This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Interview with OVP Spokesperson Atty. Barry Gutierrez DABIGC Radio — Prontoelpunto (Hosts: Clovis Sabornido and Ryan Villarino)

    Interview with OVP Spokesperson Atty. Barry Gutierrez DABIGC Radio — Prontoelpunto (Hosts: Clovis Sabornido and Ryan Villarino)

    CLOVIS SABORNIDO: Mga kababayan, mga ka-coop, mga suki natin dito sa DABIGC Radio Nationwide at worldwide, nandito na sa kabilang linya, through Zoom—

    RYAN VILLARINO: Ewan ko lang kung nakikita niya tayo nang malinaw.

    CLOVIS SABORNIDO: Napapakinggan n’yo kami, Congressman? Attorney? Welcome natin ang ating dating kongresista, representing Akbayan, isang lawyer, at ngayon ay official spokesperson of the Office of the Vice President: Atty. Ibarra “Barry” Gutierrez. Sir, good morning! Welcome sa DABIGC Radio.

    RYAN VILLARINO: Good morning po... Hindi niya siguro tayo marinig. Wait lang ha... [music break] Balikan natin mga ka-cooperatiba iyong ating bisita. Hindi lang tayo... hindi lang po marinig ng ating bisita dito po sa ating— Pabago-bago kasi iyong internet eh.

    ATTY. BARRY GUTIERREZ: Hello, hello?

    RYAN VILLARINO: Ayan!

    ATTY. BARRY GUTIERREZ: Okay na? [laughs]

    RYAN VILLARINO: Cong, welcome ulit!

    CLOVIS SABORNIDO: Oo, welcome ulit, Atty. Ibarra “Barry” Gutierrez! Sir, good morning!

    ATTY. BARRY GUTIERREZ: Good morning, Sir Clovis. Good morning, Sir Ryan. At magandang umaga din sa lahat ng ating tagapakinig.

     

    RYAN VILLARINO: Bago tayo mag-ano, Cong, okay ba iyong bagsak namin diyan?


    ATTY. BARRY GUTIERREZ: Okay, malinaw, malinaw.

     

    RYAN VILLARINO: Iyong screen nakikita n’yo po?

     

    ATTY. BARRY GUTIERREZ: Nakikita ko, nakikita ko.

     

    CLOVIS SABORNIDO: Live po tayo, sir.

     

    ATTY. BARRY GUTIERREZ: Although si Sir Ryan yata, medyo putol nang kaunti. Dapat buo iyong katawan. [laughter]

     

    RYAN VILLARINO: Sige, i-down ko mamaya saglit.


    CLOVIS SABORNIDO: Sir, unang tanong tayo kaagad, para makarami tayo ngayong araw na ito. Una sa lahat, maraming salamat sa iyong pagbigay ng panahon sa DABIGC Radio. Nag-request kami for Vice President—medyo busy po siya, at siyempre, ang spokesperson ay opisyal na pong magbibigay ng statement on her behalf. Sir? Sir Barry?

     

    ATTY. BARRY GUTIERREZ: Sige po, sige po... Una, paumanhin muna na hindi si VP mismo ang nakapagpaunlak ng inyong imbitasyon. Busy na busy po kami ngayon dahil doon sa nilaunch last week na Bayanihan E-Konsulta, iyong bagong initiative ng OVP para makatulong dito sa ating problema sa COVID. At talagang ang dami naming nakukuhang request araw-araw. Sa kasalukuyan, nakatutok talaga si VP doon. So pasensya na hindi siya ang nakadalaw mismo. Pero nagpapasalamat kami sa imbitasyong ito. Lagi naman kaming masaya na makausap ang ating mga kababayan, lalo na kung ang mga pag-uusapan naman ay mga kasalukuyang ginagawa ng ating opisina laban dito sa COVID, at ano ba ang mga puwede nating mapagtulungan para maharap itong mga problemang kasalukuyan nating binubuno bilang isang bansa.

     

    CLOVIS SABORNIDO: Lalaliman ko na. Iyong E-Konsulta na inilaunch po ninyo, naririnig po iyan ng taumbayan, nakita po namin, kaya marami ding curious at excited diyan, Attorney. Ano po ito, Attorney? Kahit may maibigay po kayong briefer, at paano po ma-access ito ng taumbayan?

     

    ATTY. BARRY GUTIERREZ: Okay. Nagsimula ito last Wednesday, so halos isang linggo nang nag-ooperate itong Bayanihan E-Konsulta. Simple lang naman ang konsepto nito: Maraming mga kababayan natin ngayon, lalo na dito sa NCR, namomroblema kapag may symptoms o nakakaramdam ng lagnat o ubo, pero hindi makapagkonsulta ng doktor. Puno na kasi ang ating mga ospital, ang hirap na makakuha ng appointment sa doktor. Marami rin ang natatakot na lumabas dahil sa takot na sila ay mahawa. And although mayroon tayong mga existing na mga teleconsultation—iyong tatawag ka—marami dito may bayad o kailangan mayroon kang steady na internet connection kasi online iyong consultation.

     

    So sa Bayanihan E-Konsulta, ang gagawin lang natin dito, pupunta tayo sa Facebook page ng Bayanihan E-Konsulta. Kahit ma-access lang natin iyan through Free Facebook, dahil libre naman ang Facebook access natin sa karamihan ng ating mga phone networks, tapos magta-type ka lang doon: “TULONG”. Kapag ginawa mo iyon, kokontakin ka na noong isa sa mga volunteers natin, volunteer operators dito sa programang ito, hihingiin iyong iyong mga detalye, kasama iyong phone number, at mamayang kaunti may tatawag na sa iyong teleponong iyong ibinigay. Una dito pre-screening, titingnan lang kung kailangan ba talagang kumausap ng doktor, o puwedeng mahandle na ng basic na advice, kung hindi naman ganoon kalala, o kung emergency case naman—iyong kabaligtaran—ire-refer namin agad doon sa One Hospital [Command] Center, dahil wala rin naman kaming kakayahang magbigay ng hospital room dahil naka-centralize lahat iyan sa One Hospital Command. So kung nasa pagitna ka noon—hindi naman emergency case pero kailangan ng konsultasyon sa doktor—ire-refer sa one of mga volunteer doctors. So phone consultation ito. Marami nang nakakuha ng advice dito. At pinadalhan din namin ng care kit: so may kasamang mga gamot diyan, may kasamang oximeter, may kasamang form na puwede mong mamonitor iyong iyong mga symptoms. Tapos may mga follow-up na consultation na puwedeng gawin, depende doon sa pasyente.

     

    So ang gusto nating maabot dito, iyong ating mga kababayan na kailangan ng konsultasyon—maging COVID man o non-COVID-related, pero walang kakayahang magpunta sa doktor o sa ospital, walang load o walang internet access, pero puwedeng magawa iyan through Bayanihan E-Konsulta.

     

    At sa nakaraang linggo, ang dami ng mga tumawag. Sobra nga kaming na-overwhelm. More than 10,000 na ang calls na natanggap ng Bayanihan E-Konsulta. Ang laki talaga ng demand. Medyo nahirapan nga iyong ating volunteers sa nakaraang araw. Pero kahit paano, sinusubukan naming gawin at makatulong, at marami namang mga nabibigyan ng tulong, both iyong mga nag-aalala na may COVID sila, at iyong mga ordinaryong sakit na hindi COVID, pero dahil nga sa kasalukuyang krisis ay hindi nakakapunta sa ospital o sa doktor.

     

    CLOVIS SABORNIDO: Klaruhin ko lang ito, Attorney: Nationwide po ito, Sir Barry? Mindanao, Luzon, ano po?

     

    ATTY. BARRY GUTIERREZ: Sa kasalukuyan, ang focus talaga natin ay NCR+ Bubble, kasi ito talaga iyong may malaking problema sa kasalukuyan. I’m sure nakikita naman n’yo iyong mga post sa Facebook ng maraming tagarito, na talagang hirap na hirap na makakuha ng ospital, ang haba ng mga waitlist. So ang focus natin ay NCR+ Bubble. Nakakakuha rin kami ng ilang mga tawag galing sa mga lugar labas doon sa NCR+ Bubble. Kung kinakaya namang magbigay ng advice, bibigyan, pero ang priority talaga iyong mga nasa loob ng NCR+ Bubble, kasi ito talaga iyong mga hirap na hirap na makapunta ng ospital at makakausap ng doktor sa panahon ngayon.

     

    CLOVIS SABORNIDO: The idea, Atty. Barry, is really very unique and original from the Office of the Vice President, dahil kung sana ay ginawa ito din ng buong Department of Health, kasi making use of the available internet connectivity, eh magiging mas mabilis itong pag-aaccess sa mga medical facilities ng gobyerno, ano po, Atty. Barry?


    ATTY. BARRY GUTIERREZ: Well, kung gagawin ng Department of Health ito on a large scale, ‘di hamak na mas maganda dahil definitely mas marami silang resources at tao na puwedeng ma-devote dito. Pero uulitin ko lang iyong sinabi ko sa simula—lahat ito volunteer. Ibig sabihin wala talaga kaming resources na inallocate dito, pero ang laki ng pasasalamat namin, noong nanawagan si VP Leni sa mga volunteers, mahigit 600 na mga doktor ang nag-volunteer dito para mag-devote ng kanilang oras at ng kanilang expertise para magbigay ng konsultasyon, at almost 2,000 ang nag-volunteer para doon sa call center operations, iyong pre-screening, kahit na hindi ka medical professional. So volunteers talaga ang nagmamaneho nitong programa na ito. At iniisip ko na lang, kung talagang popondohan, talagang lahat ng resources ng gobyerno ay ibubuhos dito, mas maraming matutulungan tiyak.

     

    CLOVIS SABORNIDO: Doon ako sa... naimplement pa ba itong Swab Cab, Atty. Barry? Active pa ba ito ngayon?

     

    ATTY. BARRY GUTIERREZ: Ang last na day na nag-operate ang Swab Cab, last week, April 6. As of now, hindi muna nagkaroon ng follow-up, dahil kung ating alalahanin, iyong Swab Cab initiative, ginagawa namin ito in coordination with iyong local government ng Malabon. So inaalok namin sa ibang mga LGUs, but so far, although may mga nag-express ng interest, hindi pa nagkakaroon ng round 2.

     

    Pero nag-operate iyan hanggang noong April 6 sa ilang... mga walong barangay sa Malabon. Nakapag-test tayo ng mahigit 1,000 na mga tao. At iyon, naipaliwanag naman sa mga nakaraang pagkakataon ni VP Leni kung paano iyong naging sistema dito, dahil ang isang na-encounter naming challenge dito sa pagsu-swab, ano, maraming natatakot na magpa-swab dahil kapag nag-positive sila, baka mapilitan silang tumigil sa pagtrabaho, mapilitan silang magpa-quarantine, at kapag nangyari iyon, walang kita, walang kakainin iyong kanilang pamilya.

     

    So para mag-encourage ng mga tao na magpa-swab at magpa-test, nag-offer tayo ng incentives. Kapag ikaw ay nagpa-swab, makakakuha ka agad ng dalawang kilong bigas. Kung sakali man na ikaw ay magte-test na positive, at ni-require ng isolation doon sa facility ng local government, bibigyan iyong pamilya ng ayuda for two weeks, habang ikaw ay nagku-quarantine—nasa isolation—so hindi mo kailangang mag-alala para doon sa iyong pamilya kahit ikaw ay nasa isolation. At sa aming experience, naka-encourage naman ito. Gaya nga ng nabanggit ko, mahigit 1,000 ang nakapag-testing dito in the eight barangays sa Malabon. And hopefully iyong ganitong klaseng approach, you know, ma-encourage na gamitin din ng ating pamahalaan, ng iba pang mga institutions na nagte-testing, dahil talagang napakalinaw na mayroon talagang takot eh, mayroong alala na kapag ikaw ay nagpa-test, mapipilitan kang magpa-isolate, at malaking pahirap ito sa mga pamilya—lalo na iyong mga kailangan talagang magtrabaho para makakain.

     

    CLOVIS SABORNIDO: Yes, sir. Congratulations po diyan dahil siguro sa very limited budget, kagawad Ryan, eh hindi pala imposibleng gawin iyong magagandang bagay. Basta’t may... sabi nila sa Ingles, will. Will to do it.


    Sa ibang isyu tayo, kagawad Ryan: Noong Lunes, Attorney, nakita mo siguro sa telebisyon at sa mga Facebook pages na nagbigay ng address itong si President Digong, address to the nation, pagkatapos ng dalawang absence, kung saan napupuno iyong Facebook kung nasaan iyong presidente. May tanong po kami sa inyo, Sir: Gaano po ba kaimportante itong makikita mo iyong Presidente, over Facebook, over the TV, or over the radio?

     

    ATTY. BARRY GUTIERREZ: Ako, siyempre, tingin ko sa panahon ngayon, may krisis tayo at maraming natatakot, importante na makita ang ating pinuno. Siyempre pangunahin nating pinuno ang ating Pangulo. At ako nga, noong lumabas siya noong Lunes, nagpapasalamat ako dahil kahit papaano, na-address iyong mga umiikot na mga tsismis tungkol sa may sakit, may nangyari na daw, etc. At tingin ko sa panahon na ito, importante na alam nating nandiyan iyong ating lider. Ako, tingin ko hindi nakakatulong itong mga tsismis na kumakalat na ito. Ilang beses na ring inulit ni VP Leni na lagi niyang pinagdarasal ang kalusugan at ang lakas ng ating Pangulo. At tingin ko, sa panahon na ito, iyon ang ating inaasahan eh—inaasahan natin na iyong ating Pangulo, iyong pinaka-hepe ng ating pamahalaan, ay nandiyan, nakatutok doon sa ating mga problemang hinaharap, lalo na sa panahon ngayon ng krisis, na ang laki ng pangamba, ang laki ng pag-aalala ng maraming tao, at kailangan talaga ng malinaw na direksyon, kailangan talaga ng assurance mula sa ating mga lider na ito ay malalagpasan natin at may malinaw tayong plano na makaahon dito. So sa tingin ko importante iyong kaniyang paglabas noong Lunes.

     

    CLOVIS SABORNIDO: Importante iyon kasi pati kami na-inspire din.


    RYAN VILLARINO: Mahalaga na makita iyong lider natin.

     

    CLOVIS SABORNIDO: Tama po iyon, at Atty. Barry—


    ATTY. BARRY GUTIERREZ: Lalo na krisis, ‘di ba siyempre, gusto mo nandiyan, ‘di ba?

     

    CLOVIS SABORNIDO: Sa kagipitan nandiyan iyong ama mo. [chuckles] Atty. Barry, ito po iyong additional question ko diyan: Sa gitna ng napakarami nang ginawa ng gobyerno, siyempre ito ay first time natin na magkapandemya, mayroon pa bang kailangan pa talagang gawin? Which I know, marami pa, hindi lang namin ma-spell out kung ano. May mga nakalatag bang specific na mga plano na kailangan pang gawin sana ng gobyerno? If papayagan kayong mag-suggest sa kanila, mayroon pa po, Atty. Barry?

     

    ATTY. BARRY GUTIERREZ: Actually, lahat naman ng mga suggestions ni VP Leni, suggestions din ng mga eksperto. So halimbawa, kung ating pakikinggan iyong pahayag nitong mga nakaraang araw nitong mga medical... iyong mga organisasyon ng mga medical professionals, mga doktor mismo at mga nurse at mga hospital administrator, isa talaga sa mga matagal na nilang sinasabi, kailangan talaga nating i-increase iyong testing. Sa kasalukuyan, nag-aaverage tayo ng 30—35,000 tests a day. Ang sinasabi nilang ideal, mga at least 100,000 tests kada araw, para talagang ma-track natin iyong mga taong may sakit. Hindi lang iyong symptomatic o iyong mayroon nang ubo o sipon o lagnat ang ating ite-test, pero iyong mga na-contact trace na posibleng na-expose, o kaya iyong mga nakatira sa mga barangay na mataas iyong incidence ng COVID, dapat tine-test din natin. Iyon nga iyong sinubukan naming gawin noong inimplement namin itong Swab Cab sa Malabon, para makatulong doon sa pag-increase ng testing, lalo na sa mga lugar na maraming hindi nakakapag-avail noong ganiyang klaseng testing. Dahil kung hindi tayo magte-test nang sapat, hindi natin malalaman iyong buong lawak ng problemang ating hinaharap, hindi natin ma-a-identify lahat ng tao na kailangang mag-undergo ng isolation o kailangang magpagamot. At tingin ko importanteng importante iyan. Ilang beses nang ni-reiterate iyan ng ating medical professionals.


    Pangalawa, nagsisimula na naman, pero kailangan bumilis iyong vaccine rollout. Sa mga ibang bansa, kita naman natin, grabe iyong bilis. Sa US, nangako si President Biden, 100 million vaccinations in the first 100 days. Naabot niya iyong target na iyon in 58 days. So ako, kung nagagawa ng ibang bansa, hindi ko nakikita kung bakit hindi natin kayang gawin. At to be fair, nagsimula na iyong vaccination, marami na iyong mga LGUs na nag-rollout, unti-unti nang nakakapagpa-vaccinate ang marami sa ating mga kababayan. So sana ay tumuloy-tuloy, at lalong bumilis iyong pace nito, kasi kailangan nating mag-vaccinate ng at least 70 million Filipinos para maabot natin iyong herd immunity, so kailangang medyo dumami iyong daily tally natin ng mga kailangang i-vaccinate dito.

     

    Pangatlo—nabanggit na rin ito ng mga medical professionals—iimprove iyong contact tracing, kasi sa kasalukuyan, marami talagang nakakalusot o maraming hindi naiinform kung sila ay na-expose, kaya hindi natin nata-track lahat ng posibleng sources ng infection. So ginagawa na iyan on a local level, maraming LGUs ang nagsasagawa ng kaniya-kaniyang contact tracing. Pero kailangan natin siguro mas koordinasyon sa level ng national.

     

    Naiintindihan namin mahirap gawin, pero ito iyong mga payo ng ating mga eksperto, at kami naman from the start, ang amin sigurong pangunahing mungkahi, bigyan natin ng mas malaking boses iyong ating mga doktor mismo doon sa pag-implement ng ganitong klaseng polisiya. Sila talag iyong nandiyan on the ground, sila iyong nakakaintindi kung ano iyong kailangan nating gawin, so galangin natin iyong kanilang experience, galangin natin iyong kanilang karanasan sa baba at iyong kanilang kaalaman tungkol sa isyu na ito. Tingin ko naman wala namang tututol na sa panahong ito, kailangan talaga na sama-sama tayong magtulungan, suportahan natin iyong ating pamahalaan dahil siya talaga iyong may hawak ng resources para matugunan ito, dahil nasa isang bangka tayo eh sa kasalukuyang problema. Hindi puwedeng tayo-tayo lang, kaniya-kaniya. Dapat talaga lahat masalba natin dito, dahil itong sakit na ito, hangga’t hindi natin naaabot iyong 70 million na nava-vaccinate, lahat tayo nakalagay sa pangamba. So kailangan natin lahat magtulungan at mag-ambag dito sa pagkilos na ito.

     

    CLOVIS SABORNIDO: Kailangan nating umiwas na sa peligro.

     

    ATTY. BARRY GUTIERREZ: Tama.

     

    CLOVIS SABORNIDO: Sama-sama tayo... Kagawad Ryan, basahin mo nga iyong mga messages diyan sa ating pages.

     

    RYAN VILLARINO: Isa po ito sa mga text message na nababasa namin, Atty. Barry: In fairness daw may ginagawa ang Pangalawang Pangulo, pero hindi naman daw po lingid sa inyong kaalaman na marami po ang nambabatikos. Ano po iyong masasabi n’yo sa mga kritiko ng Vice President, Atty. Barry?

     

    ATTY. BARRY GUTIERREZ: Sa totoo lang, kagawad Ryan, sanay na kami sa pagbabatikos, at ilang beses na ring inulit ni VP Leni, sa panahon ngayon, wala siyang panahon para sa politika, wala siyang panahon para sa mga ganiyang bangayan. Ang tutok natin ngayon trabaho, dahil sa ngayon kailangan talagang kumilos tayong lahat at magtulungan, dahil malaki itong problemang ating hinaharap. Sa NCR, halos higit 10,000 a day ang bagong infections. 200 ang namamatay araw-araw. Hindi ito maliit na problema para sa atin, at tingin ko dapat lahat tayo iyan ang maging focus. Iyan ang aming pananaw. [technical lag] Mayroon talagang batikusan eh. Hindi na talaga natin maaalis iyan. Pero nasa sa atin na kung iyan ang hahayaan nating maging prayoridad natin, o tututok tayo sa trabahong importanteng gawin. Si VP, pinili niya na trabaho ang ating unahin, lalo na sa panahon ngayon.

     

    CLOVIS SABORNIDO: Importante, Atty. Barry, na sabi mo kanina, nasa isang bangka tayo, kailangan nating magtulungan, kaya kami po ay na-inspire sa mensahe po ninyo ngayong umaga. Bagamat kayo ay busing-busy, napaunlakan n’yo po kami. It’s a pleasure talking to you, Atty. Barry! Maraming salamat! Message n’yo po sa taumbayan?

     

    ATTY. BARRY GUTIERREZ: Una, maraming salamat din, Sir Ryan at Sir Clovis—salamat sa inyong imbitasyon. At siguro, ulitin ko lang iyong sinabi ko kanina: ‘Di pa natin nalalagpasan itong ating problema sa COVID, so kailangan lahat tayo magkaisa at gawin natin ang magagawa natin para makatulong. Maski sa simpleng bagay lang, sa pagsunod sa patakaran ng ating pamahalaan na mag-shelter in place, stay at home, social distancing, pagsusuot ng mask. Alam kong pagod na ang marami sa atin, mahigit isang taon na itong binubuno nating ito, pero kaunting tiis pa. Nandiyan na iyong bakuna, nagro-rollout na. Inaasahan natin na lalong bibilis pa itong rollout sa darating na mga buwan, so nakikita na natin iyong liwanag sa dulo nitong napakadilim na ating pinagdadaanan sa kasalukuyan. So kaunting tiis na lang, malalagpasan natin ito. In the meantime, ingat tayong lahat. Muli, salamat, Sir Clovis, Sir Ryan.

     

    CLOVIS SABORNIDO: All right. Spokesperson Barry Gutierrez: Good morning at thank you po sa inyo!

     

    - 30 -

    Posted in Transcripts on Apr 14, 2021