This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Interview with Vice President Leni Robredo at the Ugyon Pamatan-on! Leadership Summit

    Caticlan, Malay, Aklan

    REPORTER 1: So kanina, Vice President, you’ve mentioned about the TRAIN Law, at iyon nga, ang malaking epekto nito lalo na sa mga unemployed. Sinasabi niyo po na matagal na talagang delayed iyong pagbibigay ng financial assistance sa mga mahihirap?

    VP LENI: Marami tayong reklamo na natatanggap. Hindi ko alam iyong latest numbers, pero as of last month, parang, 7 million [families] pa lang ang nabibigyan. Ang target nito 10 million [families], eh. May 3 million pang hindi nakakatanggap.

    Pangalawa, parang unprecedented kasi iyong presyo, hindi din… parang hindi inaasahan. So iyong computation ng 10 million [families], iyong computation ng 200 [pesos] a month, baka hindi na iyon sapat. Kaya iyon iyong parati natin sanang hinihingi, i-revisit, i-revisit kung tama pa ba iyong 200 pesos.

    Kasi iyong problema talaga nito, totoong nakatulong iyong TRAIN Law sa ibang sektor ng lipunan, pero iyong pinakamahihirap iyong kaniyang natamaan. So iyong hinihingi lang naman sana natin, parang, immediate na saklolo, kasi sa mga medyo mayroon, magrereklamo lang sa presyo pero makakakain pa ng tatlong beses isang araw. Pero sa walang-wala, ang ano na talaga nito iyong pagkain na talaga, na hindi naman… ‘di ba, parang, basic na karapatang pantao iyon, na makakakain at least three times a day. Kaya iyong sa akin lang, sana bigyan ng, parang, importance iyong paghanap ng solusyon.

    REPORTER 1: Na mapabilis.

    VP LENI: Mapabilis, kasi pinag-uusapan na natin iyong problema pag-umpisa pa lang ng taon. November na ngayon, pareho pa rin iyong reklamo. So iyong sa atin lang, iyong pakiusap lang sana natin bilis-bilisan.

    REPORTER 1: Vice President, wala po ba kayong plans na mag-side trip doon sa Boracay to visit after na na-rehabilitate ito?

    VP LENI: Iyong interes sana namin—pinag-uusapan nga namin nina Kap, saka ng SK, iyong interes sana namin matingnan kung paano namin matutulungan iyong mga na-displace. Happy naman tayo na na-rehabilitate iyong Boracay. Palagay natin talagang napapanahon na. Kailangan talaga iyong ayusin. Pero sana hindi rin nakakalimutan iyong mga natatamaan, kasi itong mga natamaan. Kasi iyon nga, ang sabi ng mga tagarito, walang wala na. Ito din iyong mga hanapbuhay na sa Boracay talaga. So ngayon ine-explore natin kung paano tayo makakatulong sa kanila. Wala naman kaming masyadong pondo, pero mayroon naman kaming partners na naaasahan, na baka puwedeng magdala ng tulong.

    Pagkatapos nito kasi, pupunta ako ng Batan. Sa Batan mayroong okasyon iyong RIC, iyong Rural Improvement Club, ngayon ring hapon. Medyo malayo iyong ride, eh, kaya siguro pupunta tayo sa Boracay kapag bakasyon saka kapag kasama na iyong mga anak. Ngayon, trabaho muna.

    REPORTER 1: Ano po iyong naisip niyo na programs na sa tingin niyo po ay puwede sa mga naapektuhang residente sa Boracay?

    VP LENI: Ito kasi, siyempre depende iyan sa skills nila saka sa resources available. In fact, kanina, nagkukuwento si Kap na maraming nawalan ng hanapbuhay—iyong mga tour guides kasi pinagbawal na; iyong mga may-ari ng paraw, kasi parang dati 150 sila, 50 na lang iyong nakakabiyahe each time, so kailangan pa nilang maghintay ng ilang araw bago makabiyahe ulit. Iyong iba kasi sa kanila, parang, hard-earned talaga iyong in-invest dito. So magpapadala kami ng team para magkaroon ng meeting with them, tatanungin kung ano—kasi hindi mo naman mai-impose kung anong negosyo—kung ano iyong puwede nilang gawin, tapos tutulong kami. Siguro within the month magpapadala kami ng team. Kasi actually nandito na kami three months ago. Nandito na kami three months ago para gawin iyon, pero hindi kasi kami pinayagan at the time.

    REPORTER 1: Ah, hindi kayo pinapasok po?

    VP LENI: Hindi kami pinayagan. Mayroon yatang mga rules dati iyong inter-agency task force. Pero ngayon na bukas na iyong Boracay, baka ano na, baka mas buwelo na.

    Iyong three months ago, ang sadya sana namin, habang nakasara pa siya, at least mayroon nang pangsumpay sa buhay, ‘di ba? Kaya lang ngayong… hindi natuloy noon, nandito na iyong team namin noon, papabalikin ulit namin.

    REPORTER 1: So iyong team niyo from the Vice President’s office, iyon iyong hindi nakapasok po?

    VP LENI: Oo, hindi nakapasok. Hindi sila nakapasok. Iyon iyong height yata ng rehabilitation. Baka hindi nagkaintindihan, kasi iyong sadya sana namin hanapin iyong mga natamaan, hanapin iyong mga natamaan para malaman kung paano matutulungan. Pero ngayon, hindi pa naman siguro huli, kasi lahat naman ngayon nagsasakripisyo pa iyong mga hindi pa na-a-accommodate. Nag-a-appeal naman daw iyong iba na ma-reconsider. Pero siguro mabuti na din na makaisip na sila ng alternative means of livelihood. Ano naman iyon, eh… ang pinaka-kuwestiyon naman, tama naman iyong rehabilitation, kailangan lang talagang asikasuhin iyong mga naapektuhan. Iyon iyong gagawin namin.

    REPORTER 1: So Vice President, I believe you will visit Roxas, Capiz po bukas.

    VP LENI: Yes. Bukas kasi may event kami doon, iyong Istorya ng Pag-asa. Iyon iyong regular program ng Office of the Vice President. Morning kami sa Roxas City, afternoon kami sa Iloilo. Parehong event, Istorya ng Pag-asa. Pero ito, from here, diretso kami sa Batan for the event ng Rural Improvement Club.

    REPORTER 2: Ma’am, Yolanda anniversary po ngayon. Any update po sa mga housing projects po?

    VP LENI: Actually wala na akong update. Wala na akong update kasi hindi na ako bahagi ng HUDCC. Hindi na din kami nakakakuha ng updates regularly. Paminsan, kapag mayroong tagaloob na natatanungan, mayroon.

    Pero iyong sa akin kasi, iyong pag-alis ko sa HUDCC, iyong inaasikaso ko noon, nandiyan naman iyong pera. Hindi totoo na wala iyong pera. Nandiyan iyong pera for housing. Iyong aking proposal sana noon, i-download na doon sa mga LGUs na may capacity na mag-build ng mga pabahay. Kasi kung masyadong centralized iyong pag-asikaso, sobrang tagal. Maraming mga proseso na dati nakakasagabal na naasikaso na namin. Maraming—Pumasok na kami sa isang MOA para iyong haba ng proseso mabawasan na. Pero mukhang hindi din napakinabangan iyong ginawa namin kasi iba ulit iyong track na ginawa.

    Iyong sa akin lang, again, urgent iyong housing ng Yolanda. Iyong pinaka-nakakasagabal talaga sa kaniya iyong bureaucratic red tape, na sinubukan naming ayusin. Ako lang, iyong sa akin, sana mapakinabangan iyong ginawa, saka sana i-explore nang muli iyong pag-download. Kasi before I left, iyong napagdesisyunan nang da-download-an iyong Palawan, na na-download na nga sa Palawan. Pero nag-usap na kami ng mga governors, nag-signify na iyong may capacity. Mayroong isa o dalawa na nagsabi na wala silang capacity, pero the rest nagsabi na mayroon silang capacity to do that. Ako, sa akin, basta in place lang iyong checks and balances, mas maiging i-decentralize na iyong pera kasi iyon iyong makakabilis.

    REPORTER 2: Last na po: Ma’am, ano po iyong comment natin na magbibigay si President Duterte ng mga lupa sa mga katutubong Ati sa Boracay?

    VP LENI: Mabuti naman iyon. Mabuti naman iyon, kasi hindi lang iyong mga Ati, pero marami pang ibang mga grupo ng mga katutubo all over the country na ito talaga iyong pinakaaasam nila. So sa akin, mabuti naman na finally maasikaso na, sa pagbigay ng CLOA iyong mga Ati. Iyong sa atin lang na, parang, pinapakiusap, huwag sanang kalimutan iyong mga na-displace, iyong mga na-displace na iyong hanapbuhay nasa Boracay. Ngayon bukas na iyong Boracay, akala ko nga wala nang problema, pero ang report dito, parang hindi na na-accommodate lahat na dati doon nagtatrabaho. So sana, sana magkaroon ng programa, na gawan ng paraan na iyong hindi na ma-a-accommodate, makahanap ng alternative means of livelihood sa tulong ng pamahalaan. Kami, tutulong kami, pero ang dami kasing limitasyon ng opisina namin, kasi wala naman kaming masyadong pondo. So dependent din kami sa private sector help. Pero sana, halimbawa DSWD, magkaroon hindi lang pagbigay ng pansamantala, pero pag-aralan talaga paano sila makakahanap ng alternative means of livelihood. Very promising naman iyong Boracay kasi ang daming turista, so kung hindi puwedeng tour guide, ano ba iyong puwede? Iyong sa akin, kailangan seryosohin, kasi nagkukuwento nga sila na apektado pati pag-aaral ng mga anak, kasi na-timing iyong closure—April iyong closure, Kap, ano?—April iyong closure, pasukan ng June, maraming naapektuhan na hindi naasikaso iyong pag-enrol ng mga anak. Kasi ito iyong mga araw na, parang, araw-araw, day-to-day iyong pag-asa sa kita nila. So iyon iyong panawagan natin, sana sa lalong madaling panahon maasikaso, kasi kawawa naman din.

    OVP: Okay, thank you, Madam Vice President.

    REPORTERS: Thank you, Ma’am!

    VP LENI: Salamat sa inyo!

    – 30 –

    Posted in Transcripts on Nov 07, 2018