This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI – Episode 2

    21 May 2017

    ELY: Madam Vice President, good morning po sa inyo!

    VP LENI: Good morning Ely! Magandang umaga sa lahat. Sa mga taga-Naga po, marhay na aga sa indo gabos, sa ating mga kababayan sa Cebu, sa Cagayan de Oro, sa Davao, maayong buntag sa tanan.

    ELY: Ayan, okay. Ngayon siyempre ang ating mga kasama sa Biserbisyong Leni ay marami po tayong pag-uusapan dito at sige subaybayin ninyo lang kami. At sa mga nahihilig mag-social media, at lalo na po sa Facebook, mga kasama, ay maari po kayong makapanood dito po sa amin. I-type ninyo lang po ang RMN Nationwide. Ayon po nga kasama at makikita niyo po puwede ninyo na kaming mapanood live dito po sa aming studio, nationwide mga kasama.

    At siyempre, Madame Vice President, natapos ho ang isang linggo, anong nangyari kasi Brigada Eskwela noong nakaraang linggo, ang dami pong nakasubaybay sa inyo na kayo mismo nakisia dito po sa Brigada Eskwela na kung saan, tuwing ito po ginagawa bago magbukas ang klase dito po sa atiang banaa.

    VP LENI: Oo. Alam mo nakakatuwa nga Ely kasi noong Tuesday ako mismo sumama sa aming team, tumulong kami sa Balara Elementary School. Nagpinta kami, naglinis, nagpinta ng mga classroons. Ano talaga, masaya siya dahil marami iyong involved na tumutulong.

    Sabi ko nga dapat hindi lang kami, hindi lang iyong mga magulang, hindi lang iyong mga mag-aaral, hindi lang iyong mga teachers, pero dapat sana community effort iyon dahil iyong pag-ayos ng paaralan para iyon sa buong community. Pero hindi lang kami doon involved, marami din kaming teams na lumabas, mayroon kaming teams na pumunta sa Dona Remedios Trinidad sa Bulacan, dahil iyon ay Angat Buhay site namin.

    Mayroon dalawang paaralan na pinuntahan doon, iyong Sapang Bulas elementary school at Sapang Bulak high school. Mayroon din pong taga sa amin na pumunta sa Malolos, doon sa City of Malolos Integrated School. Hindi na ako nakasama kasi nasa Balara ako.

    Pero aside from that mayroon din kaming mga Angat Buhay sites na binigyan ng mga parang ano, parang ito construction saka cleaning materials, school supplies, mga uniforms, sa Quezon City, sa Bulacan, sa Cavite, sa Palawan, Camarines Sur, Masbate, Laguna, Zamboanga del Norte saka Zamboanga del Sur. At eto, naging posible ito dahil sa aming mga partners sa Angat Buhay, tumulong talaga sila, kaya ang mga nabigay sa mga schools nga P250,000 worth ang mga gamit na iyan.

    ELY: So napakaimportante nito dahil sa, bukod dito ay, ang naibabalik po natin Madame Vice President iyong ugaling Pinoy, iyong bayanihan.

    VP LENI: Oo, oo. At saka ka Ely, mas masaya naman talaga dahil nararamdaman mo na kabahagi ka. Kaya noong pumunta kami sa Balara Elementary School sinama ko iyong bunso kong anak para maramdaman niya na hindi ganoon ka dali, hindi ganoon ka dali maglinis, hindi ganoon ka dali mag-ayos ng isang classroom.

    Kasi minsan iyong kabataan parang taken for granted nila diba na maganda iyong room, malinis. Hindi nila alam na iyong pagod sa likod noon, kaya talaga dapat i-encourage natin iyong kakabayan natin na lumahok dito.

    ELY: Ano kasi, iba na iyong panahon ano, at nagkakalayo sa panahon noon at sa mga eskwelahan, at iyong mga estudyante tinuturuan na tumulong maglinis ng silid aralan.

    VP LENI: Oo, totoo. Ako naalala ko estudyante ako Ka Ely talgang mayroon kaming kanya-kanyang bunot tsaka floor wax. Naalala ko mayroon pa kaming gimik noon para mas kumintab iyong sahig. Baby powder. Ayaw namin magpakita sa teacher kasi pinapagalitan kami at nagsasayang pero iyon ay pampakintab din ng sahig.

    ELY: So maganda ho ito siyempre sa Brigada Eskwela at mukhang isa po kayo at parang kauna-unahan din at isa sa pinakamataas na opisyal na nakiisa ano, na personal na nakiisa sa Brigada Eskwela na proyekto ng ating Department of Education. At iyong proyekto po ng Angat Buhay for Brigada Eskwela gaano po ito kalawak?

    VP LENI: Ito Ka Ely hindi lang ito sa paglinis. Iyong sinalihan kasi natin paglilinis pero ang Angat Buhay talaga sa Brigada Eskwela titignan kung ano ang pinakakailangan. Pinakakailangan na nagkukulang ang pamahalaan kasi alam mo ang pamahalaan talagang sa sobrang dami nangg inaasikaso.

    ELY: Sa dami ng problema at limited ang resources.

    VP LENI: Totoo. Paminsan kahit pa pinakamalaking bahagi ng national budget natin ang napupunta sa edukasyon dahil na din sa dami ng pangagailangan mayroon talagang hindi natutugunan at iyon ang gusto naming hanapin sa Angat Buhay.

    Actually Ka Ely noong Biyernes umakyat kami sa isang bundok sa Negros Oriental sa bayan ng Zamboanguita at pag-akyat namin parang isang Lumad community siya na dati ang nilalakad ng mga bata para makapag-ara ay 3 hanggang 7 kilometers.

    Tinitingnan namin parang napakalaki ng bilang ng hindi nag-aaral. Parang 1,193 bata ang hindi nag-aaral. Sabi ng mga magulang doon dahil napakalayo ng paaralan. So ang ginawa, noong September, ang mga magulang mismo ang gumawa ng school building. Ito made of light materials, iyong school building maganda din ang pagkagawa pero ang mahirap nito pag binagyo o masama ang panahon basa din ang mga bata. Four classrooms ito.

    Noong umakyat kami may kasama kaming partners, mayroon na doong isang partner yung Federation of Filipino Chinese Chamber of Commerce ng Dumaguete, nag-pledge na na magpapagawa sila ng school building.

    Isang problema din nila tubig, yung isang kasama din namin doon nagpledge na na sila ang mag-aasikaso ng water supply sa taas. Mayroon ding partner doon, iyong International Care Ministries, ang gawa naman niya may dala siyang feeding paraphernalia at mga pagkain at mga school supplies na ibibigay sa mga bata. So ganito ang pinakakonsepto niya, hindi lang paglilinis pero tinitignan talaga ang pinaka kailangan.

    ELY: Siyempre labas pa ho ito sa mga normal na programa ng atin pamahalaan so sa pribadong sektor at ibang mga NGOs dito po tayo tumutulong Ma’am?

    VP LENI: Oo kasi ang pamahalaan naman maraming inaasikaso gusto talaga nating tignan saan ba nagkukulang. Doon tayo papasok pero ang kabutihan nito, hindi lang kami sa Office of the Vice President ang involved pero naghahanap talaga tayo pribadong partner na magdadala ng tulong sa mga community.

    ELY: So dito ho at napapakinggan tayo nationwide, papaano ho at baka gusto nilang mag-request at sabihin natin baka masyadong natabunan ang kanilang mga kahilingan sa mga ahensiya ng gobyerno, sa pamamagitan po ng Biserbisyong Leni papaano ho sila, papaano kaya nila puwedeng iparating baka may maitulong tayo kahit papaano?

    VP LENI: Puwede po nilang i-text po sa atin, mayroon tayong mga numbers na nakalagay diyan. Pwede po nilang i-text, kasi pag nakakaabot naman po sa amin ang pangangailangan, ang ginagawa namin, iyong Angat Buhay team namin bumibisita. Pag binisita at nakita na talagang kailangan ito, nili-link po namin iyan sa partners.

    ELY: So, kahit text lang po?

    VP LENI: Kahit text lang. Malaman lang natin. Kasi gaya Ka Ely noong mga nagtext sa atin noong nakaraang linggo, karamihan doon ay na-contact na uli natin para matugunan ang kanilang mga pangangailangan. Halimbawa, marami yatang na-inspire sa kwento ni nanay Lorna, na napatapos niya ang apat niyang anak sa paraan lang ng pag-avail ng mga government programs at pagsisipag.

    Marami tayong nakuhang tanong ano ba iyong mga scholarships na available para sa mga bata, ano ba iyong mga scholarships na na-avail ng anak ni Nanay Lorna. Ito naglilista tayo Ka Ely, mayroon tayong, gusto nating ipaalam na pag state university at saka college, mayroon diyang CHED scholarships.

    Mayroon ding PESFA para doon sa mga private schools, mayroong TESDA na scholarship. Mayroon mga scholarships din para sa mga anak ng 4Ps beneficiaries. Ano ito, maraming available pwede tayong tumulong para makapag-apply sila.

    ELY: Okay so iyon po. Puwede po kayong mag-text dito po kung mayroon kayong nais. Ito po iyong mga totoo na kahilingan ho [laughs]. At puwede po kayo, welcome po kayo at agad po kayong sasagutin. Huwag lang ho iyong mga peke o kung ano man, o iyong pangbubwiset ho.

    Tunay po na serbisyo po ito na binibigay po para sa ating mga kababayan. So dito po ang ating text line, maari kayong magtext dito po sa RMN sa DZXL sa 09214311044 at maari kayong tumawag dito sa amin at ibigay niyo lang po ang inyong mga mensahe sa 8822374 at 8822376.

    Text or tawag na ho mga kasama. At dito rin po sa atin mismong programang BISErbisyong Leni, ilista ninyo po ah, bago po itong ating text line—09088985364 para sa mga Smart subscribers po ito. At sa Globe naman, ang mga subscribers po ng Globe ay 09158985364. Ilista niyo na po iyan.

    At ang ating karagdagang text line, dito sa DZXL ay uulitin ko, 09214311044. Text or tawag lang po, pero hindi po tayo tatangaap ng caller dahil sa dami po ng ating text at issue na pag-uusapan mga kasama.

    ELY: Bukod po sa Brigada Eskwela, ano po iyong mga activity po natin para malaman ng ating mga kababayan. Iyong mga pang-araw-araw na aktibidad po ng bise presidente, bagamat sa mga nakaraan po kasi may mga cabinet position po, ano? Pero ngayon, ano ho ba? Mula Lunes hanggang Biyernes, siguro hanggang Sabado po?

    VP LENI: Iyong Lunes nasa Davao ako kasi pumunta ako sa Davao kasi naimbitahan ako mag-guest sa National Indigenous People’s Education Festival. Mayroon doon isang, mayroon doon isang unit sa University of Southeastern Philippines na sa kanilang Mintal campus, na talagang dinevote sa IP education.

    Pagpunta ko, mayroon silang education festival na nandoon iyong mga hindi lang iyong mga IP leaders, pero nandoon ang mga teachers na magtuturo para sa mga IP communities.

    Napakasaya, kasi ang pinag-uusapan doon, talagang hindi lang sumusunod sa dati nang ginagawa, pero nag-iisip papano ba mapapaayos iyong pagtuturo sa mga IP communties.

    ELY: Na ma-iimprove pa ha.

    VP LENI: Oo na hindi nawawala iyong kultura nila. Kasi iyon ang problema. Pag iyong modernong education, parang iyong method of education ina-apply sa kanila, parang nalulusaw iyong heritage ng ating mga IP leaders.

    So, iyon ang pinag-usapan doon. At ano tayo, isa tayo sa mga nagsalita. Pero balikan lang ako noon kasi marami pa akong obligasyon dito sa Manila. Pumunta ako ng maagang-maaga, after lunch nakabalik na ako. Noong Tuesday, talagang nandoon tayo sa Brigada Eskwela.

    Noong Miyerkules naman naimbitahan tayo sa UP, sa kanilang College of Social Work. Mayroon din silang, parang mayroon silang social development summit na pinag-uusapan din papano ba mas magiging relevant. Papano mas magiging relevant hindi lang iyong mga social workers, pero pati iyong social work students sa nangyayari ngayon sa ating kapaligiran. Huwebes, Biyernes nagbyahe na naman ako.

    Huwebes ng umaga nasa Davao Oriental ako. Pumunta ako sa isang munispyo, tawag dito San Isidro. Naimbita tayo sa isang okasyon doon, pagkatapos lumipad tayo papunta Dumaguete.

    ELY: Napapakinggan tayo ngayon sa Dumaguete.

    VP LENI: Iyong sa Dumaguete, noong Huwebes ng hapon. Parang sunod-sunod actually ang okasyon noon. Nag-umpisa kami sa Siliman University, nag-launch kami ng Istorya ng Pag-asa. Kuwento ko lang kaunti ang Istorya ng Pag-asa.

    Ngayon kasi nakikita naman natin, maraming, marami nang awayan sa social media. Kahit iyong programa natin, imbis na pagtulong ang inaatupag, maraming sisingit na lahat ng kasamaan lahat ng kagalitan.

    Kaya iyong Istorya ng Pag-asa gusto naming i-promote siya para imbes na awayan at hanapan ng diperensya i-hihighlight natin ang inspiring stories. Mga kuwentong nakakaantig ng damdamin pero hindi lang siya nakakaantig ng damdamin, ito yung mga kuwentong mag-iinspire.

    Ito ang mga istorya na magbibiigay pag-asa. Kaya siya tinawag na Istorya ng Pag-asa kasi ito iyong istorya na kapag nabasa, narinig ng ating mga kababayan, nabibigyan sila ng pag-asa na kahit maraming hirap na pinagdadaanan, bubuti din iyon.

    Pagkatapos noon sunod sunod na sectoral parang sectoral represen—sectoral consultations, nauna sa mga kababaihan, mayroong mga councilors, mayroong mga legislators, iyong mga maliliit na grupo na pinaghiwahiwalay natin para masmapakinggan yung kanilang yung kanilang mga hinaing.

    Sa Biyernes naman, pumunta kami ng Siquijor. Imbitado kami doon. Pumunta kami ng Siquijor para bisitahin iyong probinsya. Ito Ka Ely bitin sa oras kasi napakagandang probinsya ano lang hindi pa siya masyadong discovered kasi mahirap ang pumunta doon. Walang eruplanong diretso doon gaya kami nag-fast craft kami galing Dumaguete.

    ELY: Saan po ang airport?

    VP LENI: Ngayon ginagawa ang airport pero hindi pa puwedeng lapagan ng eroplano kaya nagfast craft kami Ka Ely galing Dumaguete papuntang Siquijor. Ano lang naman ito 45 minutes na biyahe pero napakagandang lugar.

    Kahapon Angat Buhay ulit. Balik kami sa Dumaguete pero pumunta kami sa dalwang lugar sa Negros Oriental ito ay mga Angat Buhay sites natin. Iyong unang lugar kinukuwento ko kanina sa Zamboanguita na pumunta kami sa bukid sa Lumad community at nagdala kami ng partners na puwedeng tumulong.

    Ayun may pledge na tayo ng school building may pledge na tayo ng water supply. Masayang masaya yung mga tao dahil first time daw silang nabisita dahil naman sa layo. Pagkatapos noon nagpunta naman kami sa Manjuyod. Ito mas north ito ng Zamboanguita yung nangyari naman sa Manjuyod, imbitado tayo doon ni Congresswoman Jocelyn para din sa launch ng Istorya ng Pag-asa. Narinig niya ang programa at interesado siyang gawin doon.

    ELY: Napakaganda nito at napakamabunga din ng inyong buong linggo. Samantala ulitin natin, napapakinggan tayo sa RMN Davao sa DXDZ 621. Taga-Davao good morning po sa inyo. At sa Naga siyempre sa hometown po ni Bise Presidente sa DWMX 91.1 Sa Cebu, DYHB612 at sa iyong mga binisita diyan ni madam Vice President sa Dumaguete, good morning po diyan. At sa Cagayan de Oro, DXZ828, mga kasama. At text o tawag lang po ah, depende sa inyo, at siyempre sa Facebook, mga kasama. So basa na po tayo Madam Vice President ng mga text ah! Nako ang dama naunahan na tayo ng mga text at talagang iba ito noh, may totoong text, iyong iba naman ay totoong text pa rin kaya may iba-iba pong sari-saring mga mensahe.

    Unahin natin dito po, mula kay 1348 kay Mark Joseph Arogante ng ano ‘to, ano ‘tong pangalan ng village sa Cainta, Rizal. Ganda ng apellido ah. “Message po kay VP Leni, be strong po kailangan po namin kayo upang labanan ang katiwalian sa gobyerno at sa pakawalan ng hustisya sa mga mahihirap na biktima ng EJK para po sa mga kagaya ko na millennial, at sa future generation ng ating bansa, God bless po.”

    Okay, mula naman kay 7069 Estela Yap, Lucena City. “Message po for VP, we support you all the way. VP Leni, stay strong and we will fight evil in our society, and congrats on your radio program.”

    Kuha naman tayo sa Facebook, dami rin po nito ah. Mula kay Adrian Tingas watching, “We love you VP.”

    Ito may mga, mula naman kay Gabriel Sumulong “Mabuhay po kayo, mahal naming tunay na Vice President.”

    So ilan lang po iyon, mga kasama, sa mga tinatanggap nating mensahe mula po sa text at din po sa Facebook. Sandali lang ho! Magbrebreak lang tayo at maya-maya marami pa tayong paguusapan dito. Nako magkakaroon siguro, siguradong mabigyan po natin ng inspirasyon iyong ating kababayan dahil kayo ay nakiugnayan sa Brigada Eskwela at siyempre sa mga studyante at iyong mga nagpapaaral, nako, maganda po ito.

    Sandali lang po, babalik ang Biserbisyong Leni dito po sa RMN.

    ELY: So inyo pong nalaman ang pinagkakaabalahan ng ating Bise Presidente buong linggo at talagang abalang abala din po sa pagtugon at talagang tinitignan din po ang kalagayan ng ating mga kalagayan nationwide.

    Ma’am, may panauhin po tayo ngayon at magada po kung kayo ang magbigay ng kanyang intro at pakilala dahil nabasa ko ho ang kanyang ano ho at talagang nakakainspire ho.

    VP LENI: Oo, masuwerte tayo ngayon Ka Ely dahil may bisita po tayong espesyal siya po ay si Ma’am Tina Robles. Naalala mo itong si Ma’am Tina Ka Ely, isa itong istorya ng pag-asa sa atin. Napakainspiring ng kanyang kuwento. Napakatagal na niyang nagtuturo. Nagsimula siyang magturo pagkatapos ng graduation 21 years old siya hanggang ngayon nagtuturo pa rin.

    ELY: Dire-diretso siya?

    VP LENI: Dire-diretso. Dire-diretsong nagtuturo pero hindi lang iyon. Hindi lang nakuntento sa ordinaryong pagtuturo pero lumabas sa tinatawag nating comfort zone para subukan na ayusin lalo ang kanyang pagtuturo.

    Napakaraming awards nito Ka Ely, gintong parangal awardee siya noong 1998, ano din siya Rotary Club International Awardee for outstanding public servant noong year 2000. Noong 2001 naman Ka Ely naging NCR outstanding teacher siya at marami pang iba.

    Pero ang titignan natin habang nagtuturo, nagmasters siya sa special education. Kanina bago tayo nagsimula nagpapakuwento ako kay Ma’am kung papaano niya kinaya na full time teacher pero nag-aaral. Hindi lang iyong masters hindi pa siya nakunteto mayroon siyang dalawang doctorate degree sa education at sa psychology.

    Pero masmabuti siguro na si Ma’am Tina ang tanungin natin, Ma’am papaano niyo ba iyon nagawa? Papaano niyo nagawa na full time teacher kayo, nakapag MA at nakadalawang doctoral degrees?

    TINA: Maganda umaga po sa lahat ng mga nakikinig. Sa inyo din po Madame Vice President Honorable Leni Robredo at sa inyo po ka Ely isang malaking karangalan po na narito ako sa programang ito ngayong umaga. Siguro po ipinanganak lang na…

    VP LENI: …masipag talaga (laughs)

    TINA: Na talga pong gusto ko pong makapag-aral. Naulila ako sa aking ama noong isang taon pa lang ako. Palipat lipat dati sa kamag-anak o kamag-aral. E noong nakapagtapos na ako ng highschool at nakapagtapos na ako ng pagiging teacher e mas nagustuhan kong lalong dagdagan ang aking kaalaman upang sa ganoon ay masmarami akong maibigay sa mga bata. Pagkatapos ko ng Master of Arts in teaching science, kumuha naman ako ng Master of Arts in teaching education.

    VP LENI: Naku dalawa pala ang masteral mo Ma’am.

    TINA: Tapos po iyon naman po ay in between sa pagtuturo at sa graduate school at saka po sa pagiging teacher ng 23 years, supervisor ng 7 years, at ngayon po ay principal na po sa Navotas.

    ELY: So talagang nag-aral po kayo at gusto ninyo talagang i-angat iyong quality po ng inyong pagtuturo sa mga estudyante.

    TINA: Ang karaniwan ko nga pong sinasabi, pagka po kayo ay nasa edukasyon para ka napong napasok sa isang bagay na di mo na kayang labasan. Sabihin na natin na parang, ang joke ko nga po ay para kang nasa kulto na kinakailangan mong mag-update lagi-lagi.

    VP LENI: Parating hinuhusayan pa lalo…

    TINA: Parating hinuhusayan lalo ang… kasi kailangan pong just like a computer sa panahon na ito you have to upgrade and upgrade yourself kung hindi, hindi ka magiging napapanahon ika nga.

    ELY: Pero Ma’am Tina, marami po sa umpisa naging guro pero yung sinasabi kasi full time ang pagiging teacher hindi lang po sa silid-aralan, nadadala mo pa iyan sa bahay tapos marami po siyempre yung iba may mga anak din po sila.

    Dati po ang reklamo iyong sa suweldo tapos sa public school napakarami po ng estudyante talaga kung minsan nasisisi pa ang teacher bakit ang pangit ng quality e kung aabot naman ng 80 to 100 sa classroom.

    VP LENI: Iyon nga iyong kinukuwento niya kanina Ka Ely, Alam mo itong si Ma’am mayroon siyang inumpisahan ang tawag sa programa project mobile computer aided reinforcement for teaching. Tinatanong ko siya kanina Ka Ely, Ma’am papaano mo ba ito naisipan? Papaano mo ba ito nasimulan? Ang kinukuwento niya doon daw sa Navotas highschool noong nag-uumpisa pa lang siyang maging principal, mayroon daw three shifts.

    Dahil sa dami ng estudyante mayroon daw three shifts at ang bawat shift daw, bawat clasroom, 90 ang estudyante, kaya napag-isipan niya ito para makatulong na may ibang paraan para magturo kasi kung ganoon nga naman ay talagang bugbog sa teacher tapos hindi mo pa sigurado na nakakapagparticipate ang mga estudyante. Baka puwede nating tanungin sa kanya sa maiksi lang pong pagdescribe ano ba itong project mobile community aided reinforcement?

    TINA: Ito pong proyekto naming ito ay sagot po sa problema ng laging walang classroom noong araw kasi naman po while waiting for the resources to come at inaayos naman po ng DEPED ang pangangailangan sa mga paaralan, nagtulong-tulong po ang mga guro na paunlarin ang pagtuturo nila sa mga kuwarto upang sa ganoon ay masmagandang kaledad ang ginawa namin sa mga bata. Ginawa namin na mula sa karaniwang manila paper style na pagtuturo, ito po ay naging powerpoint in 2010, pagkatapos po noong 2011 and 2012 ginawa namin na ito ay parang multimedia para po ito ay sagot doon sa K-12 policy na ICT based reading based tsaka multimedia lesson.

    VP LENI: Tsaka masinteresado din po iyong mga estudyante no kapag iba’t ibang form ng media ang ginagamit.

    TINA: Opo. Kanya nga po noong nagawaran po kami ng award ng most transformative schools, doon po sa kategoryang improvement of the quality of our teaching through improved teaching strategies so we overcame inferior resources through superior strategies. So hindi naman po iyong mga kuwarto kung tutuusin, ang kinakailangan lang ay mahusay na mapagturo ang mga teachers.

    VP LENI: Pero ito pa Ely, iyong impressive kay Ma’am, nalaman namin na pagkatapos mag-graduate nagturo kaagad at dalawang masteral degrees natapos, dalawang doctorate degree. Pero, nanay din siya eh. Mayroon siyang apat na anak at nabalitaan po namin Ma’am Tina lahat nakapagtapos. Mayroon isang Computer Science graduate, mayroon isang law student, mayroong law student, may isang computer engineer at iyong isa, guro. Kinder teacher. Paano niyo po nagawa iyon?

    TINA: Nakatulong po ang aking asawa na si Engineer Robles, talaga pong sinikap namin na maibigay sa aming mga anak ay ang kanilang edukasyon. Dahil po nakita nila na sabihan sa amin na walang atang ibang ginawa iyong pamilya namin kung hindi mag aral, eh talaga naman po nainspire sila mag-aral. At kalakaran nga po na tulong tulong, so pag iyong isa nakatapos tulungan iyong isa kahit na sa bahay lang.

    ELY: Ayun. Kung minsan nasa paggabay din ng magulang eh.

    VP LENI: Oo, totoo iyan. Napakahirap, napakahirap sabayin lalo na naging teacher din ako ka Ely, Ma’am Tina naging teacher din po ako sampung taon, habang ako po ay nagaaral ng abogasiya kaya alam ko po kung gaano kahirap maging teacher. Ako po college iyong tinuruan ko, pero alam ko mas mahirap iyong elementary to high school. Kasi hindi ka lang teacher eh, nanay ka din ng mga estudyante mo.

    ELY: Kasi maraming umiiwas talaga sa elementary dahil sa, bukod sa ituturo mo iyong pakikisamahan niyo po ng mabuti iyong mga bata po eh.

    VP LENI: Saka iyong mga magulang!

    ELY: So iyon po iyong mahirap po noh, sa elementary?

    TINA: Kasi ngayon po sa paaralan ay sinasabi namin na we run the schools with the parents and with the community. Noong araw po, solong-solo po na ang principal at ang mga guro may kinalaman. Ngayon po ay sama-samang pagtutulong ng magulang at ng miyembro ng communidad. Medyo mahirap po, pero kung napakikisamahan namin ang tunay na gustong gawin para sa ikabubuti ng mga anak nila, nakakasama ang mga magulang. Sa Brigada po namin, bawa’t magulang ay aattend, so kung mayroon kayong 4,000, 4,000 aattend. At iyon din po ang mga kasama ko sa Isang Nanay, Isang Gulay.

    VP LENI: Ano po iyong Isang Nanay, Isang Gulay?

    TINA: Isang Nanay, Isang Gulay po ay proyekto namin para maisuporta ang school feeding program. Ito po ay nasa Senado na at pinasok ng grupo nila Senator Bam Aquino kasi, ang feeding program ay huwag magiging outright dole out na ano. May responsibilidad ang mga magulang at may dignidad sila na hindi basta pinapakain lang o pinagkakaawaan pakainin.

    ELY: Maganda po iyan.

    TINA: Bawat Nanay po ay nagtatanim ng gulay, inaalagan nila sa kanilang bahay, kapag malaki na, isusugod sa paaralan, donasyon nila, at ang paaralan naman ang bibili ng isda o karne galing sa aming resources.

    VP LENI: Iyon po ang ginagamit sa feeding program?

    TINA: Iyon po ang ginagamit sa feeding program.

    VP LENI: Naku, napakahusay.

    TINA: Pagka po mas marami ay babayaran ng canteen, binibili po ng canteen para may konti pang puhunan.

    VP LENI: Iyong programa pong ito, doon lang po sa Navotas or all over the country?

    TINA: Sa amin lang po ata pa kasi, sa Navotas. Sa amin po kasi wala po kaming lupa na pagtataniman. Kaya po nanalo nga po kami ng 2nd place sa Go Green awarding po bukas.

    VP LENI: Ah talaga!

    TINA: At para nga po iyon sa pagkakaton ng mga magulang ay makapagtanim sa kanilang bahay.

    VP LENI: Saka, isa pa ka Ely, kanina nagkukuwentuhan kami, maliban sa pagiging principal ng Navotas National High School, busy din si Ma’am Tina pag-mementor sa mga teachers.

    Tinutulak niya iyong isang research based na paraan na pag-educate. Kinukuwento ko sa kanya kung titignan natin iyong mag successful na mga bansa patungkol sa edukasyon, napakalaking puwang talaga nag binibigay nila sa research. Kaya sabi ko iyong ginagawa niyang eto, napakalaking bagay hindi lang para sa kanya pero para sa buong educational system ng Pilipinas. Kasi kung matulak natin iyong pagbibigay ng priority sa research napakalaking bagay siya.

    ELY: Opo.

    TINA: So kung titignan natin sa K-12 po sa grade 11-12 ay talagang research-based. Ang mga bata po dapat may kakayahan na magconduct ng research upang mas lalong mapayaman nila ang kanilang kaalaman. So naisip ko na kinakailangang ihanda din ang bawat guro sa research at sa pagreresearch din po. Hindi sila makakapagturo kung wala silang kakayahan. So sa amin pong paaralan mayroong 136 teachers ang conduct ng 32 action researches na kinilala naman po at bingyan ng basic education research fund. Ito po ang kauna-unahang school-based, action-based na festival na sinuportahan ng –

    ELY: Ayun. Napakaganda po nito ah at sana po ay magsilbing inpirasyon ito noh, sa lahat ng ating kababayan, at siguro Ma’am, baka puwede natin i-announce, may mga kababayan na nasa probinsya na gusto niyo, iyong talagang hinahangaan at talagang kakaiba rin ang naitutulong sa komunidad, puwedo po silang ano, bumisita sa atin, welcome sila.

    VP LENI: Oo! Actually Ka Ely ito iyong pinakabuod ng aming Istorya ng Pag-Asa. Talagang naghahanap kami ng kuwento ng ordinaryong tao, pero ordinaryong tao na gumawa ng mga extraordinaryong bagay.

    Kasi tingin natin na ito talaga magbibigay ng saysay. Ito talaga magiging pag-asa sa ating komunidad. Kung napapansin natin maraming negative ngayon. Maraming nag-aaway-away, pagbukas lang ng Facebook, dati friendly masyado. Ngayon lahat tira. Hindi natin sasabayan iyong tira, pero hahanap tayo ng mas positive na bagay.

    Halimbawa Ka Ely, pagpunta namin sa Siliman, talagang sinabi ng mga estudyante na marami sumusubok na negatibo iyong tema. Pero kami pag mayroon lang naman pagpipilian between sa positive at saka sa negative, doon na kami sa positive.

    Kung mayroon pagpipilian sa liwanag at kadiliman, doon naman kami sa liwanag. Kaya itong kwento, kwento ni Ma’am Tina, kwento ni Nanay Lorna noong nakaraang linggo. Talagang iyan po ang hinahanap natin kaya hinihikayat natin ang kababayan kung mayroon po kayong nalalaman na mga kaibigan, mga katrabaho o kamag-anak, na iyong kwento kailangan talagang i-share sa iba, para makapag-inspire, sana mapaabot po sa amin.

    ELY: Iyon ho. Syempre, panawagan natin sa ating lahat, alam niyo ho, kasi tumataas ho iyong, gumaganda po ang ating teknolohiya ano? Pero sana po magamit sa tama.

    VP LENI: Oo. Kaya nga Ka Ely, itong gusto namin mag-compile ng mga kwento, gaya ng mga kwento ni Ma’am Tina, ifi-feature natin, ito ang ilalagay natin sa social media. Hindi iyong lahat paninira, hindi kasinungalingan, pero lahat, maganda at mabuti lamang.

    ELY: Iyong mga nasa probinsya natin, talagang napakalayo po, ay puwede naman ho sa pamamagitan ng telepono o siguro kung may internet naman diyan. Pwede ho tayo mag Facebook live para makuha po. Hindi ho kinakailangan pumunta ho dito sa ating studio.

    VP LENI: Kahit po sa Facebook page siguro ng DZXL at saka Facebook page din po ng Office of the Vice President, o iyong sa akin pong personal. Puwede pong paabot sa amin ang kwento, kami po ang bahalang tumulong para maikwento natin ito sa ibang tao.

    ELY: Okay so sa pang-huli Ma’am Tina, baka mayroon po kayong idadagdag na, kasi maganda po ito na may mga, lalo na mga bagong mga teacher, ang iba talagang problemado, nagbabago ho ng karera. Masaklap Madame Vice President, di ba sa mga nakaraan mga teacher tapos mag-aabroad po, mamasukan ho doon.

    VP LENI: Dahil kulang ang sahod.

    ELY: So ano po ang inyong mapapayo sa kanila?

    MA’AM TINA: Sa mga kapwa kong guro, nais ko lamang ipabatid sa inyo na totoo talaga ang sinabi nila ang passion na maiko-convert natin into a purpose and later we become productive individuals, iyon ang dapat natin sundin.

    Kung tayo po ay talagang nasa damdamin natin na tayo’y makapag-lingkod, hindi tayo kaagad-agad susuko ng dahil lang sa maliit na sweldo, at dahil sa mga hirap. Ang alam ko po ang ating lahat na ginagawa ay isang journey.

    Iyan ay nagsisimula sa mahirap pero pagaan ng pagaan, katulad ng mga teachers sa Navotas National High School. Noong una, nahirapan sa action research, noong una nahirapan sa MCART, pero ngayon sa school namin, lahat ng lessons namin ay multimedia, active learning lessons in all subject areas in all year levels. Mas madali na ang magturo sa amin, lahat ng teachers ay may kanya-kanyang projectors na binili na nila, upang sa ganon ay makapagturo sila ng mas maayos.

    Noong una, iyong bagay na mahirap, negatibo pa, pero kung bibigyan mo pala ng pag-iisip na ito ay para sa bata, para sa bayan at para sa kapwa, magagawa ang lahat. Magsakripisyo ng kaunting halaga pa nga, iyong iba ay sasabihin may kulang ako sa pagtuturo, pero ang mga kaguro ko, ay nagawa nila na makapagserbisyo ng maayos na pagtuturo through the MCART.

    Iyon nga po ang tinatanong ni Madam Vice President kanina na ICT-based iyong reading based lessons namin na ginawa ng mga guro, tulad po ng aming summer camp, dahil 4Ps po ang tinuruan namin, mga anak ng mga 4Ps. Ang bawat lesson plan po ay hindi aayon sa ina-align ng teachers according to their needs. So mayroon kaming lesson plan sa struggling, mayroon kaming lesson plan sa mga batang pasaway, sa mga nale-late, at kung sakaling hindi makapasok ng araw-araw.

    VP LENI: Pero ito ka Ely napaka-impressive ng kwento ni Ma’am Tina. Pero ang nakaantig talaga sa damdamin namin, sa dami ng ginagawa niya, sa dami ng tinutulungan, sa dami ng parang effort na binibigay sa pagtuturo, mayroon pa siyang buhay na nabago. Nadiskubre namin na mayroon siyang isang, isang estudyante dati na hindi na sana makakapag-aral, pero dahil sa tulong niya, nakapag-aral at talagang nabago ang buhay. Mamaya ka Ely, makakausap natin siya, para ikwento kung papano nabago ang buhay niya dahil sa tulong ni Ma’am Tina.

    ELY: Naku ito ho, makinig ho kayo, abangan ho ninyo iyan mga kasama. At magandang kwento ho ito para magsilbi din pong inspirasyon sa ating lahat. Ma’am Tina salamat po.

    MA’AM TINA: Marami pong salamat sa pagkakataon binigay ninyo sa amin. Madam Vice President, kaisa mo po kami sa pagmamahal sa ating mga kapwa tao, sa ating mga kababayan. Pagpatuloy niyo po ang inyong ginagawa at kasama niyo po kami sa pananalangin na nawa’y talagang maisaayos natin ang ating bansa.

    VP LENI: Maraming salamat po.

    MA’AM TINA: Maraming salamat Ma’am.

    ELY: Salamat po. Sandali lang ho at magbabalik pa rin ho ang BISErbisyong Leni. Samantala, paalala muna. Oras natin sa buong kapulungan, 9:47.

    ELY: 9:48 na po ng umaga tuloy pa rin tayo sa ating kuwentuhan, at siyempre ito ay Biserbisyong Leni at pagtulong po, sa mga gustong mag-text o may mga nais sila po ay, baka mayroon kayong kakilala na puwedeng magbigay ng inspirasyon sa ating kapwa, maari kayong mag text sa amin 09214311044 at agad naming tutugunan ang inyo pong mga text.

    Mayroon tayong texters at siguro Madame Vice President maganda kung sagotin po natin ito ang sinasabi po ay patuloy po kayo umiikot sa eskwelahan at sa kung saan saan pupunta at ginagawa niyo po pagtutulong sa mahihirap saan daw po galing ang mga pondo niyo kasi ako, mga 25 years na ako sa media at nagcover ako sa mababang kapulungan ng kongreso, nasubaybayan ko po iyong pagbalangkas ng budget sa House Committee on Appropriations, at bawat department amy kanya-kanyang budget.

    Isa po sa, bukod sa Office of the President, iyong Office of the Vice President, iba’t ibang ahensya, nagkakaroon po ng mga budget hearing dito. So siguro mas maganda kung linawin po natin dito, bakit kayo umiikot, saan galing iyong pondo, eh may pondo ang OVP, taunang budget po iyan at sinusubaybayan din po ng Commission on Audit? So magkano po ba ang pondo natin para sa kaalaman po, cuentas claras tayo.

    VP LENI: Alam mo Ka Ely, may pondo iyong Office of the Vice President pero isa kami sa pinaka kaunti na pondo sa lahat yata ng opisina ng gobyerno. Actually iyong pondo niya kung hindi ako nagkakamali nagbawas ng 14% mula last year.

    ELY: Kasi iyong nasubaybayan ko nasa 14.28% nagulat nga ako, imbis na humirit na tumaas, kasi sa kadalasan po humihirit ang mga govertment agency na itaas dahil nagdadagdag sila ng budget at kung ano man, eh bakit sa inyo ibinaba pa?

    VP LENI: Eto po binaba siya ng konti pero ako naman imbis na maghinaing kung bakit binaba, pagkasyahin na lang. Kaya marami kaming mga cost-saving measures para mapunta iyong gastos sa masmakabuluhang bagay.

    Halimbawa, iyong desisyon namin na paglipat ng opisina, isa iyon sa cost-saving measure. Dati po nasa Coconut Palace, lumipat kami dito sa Quezon City Reception House para masmababa. Halos nahati namin iyong arkila, pati iyong utilities Ka Ely napaka laki ng na-save. Para iyong nasa-save namin dito malagay namin sa mas mahalagang bagay. Nalipat namin iyon dito sa gastos sa pag-ikot dahil itong pagiikot bahagi ito ng aming Angat Buhay program, isang Anti Poverty Program para programa po para sa mga mahihirap.

    Kasi kinakailangan ang pagiikot. Kinakailangan ang pagiikot kasi pinupuntahan namin ang mga malalayo, halos hindi marating kasi iba din kung kami mismo nakakakita ng pangangailangan at nakakahatak kami ng mga private na organisasyon, mga private companies, nahahatak namin sa mga byahe para makita nila ano ang mga kailangan. Gaya ng kuwento ko kanina, pagpunta kaming Zamboangita mayroon kaming dalang 4-5 partners na lahat nagpledge ng tulong doon. Ito ang mahalaga sa pag-iikot. Kung nasa opisina lang kami ka Ely baka hindi namin makikita ang kahirapan na nararamdaman ng ating kababayan.

    ELY: Okay siguro po malinaw na po iyan sa mga nag-tetext at nag-memessage sa Facebook. Kasi ang akala nila, kinakailangan ng Vice President ay mayroong Cabinet position, hindi po. Iyan ay hiwalay so may hiwalay na opisina, mayroong pondo iyan at iyan po ay inaprubahan ng dalawang kapulungan ng kongreso at naging batas base po sa General Appropriations Act. Okay po iyan. At tulad ng ahensya, ito ay binabantayan po ng Commission on Audit.

    VP LENI: Totoo. Lahat iyan dadaan sa Commission on Audit.

    ELY: Okay, maliwanag na po iyan sa mga nagtetext po sa atin. Okay dito na po tayo sa — ano po iyon Ma’am?

    VP LENI: Iyong kinukuwento ko kanina Ka Ely alam mo itong si Ma’am Tina kilalang kilala sa pagiging mahusay. Pero nung pinagkwento sa amin ang kanyang kwento, bigla naming nalaman na si ma’am Tina, may natulungan ito.

    Dati si Ma’am Tina nasa Malabon National High School siya at noong nasa Malabon National High School siya mayroon siyang isang mahusay na estudyante, pangalan ng estudyante si Carmi Gajardo.

    Nag-graduate ito ng Salutatorian sa Highschool, mahusay talaga. Pero nakakalungkot kasi kahit nag-graduate siya ng Salutatorian, parang nag-aatubili kung pwede pa siyang makapag-college, kasi walang walang pera iyong pamilya. At ito si Ma’am Tina, siya iyong tumulong, na nag-aral ito sa UP. Pero mas mabuti siguro ka Ely, pakinggan natin ang kwento ni Carmi. Magandang umaga sa iyo, Carmi.

    CARMI: Magandang umaga po sa ating lahat, sa buong sambayanang Pilipino. Magandang umaga ka Ely. Magandang umaga po VP Leni Robredo, isa pong malaking karangalan na ako po ay naimbitahan sa programang ito.

    ELY: Talagang laking Navotas ka? O anong probinsya?

    CARMI: Taga-Malabon po ako, tapos ngayon po kasalukuyang nasa Laguna na po kami. Iyong buhay po namin, isa po ako sa mga buhay talaga na galing talaga sa mahirap na pamilya. Nakatira po kami sa depressed area, sa iskwater po sa Malabon. At talaga pong kung titingnan ang istorya ng buhay namin, malabo po na makapag-aral ako, kasi ang nanay ko po ay kasambahay, dahil hindi naman po sila nakapag-aral at iyong tatay ko naman po, hindi naman po nakakapagtrabaho dahil matanda na po siya. Malaki po ang agwat ng nanay at tatay ko, at hindi na po talaga siya nakakapagtrabaho noong pinapalaki po kami.

    VP LENI: Ang naghahanap-buhay sa inyo ang nanay mo.

    CARMI: Ang nanay ko po ang naghahanap-buhay, tapos ako po ang tumatayong nanay sa mga kapatid ko.

    VP LENI: Kasambahay ang nanay mo saan?

    CARMI: Kasambahay po siya sa Quezon City. Tapos hindi po sapat ang kita ng nanay ko para mapag-aral po kaming lahat.

    VP LENI: Ilan kayong magkakapatid?

    CARMI: Lima po kaming magkakapatid.

    VP LENI: Ikaw ang panganay?

    CARMI: Ako po ang panganay.

    VP LENI: Tapos iyong nabasa naming kwento, nag-graduate ka na Salutatorian?

    CARMI: Opo. Graduate po ako ng Malabon Nation High School, Salutatorian. At doon po sa Malabon National High School, dalawang taon ko po naging teacher si Ma’am Robles, at napakabait po niyang teacher.

    Napakagaling pong magturo. Nakita ko po talaga iyong isang modelong guro sa buhay ni Ma’am Robles. At iyong nga po, noong pagka-graduate ng high school, kumuha po ako ng exam sa University of the Philippines Diliman, pumasa po ako. Salamat po sa Panginoong Diyos, niloob po Niya na makapasa po ako sa exam. Pero nagkaroon po ng problema kasi ang problema po, sino po ang magbibigay sa akin ng baon, kasi hindi ko na po kayang hingin sa nanay ko dahil iyong kita niya po, kulang pa po pangkain po naming magkakapatid.

    At napakabuti po talaga ng Panginoong Diyos sa buhay ni Ma’am Robles. Si Ma’am Robles po, binigay niya po talaga sa akin, at nagvolunteer po si Ma’am na siya po ang magpapaaral sa akin. Kaya sobrang pasasalamat ko po talaga sa Panginoong Diyos na binigay niya po si Ma’am Robles sa akin, kasi hindi niya po ako kadugo, hindi niya po ako kamag-anak, estudyante niya po ako at malayo po ang ganoong istorya na, pwede pa nga po kapag kadugo na pag-aaralin ng tiyahin, pero kami po hindi po kami magkadugo at pinag-aral niya po ako.

    VP LENI: Pero sigurado ako Carmi na ginawa niya iyon kasi nakita niya kung gaano ka din tumulong sa sarili.

    CARMI: Opo. At iyon po ang pinaka… napakalaking biyaya po ng Panginoong Diyos na binigay Niya po si Ma’am Robles sa akin, na binigyan Niya po si Ma’am Robles ng pusong napakabait, napakamatulungin. Tumulong po siya sa akin hanggang makagraduate po ako ng college.

    VP LENI: Ano iyon, noong nasa UP ka, uwian ka sa Malabon?

    CARMI: Opo uwian po ako sa Malabon.

    VP LENI: Tapos iyong pamasahe mo at pangkain, galing na iyon kay Ma’am Tina?

    CARMI: Kay Ma’am Robles na po, lahat po.

    VP LENI: Talagang napakabusilak ng puso. Bihira iyong ganoon.

    ELY: So ngayon, kumusta ang buhay, kasi talagang ito magsisilbing inspirasyon sa ating mga kababayan na parang nawawalan ng pag-asa. Na kahit na, wala hindi na kami aangat, ganito nalang ang buhay namin. Pakibahagi mo, paki-share kung papaano? Kasi iyong kahirapan, talagang matindi ho ang kahirapan dito sa ating bansa.

    CARMI: Opo. Kitang-kita ko po talagang matindi po iyong kahirapan. Totoo po na maski nga po pagka—may ilang pamilya na maski pangkain hindi nga po maitawid, pag-aaral pa po kaya? Pero ang gusto ko pong maging inspirasyon sa mga kabataan na nangangarap po na mag-aral, na huwag po silang tumingin sa kahirapan. Tingnan po nila kung ano iyong pangarap nila, dahil marami pong paraan para makatapos ng pag-aaral.

    Napaka—malaking pagpapala lang po iyong nangyari sa akin kasi may tao po talaga na tumulong, pero halimbawa po kung hindi po sila makakita ng tutulong, pwede din po tayong mag-working student pansamantala. Magtrabaho po para masuportahan ang pag-aaral. At iyong sa pag-aaral po, talaga pong mag-focus.

    Magkaroon po ng focus sa pag-aaral, iyong panahon po ilaan ng maayos sa pag-aaral. Lagi po nating isipin na iyong mga taong nagpapaaral sa atin, dugo’t pawis po ang sinasakripisyo nila para mapag-aral tayo.

    At iyon po pagkatapos ko pong makagraduate, yun po ang sobrang pasalamat ko kay Ma’am Robles at naging pangarap ko din po na di lang po ako ang gagraduate. Mayroon po akong apat na kapatid at ang pangarap ko po kaming apat, yung buong pamilya po namin aalis kami sa lugar na iyon dahil ito na po ang chance namin. May taong ginamit ang Panginoon para mabago iyong buhay at iyon po ang focus namin at salamat po dahil dalawang kapatid ko ang graduate na.

    VP LENI: Ikaw na nagpaaral?

    CARMI: Ako na ang nagpaaral. Dalawang kapatid ko na po ang graduate ng college. Isa pong accountancy isa pong teacher at isa pong HRM kasalukuyan pong nasa college ngayon.

    Kaya maraming maraming salamat po iyon nga po ang sabi ko kay ma’am, sabi ko ma’am alam niyo po ba hindi lang ang pangarap ko ang natupad, marami po kayong pangarap na natupad.

    VP LENI: Kasi iyong ginawa ni Ma’am Tina sa iyo ginawa mo din sa mga kapatid mo.

    CARMI: Opo. Domino effect na.

    ELY: Ok so Carmi salamat sa iyong oras at nawa’y magsilbing inspirasyon ito. Siguro sa susunod na mga palatuntunan namin maimbita ka namin muli o palagi naming babanggitin iyong kuwento. Salamat a.

    CARMI: Maraming maraming salamat po pagpalain po kayo lalo ng Panginoon at pagpalain po ang programang…

    VP LENI: Congratulations sa iyo.

    ELY: Salamat din po sa mga… ang dami po nating text at mensahe sa facebook may mga nagtetext siguro noong first episode natin siguro ho nasubaybayan niyo po mula simula hanggang matapos at ngayon iyong second episode, tignan niyo po puro serbisyo po ito.

    Gusto ko lang pong sagutin iyong iba kasi wala po dito iyong kung anu anong mga paninira, iyong idedestabilize yung gobyerno. I-monitor niyo po ng mabuti kasi bahagi po ako ng palatuntunan kaya’t bilang isang professional na mamamahayag at broadcaster, wala po kaming ginagawang paninira dito.

    Mensahe niyo po Vice President sa ating mga kababayan nationwide na nakikinig po ngayon. Naku sa Linggo din espesyal din po ang ating araw May 28 pero May 27 po ang kaarawan no?

    VP LENI: May 27 po ang kaarawan. Dapat 59 na sana siya. Kaarawan po ng aking yumaong asawa.

    ELY: Pero espesyal po gagawin nating palatuntunan at doon po tayo mismo sa Naga.

    VP LENI: Sa Naga po tayo mag-aair sa Linggo kasi po sa Sabado nandoon po ako para sa paggunita at pagcelebrate pa din ng buhay ng aking asawa.

    ELY: Ano po ang inyong mensahe sa ating mga kababayang nakikinig nationwide?

    VP LENI: Sa akin lang po nagpapasalamat muli sa inyong pakikinig ngayong umaga at gaya po ng sinabi ni ka-Ely mula first episode hanggang ngayong pangalawa ang gusto po naming ipaabot na serbisyo hindi lang ang tulong na hinihingi ng ating mga kababayan.

    Pero pati po ang pagpapakilala ng mga taong puwedeng maging inspirasyon nating lahat. Noong nakaraang Linggo kasama po natin si nanay Lorna, kinuwento niya po kung papaano niya naiahon sa kahirapan at napagtapos ang kanyang mga anak. Ngayon naman po kasama natin si Ma’am Tina at si Carmi na parehong inspirasyon ang binibigay sa atin mga kababayan.

    Kasi ito nga po gusto nating maging daan ang programang ito para alisin ang lahat ng negatibo, huwag na magaway-away, iyong lahat na lang ng mga mabubuting kuwento. Hindi po kuwento ko kundi kuwento ng mga kababayan natin na nagdaan sa hirap pero iniahon ang sarili para maging matagumpay sa buhay.

    ELY: So may mga nagtetext din po na gustong malaman ang ating textline. Mukhang may mga direktang hinaing po na ipaparating sa inyo, puwede po kayong magtungo diyan sa lahat ng himpilan ng RMN sa inyong mga probinsya at agad na maipararating po sa ating Bise Presidente.

    VP LENI: At dahil kulang ang oras natin , ang ginawa po natin noong una, yung mga nagtext sa atin na may mga tanong, hinaing, may staff ho sa opisina na isa isa silang sinasagot. Kaya kahit hindi po nakahabol ngayong araw, pwede pa rin ihabol ngayon linggo at susubukan po nating sagutin.

    ELY: Maraming salamat po kita niyo naman kahit Linggo ho nagtratrabaho. Serbisyo sa ating mga kababayan dapat ho kadalasan Linggo family day. Salamat po madam Vice president sa ating mga nakasama sa palatuntunan si Ma’am Tina at si Ms. Carmi… Maraming salamat hanggang sa susunod sa BiSerbisyong Leni.

    Posted in Transcripts on May 20, 2017