This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI – Episode 82

    ELY: Magandang umaga, Pilipinas—Luzon, Visayas, Mindanao! Isa na naman pong edisyon ng BISErbisyong LENI dito po sa RMN. Tayo po ay napapakinggan mula po sa DZXL Manila, sa DYHP Cebu, DXCC Cagayan de Oro, DXDC Davao at DWNX Naga. Mga kasama, ako pa rin ho ang inyong radyoman Ely Saludar at sa pangalan po ni Vice President Leni Robredo ay makakasama natin dito po sa ating palatuntunan dito po sa ating studio ang kaniyang opisyal na tagapagsalita, si Attorney Barry Gutierrez. Attorney, good morning!

    ATTY. BARRY GUTIERREZ: Good morning, Ka Ely!

    ELY: Opo, at unang una sa lahat ay ang Bise Presidente ay paparating pa lang at mayroon siyang mahalagang misyon sa bansang Nepal, ano.

    ATTY. BARRY GUTIERREZ: Tama po iyan, ano, Ka Ely. Kagagaling lang po niya sa Nepal para magbigay ng keynote address sa isang pagpupulong ng mga leaders mula sa ASEAN kaya kasalukuyan siyang lumilipad.

    ELY: Nasa ere pa.

    ATTY. BARRY GUTIERREZ: Magla-landing maya-maya pang kaunti.

    ELY: Bago mag alas-10. So bago matapos ang ating program. Okay, so samantala, ilan sa mga naging aktibidad ng ating Bise Presidente, Attorney Barry, ay ano pa ho ba, para sa ating mga listeners?

    ATTY. BARRY GUTIERREZ: Well, typical na linggo para kay VP Leni: punong-puno na naman ng mga activities. Noong nakaraang linggo—itong linggo pong ito—naalaala po ninyo iyong BISErbisyo ginawa niyo mula sa Naga noong araw na iyon, noong nakaraang Linggo. Nandoon din po siya para doon sa Project Makinig. Ito po iyong nilunsad na proyekto ng Liberal Party, kung saan ang mga volunteers ay umiikot sa bahay ng ating mga kababayan at nakikipag-usap lang. Tinatanong ano ba ang tingin niyong mga problema na kasalukuyan nating hinaharap? Ano iyong mga tingin niyong dapat isyu na pagtuunan ng ating mga lider? So si VP Leni sa Naga, sumama siya sa mga youth volunteers ng Project Makinig at umikot; nakipag-usap sa kaniyang mga kababayan; nagkaroon ng pagkakataon na magkaroon ng pakikipag-usap at pakiki-salamuha sa kaniyang mga kababayan doon sa Naga. So balak pong ituloy itong programang ito sa darating na mga linggo at darating na mga buwan. At ang sinisikap nga pong magawa dito ay magkaroon ng mas malalim na pag-intindi kung ano ba talaga iyong mga isyu na mahalaga para sa mga Pilipino at ano iyong mga dapat talagang pag-tuunan natin ng pansin bilang mga opisyal ng pamahalaan at bilang lider ng bansa.

    ELY: Okay.

    ATTY. BARRY GUTIERREZ: So, noon pong nakaraang Linggo rin, nag-attend si VP Leni noong 20th anniversary noong Naga City People’s Council—isang institusyon na talagang malapit sa kaniyang puso dahil ito po ay naitayo pa noong Mayor pa ang kaniyang yumaong asawa—si Secretary Jesse Robredo—at patunay na rin mismo nitong institusyon na ito na hanggang ngayon—20 years na—patuloy pa ring kumikilos, napakalakas, at patuloy na kumikilos para sa kabutihan noong mga tao sa Naga.

    ELY: Okay.

    ATTY. BARRY GUTIERREZ: Okay, so iyan po iyong mga ano— Ngayon, bukod po diyan, noon namang sumunod na mga araw—Lunes—nagkaroon siya ng isang dinner launch dito lang po sa opisina namin sa New Manila. Ito po iyong #RespetoNaman national campaign. Ito po ay laban sa gender-based violence at kasama po dito iyong Samahan ng mga Pilipina para sa Reporma at Kaunlaran—isa pong NGO na tumututok sa isyu ng women empowerment at gender equality kasi alam naman natin, Ka Ely, si VP Leni, bago siya naging kongresista, siya ay isang aktibong miyembro ng SALIGAN—isang legal NGO—at siya po ay naging isang abogado ng maraming mga babae na nakaranas ng ganitong klaseng karahasan mula sa kanilang mga asawa o sa kanilang mga partner sa buhay. So malapit sa puso niya iyong isyu na ito so natutuwa naman siya na nagkaroon siya ng pagkakataon na suportahan itong #RespetoNaman campaign na nagsisikap na magbigay-atensyon dito po sa isyu nga ng gender violence.

    Noong Tuesday, isang malaking-malaking activity: iyong launch naman ng INP o iyong Istorya ng Pag-asa Film Festival. Ito na po iyong second year ng INP. Last year, naging napaka-successful. Nagkaroon na nga tayo ng ilang bisita dito sa ating programa na mga either maging subject sila, finalist, iyong mga nanalo, o kaya tungkol sa kanila, iyong ginawan ng pelikula. So ito po iyong launch noong second year ng INP Film Festival at nilu-look forward po natin na magkaroon muli ng magagandang mga pelikula.

    ELY: Kailan magsisimula iyan, iyong pagsu-sumite ng kanilang mga entries?

    ATTY. BARRY GUTIERREZ: Ongoing na po iyan.

    ELY: Ongoing na.

    ATTY. BARRY GUTIERREZ: Ongoing na, ongoing.

    ELY: So i-a-anunsyo na natin kung hanggang kailan iyong huling araw ng pagsu-sumite po ng inyong mga entries?

    ATTY. BARRY GUTIERREZ: Oo.

    ELY: Puwe-puwede po kayong sumali dito. Makikita kasi, Attorney, iyong kagalingan ng ating mga kababayan. Biurin mo na sa loob ng limang minuto, kailangang kumpletuhin mo iyong kuwento.

    ATTY. BARRY GUTIERREZ: Tama, tama.

    ELY: Iyong mensahe, talagang. ‘di ba? Napaka-hirap noon eh. Five minutes, pagsi-siksikin?

    ATTY. BARRY GUTIERREZ: Mahirap nga iyon—buong kuwento.

    ELY: Pagsi-siksikin mo sa limang minuto.

    ATTY. BARRY GUTIERREZ: Tama, tama.

    ELY: Samantalang alam niyo naman ho na iyong mga normal na pelikula, eh mga isa’t kalahating oras hanggang dalawang oras.

    ATTY. BARRY GUTIERREZ: Minsan nga mga tatlong oras, Ka Ely, ‘di ba? [chuckles]

    ELY: Oo, okay, so ayon ho, iyong ating mga kababayan lalo na po iyong, siguro, iyong mga estudyante, iyong mga kabataan na mayroon po silang pag-asa sa mga susunod na henerasyon eh ’di ba, eh sila rin po iyong mqaging magagaling sa ating industriya ng sining at pelikula. Okay, so—

    ATTY. BARRY GUTIERREZ: Pero, huli pa, Ka Ely, kasi Martes ng gabi, ito naman iyong napaka-halagang Freedom Speech na ginawa ni VP Leni. Anibersaryo ito noong FNF o iyong Friedrich Naumann Foundation—isang German foundation na matagal nang ka-partner din ng Liberal Party. At ngayong taon, kasabay ng kanilang anibersaryo—60th anniversary—in-awardan ang isang batikang lider din ng Liberal Party—ang runningmate ni VP Leni, si former Secretary at ngayong tumatakbong senador Mar Roxas—ginawaran ng Freedom Flame Award. So siyempre, si VP Leni ang nakumbida para din magbigay ng keynote address noong gabing iyon kaya nagsalita siya tungkol sa kahalagahan ng demokrasya at kalayaan at ano iyong mga dapat nating gawin para ito ay patuloy na maitaguyod at depensahan.

    Tapos Wednesday, alam niyo na, Ka Ely, lumipad na ang ating Bise Presidente papuntang Nepal at ngayong umaga pa lang makakabalik.

    ELY: Okay. Ayon po, mga kasama, ang mga aktibidad ng ating Bise Presidente at kung inyo pong—kung kayo po ay regular na nakikinig po rito, parang ako, Attorney, parang wala akong ano, alam na nag-day off ang ating Bise Presidente—kahit weekend eh.

    ATTY. BARRY GUTIERREZ: Eh tinitingnan ko nga lang iyong schedule, Ka Ely, parang ako na iyong napapagod eh. [chuckles] Grabe.

    ELY: Kasi pagdating ngayong Sunday, siguro—tapos bukas, sabak na naman ulit sa trabaho, ‘di ba?

    ATTY. BARRY GUTIERREZ: Oo, diretso iyang si VP Leni. Pagka-balik niya ngayong umaga, bukas balik ulit sa pagta-trabaho.

    ELY: Okay, samantala, mga kasama, ang oras ho natin ay 9:20 na po ng umaga. [music break; end of Gap 1]

    [GAP 2]

    ELY: At samantala, ilan sa mga isyu, attorney, ano, na atin sigurong magandang talakayin at iyong reaksyon na rin ng Office of the Vice President dito sa naging pag-hatol ng korte diyan sa Caloocan sa kaso ni ano, iyong 17 anyos na si Kian delos Santos. Pero ano ba talaga ito? Kasi may binabanggit ho, maraming natuwa, ano, dahil sinasabi natin, iyong korte eh talagang nagpakita sila na sila po ay independent at ‘di ba, kinasuhan at nahatulan iyong mga pulis. Pero dito, ano ba talaga? Kasi may binabanggit tulad itong—sabihin ko na nga—si PAO Chief Persida Acosta na ini-insist niya na itong kaso ni Kian ay hindi raw po isang uri ng EJK—iyong extrajudicial killing. Eh ‘di ba sa mga nakaraan, iyon ang talagang binabanggit ‘di ba? Ikaw ba, anong pananaw mo rito, Attoney?

    ATTY. BARRY GUTIERREZ: Eh ako hindi ko maintindihan actually kung anong pinanggagalingan ni Doc—ay, akala ko Doctor siya—attorney, Attorney Acosta dito sa isyu na ito kasi klarong-klaro naman ang sabi noong korte: hinatulan ng murder itong pulis. Eh kung aalalahanin natin, ang paliwanag noong pulis kung bakit nila pinatay si Kian eh dahil daw sangkot daw sa sindikato ng droga, drug runner daw at nanlaban, ‘di ba? Nagpaputok daw ng baril noong sinubukan nilang hulihin. So hindi ko alam kung papaano mo masasabing ito ay hindi EJK pero klaro na ang dahilan ng pulis na ginagamit ay ito ay sangkot sa droga kaya pinatay. Pero ang finding ng korte, walang batayan iyong kanilang paliwanag at ito ay murder. Iyon iyon.

    ELY: At siyempre, ang binabanggit ko rito, kasi ‘di ba noon iyong mga anggulo na tinaniman ng droga at baril, mukhang hindi na ito na—wala kasi naibigay na mga ebidensiya pa—siguro, natukoy na lang dito kung sino ang pumatay.

    ATTY. BARRY GUTIERREZ: Tama. Ang tinutukan noong huwes sa isyu na ito ay sa isyu nga noong pagpatay.

    ELY: Murder.

    ATTY. BARRY GUTIERREZ: Murder, klarong-klaro, sinabi ng korte murder ito at ibig sabihin noon, walang legal na batayan iyong paggamit ng dahas laban kay Kian.

    ELY: Oo, pero may binabanggit itong paliwanag ni PAO Chief, ano, at ikaw, bilang isang abogado rin, ay binabanggit niya na iyong pagha-hatol na guilty dito sa tatlong puli eh ito ay katunayan daw na ang ating bansa ay not condoningn iyong mga gulo, lalo na iyong mga walang awang pagpatay. So ibig sabihin, hindi naman daw ito kinonsinte kaya ito raw ay hindi matatawag na EJK. Ano ba ang ibig sabihin ng EJK, Attorney? Anong kahulugan niyan?

    ATTY. BARRY GUTIERREZ: Sa aking pagka—sa paggamit ng terminong EJK, hindi lang sa Pilipinas, Ka Ely, pero maski sa internasyunal, ginagamit diyan bilang pagtukoy sa mga pagpatay na ginagawa ng kadalasan, opisyal ng pamahalaan—pulis, military, o kaya mga grupo na binubuo o kino-konsinte ng gobyerno—mga death squad kung tawagin—para pumatay ng mga taong tinutukoy ng pamahalaan na hindi na dumadaan sa proseso ng pagkakaso, pagkakaroon ng pagkaka-hatol, kumbaga, hindi iyon dumadaan sa korte. Diretso nang dinadaan sa iligal na pagpatay kaya extrajudicial killing eh. Hindi ka na dumadaan sa proseso—

    ELY: Inilagay mo na sa iyong kamay iyong batas.

    ATTY. BARRY GUTIERREZ: Tama. Kumbaga, iyong pagiging vigilante kung tawagin nila minsan. Pero ito, may basbas ng pamahalaan kaya EJK.

    ELY: Siguro, mayroon din kasing opinyon dito si Far Eastern University Law Dean—

    ATTY. BARRY GUTIERREZ: Si Dean Mel.

    ELY: Oo, Mel Sta. Maria, ano, at gayundin si Ginoong Gil Antonio ng Center for International Law, iyong binibigay—iyong kanilang naging pahayag dito ay parang nabigyan ng—hindi naman direktang inuutos, ano, sa mga pulis, pero parang binibigyan mo ng inspirasyon iyong mga pulit na puwede kang pumatay.

    ATTY. BARRY GUTIERREZ: Tama iyan.

    ELY: Kasi ‘di ba sa mga talumpati ni Pangulong Duterte: “Pagpapatayin niyo na iyan,” mga ganoon. Ibig sabihin, hindi naman sinasabi na: “Idaan niyo sa proseso.” Wala naman eh.

    ATTY. BARRY GUTIERREZ: Noon pong nakaraang taon, naglabas ang Human Rights Watch, isang international human rights NGO ng report tungkol nga sa extrajudicial killings sa ating bansa at kasama doon ay iyong ni-quote nila iyong iba-ibang mga public statements, hindi lang ni Pangulong Duterte pero maski iyong ibang mga opisyal, tulad noong dating DOJ Secretary Vitaliano Aguirre, dating PNP Chief Dela Rosa, at ang pinapakita rito, maraming mga binibigkas itong matataas na opisyal na ito na parang kumbaga, na-e-empower o inu-udyukan iyong mga ordinaryong pulis na: “Sige, pumatay lang kayo.” Kumbaga, “Kami bahala sa inyo.”

    In fact, mismong si Pangulong Duterte sinabi niya na: “Pumatay kayo. Ipa-pardon ko kayo.” Mayroon siyang—

    ELY: May advance na nga—

    ATTY. BARRY GUTIERREZ: May advance nga na ano— So, ang punto lang dito noong mga ibang eksperto tulad nga ni Dean Mel or ni Attorney Gil ay kapag mayroong ganoong klaseng environment na nabubuo dahil sa sinasabi ng mga matataas na opisyal—biro mo, Presidente mismo, Secretary of Justice, head ng PNP—hindi ka magtataka kung iyong mga pulis, o iyong mga ibang pulis, na kukunin iyon bilang batayan para gumawa ng mga bagay tulad noong ginawa nila dito kay Kian.

    ELY: Okay, so dito ho, Attorney, ay siyempre binabanggit din ng iba na ito ay katunayan na talagang mayroong mga pag-abuso sa kampanya laban sa iligal na droga gaya noong nangyari kay Kian.

    ATTY. BARRY GUTIERREZ: Iyon nga po iyong nilaman noong pahayag na nilabas ni VP Leni dito sa usaping ito na kahit na ituring nating isang tagumpay iyong pagkaka-bigay ng hatol laban dito sa tatlong pulis na ito, hindi puwedeng matapos doon kasi ito nga ay patunay na nangyayari talaga ang mali at iligal na pagpatay na ginagawa noong ibang mga miyembro ng ating kapulisan. Hindi naman natin ilalahat puwede ‘di ba? Pero ang punto, kung nangyari ito sa isang kaso, kasi itong kay Kian, naiba iyan dahil talagang iyong atensyon ng—

    ELY: Natutukan talaga.

    ATTY. BARRY GUTIERREZ: Natutukan talaga iyan eh. Pero nagdo-document ng mahigit—dose-dosenang mga bata, mga minors, actually ang namatay dito sa war on drugs. Mayroon pa nga, seven years old, mayroon sanggol pa lang, natamaan. Ang punto lang, kailangan talagang reviewhin iyong polisiya dito at iyong ibang mga kaso, tutukan din noong gayang ginawang tutok dito sa kaso ni Kian delos Santos dahil kung sa kasong ito na napaka-prominente lumabas talaga na iyong mga pulis na involved ay nagkasala, hindi totoo iyong kanilang kuwentong pinalalabas na si Kian ay sangkot talaga sa droga, eh baka dapat balik tanawan din natin iyong—hindi lang dose-dosena—ang daming mga kaso ng mga namamatay sa mga police operations at idagdag na rin natin iyong mga namatay sa sinasabi nilang deaths under investigation [DUI]—iyong sinasabi ng pulis na hindi alam kung sino ang pumaatay. So mahalagang matutukan ito.

    ELY: So, Attorney, dito wala pang isang taon ito, ano, na nilitis ang kaso; parang anim na buwan lang.

    ATTY. BARRY GUTIERREZ: Oo, medyo mabilis.

    ELY: Mabilis. Pero siguro, ito po ay magsilbing inspirasyon din at siguro, maging modelo ng iba pang mga hukom na may hawak sa iba pang kaso ng mga diumano’y extrafjudicial killings.

    ATTY. BARRY GUTIERREZ: Kasi kung hindi nagkakaroon ng mabilis na resolusyon ang mga kaso, lalong tumataas, iyong kumbaga, frustration eh ng ating mga kababayan kasi makikita mo pumatay, tapos makikita mo kinasuhan pero taun-taon naman bago may mangyari. Parang nawawalan ka ng tiwala doon sa sistemang legal ‘di ba? Kaya importanteng importante iyong sinabi niyo, Ka Ely, na mahalaga na dito sa sitwasyong ito, mabilis iyong naging resolusyon. Of course, kailangan nating ipaalala sa ating mga tagapakinig, puwede pang mag-appeal iyang mga iyan. Puwede pang umakyat iyan ng Court of Appeals, puwede pang umakyat ng Supreme Court, pero kahit paano, at least itong initial, mayroon nang conviction na nangyari.

    ELY: Yes, okay, at siyempre ito, maliwanag din iyong sa desisyon ng huwes dito na bawal—hindi siya puwedeng mabigyan ng parole eh. May nakalagay.

    ATTY. BARRY GUTIERREZ: Oo, kasi murder eh. Reclusion perpetua ang hatol diyan, 20 yeats and 1 day to 40 years. So medyo mahaba-habang panahon na pagkakaka-kulong iyan.

    ELY: Dapat naman siguro pagdusahan iyan at siguro, magsilbing babala ito sa iba pang mga pulis na talagang kumbaga sabihin nating bara-bara iyong kanilang pagkilos sa mga operasyon. Walang masama kung talagang lehitimong mga operations. Natural po iyan. Iyan ang kanilang trabaho. Pero dapat siguro dapat maging maingat din ‘di ba? Kasi kapag hindi naging maingat, eh papaaalala—eh ako, papaalala ko sa inyo, iyong mga pulis: Hindi po habangbuhay, si Pangulong Duterte iyong naka-puwesto. May termino lang iyan. Eh, ibig sabihin baka tapos na iyong inyong termino, may kaso pa kayo. Sisirain niyo ang inyong career at ang inyong buhay, ‘di ba. So dapat, maging maingat, ‘di ba? Lahat naman po sana eh ay talagang may kaakibat na responsibilidad at alam niyo, malay niyo, mangyari rin sa inyong pamilya iyong ganiyang mga bara-bara, ano. Katulad iyong isang pulis sa Pasay, iyong anak niya napatay sa—

    ATTY. BARRY GUTIERREZ: Oo, grabe.

    ELY: Eh ang pinagbibintangan niyang pumatay, iyong nakabaril, ay kapwa niya pulis.

    ATTY. BARRY GUTIERREZ: Oo nga.

    ELY: Bagamat wala pa namang matibay na ebidensya diyan, ano, pero iyong mga alegasyon diyan eh kung minsan masakit. Iyong pulis, eh gumaganap sa tungkulin tapos aakusahan din ng kapwa pulis na pumatay.

    ATTY. BARRY GUTIERREZ: Tama po iyan.

    ELY: Kaya ingat ingat po ha, iyong ating mga pulis at sa kanila pong pagtupad sa kanilang tungkulin. Eh alam naman ho natin na hindi lahat ng pulis ay masasama at marami hong mabubuting pulis na ginagampanan iyong kanilang tungkulin.

    [music break]

    ELY: Oras ho natin, 9:31 na ho ng umaga. At samantala sa iba pang mga issue, Attorney, iyong mababang kapulungan ng Kongreso mukhang talagang patuloy na kumikilos ha. Iyong sa ano, sa Charter Change. Bagamat iyong sa Senado kumbaga sa ano matabang sila, wala hindi raw urgent ano, nagdeklara ng liderato ng Senado… So ikaw bilang naging kongresista ka rin, Attorney, may pag-asa pa ba ito? May oras pa ba?

    ATTY. BARRY GUTIERREZ: Nasa liderato naman talaga iyan ng kamara. Kung talagang gugustuhin ng liderato na itulak, ay kakayanin. Kung iyon lang ang tanong. Pero ang mas importanteng tanong dito ay kung kamara ang ba ang kikilos ay uusad ba iyang anong iyan, iyang panukalang iyan. Kasi ang sa aking pagkakaintindi, sa ilalim ng ating Konstitusyon, hindi lang naman House of Representatives lang ang dapat kumilos diyan, kasama ang Senado. So kung gaya nga ng sinabi ninyo nagpahayag na ang Senado na hindi nila, hind urgent ang usaping ito, malamang wala ring pupuntahan iyan kung House lang ang kikilos. Kailangan nating alalahanin, malapit na ang eleksyon. Tapos na ang filing, in fact, noong November 30 natapos na rin ang deadline sa Substitution. So talagang nakakasa na kung sino ang mga tatakbo sa kanya-kanyang distrito, sa Senado. So ang hirap pa na, kasi sa aking karanasan sa House, kapag talagang ganito na kalapit sa susunod na eleksyon, ang mga tao siyempre nakatutok na sa kanilang mga distrito. Hindi na masyadong pumapasok iyan. In fact nagsususpend na ng maaga actually ng mga sesyon dahil kinikilala na kailangan nang mangampanya ng mga miyembro ng kamara.

    ELY: Oo. At ang kagandahan dito mga kasama ay si House Speaker Gloria Macapagal-Arroyo ay huling termino na niya ito eh.

    ATTY. BARRY GUTIERREZ: Oo, graduating si madame.

    ELY: Pagkatapos ng sesyon, wala na. Tapos na ang kuwento. Hindi na ito maipupursigi. At siguro aantayin nalang ang panibagong balangkas ng Kongreso kasi depende iyan kung sino ang mga mananalo at makikita natin, mararamdaman natin kung ano ang direksyon niyan, Attorney. hindi ba?

    ATTY. BARRY GUTIERREZ: Tama iyon, Ka Ely. Lalo na, ako ito, ito ang aking pananaw din at siguro paabot ko na ring mensahe doon sa aking mga dating kasama doon sa Kamara. Ang sama rin kasing tingnan na sila-sila mismo ang nag-uusap palapit ng eleksyon tungkol sa isang panukala na baguhin ang Konstitusyon na bahagi noong gustong baguhin ay tatanggalin ang term limit. Para kasing—

    ELY: Parang sila ang makikinabang.

    ATTY. BARRY GUTIERREZ: ‘Di ba? Sila din ang makikinabang.

    ELY: Di ba Atty. nasa Saligang Batas na halimbawa kung gagawa kayo ng batas na kung kayo ang makikinabang, dapat hindi ata dapat ‘di ba?

    ATTY. BARRY GUTIERREZ: Oo, kung batas. Pero ito kasi mismong Konstitusyon ang babaguhin mo so parang kumbaga hindi nag-aapply. Pero iyon nga, sabi ko…

    ELY: Kakapalan ng mukha ito? [laughs]

    ATTY. BARRY GUTIERREZ: Exactly. Iyon ang punto ko, Ka Ely. Lalo na na ang daming mga ibang mga problema, ang daming mga ibang mga issue na gusto ng ating mga kababayan na iyon muna ang tutukan.

    ELY: Ayon. Okay at least ang kagandahan ho dito mga kasama iyong Senado nakikitaan natin na talagang independent din, ano?

    ATTY. BARRY GUTIERREZ: Kahit papaano. Tingin ko mas klaro naman ang kanilang pag-iisip tungkol dito.

    ELY: Hindi basta basta na talagang kung ano ang senyales mula sa palasyo, iyon ang sinusunod. At least iyong Senado talagang nakikita natin, bagamat malinaw naman na kaalyado po iyan ng administrasyon, pero hindi po sila basta basta na puwedeng parang diktahan. Kasi ultimo itong si Sen. Koko Pimentel na isang advocate ng federalism. Ang sabi niya puwedeng i-discuss ng House iyan pero sa Senado, basta kami sa Senado, hindi kami magmamadali.

    ATTY. BARRY GUTIERREZ: Pero kasi, Ka Ely, buti nabanggit niyo iyang Federalism. Kasi ako duda rin ako, mayroon din akong katanungan kung talagang sinusuportahan ng palasyo itong nangyayari sa Kamara na ito dahil kapag nakita ninyo ang draft ng kanilang proposal, iyong lumusot sa komite, wala namang Federalism halos doon.

    ELY: Ah, wala. Parang sila lang ang nakikinabang, iyong mga politiko.

    ATTY. BARRY GUTIERREZ: Nagulat nga ako dito. Sinimulan ang buong proseso para pag-usapan ang pagbabago ng ating Saligang Batas dahil sa panawagan ni Pangulong Duterte na kailangan Federalism. Magshift tayo sa federal form of government. Pero kapag tiningnan mo iyong laman ng panukala ng House, ang Federalism doon hindi kaagad-agad i-a-apply. Parang kumbaga kung gusto ng mga rehiyon mag-federalize puwede silang mag-apply. So kumbaga hindi federalism iyong—

    ELY: So hindi mandatory?

    ATTY. BARRY GUTIERREZ: Hindi mandatory, hindi iyon ang tutok. Ang tutok ay shift to parliamentary. Pagtanggal ng term limits at noong una nga, tinanggal si VP Leni doon sa line of succession. Pero mukhang binalik naman noong nagkaroon ng angal. Pero madami na akong nakausap na mga advocates para sa federalism, hindi nila gusto iyong version ng House. Kasi nga ang tingin nila hindi ito makakapagpatupad noong pederalismo na iyon ang kanilang tinutulak.

    ELY: At ako nabasa ko din Atty. iyong mismong binalangkas ano na, iyong sa ano, kina dating CJ Puno—

    ATTY. BARRY GUTIERREZ: Oo, iyong sa Consultative Commission.

    ELY: Oo. Nabasa ko iyon at hindi naman ako abogado pero sa aking pagkakaintindi, parang mas marami tayong ano, ako bilang isang taxpayer, parang mas marami akong pasusweldohin na politiko, dumami ng husto ang politiko.

    ATTY. BARRY GUTIERREZ: Talaga naman kasing dahil nagbuo ka ng isa pang level ng government, talagang dadami. At saka doon, ilan ang, apat ang ating korte doon.

    ELY: Naku, lahat na po ng opisyal ng gobyerno, dadami ho mga kasama. At sa tingin ko bilang isang komentarista, matagal-tagal na rin pong nakatutok sa politika, kawawa ang mga mahihirap na probinsya. Siguro NCR ayos iyon. Kayang-kaya.

    ATTY. BARRY GUTIERREZ: Oo, kasi in fact may ginawang initial estimate ang NEDA kung ano ang mga magiging rehiyon na sustainable sa pagkatapos ng shift. Parang tatlo lang iyong puwede daw ano, makapag… makatayo sa sariling lakas—NCR, Region 3 at saka Region 4A. Iyong iba mukhang kailangan talaga ng sustento mula pa rin sa sentro.

    ELY: Iyong Cebu siguro, iyong Visayas area pero hindi nila kaya ang buong probinsya, so mahihirapan talaga.

    ATTY. BARRY GUTIERREZ: Oo.

    ELY: So talagang hindi pa ho siguro panahon para po sa ating mga kababayan at siguro mas maganda kung talagang gustong mag-amyenda, ang nakikita ko rito, Attorney, iyong mga kaunting amyenda sa mga economic provisions. Para siguro para makasabay tayo ano dahil pabago ng pabago ang panahon. Kahit sa mga mayayamang bansa hindi ba sa Europa, sa Estados Unidos, madalas sila nag-aamyenda, pero pakonti-konti lang.

    ATTY. BARRY GUTIERREZ: Tama naman iyon, Ka Ely. In fact madami rin nagpapanukala na imbes na isang malawakang pagbabago na ang daming laman, tututukan nalang ang pinakapriority dapat na baguhin at iyon nalang ang pagdebatihan natin.

    ELY: Oo halimbawa tungkol sa ekonomiya. At siguro mas maganda mas matutuwa ang taong bayan, diyan po sa Kamara, ipasa ninyo na ang sa Anti-dynasty. [laughs]

    ATTY. BARRY GUTIERREZ: Actually maski si dating Sen. Nene Pimentel, ang ama ni Sen. Koko, at ang ama din ng local government code natin, isa sa mga pangunahing proponent ng federalism, sinasabi niya bago tayo lumipat sa federalism dapat talaga magkaroon muna ng anti-dynasty provisions kaya doon sa Consultative Commission draft, pinasok niya ang anti-dynasty. Kasi kinikilala din talaga niya na kung basta-basta nalang tayo magshi-shift, hindi natin binibigyang pansin at solusyon iyong mga dynasty, baka lalo tayong magkagulo.

    ELY: Tama. Pero, Attorney, natuklasan ko rin diyan sa ginawang hearing sa Senado, na kung natupad lang talaga iyong sa DILG, iyong talagang nasa 1987 Constitution na kada limang taon, may review.

    ATTY. BARRY GUTIERREZ: May review.

    ELY: Tama, puwedeng amyendahan. Siguro mas maganda lalo ang sistema, hindi kailangan ng federalism.

    ATTY. BARRY GUTIERREZ: Oo nga, actually—

    ELY: Every five years pala dapat palang nire-review.

    ATTY. BARRY: May mandatory review.

    ELY: Opo, pero hindi nangyayari.

    ATTY. BARRY: Nakakalungkot man na aminin, Ka Ely, ang problema minsan sa Kongreso kapag hindi urgent o hindi talaga of the moment, minsan nakakalimutan, lumulusot sa mga butas, kumbaga.

    ELY: Okay mga kasama, ilan lang ho iyan sa mga tinatalakay na isyu at mamaya, mayroon pa rin ho tayong Istorya ng Pag-asa, sandali lang ho.[music break]

    ELY: Okay oras ho natin mga kasama, 9:41 na ho ng umaga. At tuloy-tuloy ho tayo sa ating pagtalakay pa rin sa mga issue dito po sa Biserbisyong Leni. Sa pangalan po ni Vice President Leni Robredo, kasama po natin sa ating studio ang spokesperson ng Office of the Vice President, si Attorney Barry Gutierrez.

    So, Attorney, at ngayon ano magandang balita at sunod-sunod ang pagbaba ng presyo ng produktong petrolyo at mukhang lumilitaw dahil sa nagkaroon ng oversupply. Kasi iyong law of supply and demand alam naman natin. Kapag dumami ang supply, bababa ang presyo, automatic po iyan. Pero ngayon nagdesisyon ang economic managers ng Duterte Administration na iyong plano noon na suspendehin iyong pangalawang ano sa fuel tax, sa Enero itutuloy na.

    ATTY. BARRY: Oo nga eh.

    ELY: So bagamat hindi tayo ekonomista, ikaw ba, ako nagtataka ako, sunod-sunod ang roll-back pero hindi pa rin bumaba ang presyo ng bilihin.

    ATTY. BARRY: Papano talagang alam naman natin, Ka Ely, kapag tumaas talaga ang presyo, minsan kahit sabihin natin bumaba na ang presyo sa world market, ‘di ba bumaba nga ang world oil price, hindi kaagad-agad nakaka-adjust ang lokal na presyo. Dahil siyempre nasanay na ang ating mga negosyante rin dito na nagbebenta sa ganoon, hindi nila kaagad-agad ibababa iyan, mabagal. At ang nakakabahala dito kung itutuloy nga ang second round ng increases sa ilalaim ng TRAIN 1 ngayong Enero, hindi lang sa hindi bababa iyan, baka tumaas pa lalo. Kasi talagang ang tax diyan ang laki na naman ng maipapatong.

    Naalala niyo nagkaroon tayo ng bisita dito mula doon sa consumer sector, gumawa sila ng computation at sinasabi nila na kahit na mag-maintain lang ang kasalukuyang presyo, kapag pumatak ang Enero at pumasok ang panibagong increase sa tax ay talagang malaki na naman ang itataas ng presyo ng ating mga bilihin. So nakakalungkot itong desisyon na ito dahil ang tagal nang hinihingi ng ating mga kababayan iyan, na kung puwede suspendehin muna dahil talagang bigat na bigat na kami. Ngayon na nagkaroon ng kaunting stability doon sa world oil prices, ang hirap naman na biglang-bigla naman ang itataas uli buwis. So talagang sigurado iyan. Minimum hindi bababa ang mataas nang presyo, o baka mas malala pa, tumaas pa uli dahil nga dito sa dagdag na buwis na ito pagdating ng Enero.

    ELY: So siguro at marami pa ring hong nananawagan na ituloy na sana ang pagsuspinde muna at para maka, maramdaman po natin ano iyong talagang, iyong sarap po at mapababa pa ang presyo ng mga bilihin. Iyan namang inflation parang hindi pa rin ganoong bababa ng husto ano base sa pagtaya ng Bangko Central ng Pilipinas, bagamat bababa ng kaunti. Pansamantala lang siguro iyon dahil Enero iyong fuel tax diretso na naman.

    ATTY. BARRY: Tapos alalahanin din natin na papasok na tayo ng Christmas season Desyembre. At kapag Christmas season tumataas din talaga ang demand, therefore tumataas ang presyo.

    ELY: Kaya lalo na ang mga tinatawag na noche buena items. Siguro magising ho dito ang DTI kalampagin po natin. Kasi ang mga negosyante, Attorney, kapag sinabi, hindi nabili kasi namin iyong mga materyales at iyong iba pang sangkap—

    ATTY. BARRY: Noong mataas pa ang presyo…

    ELY: Oo. Pero siyempre ngayong bumaba ang presyo alangan naman hindi sila bumili.

    ATTY. BARRY: Tama, ‘di ba. [laughs]

    ELY: Tapos biglang tumaas ang presyo na naman, sasabihin, hindi naman nila puwede sabihin na hindi, puwede kami magbaba dahil nabili namin mura, wala naman tayong maririnig na ganoon. [laughs]

    ATTY. BARRY: Oo walang ganoon. Kapag tumaas talaga medyo mas mahirap pa ibaba.

    ELY: Okay, samantala mga kasama at huling issue nating tatalakayin dito po sa BISErbisyong LENI. Attorney, anong take mo dito sa naging pahayag ng Pangulo na bubuo siya ng kaniyang DDS—iyong parang Sparrow Duterte Death Squad laban sa mga Sparrow din ng mga makakaliwang grupo?

    ATTY. BARRY: Ako gulat na gulat talaga ako noong narinig ko iyan at gulat na gulat ako na naging seryoso siyang panukala kasi talagang klarong-klaro iligal ang pagtatayo ng death squad. Death squad nga eh. Sa ibang bansa kapag sinabi mong death squad talagang iyon pa lang iligal na. Kasi—

    ELY: Iyan talaga extrajudicial—

    ATTY. BARRY: Extrajudicial talaga. Kasi ang pag-enforce ng gobyerno sa batas, dapat dinadaan sa mga institusyon tulad ng PNP, tulad ng AFP.

    ELY: Lahat ng mga law enforcement agencies.

    ATTY. BARRY: Iyong mga law enforcement agencies na klaro ang mandato, propesyonal ang mga miyembro, malinaw kung ano ang misyon. Kung gagawa ka ng death squad, unang-una sino ang papasok doon. Ano ang kanilang mandato, kanino sila mananagot at ano ang batas na kanilang susundin sa kanilang pagkilos. Parang sa pangalan pa lang, death squad ano na, ang implikasyon ay kumikilos sa labas ng batas. Ngayon paano mo ikukumpara iyon sa Sparrow siyempre ang Sparrow rebelde iyan, labas na talaga iyan sa batas.

    ELY: Sa umpisa pa lang—

    ATTY. BARRY: Sa umpisa iligal na kaya nga hinuhuli natin. Gusto nating sugpuin dahil iligal at lumalabag sa ating batas so ang hirap na parang kung ano iyong ginagawang mali ng ating kalaban, ay gagawin din natin. Mali din ang ating itatapat.

    ELY: Di ba ang pagkakamali nga hindi dapat ituwid ng isa pang pagkakamali.

    ATTY. BARRY: Tama.

    ELY: Kaya mga kasama iyon ho marami pong nagugulat at ang nakakatakot dito Atty. baka magkaroon na naman ng walang katuturang patayan dito kasi ang sabi, ang kuwento ng Pangulo sa kanyang speech pag may nakita kayong tambay-tambay mga dalawa, tatlo, upakan kaagad.

    ATTY. BARRY: ‘Di ba. Parang naalala ko dito ang isang programa na pinatupad noong panahon ng diktadurya sa ilalim pa ng Martial Law Regime. Ang mga, kung naalala ninyo ka Ely, bata pa ako noon, iyong mga secret martial? ‘Di ba na parang mga pulis na naka sibilyan, sasakay sa mga bus, sasakay sa mga… tapos bigla nalang ano, titirahin ang tingin nilang kriminal. At ang daming mga kumbaga iskandalo diyan sa issue na iyan kasi talagang parang naging wild west iyong Maynila. Nagbabarilan sa kalsada, hindi mo alam kung sino ang pulis, sino ang kriminal at ang daming ibang nasangkot na mga inosenteng mamamayan. So iyon ang delikado sa ganyang klaseng…

    ELY: Hindi dumaan sa proseso ng batas.

    ATTY. BARRY: Hindi dumaan sa proseso, hindi mo alam kung kanino ang pananagutan, at ito pa, simpleng bagay nalang, hindi mo alam kung sino ang pulis, sino ang hindi.

    ELY: So lahat pati kriminal puwedeng umakto kunwaring pulis.

    ATTY. BARRY: Kapag sasabihin nila death squad kami, ‘di ba? Kung may patayin doon na tao tapos kapag may umangal, sasabihin, ay hindi hindi, death squad kami, death squad kami e wala namang mga ID iyan mga iyan, death squad nga.

    ELY: Oo mahirap at baka masamantalahan, di ba sa mga nakaraan na kung sino-sino ang papatayin tapos lalagyan lang ng karatula, drug addict ako. Tapos na ang kaso, hindi na nila inimbestigahan.

    ATTY. BARRY: Oo nga kaya feeling ko nga noon madaming mga nakalusot doon na pinatay lang kung sino-sino na wala naman—

    ELY: Personal na galit—

    ATTY. BARRY: Personal na galit, tama.

    ELY: Okay samantala mga kasama, grabe ho, ano, pero siguro, ipagdasal po natin ang ating bansa, mga kasama. [music break; end of Gap2]

    [GAP 3]

    ELY: Oras na po natin, 9:48 na po ng umaga. Dito pa rin po sa BISErbisyong LENI. Ako pa rin po ang inyong radioman, Ely Saludar. Tayo po ay napapakinggan dito sa DZXL sa Manila gayon din po sa DYHP sa Cebu, DXCC sa Cagayan de Oro DXDC sa Davao gayon din po sa DWNX Naga. At siyempre sa inaabot po ng broadcast netwide, worldwide at sa aming RMN Facebook page at gayon din po sa VP Leni Robredo facebook page. Okay, samantala, Attorney, gaya po ng dati ay kasama po ito sa sangkap ng BISErbisyong LENI ay ito hong Istorya ng Pag-asa.

    ATTY. BARRY: INP.

    ELY: Tama. Narito nga ang ating panauhin, si Ma’am Noreen Parafina, program director po ng Museong Pambata. Good morning po.

    NOREEN PARAFINA: Good morning po sa inyong dalawa.

    ELY: Kumusta po ang ating Museong Pambata?

    NOREEN PARAFINA: Mabuti po. Kami po ay nasa Manila doon po sa hindi nakakaalam, malapit lang po sa Luneta.

    ELY: Mabuti hindi natuloy iyong ano ‘no? ‘Di ba, muntik ng tayuan ng ibang building iyan?

    NOREEN PARAFINA: Sa ngayon po ay maganda ang aming relasyon sa Manila. Gusto nila ang mga programang pambata so natutuwa po kami doon.

    ATTY. BARRY: Maaari pa po ba kayong magkwento halimbawa sa mga programa doon sa interactive museum?

    NOREEN PARAFINA: So ang Museong Pambata po, sabi niyo nga, we are an interactive museum. Kami po ang nauna sa Pilipinas na nakaisip na dapat ang museum sa Pilipinas, hindi tinitignan lang. So dapat na-eexplore. Na-e-enjoy. So kung pwede lang, gamitin lahat ng senses para maintindihan ng mga bata iyong konsepto nung … kasi marami po kaming shini-share doon. Ang Museong Pambata, promoter din siya ng environment. Mayroon kaming kwarto na tungkol sa kalikasan, mayroon kaming under the sea, mayroon kaming forest, mayroon kaming herbal garden na talagang totoo iyong mga halaman.

    ATTY. BARRY: Okay

    NOREEN PARAFINA: Na-e-explore ng mga bata.

    ATTY. BARRY: Hindi lang display

    NOREEN PARAFINA: Hindi lang display. Nakikita nila iyong mga herbal medicine—

    KA-ELY: Saka ine-explain din iyong bawa’t halaman, kung ano iyon, ‘di ba?

    NOREEN PARAFINA: Opo. Kung para saan, kung bakit siya importante. We have that room. Tapos mayroon din kaming old manila kasi iyon po ang aming location so pinapakita ko sa mga bata kung ano ba ang pinagsimulan ng Maynila. Ano iyong tipo ng mga sinasakyan natin. Sabi namin may LRT na kasi mayroong mga train na pinapatakbo ng kuryente

    ATTY. BARRY: Street Cars

    NOREEN PARAFINA: Street Cars sa Sta. Cruz. Tapos mayroon din kaming tungkol sa the Global Village. Pinapakita na may iba’t ibang bata sa iba’t ibang parte ng mundo na may iba’t iba silang laruan. Minsan makikita mo, magkakapareho talaga tayo. Iba lang tayo ng pinanggagalingan pero lahat tayo may karapatan so iyon ang pinapakita. First floor pa lang iyan.

    Second floor, mayroon kaming “I love my planet earth” pinapakita sa bata na kahit bata, you can also be involve in looking after your planet kasi tungkol siya sa climate change iyong “I love my planet earth”. Tapos, mayroon ding tungkol sa katawan. Siyempre, you have to take care of your body, tapos nandiyan na rin iyong good food, mga activities na pwedeng gawin ng mga bata. Diba? And then, we have our “Career Options Room”. Pinapakita iyong mga trabaho na pwede nilang gawin hindi lang naman artista, hindi lang pulis. Mayroon tayong kwentista nagsto-storytell. Mayroon tayong writers and illustrators ng storybooks. Sila po iyong naka-feature ngayon sa “Career Option Room”. Pero, we also extended it na may mga ibang trabaho sa pamayanan na napaka-importante.

    Mayroon kaming pamilihang bayan. Nandoon iyong mga nagtitinda ng bigas, nagtitinda sa palengke. Mga importanteng tao. Tapos iyong favorite ng mga bata dun, iyong mga firetruck. Hindi pwedeng hindi nila sakyan iyon.

    ATTY. BARRY: Ah, totoong firetruck?

    NOREEN PARAFINA: Gawa-gawa na lang namin

    ATTY. BARRY: Pero pwedeng sakyan?

    NOREEN PARAFINA: Opo, sasakyan.

    ATTY. BARRY: Ahh. Puwede.

    NOREEN PARAFINA: Magbibihis sila, magcocostume sila ng fireman. Ayun, promoter of books kami so we have a library. Nandoon din siya sa second floor.

    ATTY. BARRY: Mayroon din daw kayong mga readings o storytelling?

    NOREEN PARAFINA: Yes. We have our regular storytelling session tuwing saturday sa museum. And then we also have a mobile library. Lumalabas po iyong mobile library namin every weekend and then we go to different communities na in-adopt namin for this year hanggang next year, iyong adopted naming mga communities ang graduation nila, they will have their own reading quarters. Sa tulong po iyan ng mga sponsors namin.

    ATTY. BARRY: Sa experience niyo Ma’am Noreen, ano ang magiging reaksyon ng mga bata doon sa mga reading programs niyo?

    NOREEN PARAFINA: Actually ano po— Ako, as a storyteller, ang favorite kong nakikita sa mga bata parang nawawala sila. Alam niyo iyong word na “trance”? Kasi parang kapag nagkukwento, nandoon na pala sila sa loob ng kwento. Hindi na, nasa loob ako ng museo, nasa community ako. Nasa loob na sila ng kwento. Iyon ang gusto naming nakukunan ng picture with the permission ng mga parents. Makikita mo iyong parang wala. Iyon iyong I think nagagawa ng kwento na nadadala mo iyong bata somewhere else in the story. So napaka — hindi kayang gawin ng TV iyon eh. Iyong utak nila ang gumagana. Hindi kayang gawin ng TV lang iyon eh. So listening, seeing the images come alive sa isip nila. Iyon iyong favorite ko. Iyon ang pinakagusto ko about reading.

    ATTY. BARRY: So, ang dami rin kasing dalaw ni VP Leni sa iba’t ibang eskwelahan Ka-Ely di ba. Isa sa ginagawa niya usually ay storytelling. Kaya naiintindihan ko na bakit gusto niya itong gawin. Iyong nakikitang impact sa mga bata na parang na-aabsorb nila. Pero after that, na-experience ba ninyo na na-eencourage sila on their own na magbasa rin kasi may mobile library kayo eh.

    NOREEN PARAFINA: Kasi the reason nga why we have the mobile library is unang una po, mahal ang librong pambata. Hindi siya afford ng mga batang nami-meet namin. So kadalasan po, ang uunahin nila is pagkain.

    ATTY. BARRY: Siyempre.

    NOREEN PARAFINA: Wala silang libro. So kapag nakikita nila iyong mga libro naming dala, siyempre bubukaltin nila, titignan iyong mga pictures. Marami kasi usually colored at illustrated books. So, first time nila makakahawak. Iyong iba nga, sinusulat pa iyong kwento. Kokopyahin. Hanggang sa iyong habag mo, ibibigay mo na lang iyong libro eh. Kasi gusto talaga niya iyong kwento. Nangyari po iyan sa akin.

    ELY: So parang kinokopya niya lang?

    NOREEN PARAFINA: Kinuwento sa kaniya, nakinig siya tapos maya-maya, makikita mo nasa corner. Kokopyahin iyong libro kasi gusto niya iyong kwento. Gusto niya ikwento ulit. Ayaw niyang makalimutan.

    ELY: Kasi iyong advocacy nga ni VP na iyong mga bata, masanay pa ring magbasa, ano ng libro?

    NOREEN PARAFINA: Totoo.

    ELY: Napakaimportante para mas maging matalino iyong mga kabataan hindi lang sa mga napapanood sa telebisyon

    NOREEN PARAFINA: And to think hindi siya pipilitin. ‘Di ba? Iba iyong …

    ATTY. BARRY: Sila iyong interested.

    NOREEN PARAFINA: Iba iyong papaluin kita kapag hindi ka nagbasa. Iba iyong bubuksan niya kasi interesado talaga siya kasi gusto niya.

    ATTY. BARRY: Ngayong pa-holiday na tayo. Pa-Christmas season. Mayroon ba kayong mga special events? Ano iyong mga naka-line up?

    NOREEN PARAFINA: Well ang Museong Pambata po, magtwe-twenty four years old na. Ang anniversary po namin sa December 16.

    ATTY. BARRY: So this month?

    NOREEN PARAFINA: Opo. Tuwing ganyang anniversary namin, sinasabay na namin iyong Christmas gift giving. So mayroon po kaming partner communities. Sila po iyong naimbitahan namin sa Museong Pambata. So magkakaroon kami ng storytelling, mga sayawan, tapos iyong mga bata, kani-kaniyang paandar. Kapag pupunta ng Museo, magpeperform din sila.

    ATTY. BARRY: Ah okay.

    NOREEN PARAFINA: Ganun po. Tapos by next year, balik po ulit kami. May mga regular activities kami tuwing 1st Saturday of the month. Mayroon kaming shadow playing na ang tawag rin yata, “karilyo”. Ginagawa raw ni Jose Rizal noong bata pa siya so sabi namin, iyan iyong come on namin na “Si Jose Rizal, ginagawa ‘to so dapat, interesado din kayo”. Shadows, iba rin iyong creativity na nagagawa niya sa isip eh. We have that storytelling through shadows. And then we also have folk dances care of Bayanihan National Dance Company. Ano nila kami, adopted CSR nila kami. Every 3rd Saturday of the Month iyon. They would teach and they would dance different folk dances kasama iyong mga bata. Marami pa so sana po, tignan ninyo po iyong aming post sa facebook.

    ATTY. BARRY: Ano iyong mga oras na magandang magpunta sa Museo?

    NOREEN PARAFINA: Well for families, lagi kong sinasabi, come weekends.

    ATTY. BARRY: Sabado linggo?

    NOREEN PARAFINA: Ang oras ng aming Museo from Tuesday to Saturday is 8:00-5:00 PM. Sunday, 1:00-5:00. Pinakamaganda talaga is 1:00-5:00 for families.

    ATTY. BARRY: Okay.

    ELY: Okay. Wala na tayong oras. Ma’am, kapag may aktibidad kayo sa Museong Pambata, pwede po nating i-announce iyon.

    NOREEN PARAFINA: Opo.

    ELY: Iyan po ang isa sa layunin ng Bise Presidente para po sa mga bata. Salamat po sa inyo.

    NOREEN PARAFINA: Maraming Salamat po.

    ATTY. BARRY: Thank you, Ma’am Noreen.

    ELY: Mga kasama, iyan po si Ma’am Noreen Parafina ng Museong Pambata. So, Attorney, wala na tayong oras. Ang bilis.

    ATTY. BARRY: Ang bilis talaga, Ka Ely, kapag madaming pinag-uusapan.

    ELY: Okay sa susunod pong linggo, makakasama na po natin dito po sa ating studio si VP Leni.

    ATTY. BARRY: Nakalapag na siguro iyon ngayon. Nasa airport na siguro sa ganitong oras. Salamat, Ka Ely. Palaging masaya ako tuwing nagkakasama tayo dito at magandang umaga sa lahat ng ating taga-subaybay.

    ELY: Maraming Salamat mga kasama sa mga sumubaybay dito po sa ating palatuntunan ang BISErbisyong LENI sa ngalan po ni Vice President Leni Robredo. Ako pa rin ho ang inyong radyoman Ely Saludar. Muli po, isang magandang umaga, Pilipinas.

    -30-

    Posted in Transcripts on Dec 01, 2018