman parating dalawang daan iyon, di ba? Iyong isang daan, iyon ang daan na mas masaya pero mas mahirap, pero iyon ang tama. Mayroon namang daan na mas madali, siguro mas kaunti ang pagdadaanan na kahirapan, pero iyon ang hindi tama. Parating ganoon. At kapag hindi naaalagaan ng mga nakakatanda, maraming mga kabataan na mas gusto doon sa mas madali. Mas gusto doon sa mas masaya. Mas gusto doon sa walang masyadong pinagpapaguran. Pero pag inalagaan ng mga nakakatanda, marami ang namumulat na maaga pa, na sasabihin: dito ako. Kasi kahit marami ditong sakripisyo, kahit mas mahirap ang daan na ito, ito ang tama. Ito ang magbibigay ng kaginhawaan sa mas nakakaraming tao.

    At kanina, pinapakinggan ko kayo. Parang mayroon na kayong awareness doon. At tingin ko, ang awareness na iyon, hindi lang dahil sa training dito. Hindi lang dahil sa youth camp na ito. Siguro ito lang iyong pumukaw. Pero iyong halimbawa ninyo kasi, nakikita niyo na sa araw-araw.

    Kaya ang sa akin lang, masaya ako na naiintindihan ninyo. Masaya ako na mayroong pagnanais na hindi lang maging ethical saka effective, kundi mayroon ring empowering. Parang mayroong desire na mas marami pa ang mahikayat. Ito, hindi naman ito nagtatapos ngayon. Patuloy na programa siya. Ang gusto natin, mag-isip kayo ng programa. Iyong mga modules kasi, kami ang nag-isip, di ba? Pero baka ngayon, ito na iyong oras na kayo naman ang mag-isip. Ano ba sa palagay ninyo ang puwede ninyong gawin na proyekto na mas lalo kayong mahuhubog, mas lalo kayong makaka-engganyo, mas lalo kayong mahuhubog na maging ethical, effective and empowering. Kasi sayang iyong naitanim. Hindi lahat nabibigyan ng ganitong pagkakataon, at kayo ang mga nabigyan ng pagkakataon. Kayo ang inaasahan. Kayo ang inaasahan na magpapatubo ng ipinunla.

    Nag-usap kami actually ni Jules kahapon. Pinag-usapan namin ang programa ninyo. Sinabi ko iyon sa kaniya, na paisipin natin sila [kayo] ng proyekto na susuportahan natin. Proyekto ninyo, pero kami ang susuporta. Pero kami, mas supervision. Pero ang pag-iisip, iyong proyekto kung paano kayo lalong huhusay, pero papaano na pinapahusay ninyo ang sarili ninyo pero nakakatulong kayo sa iba.

    Mahalaga sa amin na humusay kayo kasi kayo ang aasahan namin in the future. Kami, patapos na kami. Malapit na kami mag-graduate. Pero iyong kinabukasan, kayo iyon. At ang kinabukasan ng Baseco, nasa sa inyo iyon. Kasi ang laban doon, pangmatagalan. Hindi ito iyong pagkatapos lang ng isang taon, tapos na ang laban. Alam niyo iyon. Pero pag mahusay ang henerasyon ninyo, nandoon ang pag-asa ng Baseco. At doon namin gustong makatulong.

    Kaya iyong sa amin lang, pinapakinggan ko kanina. Iyong iba sa inyo, natuwa na nagkaroon kayo ng mga interactions sa ibang lugar, umikot kayo sa ibang lugar. Sa tingin ko kailangan lang ninyo iyon ipagpatuloy. Siguro magkaroon rin [kayo] ng mga links sa iba’t ibang organisasyon para mas marami kayong makilala. Natutuwa ako, si John yata ang nagsabi kanina, na dati, mahiyain ka, parang ngayon, kulang na lang, sabihin mo, “Walang hiya na ako.”

    Alam niyo, doon sa lugar namin, marami akong mga kaibigan na mga 4Ps, na mga parent-leaders, na dating sobrang mahiyain, pero ngayon, talo na kaming magsalita. At tingin ko, kayo, kapag mabigyan kayo ng mas maraming pagkakataon… Bakit kayo humusay magsalita? Kasi nagkakaroon kayo ng confidence. Kaya lang naman tayo sasabihin na, wala namang mahinang magsalita. Lahat naman tayo pare-pareho iyong husay magsalita, pero ang nakakapigil lang, kasi nahihiya. Pero oras na naniniwala na sa sarili, mawawala na ang hiya, at iyon ang gusto natin. Gusto natin madiskubre ang mga talents ninyo, at mabigyan kayo ng pagkakataon kung paanong mas maeenhance ang talents ninyo.

    Halimbawa, mayroon dito mahusay kumanta. Papaano ba namin matutulungan na mas lalong humusay? May mga mahusay sumayaw, paano namin maeexpose na mas maraming pagkakataon na makasali. Mayroong mahusay sa arts. Ito, kaya ko ito sinasabi, kasi ito ang gusto nating maging follow through, continuing na programa.

    Pero ito, nagpapasalamat tayo sa mga facilitators ninyo. Nandito ang mga taga-Kaya Natin, nandito ang mga taga-UPA. Ito ang mga hanggang sa katapusan ng programa ay umaalalay sa inyo. Pero dahil isang taon na rin kayo, dapat paunti-unti, kayo na ang nagdidisenyo ng programa.

    Kaya iyon siguro ang pinakachallenge ngayon: Tingin niyo ba, ano ang mga puwedeng gawin na programa para masagutan ang mga gusto niyo pang mangyari sa sarili ninyo. Kasi tingin ko, siguro may mga kaibigan tayo na kaedad natin, kaibigan natin sa paaralan, na paminsan, napapariwara. Pero kapag nakikita na itong ginagawa ninyo, nakakabuti pala, malay ninyo, maeengganyo siya?

    Iyon ang aming pangarap para sa sarili natin. Ang pag-asikaso sa Baseco ngayon, nandoon kina Ate Jocelyn, kina Kuya Georgie. Pero kapag inaasikaso ninyo ang sarili ninyo sa ganitong paraan, mas mapapadali ninyo ang trabaho nila. Kaya iyon ang ating target ngayon.

    Mayroong mga kaunting regalo para sa inyo, pero mamaya pa iyan. Mamaya, ididistribute nila. Pero ngayon, kailangan ko kasing pumunta ng Muntinlupa. Pero ngayon, gusto naming ipakita sa inyo ang loob ng opisina. Magpicture taking tayo, pagkatapos, ipapasyal kayo sa loob ng opisina, at kikuwentuhan kayo ng aming staff. Si Macky, kikuwentuhan kayo ng kasaysayan [ng aming opisina]. Ito, siguro later on, puwede rin kayong ipasyal sa National Museum, sa Museong Pambata, sa Ateneo, sa UP. Ngayon, nandito kayo sa Office of the Vice President, siguro puwede rin na pagbalik ng Kongreso sa January, doon kayo sa Senado o sa House of Represnetatives. Kung papayagan tayo, pumunta sa Malacañang.

    Ito ang nagpapalawak ng kaisipan natin. Iyong paglawak ng isip, ito ang nakakatulong para mas maging mahusay tayo. Kaya ito, gusto naming alalayan kayo pagdating sa ganyan. Ngayon, sana pag-explain ni Macky, makinig, para kayo na rin ang magtuturo sa iba. Ano ang trabaho ng pangalawang, na ito pala ang kasaysayan. Kaya ngayon, pasok muna tayo sa office, picture muna. Para pagkatapos ng picture, saka tayo magtutour sa loob ng opisina. Okay?

    Posted in Speeches on Dec 20, 2017