This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI – Episode 32 Christmas Special

    17 December 2017

    ELY: Magandang umaga, Pilipinas—Luzon, Visayas, at Mindanao! Isa na namang edisyon ng BISErbisyong LENI, at espesyal po itong episode natin ngayon pong araw na ito, dahil sa live dito po sa Quirino Memorial Medical Center dito po sa Quezon City. Dito kami napapakinggan, ang BISErbisyong LENI. Ako pa rin ho si Ely Saludar, at kasama po natin ngayon ang Bise Presidente ng Republika ng Pilipinas, si Madam Vice President Leni Robredo. Ma’am, good morning po sa inyo!

    VP LENI: Good morning, Ka Ely. Good morning po sa lahat na nakikinig sa atin ngayong umaga at nanonood. Ito, Ka Ely, ito iyong first time na hindi tayo sa studio nagprograma, at ito ay dahil sa itinaon natin sa parang Christmas na pagbisita dito sa Quirino Memorial Medical Center. Ito, matagal ko nang napapakinggan itong ospital na ito, dahil maraming mahihirap ang dito talaga pumupunta. At iyong anak ko, paminsan pumupunta siya dito dahil siya ay isang medical student. Mayroong mga pasyente na galing dito na humihingi ng tulong, kaya noong nag-iisip ng parang kawanggawa iyong Jesse Robredo Foundation, ito iyong aming isinuggest. Gusto ng Jesse Robredo Foundation instead na mag-Christmas party kami, mag-alay na lang sa mga pasyente, mga bata. Sinuggest namin na idala dito, lalong lalo na kasi iyong isa sa ating mga partners, iyong Kythe Foundation, isa ito sa mga areas nila.

    Kaya ngayong umaga, nandito tayo. Ito iyong parang pinaka-Christmas activity ng Jesse Robredo Foundation. Minabuti namin na dito tayo magprograma dahil gusto nating parang i-highlight iyong kabutihan ng ospital, at i-highlight ano pa iyong pangangailangan ng ospital na puwede namang tayong makatulong.

    Kaya mapalad tayo, Ka Ely— Sa mga nakikinig sa atin, iyong mga nasa Visayas at Mindanao, maayong buntag po sa inyo. Sa mga taga-Bicol, marhay na aga sa indo gabos.

    Alam mo, Ka Ely, kahapon iyong pinakamalakas yatang tama ng Urduja doon sa amin sa Bicol, pero sabi nila ngayong umaga, bagamat umuulan-ulan pa, medyo mabuti na. Sana po ay tuluy-tuloy na, at sana po iyong sa ibang bahagi ng bansa ay hindi na grabe.

    ELY: Okay, so sa ating mga listeners nationwide, tayo po ay napapakinggan sa RMN-Cebu, RMN-Davao, RMN-Cagayan de Oro, at RMN-Naga. At siyempre inaabot po tayo ng broadcast nationwide, gayundin po sa internet, sa FB Live: “VP Leni Robredo” at sa “RMN News Nationwide: The Sound of the Nation.”

    Ma’am, hindi ho natin inianunsyo ito last episode, na pupunta po kami dito sa Quirino Memorial Medical Center, dahil sa gusto pong supresahin ng ating Bise Presidente iyong mga pasyente, lalo na po iyong mga bata, Ma’am.

    VP LENI: Opo. Ngayon po iyong mga kasamahan natin sa Jesse Robredo Foundation, nandoon na po sa pediatrics ward. Magbibigay po tayo—mamaya ipapakita po natin doon. Pero ngayon, kasama po natin iyong officer-in-charge ng Quirino Memorial Medical Center, si Atty. Angelo Inventor. Magandang umaga po sa iyo, Attorney.

    ATTY. INVENTOR: Magandang umaga po sa lahat ng tagasubaybay. Magandang umaga sa ating kagalang-galang na Bise Presidente, kay Ka Ely, at nagpapasalamat po ang Quirino Memorial Medical Center na pinaunlakan niyo ng pagbisita itong aming ospital. Maraming salamat po.

    VP LENI: Attorney, gaya ng sinasabi ko kay Ka Ely kanina, noong naghahanap ng outreach program iyong Jesse Robredo Foundation, ito iyong isinuggest namin kasi parang… parang medyo for a long time now, parating nakakarating sa amin iyong kabutihan ng iyong ospital. Alam namin, Attorney, ito ay fully owned by the government, ‘di ba? Pag-aari ng pamahalaan. Malaman lang namin, ilan ang capacity ng ospital?

    ATTY. INVENTOR: Ang Quirino Memorial Medical Center po, around 500-bed authorized capacity, pero we’re now operating at 460, iyong operating capacity, kasi as much as we want to maximize iyong authority, kulang na din iyong space na paglalagyan ng guests.

    VP LENI: Tapos nabalitaan ko, Attorney, kahit 500 beds iyong capacity, iyong mga pasyente niyo parating higit sa 500.

    ATTY. INVENTOR: Opo. Nakakaabot kami ng 280% maximum capacity, so sumosobra, more than double sa capacity ng ospital. But just the same, we cater to their needs, kasi iyong policy po ng ospital, iyong No Refusal. So lahat tinatanggap.

    VP LENI: Balita nga namin, Ka Ely, ito daw iyong ospital na walang hinihindian, walang inaayawan, walang pinapauwi. Kaya ganoong kagrabe iyong pasyente dito. Saka balita ko din, Attorney, na may mga mas maliliit na karatig-ospital itong Quirino Memorial Medical na nagre-refer ng kanilang mga pasyente sa inyo.

    ATTY. INVENTOR: Opo. Mayroon po kaming katabing ospital, iyong Amang Rodriguez, na medyo maliit din iyong capacity nila, so iyong pinakamalapit po na puwedeng i-refer, dito sa amin sa Quirino. Mayroon din kaming katabing Rizal Medical Center sa Pasig po, na undergoing renovation. Nag-request din po sila na mag-refer dito. So we’re accepting everyone, wala po kaming hinihindian.

    VP LENI: Ang problema po diyan, Attorney, sa ganiyang klaseng ospital, I’m sure napakarami ng pangangailangan, ‘di ba? Ito, naitanong ko kay Attorney kanina saka sa staff ng Quirino Memorial, ano ba iyong kayang gamutin dito, ano ba iyong mga facilities, saka—later on siguro—ano ba iyong mga pangangailangan?

    ATTY. INVENTOR: So we’re a tertiary medical center, so iyong ine-expect sa higher degree of services nake-cater naman, it’s just that may mga facilities lang na ongoing po iyong procurement—just like iyong MRI, iyong CT Scan, saka iyong mga onco na equipment namin na undergoing procurement.

    VP LENI: Gustong sabihin pati mga cancer patients tini-treat dito? ATTY. INVENTOR: So far po wala ngayon, pero na-mention ko na po na iyong DOH may identified referral centers, na one of which na na-identify po na maging onco referral center.

    VP LENI: Kailan po mag-uumpisa iyong puwede nang mag-refer ng cancer patients?

    ATTY. INVENTOR: Iyong budgetary requirements po, maoobligate po sa 2018, so iyong mga preparatory work, mag-start ng 2018. So hopefully in the next few years makaka-cater na kami sa cancer patients.

    VP LENI: Okay. Alam naman natin, Ka Ely, kahit sa programa natin, parating parang on the rise iyong cancer patients. Sabi nga nila, hindi nila alam kung on the rise dahil mas matindi na iyong awareness ngayon, pero kailangang kailangan iyong mga ospital na nagke-cater, lalong lalo na siguro sa mga nakatira na malapit. Kasi alam naman natin kapag cancer, talagang hindi siya one-time na treatment, paulit-ulit. Kapag napakalayo ng ospital, parang napakahirap para sa pamilya. Kaya siguro napakalaking bagay kapag naging cancer-, oncology referral center na iyong QMMC.

    ELY: So iyong mga kagamitan—MRI, CT Scan—napakaimportante po niyan dahil sa… lalo na po iyong mga naging biktima ng vehicular accident o kung anuman.

    VP LENI: I understand mayroon na din, pero upgrading.

    ATTY. INVENTOR: Mayroon na po kami pero since matagal na siyang nabili, ina-update iyong equipment namin. So iyon na po iyong subject ng procurement namin, iyong pinaka-latest na version.

    VP LENI: Tapos Attorney, noong hinahanda namin iyong activity na ito, nagulat ako noong sinabi ng staff ko na halos 200 iyong pediatric na patients dito. Napakarami noon, ‘di ba?

    ATTY. INVENTOR: Opo. Iyong authorized capacity lang po ng pediatrics, around 90. Pero usual namin na census umaabot ng 160. Kung nagpi-peak po sa times ng dengue season, umaabot up to 200 or 300.

    VP LENI: So kapag umaabot siya ng 200, 300, gusto bang sabihin noon may mga kama na ilan na iyong pasyente?

    ATTY. INVENTOR: Opo. Unfortunately mayroon pong mga kama na dalawa o tatlo [iyong nagshe-share] para ma-accommodate po iyong mga pasyente natin.

    VP LENI: Kanina, Ka Ely, tinatanong ko si Attorney—kasi kinukuwento nila na lagi silang overcapacity nga—tinatanong ko siya kailangan na bang mag-expand ng ospital? Dapat na bang maglagay ng new wing para madagdagan iyong capacity? Pero kinukuwento nila, hindi pala ganoong kadali, kasi hindi lang iyong dagdag na structure, mga kama, pero iyong kaakibat na demands din sa personnel, iyong additional cost na kailangan. Kaya ito, Attorney, kapag magdadagdag ng bed capacity, kailangan ng congressional approval?

    ATTY. INVENTOR: Yes po, kailangan ng batas to increase iyong bed capacity ng isang government hospital.

    VP LENI: Kaya ito, Ka Ely, napakahalaga nito sa mga government hospitals na talagang binibigyan ng priority. Kanina kinukuwento ko nga sa kanila na isa ito sa mga adbokasiya ko noong nasa Kongreso pa ako, na iyong mga provincial saka regional hospital dapat kumpletuhin iyong mga kagamitan dahil lalo na sa mga probinsya, kapag pumunta sa provincial hospital na kulang iyong kagamitan, ang tendency ire-refer sa labas. Kapag ni-refer sa labas, madalas private na iyong mare-refer-an. Kapag walang pambayad, walang mahihiraman, walang mahihingian, parang wala nang choice, huwag nang mag-undergo ng mga test. Kaya ano, parang kailangan talagang bigyan siya ng priority.

    Pero ito, Ka Ely, siguro mamaya marami pa tayong tanong kay Attorney, pero ngayon pa man nagpapasalamat na tayo sa kaniya. Sabi ko sa kaniya kanina, pasensya na kahit Linggo ginambala namin kayo. Pero ganoon talaga iyong serbisyo ng QMMC.

    ELY: 24/7 naman ang serbisyo ng ospital. At marami tayong bibisitahin mamaya. Marami pa sigurong mga detalye. Personal niyo pong pupuntahan.

    VP LENI: Pupuntahan ko iyong pediatrics ward.

    ELY: Samantala, at bago tayo pumunta doon, para po sa kaalaman ng ating mga listeners, sa Visayas at Mindanao, sa bahagi po ng Luzon, at siguro kuha tayo ng update tungkol dito sa bagyong Urduja. Naku, marami pong stranded, at iyong lugar po ninyo ay isa po sa mga tinumbok nitong bagyo.

    VP LENI: Actually, iyong bunso ko ngang anak nandoon, umuwi sa amin. Kinukuwento niya na bagamat umuulan, hindi siya kasing lakas ng inaasahan. So iyon naman, nagpapasalamat tayo. Pero iyong aming team, iyong aming team sa Office of the Vice President, nandoon sa Eastern Samar ngayon, particularly sa Quinapondan, kasi iyon ay partner ng Angat Buhay. Kasi binaha nang grabe, binaha iyong Eastern Samar. Tumutulong tayo sa relief operations.

    Ang problema kasi, iyong Urduja parang ang bagal niya, kaya ang tagal niyang nag-maintain sa Samar area, kaya iyong ulan talaga walang hinto. Nakita natin sa pictures na talagang grabe iyong baha, pero inaasahan natin na—saka siguro wini-wish natin—na hindi na lumakas.

    Ang alam natin palabas na siya ng Bicol, dadaan siya ng Marinduque-Romblon, pero sana hindi naman grabe. Iyong hangin naman niya hindi gaanong kalakas, pero dahil mabagal, tuluy-tuloy iyong ulan.

    ELY: Tiyempo ho na Disyembre.

    VP LENI: Oo. Pero alam mo, doon sa amin, saka dito sa buong bansa, kapag bagyo ng December, talagang malakas siya. Last year tinamaan kami ng bagyo, iyong Nina. December 24 siya tumama at talagang matindi iyong destruction. Sana iyong Urduja—alam ko mayroon na namang padating—pero sana naman pagpahingahin iyong ating mga kababayan.

    ELY: Okay, so pupunta na tayo doon sa loob.

    VP LENI: Ka Ely, maiwan kayo ni Attorney, pero ako pupunta sa pediatrics ward.

    ELY: Okay mga kababayan. Papasok na muna sa pediatric ward ang ating Bise Presidente Leni Robredo para bisitahin po ang ating mga kababayan lalo na po ang mga pasyente. So Atty, sa ngayon ho ang mga batang pupuntahan ni Ma’am, bale ilan ho lahat iyon?

    ATTY. ANGELO INVENTOR: Sa present census ho natin mayroon ho tayong 160 na pasyente sa pediatric wards. So maeexpect ni ma’am na mayroong doble sa isang kama sa sinabi ko kanina, sumobra siya sa authorized bed capacity.

    ELY: Okay kasama din natin ang spokesperson ni madame Vice President si ma’am Georgina.

    GEORGINA HERNANDEZ: Magandang umaga ka Ely, magandang umaga Atty.

    ATTY. ANGELO INVENTOR: Magandang umaga and welcome sa QMMC.

    GEORGINA HERNANDEZ: So ngayong, kailan usually ang mga bumibisita dito pag pag pasko? Ito ba ang una na may nag nagspend ng Christmas party ngayong season? Ano-ano usually ang mga pangangailangan nila pag pag may bumibisitang ganito?

    ATTY. ANGELO INVENTOR: Actually starting December 1, mayroon na pong nagiindicate na gustong mag-gift-giving. Magextend ng help especially sa pediatric wards namin so kini-cater naman din. Siguro ito lang ang medyo high profile because the vice president is here so we are very thankful na binisita din ng kagalang-galang na bise presidente.

    GEORGINA HERNANDEZ: Pero ano usually ang hinahanap ng mga bata. Ano ang pangangailangan nila talaga na…

    ATTY. ANGELO INVENTOR: Usually pagbibisita, aside from iyong medical needs nila ang kaunting laruan siguro. Kasi basically ang pangangailangan ng mga alam ng mga bata iyong marelieve lang iyong present na medical conditions nila, okay na. Parang nababawasan. So basically laruan, pagkain, kaunting damit. So iyon lang siguro ang ineexpect ng mga bata sa ganitong mga activities.

    ELY: So hindi po namin inanunsyo ito para maganda supresa din po para po sa ating mga kababayan. So sa ngayon ay, binabanggit niyo po kanina at kay ma’am vice president na ito po ang talagang parang puntahan kapag puno ang Amang Rodriguez. Pero may mga ospital kasi di ba kapag talagang hindi na kaya wala hindi tinatanggap. So papano niyo po, papano niyo po ito napagdedesisyunan ang mga ganoong eksena?

    ATTY. ANGELO INVENTOR: So basically po ang finofollow namin ang No Refusal policy. So lahat po ng dumadating sa ER namin, pinapababa sa sasakyan tapos inaassess. Kung hindi talaga kakayanin, kami ang gumagawa ng paraan kung saan puwede pang irefer. So primarily chinicheck muna namin kung stable ang pasyente before siya irefer. So iyon din ang objective namin na makapagbigay ng kahit na first aid lang or paunang lunas.

    GEORGINA HERNANDEZ: Iyong mga tumutulong dito, kasi baka maraming nakikinig sa atin na gusto ring magbigay ng tulong whether medical o itong panahon ng kapaskuhan. Paano po kaya sila puwedeng magbigay ng tulong?

    ATTY. ANGELO INVENTOR: So just like ang partner po ninyo ang Kythe Foundation, mayroon silang station dito na kahit hindi pasko nandito nagvovolunteer work. And we are very thankful about that. Sa mga may intensyon naman na magextend ng tulong or magextend din ng blessings nila, they can coordinate with the director’s office. Para din maaccomodate and mafacilitate po ang pagcoconduct ng parehong activity.

    ELY: Maitanong ko po Atty doon sa pediatric ward na kung saan ay personal na pinuntahan ngayon ng ating bise presidente, kadalasan ano ho ba ang mga sakit doon ng mga bata?

    ATTY. ANGELO INVENTOR: So basically po ang pumupunta po sa amin especially sa pediatric wards ang nakakaranas po ng pneumonia. So iyon ang pinakacommon na cause of admission. Pangalawa ang dengue, hindi lang sa rainy season nangyayari ang dengue. So year-round na siya so paunti-unti may pumupunta. And then pangatlo iyong mga gastrointestinal na mga diseases—mga diarrhea, mga related sa gastritis po.

    ELY: Pero iyong dengue alam naman po natin na kontrobersyal na usapin po iyan. Madali naman, nagagamot naman talaga ang dengue basta’t naaagapan?

    ATTY. ANGELO INVENTOR: Naagapan po kaya nga kung, sinasabi din ng Department of Health sa unang sintomas pa lang pumunta agad sa medical professional.

    GEORGINA HERNANDEZ: Usually gaano katagal ang length ng stay ng mga patients natin din and mayroon bang kind of support na binibigay din sa mga nangangailangan ng medical assistance sa ilang mga pasyente dito?

    ATTY. ANGELO INVENTOR: So pag iyong hindi mga complicated case po just like pneumonia, puwede naman siya itreat especially kung mild lang naman to 2-3 days, maximum siguro 4 or 5 days. Mayroon din kaming aside from iyong regular na hospital budget for our patients, mayroon din iyong medical assistance program. So pag hindi na talaga makakayanan, chinacharge po sa MAP and then mayroon din tayong NBB iyong No Balance Billing so nakakauwi din naman ang pasyente na walang binabayaran.

    GEORGINA HERNANDEZ: Kasi usually iyon ang nagiging problema minsan for discharge na ang pasyente pero pag hindi sila makabayad…

    ELY: Pero ito government hospital, talaga namang hindi po nanghohostage ang ospital sa mga pasyente kung wala pong pambayad. At may kaparaanan naman kung senior citizen ay pasok na po ito sa PhilHealth. At iyong mga sponsored, iyong mga inisponsoran po ng mga ano mga local or ano na government ay pasok na rin po, basta’t may dokumento lang naman.

    ATTY. ANGELO INVENTOR: In fact pati ang mga kasambahay nacategorize as such. Under sa law natin, pasok din sila sa No Balance Billing. So pagpasok hanggang sa paglabas, wala po silang babayaran. In fact we have been identified by the PhilHealth na compliant hospital sa NBB.

    GEORGINA HERNANDEZ: So ang kailangan lang nila ang PhilHealth card para maka-avail ng No Balance Billing.

    ATTY. ANGELO INVENTOR: Opo.

    ELY: Okay. So sa mga senior citizen naman, at mayroon din po akong ano sa PhilHealth na dapat kung senior citizen na po kayo kaya niyo na pong magparehistro, magparehistro na po kayo. Kung hindi naman, doon mismo na araw na iyon puwede naman kasi mayroong ano dito ano, ano desk.

    ATTY. ANGELO INVENTOR: Opo halos lahat naman po ng ospital may representative ng PhilHealth na magaasikaso sa mga hindi pa member, tapos…

    GEORGINA HERNANDEZ: Wala silang kailangang bayaran para makakuha ng ano…

    ELY: Wala po… pag senior citizen.

    ATTY. ANGELO INVENTOR: Automatic naman silang member po, lifetime.

    ELY: Pero ito, napakagandang location po nito dahil sa talagang ito nasa loob mismo, napakarami pong tao na nasa paligid nito, talagang ito po talaga ang puntahan. Siguro ang maganda ay talagang mas pondonhan po ng ating gobyerno ang ospital na ito.

    ATTY. ANGELO INVENTOR: Iyon din po of course ang ineexpect namin para makabigay kami ng nararapat, sapat at maayos na serbisyo, ay dapat may karampatang support din from the government. Iyon nga po ang sinabi ko kanina kay VP Leni na kailangan din naming mag-increase ng capacity. Ang pag-increase ng capacity it goes with it iyong personal component, iyong budget, at infrastructure. At present po limited po ang capacity namin. So as much as we wanted to accommodate everybody, constrained din po kami. So ayon po, kung mapaunlakan ang request namin for increase, then better po sa hospital at saka pasyente namin.

    ELY: Opo. So ngayon ho mayroon ho ba kayong proposal kasi ito kailangan aksyunan magmumula sa kongreso. Mayroon ho ba kayong proposal?

    ATTY. ANGELO INVENTOR: Opo. In fact we had already communicated with the Office of Congressman Banal, iyong nakakasakop po sa area namin. If he can further sponsor a bill increasing the bed capacity of Quirino. Kakaincrease lang, for information po, kakaincrease lang din ng bed namin from 350 to 500 and we’re thankful to the help of Congressman Banal kasi siya din ang nagsponsor pero iyon din ang sinasabi parang it’s not enough pa din. So kung mapaunlakan ang request namin for increase, 700 or up to 1000, maeexpect natin ang better services for the public.

    ELY: Pero ang additional bed po iyan, mangangailangan po ba na magconstruct ng building o hindi na po. Dito na, kakayanin na?

    ATTY. ANGELO INVENTOR: At present po definitely hindi kakayanin ang 1000 if ever. So naincrease po ang bed capacity, lalaki ang budget ng hospital, lalaki ang personnel component, and consequently we need to invest.

    [music break; END GAP 1]

    ELY: Ok, dito po ang sa Kythe Foundation. Episode po ito ng VP BISErbisyong LENI dito po sa Quirino Memorial Medical Center. So Ma’am Girlie, dito ho talaga, ba’t napili niyo po ito, talaga itong Quirino Memorial Medical Center?

    MARIA FATIMA “GIRLIE” GARCIA-LORENZO: Actually po, si VP po ang pumili nito, kasi po alam po niya na maraming pong mga pasyente dito. At saka ang Quirino po kasi maganda partner po ng Kythe kasi po very open po talaga sila sa mga ganitong activities. Hindi ho lahat ng ospital kasi ay bukas sa mga psychosocial na mga activities. So ang Quirino po iyong isa na medical at saka psychosocial po ang kanilang pino-provide sa mga, lalo na sa pediatric patients po.

    ELY: Iyong, iyong, iyong mga bata po ang talagang tinututukan ng Foudation?

    MARIA FATIMA “GIRLIE” GARCIA-LORENZO: Ah yes po, puro lang mga bata, from infant to 18 years old po ang tinututukan ng Kythe Foundation.

    ELY: So ano ho ba rito iyong mga, sabihin nating, iyong pinakamalalang sakit o karamadaman na talagang nangangailangan po talaga ng tulong po lalo po ng inyong Foundation?

    MARIA FATIMA “GIRLIE” GARCIA-LORENZO: Actually ang Kythe Foundation talaga ang focus namin mga batang may cancer at saka mga chronic illness. So kaya minsan mayroon pong mga kidney, mga hemophilia, ganyan po so iyon po tinutulungan namin.

    ELY: Ito iyong cancer treatment wala pa ho ata rito ngayon sa Quirino?

    MARIA FATIMA “GIRLIE” GARCIA-LORENZO: Wala po dito sa Quirino pero mayroon po kami sa National Children’s Hospital, sa Philippine Children’s Medical Center, sa AFP Medical Center, Tarlac, Cebu and sa Davao po, mayroon.

    ELY: Ok, sa mga nakikinig po sa atin ngayon sa Cebu muna, saan ho ba ito?

    MARIA FATIMA GIRLIE GARCIA-LORENZO: Ah sa Cebu, sa Cebu Cancer Institute po. Nandoon po ang Kythe.

    ELY: At sa Davao naman po?

    MARIA FATIMA GIRLIE GARCIA-LORENZO: Sa Davao naman, nasa Southern Philippines Medical Center, at sa Tarlac, sa Tarlac Provincial Hospital.

    ELY: Ngayon sa mga kababayan natin na nakikinig ngayon nationwide…. Napapakinggan po tayo ngayon sa Cebu, napapakinggan din po sa ngayon sa Davao at sa Cagayan de Oro, baka may gustong magmagandang loob na tumulong. Alam niyo iyong iba may gusto tumulong kaya lang hindi po alam kung saan at baka iyong iba kasi iyong mga sabihin na nating fly-by-night or talagang kung anu-anong Foundation lang na pansariling interes. So papaano po sila makakapag-ambag sa inyo pong adhikain?

    MARIA FATIMA GIRLIE GARCIA-LORENZO: Ah pwede po silang mag-email po sa amin sa info@kythe.org o kaya tawagan po kami sa 376-3454. Pwede rin silang tumulong sa amin.

    ELY: Ma’am Girlie, salamat po sa inyo.

    MARIA FATIMA GIRLIE GARCIA-LORENZO: Maraming salamat po. God bless you po!

    ELY: So mula po sa Kythe Foundation, makakausap naman po natin ngayon, ito pong si dating DSWD (Department of Social Welfare and Development) Secretary Dinky Soliman at ah ngayon po ay mula naman po sa Jesse Robredo Foundation, na nandito rin po at nagbibigay po ng tulong at syempre mga (gifts). So sorpresa rin ito sa BISErbisyong LENI, sa last episode din namin inanunsyo ito ng ating Bise Presidente.

    ELY: So Ma’am Dinky kumusta po at bakit ito po ang napili ninyo, na iyong Quezon City, ah Quezon, ah Quirino Memorial Medical Center?

    CORAZON “DINKY” JULIANO-SOLIMAN: Ah ang Jesse Robredo Foundation po.. Una, magandang umaga po sa lahat ng tagapakinig. Ang Jesse Robredo Foundation po ay nakikipag-ugnayan dito sa Quirino Memorial Hospital sapagkat isa ho ito sa mga nakikita naming lugar na maaring magbigay kami ng saya, lalung-lalo na sa children’s ward, dahil ang mga bata ho dito ay may mga sakit. Mula ho sa iba’t-ibang lugar, taga-Antipolo, Marikina, Quezon City, Fairview, dahil alam naman ho natin na ang Quirino Memorial ay isang public hospital na maganda ang rating. Pero talagang andami po ngayong batang may sakit, sari-sari po, may lagnat, pneumonia, may dengue, may appendicitis, iyan po ang aming nakita. At namimigay po kami ngayon ng libro, marami pong nag-donate ng libro, mga twalya at mga laruan, mula po sa Office of the Vice President ang kanyang mga, ah, partners na gusto pong tumulong sa Angat Buhay Program niya.

    ELY: So ito pong Quirino Memorial Medical Center napakaganda po ng location nito, ano at dito po sa may Quezon City talaga namang palibot po ito ng mga kababayan natin. Ang kanina, kwento ng taga-Quirino talagang ito po ang puntahan eh kapag hindi na po kaya ng sa Amang Rodriguez Hospital.

    CORAZON “DINKY” JULIANO-SOLIMAN: Totoo po, dahil una magaang ho at malakas ang PhilHealth program dito, at pangalawa accessible po, madaling puntahan, at pangatlo ito po talaga ang kilala nilang tumatanggap ng mga sabihin nating, ah, special na o particular na mga sakit sa bata. Kaya marami po ditong mga bata talaga na naka-confine at maganda naman iyong ilang mga bata na aming nabigyan, so far kasi tuluy-tuloy ho ang aming pamimigay, pauwi na rin po. So, ah, sana nga ang karamihan ng mga bata dito ay makauwi na para po sila’y maka-Pamasko sa kanilang mga bahay.

    ELY: So napapakinggan po tayo nationwide ano, dito po sa RMN. At, ah, sa mga kababayan natin dito po sa taga-Naga, o sa Davao, sa Cebu, Cagayan de Oro, baka may nais po na mag-ambag din po at tumulong. Kasi iyong iba po naghahanap ma’am ‘no nang isang sabihin natin matinong foundation para tumulong sa ating mga kababayan. Dito po sa Jesse Robredo Foundation, saan po ba sila pwede na mag-ambag ng kanilang tulong, donasyon, para po sa ating mga kababayan ‘no dito po? At ah.. pero sa Cebu ho mayroon din po ba tayo doon? Sa Cebu o sa Davao?

    CORAZON “DINKY” JULIANO-SOLIMAN: Mayroon po tayong mga partners na galing po sa mga lugar na binanggit ni Ka-Ely at ang Jesse Robredo Foundation po ay nakikipag-ugnayan sa iba’t-ibang mga NGO at mga komunidad na direstong tumutulong po sa mga nangangailangan. Lalung-lalo na po, mayroon po kasi ang Jesse Robredo Foundation, isang grupo ng mga kabataan na siyang pumupunta at nagdadala po ng mga programa, lalung-lalo na iyong youth foundation, iyong youth group ng foundation, na nagbibigay po ng iba’t ibang pagsasanay tapos gumagawa sila ng project. So, kinukuha lang po iyong address ng foundation para maka-ugnay kayo.

    ELY: Pero dito ho sa foundation, ito ho ba talaga iyong, kasi bawat foundation may kanya-kanya pong prayoridad po iyan na tinutulungan, may mga pasyente o sabihin nating mga pangangailangan po ng ating mga kababayan. So ano po ba iyong partikular na talagang madalas po tulungan ng Jesse Robredo Foundation?

    CORAZON “DINKY” JULIANO-SOLIMAN: Ang, bale tatlo po iyong pinaka-programa po. Una, ang pagkakaroon ng paghuhubok ng mga kabataan sa isang matapat at marangal na pamumuno o youth leadership, dahil iyon po ang tatak ng yumaong Jesse Robredo—pagkakaroon ng magandang leadership para makatulong. So, halimbawa, may mga nabigyan po tayo ng tulong na leadership training at iyong mga batang iyon ay nag-ipon ng kanilang sariling mga pera at sila po ay nagkaroon ng proyekto—na bigyan ng mga botas ang mga batang naninirahan sa bundok dito sa Rizal. Isang halimbawa ho iyon.

    Iyong pangalawang programa ng Jesse Robredo (Foundation) ay ang pagtulong sa mga naaapektuhan ng mga sakuna dahil isa rin iyong naging mahalaga kay Secretary Jesse—na matulungan at ma-prevent ang pagkakaroon ng pinsala sa mayroon pong disaster. At pangatlo ay iyon na nga pong pagsisigurado na mayroon po tayong maayos na pamamahala. So mayroon po tayong training para sa mga lokal na pamahalaan, mga Councilors, mga Mayors, Vice Mayors, papaano po susundan ang yapak ng matapat at matinong pamumuno na ipinakita ni Secretary Jesse Robredo.

    ELY: Okay, (ulitin natin ang address niyo para sa ating mga tagapakinig na gustong tumulong.) Ako po ang magbabasa, at ah dito po ito sa Jesse Robredo Foundation, Incorporated, ito po’y sa 21 Caliraya Street, Barangay Doña Josefa, Quezon City, dito po sa Metro Manila. So, iyon po ano, para po sa ating mga kababayan.

    So sa ngayon ano po ang nais nating ipanawagan ngayon pong holiday season sa ating mga kababayan, sa mga street children or iyong mga nasa kalsada? Lagi niyong pong sinsabi na kung magbibigay ang mga motorista, huwag na po ibigay, idiretso na po sa kung saan mga nais nila na NGO o foundation.

    DINKY SOLIMAN: Opo, alam po ninyo, nakikiusap po ako bagamat hindi na nga po ako nasa pamahalaan. Bilang ordinaryong mamamayan, ang mga bata ho nakikita ko ulit umaakyat sa jeep, namamalimos, namamasko. Para po ligtas sila, pwede po ba ang gawin natin, sa pinagkakatiwalaan niyong NGO o kaya sa simbahan, isang faith-based organization, doon po natin idaan ang tulong para doon po sila sa ligtas na lugar mabibigyan ng pagsinaya at ng kaunting party at pagsasagawa ng pamimigay ng mga regalo. Dahil talagang hindi po ligtas ang ating mga kalsada, at pangalawa, pagka ho nakikita ko iyong baby mismo ay tangan-tangan at iniikot, langhap niya lahat ang carbon monoxide. Alam po niyong nakakalason iyon, may epekto na kaagad ho iyon sa bata eh. Ah kumbaga malaki na ang talo niya sa kalusugan sapagkat siya ay nakalanghap na ng maraming usok na hindi dapat nasa lungs o nasa katawan ng mga bata.

    So, aking pinakikiusapan talaga ang mga nais magbigay, nais tumulong, nais magpasaya sa mga bata, na ibigay po natin sa mga NGOs na pinagkakatiwalaan niyo, o kaya sa faith-based organization. At ako ho kinakausap ko ang mga nanay ‘pag nakikita ko na iuwi at doon na lang sila makipag-ugnayan sa DSWD (Department of Social Welfare and Development) o kung hindi naman, sa simbahan o faith-based nga na mga organisasyon. Gawain po nating ligtas ang Pasko para sa mga bata.

    ELY: Ma’am Dinky salamat po sa inyong oras. Ma’am Dinky Soliman ng Jesse Robredo Foundation.

    So, wala na po sigurong oras. Ay may mga text tayo, si Ma’am Georgina ang magbabasa ng mga text para po sa ating Bise Presidente.

    GEORGINA HERNANDEZ: Ka-Ely ang isang nag-text si Aling (Dulce) ang number niya ay 0929-8814515: “Saan po ba makakakuha ng guarantee letter para po magpa-MRI? Na-stroke po ako, 2004 pa iyon.” Ah kulang iyong kanyang pera.

    Ikwento ko lang Ka-Ely ha, noong, this Thursday, nag-MOA signing po, pumirma po ng Memorandum of Agreement ang Office of the Vice President with PGH (Philippine General Hospital) para makapagbigay na po ng guarantee letter direkta mula sa PGH (Philippine General Hospital). So iyong mga nangangailangan po, lalo iyong mga nandito sa Metro Manila, pwede po kayong pumunta sa PGH (Philippine General Hospital) o kaya sa NKTI (National Kidney Transplant Institute), doon po sa dalawang ospital na iyon. Pwede kayong humingi ng guarantee letter para sa Office of the Vice President.

    At si 0907-2066964, siya po ay nanghingi ng tulong ng wheelchair at ang good news, sa January masusukatan na siya ng wheelchair, sa ilalim ng programa ni VP Leni at ito naman ay nanghihingi din ng pang-noche buena. So, ipaparating po natin ito sa ating Pangalawang Pangulo at bibigyan po namin kayo ng update tungkol dyan.

    At mayroong isa, si Ram Tobias na taga-Mindoro at isa pang indigenous person, kung pwede daw makapasok sa Army kahit elementary graduate. Bibigyan po namin kayo ng sagot tungkol dyan, makikipag-ugnayan po kami sa Army (Philippine Army) para po sa inyo.

    Sa ating pong Facebook page, marami bumabati. Si Emily Capistrana na nanonood sa ating Facebook Live mula pa sa San Jose, California.. Ah meron din mula sa Bulan, Sorsogon, ah, na nagre-request: “Sana po madagdagan ng hospital dito sa Bulan. Ah, Pantaleon Gotladera Memorial Hospital Center, at ng mga gamot, dagdag pang nebulizer at saka sana malibre ang X-ray, Ultrasound, kasi napakahaba ng pila”.. So kay (Rhian Garcis po) Ang Bulan, Sorsogon, kabahagi po iyan ng aming Angat Buhay. Pwede po nating ipagbigay alam ito sa partners natin ng Angat Buhay. At makikipag-ugnayan din po tayo sa mga namamahala ng ospital dyan.

    Ito pinatutunayan ng mga narinig natin kanina, ah, sa interview: Delia…. na nagsabi na: “Maganda po ang serbisyo ng QMMC.”

    At si Luzviminda Guzman: “Good morning po VP Leni. Merry Christmas and God bless. Watching from Hong Kong.” Ah, Mula sa Hong Kong.

    Mayroon din tayo Roberto Cano: “I’m watching here for BISErbisyong LENI mula sa Milaor, Camarines Sur. Merry Christmas!“

    At panghuli po si Jessie Ollesca San Jose: “Good morning po VP Leni, watching live from LPP”

    ELY: Ah, marami po ano. Talagang nagbibigay ng mensahe sa ating Bise Presidente at kasalukuyang nasa pediatric ward at personal na tinitignan din iyong mga pasyente… So, Ma’am Georgina, salamat ah! Iyan po ang spokesperson ni ma’am, Madam Vice President Leni Robredo. Samantala mga kasama, sa ngalan po ng ating Bise Presidente Leni Robredo, ako pa rin ho ang inyong Radyo Man, ELY SOLIDAR. Hanggang sa susunod na episode ng BISErbisyong LENI.

    – 30 –

    Posted in Transcripts on Dec 16, 2017