This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Interview with OVP spokesperson Atty. Barry Gutierrez DZBB — W Dobol Team (Hosts: Rowena Salvacion, Weng dela Peña)

    Interview with OVP spokesperson Atty. Barry Gutierrez DZBB — W Dobol Team (Hosts: Rowena Salvacion, Weng dela Peña)

    ROWENA SALVACION: Ito na, nasa linya na po natin si Atty. Barry Gutierrez, spokesperson ni Vice President Leni Robredo. Atty. Barry, magandang hapon! Kami po si Weng at Weng.

    ATTY. BARRY GUTIERREZ: Magandang hapon, Weng, at magandang hapon din, Weng!

    ROWENA SALVACION: Attorney, unang una, reaction doon sa challenge ni Secretary Roque for a debate kay Vice President Leni?

    ATTY. BARRY GUTIERREZ: Naku naman. Ang lakas din ng loob nilang manghamon, eh iyong una ngang hamon ni Presidente inatrasan nila, so ang hirap naman niyan. Sa dulo, klarong klaro, ‘di ba, isang debate lang ang pinag-uusapan natin dito: iyong unang debate na hinamon ni Pangulong Duterte si Justice Carpio. Noong umatras siya doon, kung anu-anong debate ang pinipilit nilang iimbento—Harry Roque laban kay Justice Carpio, Sal Panelo laban kay Justice Carpio. Ngayon naman, Harry Roque kay VP Leni. Eh hindi iyan ang usapan. Ang tutok dapat natin dito, iyong unang hamon ni Pangulong Duterte na kaniyang inatrasan. Hindi namin papatulan iyan hangga’t hindi— Malinaw na iniiba lang nila iyong usapan.

    WENG DELA PEÑA: Ayaw ba ni Vice President sa debate kaharap si spokesperson Roque?

    ATTY. BARRY GUTIERREZ: Una, bakit naman niya dedebatehin si Secretary Roque? Naku naman. [chuckles] Una, naka-focus si VP Leni ngayon sa trabahong ginagawa ng opisina namin para dito sa COVID, iyong Bayanihan E-Konsulta, so wala siyang oras para sa ganiyang mga palabas. Pangalawa, bakit naman niya papatulan si Secretary Roque, ‘di ba, eh klarong klaro naman dito na si Secretary Roque pinipilit na ibahin iyong usapan.

    WENG DELA PEÑA: Pero kung naalarma ang Bise Presidente, hindi ba willing dapat ang sinuman na naalarma na humarap kung anong dapat na pag-usapan, nang sa gayon ay maliwanagan ang taumbayan?

     

    ATTY. BARRY GUTIERREZ: Naaalarma si VP Leni doon sa sinabi ni Pangulong Duterte. Si Pangulong Duterte ba ang gustong kumausap kay VP Leni? Kasi kung oo, handa siyang humarap.

     

    ROWENA SALVACION: Kung si Presidente Duterte?

     

    ATTY. BARRY GUTIERREZ: Eh ang binigkas ni Presidente Duterte ang sinabi ni VP Leni na nakakabahala para sa kaniya—na bilang pangulo ng ating bansa, ikaw ang unang magsasabi na nasakop na ng Tsina, o nasa possession na ng China, ang West Philippine Sea? Ikaw ang unang magsasabi na kapirasong papel lang ang ating naipanalong victory doon sa arbitral tribunal noong 2016 at puwedeng itapon ito sa basura? Parang hindi yata magandang pakinggan. At iyong punto ni VP Leni doon sa kaniyang sinabi noong Linggo sa kaniyang programa ay mayroong mga implikasyon ito, na lagpas sa magiging termino niya at ni Pangulong Duterte na matatapos sa 2022. So iyon iyong isyu na gusto niyang tutukan. Hindi siya naghahamon sa debate. Ang kaniyang kinokomentuhan ay ang sinabi ni Pangulong Duterte. So walang kinalaman si Harry Roque dito. At ang klaro sa amin, malinaw na malinaw sa amin, iyang hamon na iyan ay hindi naman ito isang honest-to-goodness effort para maliwanagan ang taumbayan, kundi para muling ilihis ang usapan doon sa hamon ni Pangulong Duterte kay Justice Carpio—na inurungan niya, na inatrasan niya.

     

    ROWENA SALVACION: Or better yet, bakit tayo dadaan sa debate? Kasi kapag debate, parang may antagonistic na... may protagonist—may bida, may kontrabida. Bakit hindi dialogue, Attorney?

     

    ATTY. BARRY GUTIERREZ: Tama naman rin iyon. In fact, sinabi na ni VP Leni iyan: na isa sa kaniyang ikinalulungkot dito sa buong isyu na ito ay imbes na ang ating tutukan ay iyong Tsina na siyang nanghihimasok at nang-aagaw ng ating mga karagatan sa kasalukuyan ay parang tayo pa iyong nagtuturuan, ‘di ba? Kaya nga nakakagulat lang na imbes na tugunan iyong mga sinabi na ng maraming mga tao—kasama na dito si Justice Carpio, si dating Ambassador Del Rosario, si VP Leni, kung sino-sino pang mga eksperto—na maging maingat tayo doon sa ating binibigkas, iyong pinapakawalan nating mga salita tungkol sa West Philippine Sea. Lalo tayong magmatapang sa ating posisyon sa Tsina. Bakit hindi iyon ang tugunan, at hindi iyong hahamunin mo sa debate o sa isang—o aawayin mo iyong mga taong may ganoong pananaw? Ang habol lang naman ng mga taong ito, maging mas matibay ang ating pagtindig sa pagdepensa sa ating teritoryo, sa ating karapatan.

     

    ROWENA SALVACION: Pero, Attorney, doon sa problema natin dito sa West Philippine Sea, anong tingin ni Vice President Leni Robredo? Paano siya mare-resolve kung sinasabing iyong award na nakuha natin sa tribunal ay hindi siya nagtatakda kung papaano tatapusin ang problema natin sa China, doon sa pagkamkam ng teritoryo natin sa West Philippine Sea?

     

    ATTY. BARRY GUTIERREZ: Ang unang susi talaga is consistency. Kailangan sa bawat pagkilos natin, sa bawat salita na binibigkas, lalo na ng ating mga lider at mga opisyal, klaro na tinitindigan natin at tinataguyod natin iyong ating karapatan na kinilala doon sa arbitral decision. Ibig sabihin, bawat bigkas natin, sasabihin natin “Atin ang West Philippine Sea. Iyong panalong iyon, tinaguyod iyong ating karapatan sa lugar na iyan. Hindi iyong parang tayo mismo hindi tayo sigurado kung atin iyan o hindi. Iyon ang nakakabahala dito eh: opisyal ng Pilipinas ang nagsasalita, pero parang siya mismo hindi sigurado kung malinaw ba na tayo ang may karapatan dito o hindi. Eh ibang bansa nga eh iniinvoke iyong desisyon ng arbitral tribunal dito para labanan ang panghihimasok at pagkakamkam ng Tsina dito sa lugar na ito. So consistency iyong unang ano dito.

     

    Pangalawa, dapat nakikipag-usap na tayo sa mga ibang bansa na handa naman na suportahan iyong ating claims dito, na handa naman kilalanin iyong desisyon ng arbitral tribunal. Pero bakit parang hindi natin ginagawa iyon? Parang ang pinapalabas natin dito ay— Ang pinapalabas ng ibang mga opisyal natin ay ang dalawang choices lang natin ay either giyerahin natin ang Tsina para maitaguyod natin ang ating karapatan o tumiklop tayo, tayo mismo ang magtapon doon sa naipanalo natin. Hindi iyon eh. Ang dami dami nang nagbigay ng payo, ang dami nang nagbigay ng roadmap kung ano ang steps, ano iyong mga hakbang na puwede nating gawin para maipaglaban natin, maitaguyod natin iyong karapatan natin dito, nang hindi tayo pumapasok sa giyera o kaguluhan.

     

    WENG DELA PEÑA: Okay, Attorney, iyon lang... ito lang: kasi may mga nagtatanong, hanggang ngayon hindi klaro. Iyong mga nabanggit n’yo ho, nandiyan na, paulit-ulit naririnig na natin iyong mga suhestiyon. Pero paano ba natin kukunin iyong award na iyan, na hindi mo alam kung paano ike-claim? Pero panalo ka, iyon ang sinasabi.

     

    ATTY. BARRY GUTIERREZ: Unang una, kailangan mag-make tayo ng distinction doon sa physical occupation saka doon sa legal claim. Parang ganito iyan eh... Parang ganito: ninakawan ka ng gamit. Sabihin mo cellphone mo ninakaw, ‘di ba. Maaaring hindi mo mababawi kaagad kasi nakakatakot iyong tao na nagnakaw, may baril siya, ikaw wala, etc. Pero kung sa kabila no’n tinanggap mo na, “Sa’yo na iyan,” ‘di ba, eh ‘di walang krimen, hindi na mali iyong nagawa. Ang importante dito, nireport mo sa pulis, magsampa ka ng kaso—

     

    WENG DELA PEÑA: Saan po tayo magrereport, Attorney?

     

    ATTY. BARRY GUTIERREZ: —lalo mong itulak ang iyong karapatan, na iyo iyan. Hindi mo tatanggapin na inaagaw na sa’yo. Iyon ang sinasabi natin dito.

     

    WENG DELA PEÑA: So saan po tayo magrereport? Iyon ang tanong eh. Saan tayo... saan natin ilalapit, ipapakita iyang award na iyan, nang tayo ay babackupan? Kasi ang mayroon ngayon, puro Twitter statement ng mga bansa, US, ‘di ba? Pero hindi naman pinapansin eh.

     

    ROWENA SALVACION: Iyong kongkretong hakbang. Paano iyong kongkretong hakbang na kailangan natin dito, Attorney? Para talagang masabing “Amin ito at kailangan namin pangatawanan at bigyan ng laman iyong sinasabi naming amin ang teritoryong ito”?

     

    ATTY. BARRY GUTIERREZ: Totoo iyon. [technical lag] Iyong pagbibigkas— [technical lag]

     

    WENG DELA PEÑA: Napuputol-putol. Attorney, saglit lang ha. Ayusin lang natin.

     

    ROWENA SALVACION: I-redial natin si Atty. Barry Gutierrez. Siya po ang tagapagsalita ni Vice President Leni Robredo.

     

    WENG DELA PEÑA: May nagtext dito: “Baka puwedeng spokesman to spokesman na lang?”

     

    ROWENA SALVACION: Puwede. [laughter]

     

    WENG DELA PEÑA: Spokesman to spokesman—kayo ha, ginagatungan n’yo.

     

    ROWENA SALVACION: Kasi nga naman, sinasabi na iyong level ni Presidente hindi puwede kay Carpio. Eh tapos ang sabi naman ng isa, bakit makikipagdebate si VP Leni kay Secretary Roque? O eh ‘di spox to spox.

     

    WENG DELA PEÑA: Spox to spox na lang kaya?

     

    ROWENA SALVACION: Puwede.

     

    WENG DELA PEÑA: Sandali lang ha.

     

    ROWENA SALVACION: Redialing na for Atty. Barry... Mukhang nagkakaproblema na naman tayo sa line.

     

    WENG DELA PEÑA: Iyong tanong nga natin, Weng, paano ba natin— Okay, sige. Attorney? Attorney? Okay na... Atty. Barry?

     

    ROWENA SALVACION: Atty. Barry?

     

    ATTY. BARRY GUTIERREZ: Hello? Hello?

     

    ROWENA SALVACION: Ayan.

     

    ATTY. BARRY GUTIERREZ: Hello, mukhang naputol tayo. Narinig yata ng Tsina iyong sinasabi natin. [laughs]

     

    ROWENA SALVACION: Opo, sorry, sir. Go ahead.

     

    A: Gaya nga ng sinasabi ko, sa ilalim ng international law, iyong paulit-ulit lang na pagsabi na “Tayo ang may karapatan diyan”, na tayo ang may-ari niyan, hakbang iyon. Malinaw na hakbang iyon sa pag-assert ng iyong ginagawa.  Ang international law, batay iyan sa pagkilos ng mga iba’t ibang estado eh.

     

    Kapag tayo consistently iyon ang sinasabi natin, at naghahanap tayo ng mga ibang kakampi, tulad ng US, Australia, India, ASEAN, etc., na kikilalanin iyon, na sasabihin, “Tama, pasok sa EEZ ng Pilipinas iyang karagatan na iyan at mga resources diyan”— [technical lag]

     

    WENG DELA PEÑA: Okay, Attorney?

     

    ROWENA SALVACION: Grabe naman! Pakisabi kay Attorney kaunting kembot pakanan. [laughs]  Kanina sa bandang kaliwa... Gusto kong sundutin iyong tanong mo kanina, saan magrereport? Ako naman, kasi paulit-ulit tayo sa problema na o sige nga, hindi nga natin naeenforce nang todo itong arbitral award, ‘di ba? So kung tayo ay magpipilit na i-enforce ito, paano natin gagawin?

     

    WENG DELA PEÑA: Oo, para matapos na. Kasi—

     

    ROWENA SALVACION: Oo, hindi puwedeng inuurat tayo ng China tapos magsasalita iyong mga kaalyado nating bansa pero hanggang doon lang.

     

    WENG DELA PEÑA: Hindi kinikilala ng China, eh, oo.

     

    ROWENA SALVACION: Oo, paano natin siya magagawang ipakilala sa China na mayroon decision ang isang world body—sige, Atty. Barry.

     

    WENG DELA PEÑA: Siguro okay na ito. Tuloy-tuloy na. Okay, sige sige.

     

    ROWENA SALVACION: Naka-Viber. Remote 2. Ayan. Atty. Barry.

     

    ATTY. BARRY GUTIERREZ: Hello!

     

    ROWENA SALVACION: Para maiklian iyong usapan: mayroon po tayong award, hindi kinikilala ng China, eh. Papaano natin magagawa na ang China eh ipakilala iyong award kasi nandoon—

     

    ATTY. BARRY GUTIERREZ: Wala kang magagawa sa China. Pero ang magagawa mo, kung iyong ibang mga bansa, kung ang buong mundo kikilalanin iyong mga award, hindi magiging legitimate kailanman iyong paghawak ng China sa lugar na iyan. At kapag umabot sa punto na mayroon na tayong sapat na lakas, mayroon na tayong sapat na—hello?

     

    ROWENA SALVACION: Yes, yes. Go ahead po.

     

    WENG DELA PEÑA: May gumagamit ba?

     

    ROWENA SALVACION: Attorney?

     

    WENG DELA PEÑA: Napuputol, ano.

     

    ROWENA SALVACION: Ayan naririnig ko si Atty. Barry.

     

    WENG DELA PEÑA: Wala, nalulubog ho siya sa signal.

     

    ROWENA SALVACION: Go ahead po.

     

    WENG DELA PEÑA: Sige po, Attorney. Okay na, klaro na.

     

    ATTY. BARRY GUTIERREZ: Gaya nga ng sinasabi ko, wala tayong magagawa doon sa Tsina mismo, eh. Magmamatigas sila nang magmamatigas, eh ‘di magmamatigas sila. Pero ang importante dito, makakuha tayo ng mas maraming kakampi, makakuha tayo ng mas maraming mga bansa, at kung buong mundo sinusuportahan iyong ating karapatan, ang ating claim diyan sa lugar na iyan at binabasura at winawalis iyong claim ng Tsina, ‘di ba, kailanman, kahit na mayroon silang physical possession noong ibang mga lugar diyan, hindi iyon magiging legitimate, ‘di ba. Maghihintay tayo ng panahon na mayroon na tayong sapat na lakas, mayroon na tayong mga kaalyansa na puwede silang directly ma-pressure para bitawan iyon. Ang ayaw natin mangyari ngayon, mayroon silang mga hawak na lugar diyan tapos tayo mismo ang magsasabi na, “ay, hindi, kanila na iyan. Hindi na natin”—kumbaga, “binibitawan na namin iyong aming karapatan namin diyan. Sa kanila na kasi iyan, eh, kasi papel lang naman ito, eh.” Iyon naman ang ayaw nating mangyari. Kasi kapag nangyari iyon, maski pa mag-iba ang ihip ng hangin sa darating na mga taon, ‘di ba at hihina ang hawak ng Tsina diyan, hihina na rin iyong ating legal claims.

     

    WENG DELA PEÑA: Ito, may nagreact, iyong award ba na iyan nakasulat diyan na kailangan nating umikot sa lahat ng bansa para suportahan tayo sa—

     

    ROWENA SALVACION: Para humingi ng suporta.

     

    WENG DELA PEÑA: Nakasulat ba iyon doon sa award na binigay sa atin?

     

    ATTY. BARRY GUTIERREZ: Ang nakalagay doon sa award na iyon ay kinikilala iyong ating mga rights over iyong mga lugar na iyan. Ibig sabihin, bahagi iyang dagat na iyan sa EEZ at pasok iyan doon sa mga karapatan natin bilang holder noong—[technical lag] banggitin doon na ganito ang gawin mo para i-assert iyon, eh. Nasa sa atin na iyon, doon na papasok ang diplomasya, doon na papasok ang governance, doon na papasok ang leadership, ‘di ba.

     

    WENG DELA PEÑA: Okay, diplomasya nabanggit niyo. Iyon iyong paraan na ginagawa ng gobyerno—diplomasya.

     

    ATTY. BARRY GUTIERREZ: Oo, tama. Ang importante nga roon, sa pagdidiplomasya, hindi mo binibitawan ang iyong claim. Pero ang sinasabi kasi natin dito, kung mismong Presidente mo ang magsasabi na, “papel lang iyan, hindi iyan, walang bisa iyan.” Eh problema iyon. Kasi kung ako iyong China, ituturo ko iyon. Sasabihin ko, “eh mismong Presidente ng Pilipinas sinasabi wala raw ibig sabihin iyang award na iyan, eh. Eh tama pala iyong sinasabi namin.” Kaya kung titingnan niyo, napakaingat ng mga statements ng DFA tungkol dito. Ang sinasabi ng DFA, iyong lumabas noong 2016, iyon ang aming pinanghahawakan. Kaya kahit papaano, dapat nating pasalamatan iyong DFA, si Secretary Locsin dito dahil consistent iyong kanilang pagfa-file ng mga diplomatic protests, iyong kanilang pag-a-assert na atin ito, etc. Iyon ang kailangan, iyong consistency na iyon.

     

    ROWENA SALVACION: Ang problema lang, Atty. Barry, dito sa diplomatic protest na kahit linggo-linggo, araw-araw pina-file ng DFA base doon sa utos ni Secretary Locsin, dedma rin ang China, ‘di ba? Ayaw rin nilang—

     

    ATTY. BARRY GUTIERREZ: Totoo. Ang punto, maaaring hindi aatras ang Tsina ngayon pero ang importante, hindi nagiging lehitimo iyong pag-agaw ng Tsina. Ibig sabihin, habang tayo ay nagpo-protesta, eh skwater pa rin iyong Tsina sa lugar na iyan. Ang problema, kapag tumigil ka na sa pagprotesta, kapag tumigil ka na sa pagtutol doon sa kanilang panghihimasok, eh hindi na sila nang-agaw. Kanila na iyon, ‘di ba. Talagang na-legitimize na. At iyon ang iniiwasan natin dito.

     

    ROWENA SALVACION: Kapag hindi natin nagawan ng paraan—I don’t know kung naniniwala din po kayo roon—na magiging mas mahirap sa darating na administrasyon iyong pag-kambiyo, kung papaano mo ika-kambiyo iyong ating diplomatic thrust dito para mas mapalakas iyong ating pag-aangkin sa West Philippine Sea.

     

    ATTY. BARRY GUTIERREZ: Iyon ang punto ni VP Leni noong sinabi niya na lagpas itong isyu na ito sa termino niya at sa termino ni Pangulong Duterte. Kasi kung ano man ang gagawin ngayon, kung ano man ang mga salita na bibitawan ng mga kasalukuyang lider ng ating bansa, eh bibitbitin at papasanin iyan ng mga susunod na magiging lider. Iyan ang magiging problema kung mahina ang ating pagposisyon ngayon. Eh ‘di pinahihina din natin iyong ating posisyon sa darating na mga taon at sa susunod pang mga administrasyon.

     

    WENG DELA PEÑA: Okay, Attorney, ito, last two points lang, may nabanggit si dating Chief Justice Antonio Carpio noong 2018. Ito ay tapos na ha, two years after noong award sa atin. Na ang Pilipinas daw—nabanggit niya—hindi puwedeng i-invoke iyong sovereign rights sa Panatag o Scarborough Shoal since iyong 2016 decision ng PCA o permanent court of arbitration did not settle the dispute with China for lack of jurisdiction. Tapos sabi ni Carpio, the government should push for protocols with China on the Filipinos’ fishing activity in the contested area in the West Philippine Sea. Anong pagkakaintindi niyo ho doon?

     

    ATTY. BARRY GUTIERREZ: Hindi, ibig sabihin, limitado kasi iyong ating mga isinampa sa harap ng arbitral tribunal. Karamihan dito may kinalaman lang doon sa extent ng ating EEZ, ‘di ba, iyon iyong ating, iyon iyong main argument, eh. Kasi kung aalalahanin natin, ang kine-claim ng China dito hindi lupa, eh. Ang kine-claim ng Tsina, dagat. Sinasabi nila, “amin iyong dagat.” Ngayon, sa ilalim ng international law, ang pagmamay-ari sa dagat naka-angkla iyan doon sa pagmamay-ari ng lupa, ‘di ba. So ang sinasabi natin, “atin itong mga islang ito. Therefore, iyong mga nage-generate niyan na dagat in terms of EEZ, in terms of territorial sea, kami dapat ang may hawak niyan.” At iyon, kinilingan tayo doon ng arbitral tribunal. Pero marami pang issues kasi komplikado iyang West Philippine Sea. May mga ibang isla diyan na hindi disputed iyong claim, hindi iyon saklaw ng arbitral tribunal.

     

    WENG DELA PEÑA: So ibig sabihin, Attorney, kulang pa iyong pagke-claim natin o iyong pagpu-push natin ng mga sakop talaga ng soberenya natin?

     

    ATTY. BARRY GUTIERREZ: Tama. Kasi ideally nga dapat dito, mayroon na tayong naipanalo, iyong arbitral tribunal decision noong 2016. Dapat itinuloy iyon, ‘di ba. Iyong iba pang mga disputed na lugar na hindi pa nagkaroon ng pronouncement ang arbitral tribunal, posibleng hinabol pa natin iyon, ‘di ba. Kumbaga, nagsampa pa tayo ng dagdag na kaso. Nagkaroon pa ng ibang assertion ng claim. Pero iyon nga, hindi na natin ginawa at ang mas masaklap pa, maski iyong pinalo na nga natin, iyong ibinigay na sa atin, eh parang hindi pa tayo interesadong ipaglaban. Parang medyo malamya pa iyong pagtutok dito. So iyon iyong medyo nakakabahala lang diyan.

     

    WENG DELA PEÑA: Okay. Kanina may nagtext lang din, Attorney, “kung hindi puwedeng si VP, baka puwedeng spokesman to spokesperson.” [laughter]

     

    ATTY. BARRY GUTIERREZ: Sa akin, basta matuloy iyong kay Justice Carpio at saka iyong kay Pangulong Duterte, dedebatihin ko kahit sino. Pero mauna muna iyon, ‘di ba. [laughter]

     

    ROWENA SALVACION: Ganoon po. May angkla talaga. Attorney, maraming salamat ha!

     

    WENG DELA PEÑA: Thank you, Attorney!

     

    ATTY. BARRY GUTIERREZ: Sige, maraming salamat, Weng! Maraming salamat din, Weng, at magandang hapon sa inyo.

     

    ROWENA SALVACION: Ingat po kayo. Mga Kapuso, si Atty. Barry Gutierrez. Siya po ang tagapagsalita ni Vice President Leni Robredo.

     

     

    - 30 -

    Posted in Transcripts on May 10, 2021