This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    BISErbisyong LENI Episode 197

    BISErbisyong LENI Episode 197

    ELY: Magandang umaga, Pilipinas—Luzon, Visayas, at Mindanao! At Linggo na naman—ngayon po ay February 14, 2021. Magandang umaga, Pilipinas! Mula po rito sa DZXL RMN Manila, tayo po ay napapakinggan sa RMN DYHP Cebu, RMN DXCC Cagayan de Oro, RMN DXDC Davao, RMN DWNX Naga, at siyempre sa lahat po ng inaabot ng ating broadcast nationwide, netwide. Magandang umaga! Ako pa rin ho ang inyong radyoman Ely Saludar. At siyempre, kasama po natin ang nag-iisang Bise Presidente ng Republika ng Pilipinas, si Madam Vice President Leni Robredo. Ma’am, Happy Hearts Day!

    VP LENI: Happy Valentine—Happy Valentine’s, Ka Ely! Happy Valentine’s po sa lahat ng nakikinig sa atin ngayong umaga. Ang akin pong pagbati ng Happy Valentine’s sa ating mga kababayan, sa atin pong mga kababayan sa Bicol, maogmang aldaw ning pagkamoot saindo gabos! Sa ating mga kababayan sa Visayas at Mindanao, maayong buntag at saka Happy Valentine’s Day! Ayan, good morning, Ka Ely.

    ELY: Yes, Ma’am. At siyempre para po sa kaalaman ng ating mga listeners nationwide, netwide, mga kasama, ay alamin natin iyong mga naging aktibidad ng ating Bise Presidente sa nagdaang linggo. Ma’am, ano-ano po ito 

    VP LENI: Ka Ely, buong linggo nasa opisina lang ako. Nasa opisina ako kasi kung naalala mo, the week before nasa community ako halos araw-araw. Iyon iyong linggo na galing ako ng Rizal, ng Bulacan, dito, iyong mga livelihood training namin sa Kamuning. So kailangan ko ng panahon sa opisina, Ka Ely. So whole week nasa opisina ako nagtatanggap ng mga bisita. Nag-courtesy call sa akin iyong German Ambassador. Marami pa rin, Ka Ely, na pumupunta for meetings. Paunti-unti na ngayon na bumabalik sa dati except that sinisiguro lang natin na iyong — kami, Ka Ely, maximum number of people na puwedeng tanggapin sa opisina. So iyon iyong sinusunod natin. Walang pasok noong Biyernes so Lunes hanggang Huwebes nasa opisina tayo. Marami tayong mga Zoom meetings. Tiniming natin, Ka Ely, iyong mga turnover natin ng mga projects sa Visayas at Mindanao noong nasa opisina ako. So ang pinaka, parang protocol namin, Ka Ely, kapag bumaba ng sunod-sunod, susunod noon iyong mga virtual naman na turnover. Ang hirap ngayon, Ka Ely, kasi hindi pa namin mapuntahan iyong mga communities na nagtu-turnover kami. So nagkaroon kami ng turnover sa Basilan, nagkaroon kami ng turnover ng mga sustainable livelihood trainings, ano iyon, Luzon, Visayas, Mindanao. Marami, marami, Ka Ely, na nangyari ngayong week. Ngayong susunod na linggo, ganoon pa rin. Puno pa rin kami ng mga turnovers. After nitong linggo, parang Huwebes, Ka Ely. Huwebes ba o Biyernes. Magko-community na naman ako hanggang buong weekend. So, ganoon lang. Parang binabalanse namin, Ka Ely. After ko mag-community buong weekend next week, magka-quarantine na naman ako. So usually, Ka Ely, kapag quarantine, doon namin sine-schedule iyong lahat na mga virtual meetings. So iyon. Dapat, Ka Ely, mayroon kaming tradisyon—may tradisyon kami sa Naga na kasama ang asawa ko na every Valentine’s Day, nabibigay siya ng bulaklak sa lahat ng mga babaeng empleyado ng Naga City Hall. Hindi namin ngayon magawa ngayon kasi [Sunday] ngayon. Pero maghahabol pa rin ako, Ka Ely, pero hindi ako mismo iyong mamimigay kasi next week pa ako makakapunta. So iyong staff na lang muna natin ang magre-represent sa akin para hindi na natin pinuputol iyong tradisyon.

     

    ELY: Ayon, opo. Okay, so iyon ho, mga kasama, at binabati ko ho si Ambassador—si German Ambassador Anke Reiffenstuel at, Ma’am, iyong husband niya ay ConGen din sa Turkey.

     

    VP LENI: Oo—hindi, lumipat na siya, Ka Ely. Lumipat na siya ngayon. Iyong asawa niya nasa Seoul na, nasa Seoul, South Korea. So actually, Ka Ely, kapag babae iyong Ambassador, siguro mga kalahati ng panahon ang pinagkukuwentuhan namin iyong mga anak namin, iyong aming pamilya. Kinukuwento niya, halos parehong age range iyong mga anak namin, Ka Ely. Pero ang hirap pala noon na mag-asawa kayo, nasa diplomatic service kasi kapag iyong assignment niyo magkalayo, talagang iyong mga bata, gaya ng mga anak niya, Ka Ely, early 20s, hindi na nila naisama kasi nag-aaral—nag-aaral sa Germany. So ano naman, pangalawang beses na actually niya na nagbisita sa opisina, Ka Ely. Noong bago siyang dating nagbisita na rin siya. Ngayon pagbalik niya, pinag-usapan namin iyong COVID response kasi alam mo naman, ‘di ba, sa Germany parang isa sa mga highly rated na mga magandang leadership pagdating sa COVID, kay Chancellor Angela Merkel. So pinag-usapan namin iyong mga—may mga spike din sa kanila, Ka Ely, pero sobrang bilis nila, parang sobrang bilis magrespond. So ano naman, okay naman, Ka Ely, iyong aming kuwentuhan. Iyon lang iyong problema namin ngayon kasi kailangan namin, Ka Ely, i-schedule iyong mga bisita. Dati, noong hindi pa COVID, paminsan isang araw marami talagang sunod-sunod. Pero ngayon, Ka Ely, hindi na namin magawa kasi maraming protocols na sinusunod sa opisina. Ayaw natin na parang, may mag-positive ulit. Lalo minsan, lalo iyong mga nagko-community work, kaya as much as possible inaayos namin iyong protocols, health protocols namin sa opisina.

     

    ELY: At siyempre kaugnay pa rin ng pandemya ay iyong IATF, ano, nagbigay na po ng go signal na 50% capacity, ito sa mga simbahan, operasyon ng sinehan, arcade, papayagan na sa mga GCQ areas tulad po rito po sa Metro Manila. So ano pong take niyo rito, Ma’am?

     

    VP LENI: Medyo kontrobersiyal siya, Ka Ely, kasi nabasa natin iyong statement noong mga Metro Manila mayors, nag-a-appeal, actually, iyong mga Metro Manila mayors. Ito, ang sabi nila hindi sila nakonsulta. Kung naalala mo, Ka Ely, sumulat ako sa IATF maaga pa, parang kauumpisa pa lang, last year pa ito siguro middle last year, sumulat ako with some suggestions. Ang isa kong suggestion doon, Ka Ely, dapat sana kabahagi ng IATF iyong mga representatives ng iba’t ibang mga liga ng mga local government units—barangay, mga munisipyo, mga councilors, mga cities, mga provinces—for this particular reason: na sila iyong nasa ground, sila iyong nakakaramdam noong, ‘di ba, iyong nararamdaman noong kanilang constituents. Parang hindi naman sinagot iyong sulat ko, Ka Ely, pero parang sinabi ni Secretary Roque na hindi na iyon kailangan. Hindi na iyon kailangan na may representative kasi nandiyan naman iyong DILG. Pero, Ka Ely, kung sinunod sana nila iyon, hindi mangyayari iyong mga ganito na nag-deklara na ng policy tapos may appeal galing sa mga opisyal. Iyong parati kong sinasabi, Ka Ely, sana bago nagkakaroon ng deklarasyon, pinag-uusapan muna nang maayos kaysa kaunti lang iyong nag-uusap, kapag nagkaroon ng deklarasyon babawiin, parang ang dami na nating ganiyan.

     

    ELY: Tama. [chuckles]

     

    VP LENI: ‘Di ba ang dami na nating ganiyan. Recently, iyong mga car seat. Sana hindi muna in-announce kung hindi pa pala nila pinag-usapan. Ngayon, ganoon na naman. Nagrereklamo iyong mga mayor na hindi sila nakonsulta. Iyon iyong number one, Ka Ely, na concern doon.

     

    Iyong number two, hindi ko alam kung based sa science, hindi ko alam, Ka Ely, kung based sa science iyong pinag-usapan kasi, Ka Ely, ako, ako, parati ko itong kinukuwento sa iyo ito, Ka Ely, ‘di ba, parati akong nanonood ng mga feature tungkol sa mga policies sa ibang bansa. Parang sila, Ka Ely, kapag nagbubukas sila ng activity, parating inuuna iyong public transport at saka eskwelahan. So sa atin, last year pa, Ka Ely, sinasabi natin na i-assess na sa mga lugar na mga, ‘di ba, sa mga lugar na wala namang community transmission, baka puwede nang umpisahan na buksan iyong paaralan, wala talaga. May deklarasyon na iyong DepEd, binawi kasi—hindi ko alam, Ka Ely, ayaw yata ni Presidente na magbukas na. Pero ang sa akin lang, uunahin iyong mga sinehan, uunahin iyong mga video and interactive game arcades, ano ito, Ka Ely, enclosed, more than an hour magkakasama iyong mga taong nandoon, ‘di ba. Hindi natin alam kung based ito sa science. Narinig ko iyong statement ni Secretary Roque na marami kasing nawalan ng trabaho na dito nagtatrabaho. Iyon, Ka Ely, valid iyong observation na maraming nawalan ng trabaho pero parati nating sinasabi na hindi puwedeng ihiwalay iyong health sa economy. ‘Di ba iyong pinakamabuting pagbukas ng ekonomiya, tutukan iyong health problem. Recently, Ka Ely, lagi tayong 1,000 plus, noong mga nakaraang araw nag-2,000 plus. Mayroon pang—kung hindi ako nagkakamali, parang 44 cases na iyong bagong variant natin, iyong B.1.1.7. Cause for concern ito. So hindi ko alam, Ka Ely, kung ano talaga iyong science behind it. Naiiintindihan natin na kailangan nang buksan iyong ekonomiya pero nakita naman natin, Ka Ely, na kahit noong binuksan iyong mga mall, walang mga taong umiikot. Kakaunti talaga dahil takot pa iyong tao. Iyong pinakamaigi talagang paraan para mabuksan iyong ekonomiya, asikasuhin na—asikasuhin na hindi tumataas iyong transmission, iyong number of cases, iyong supply natin ng vaccine siguraduhin na kasi iyon talaga iyong makakapagpabilis sa pagbukas ng economy.

     

    At nakita natin ito, Ka Ely, nakita natin ito, ‘di ba may mga recent surveys hindi na oposisyon iyong survey na iyan. Ang sasabihin na naman nila iyan na naman iyong sinasabi ng oposisyon. Iyong recent survey, Ka Ely, na ginawa ng ASEAN—nakalimutan ko iyong pangalan ng body—based in Singapore, pinapakita na iyong mga Pilipino iyong most dissatisfied sa response ng pamahalaan. Iyong hinihiling lang natin, Ka Ely, pakinggan. Pakinggan at again, i-acknowledge iyong pagkukulang para masolusyonan. Tinitingnan ko, Ka Ely, kahit iyong kaninang umaga iyong may—binabasa ko iyong bagong labas ng Lancet Study, iyong Vietnam, Ka Ely, parang 93 million ang population. Parang, malapit sa atin pero maliit nang kaunti sa atin, iyong number of deaths nila napakababa. Iyong kanilang transmission—number of cases napakababa, parang 1 is to 2.8 million population, kung hindi ako nagkakamali. Kapag—ang sinasabi doon sa study na iyon, Ka Ely, kapag maayos ang response ng pamahalaan doon sa transmission ng virus, mas mataas iyong confidence ng mga tao na magpabakuna. Sa ano yata, Ka Ely, sa Vietnam, dahil napakahusay noong response ng pamahalaan nila, unang-una, hindi sila recession ngayon, nag-grow pa sila. Pangalawa, 98 ba o 95 percent iyong confidence level ng mga tao sa bakuna. Eh sa atin, Ka Ely, napakababa. So ito iyong mga bagay na kailangang tutukan para makabukas kaagad ang ekonomiya. Iyong ano sana, Ka Ely, iyong bakuna malaking bagay. Kung masiguro na natin—nagulat ako, Ka Ely, noong isang araw Bangladesh. Bangladesh nagsimula nang magbakuna. Naunahan pa tayo. Akala natin noong una, Ka Ely, nauunahan lang tayo noong mga mayayamang bansa, pero iyong Bangladesh nag-umpisa na.

     

    Pero may aasahan naman yata tayo, Ka Ely. Dapat sana—dapat sana bukas, ‘di ba. Parang iyong unang announcement bukas na mag-uumpisa iyong vaccination pero mayroon yatang delay.

     

    ELY: So hindi po nagtutugma iyong petsa sa DOH at sa Malacañang kung kailan ho ba talaga ang dating.

     

    VP LENI: Parang ang unang announcement, Ka Ely, iyong galing sa COVAX, ito iyong Pfizer, parang 117,000 doses yata—

     

    ELY: Tama, Ma’am. 117,000 doses.

     

    VP LENI: Dapat yata, Ka Ely, ngayon darating kasi bukas dapat iyong rollout. Pero ang sabi, Ka Ely, ni Secretary Galvez, parang may delay ng one week. May delay ng one week kasi may naantala daw na documentation yata ng—hindi klaro, Ka Ely, eh. Parang—mayroon akong nabasa na hindi natin kasalanan pero may nabasa naman ako na iyong nakadelay kasi iyong ano ata, iyong documentation natin, mayroon tayong kailangang i-submit na hindi pa nasa-submit. Pero iyong DOH naman, ayaw nila magbigay ng petsa. Ayaw nilang magbigay ng petsa pero sinabi yata, Ka Ely, na sometime February. Sana matuloy na. Para at least kung nandito na sa atin, Ka Ely, mas kampante na iyong mga tao na kahit wala pa sila sa priority, at least sigurado na iyong rollout.

     

    ELY: So iyon nga ho at abang-abang ho tayo kasi lalo—Ma’am, tumaas ang kumpiyansa, lalo na ho itong mga healthcare workers nang malaman nila na ang darating na unang batch ng bakuna ay Pfizer.

     

    VP LENI: Pfizer, oo.

     

    ELY: Opo kasi nakausap ko iyong mga taga-PGH, iyong matagal nang spokesman, maaring nakatulong daw na tumaas ang kumpiyansa dahil sa Pfizer. Kasi noong unang mga balita, made in China iyong balitang unang darating kaya walang gustong magpabakuna kaya iyong reception iba, eh.

     

    VP LENI: Actually, Ka Ely, iyon din iyong mga nakausap natin, may mga nakausap tayong mga doktor, Ka Ely. Ang sabi nila kung Pfizer nga iyong darating mas marami iyong willing. Parang sa PGH, Ka Ely, kung hindi ako nagkakamali, nagkaroon na ng pre-registration. Nagkaroon na ng pre-registration at mataas—napakataas—90, ilan, Ka Ely, 93 percent? Oo, kung hindi ako nagkakamali 93 percent na sa health workers nila iyong nagpa-pre-register so encouraging iyon. Iyong kanilang spokesperson, Ka Ely, si Dr. Jonas Del Rosario, parang siya iyong mauuna. At napakameaningful nito, Ka Ely, kasi kung naalala mo si Dr. Jonas nagka-COVID din. Nagka-COVID siya. Nawala iyong magulang niya. Namatay iyong magulang niya due to COVID so parang napaka-symbolic, ‘di ba, napaka-symbolic, napaka-meaningful na siya iyong mauuna. Tingin ko malaki iyong boost nito sa public confidence.

     

    So ito, Ka Ely, iyong sinasabi namin na while wala pa iyong vaccine, mayroon nang mga—at least iyong PGH ginagawa ito. Alam ko, Ka Ely, dito sa Quezon City ganoon din. Dito sa Quezon City nagpa-pre-register din. Mayroon akong nakitang mga balita na ibang LGUs, ibang LGUs dito sa Metro Manila ginagawa rin. So ito talaga, Ka Ely, kapag handa iyong LGU beneficial para sa mga constituents. Pero sana doon sa mga lugar na, sana may mapping na ngayon—baka naman mayroon na—pero sana may mapping na iyong IATF o ewan ko kung sino iyong assigned ngayon. Iyong team yata ni Secretary Galvez. Pero sana may mapping na kung aling lugar iyong kailangan ng tulong para sana iyong deployment, pinapanood ko kasi—kinuwento ko na sa iyo ito, Ka Ely, ‘di ba, pinapanood ko iyong daily na briefings ng White House ngayon, grabe iyong difference, Ka Ely. Grabe iyong difference compared before the elections. Kasi ngayon iyong daily press briefing, very specific iyong kanilang mga—very specific iyong mga balita nila tungkol sa vaccination. Talagang iyon iyong tutok. Ang sabi nila, tini-treat daw nila ito na parang giyera kasi in fact daw, mas marami nang Amerikanong namatay ngayon kumpara sa mga nagdaan na giyera. Parang 400,000 plus na, Ka Ely. Pero ang ano nila, Ka Ely, ang target nila 100 million na naturukan sa first 100 days ni President Biden. As of yesterday, Ka Ely, pinapanood ko iyong kanilang presscon, parang 1.4 million a day na iyong natuturukan. Mayroon silang fineature, Ka Ely, parang virtual na nag-o-observe sila ng mga actual vaccination, Ka Ely, sa mga football ano, mga football stadium ginagawa. Pero napakaano lang, iyong mga ginagawa nila, Ka Ely, parang drive-thru. Parang drive-thru sila na—iyong pinanood ko kahapon, parang ano, 8,000 to 9,000 a day ang nababakunahan doon sa stadium na iyon pero ang target nila maging 12,000 sila. Ang kinukuwento nila, Ka Ely, kumuha na sila ng maraming volunteers na tinrain mag-vaccinate, pati raw iyong mga retired na health practitioners binuhay ulit nila. Parang tulong-tulong na sa pag-vaccinate, parang bawat ano, Ka Ely, parang bawat stall tatlong volunteers iyong nagma-man. Pero sana, sana ganito na iyong level of detail natin sa pagplano kasi  ito iyong makakapabilis—ito iyong makakapabilis kasi kung aasa tayo, Ka Ely, doon sa existing na natin, baka mabagal kasi maraming mga babakunahan pero kaunti iyong magbabakuna. Iyong balita rin, Ka Ely, sa Japan, ewan ko kung nabasa mo iyon kahapon, Ka Ely, na parang marami silang bakunang nasayang dahil kulang sila ng special syringe, iyong pang-injection. Iyon pala kasi, Ka Ely, bawat vial, parang anim na shots—bawat vial anim na shots, iyong lima ordinaryong syringe iyong gagamitin pero iyong last na, iyong pang-anim, special syringe ang gagamitin. Wala sila noon. So parang itatapon nila yata, Ka Ely, kasi mayroon lang takdang panahon, iyong life ng vaccine. So sabi ko nga, dapat inaaral na natin iyong mga ganito, para maaral natin iyong lessons sa experiences ng ibang mga bansa para handa tayo.

     

    ELY: Yes, Ma’am. Opo. So sana nga po ay maging gabay po sa atin iyon mga nangyari sa kanilang aberya na mai-correct ho natin kasi mas maganda—siguro maganda na rin na naiwan tayo nang kaunti kasi nakikita natin iyong sinasabi nating mga kapalpakan, at aberya dito po sa pagbabakuna.

     

    VP LENI: Totoo, totoo. At saka ano rin, Ka Ely, kahapon pinapanood ko rin iyong kay President Biden na interview, ang sinasabi niya, Ka Ely, parang kung tama iyong figures, 22,000 na buntis iyong ininjectionan nila kasi hindi yata, Ka Ely, kasama doon sa mga naunang clinical trials iyong mga buntis pero sabi niya, 22,000 na raw iyong naturukan and tinututukan ngayon ng CDC at saka ng health experts, wala nga raw untoward na after-effect. So iyong kabutihan, natututo tayo—matututo tayo from their experiences. Sana, sana i-absorb natin iyong lahat na lessons. Nakaka-inggit lang, Ka Ely, iyong New Zealand kung napanood mo, kung napanoond mo, Ka Ely, iyong huling feature sa kanila kasi ang husay, ‘di ba, ang husay ng response nila. Mayroon silang national barbecue, hindi na sila nagma-mask. Hindi na sila nagma-mask kasi wala na silang active cases. Wala na sila, Ka Ely, na active cases pero strikto pa rin sila. Strikto pa rin sila sa, hindi sa pag-mask pero sa mobility, sa pagpasok ng mga bisita strikto pa sila. Ang tingin ko lang, Ka Ely, talo natin, kung ikumpara tayo sa America, mas marami sa kanilang matitigas iyong ulo pagdating sa pagsuot ng masks. Sa atin, Ka Ely, mas masunurin. Sa America iyong lahat na press conference nila, parang nandoon pa rin sila sa stage na kinukumbinse iyong mga taong mag-suot ng mask. Tapos parang mayroon, Ka Ely, na, ito, ito ikukuwento siguro natin sa mga nakikinig sa atin, mayroong parang bagong CDC guidelines. Dati kasi, Ka Ely, sinasabi nila walang evidence supporting it pero ngayon parang nag-experiment sila, iyong ido-doble mo raw, Ka Ely, iyong mask, iyong surgical mask sa ilalim, cloth mask sa ibabaw, nag-i-improve daw iyong proteksyon mo by 92.5 percent. Basta raw siguraduhin lang maganda iyong fit ng mask. Kasi ‘di ba minsan nakikita natin iyong mga mask parang ang luwag, paminsan nahuhulog na labas na iyong ilong, so kapag maganda raw iyong fit ng mask, mayroon kang surgical sa ilalim, mayroon kang cloth sa ibabaw, ano na ito, official na CDC study, na iyon nga, nai-improve. So iyon nga, makakakuha tayo ng lesson galing doon. Kasi iyong pinakaayaw natin, Ka Ely, ngayon na may bagong variant, ‘di ba, ngayon na may bagong variant, sabi nila mas mabilis iyong transmission, so gagawin natin ang lahat para ma-proteksyunan tayo.

     

    ELY: Opo. So sa ngayon siguro naka-face mask ka na tapos iyong face shield huwag kalimutan.

     

    VP LENI: Oo, actually, Ka Ely, parang napansin ko sa ibang lugar, hindi masyado sila sa face shield. Parang Pilipinas lang ang nakikita ko ngayong may face shield pero mas maigi na ring sundin kasi wala namang—hindi naman makakasama sa atin. Minsan nga lang nakakahilo siya. Minsan nakakahilo. Pero para sa akin, Ka Ely, kahit anong makaka-protect sa atin gagawin natin. Sa kanila, mas mask talaga. Sa kanila mas mask. Napansin lang natin, Ka Ely, sa mga lugar na maganda iyong, ano ito, iyong response, hindi masyadong urgent iyong pagbakuna sa kanila. Halimbawa, halimbawa Australia. Nagkaroon kami ng meeting with the Australian ambassador. Kinukuwento niya na sa kanila magkaroon lang ng isang kaso parang national news na. Controlled iyong kaso nila pero iyong pagdating sa bakuna, hindi sila nagmamadali. Hindi sila nagmamadali although importante sa kanila, parang hindi siya napakalaking isyu kasi hindi grabe iyong transmission. Malaki talaga siyang isyu, iyong bakuna, sa mga lugar na mataas pa rin iyong transmission. Kaya napakalaking isyu siya sa US. Pero ang number one, Ka Ely, hanggang ngayon in terms of percentage iyong Israel, ‘di ba. Israel, followed by United Arab Emirates, ito iyong mga nangangawak sa bilis ng rollout ng vaccination.

     

    ELY: Opo. Okay, Ma’am. Dito ho sa— Siguro makakatulong ho kaya ito, iyong vaccine indemnity fund law, kasi para ‘di ba iyong mga magpapabakuna, at least kung sakaling magkaroon ng masamang epekto o anuman eh hindi ho sila mag-aagam-agam, at sila po ay matutulungan ng gobyerno?

     

    VP LENI: Tingin ko, Ka Ely, kahit ano na makakadagdag sa tiwala ng tao, kailangan nating gawin. Kahit ano na makaka-assure sa kanila na walang dapat ikatakot at kahit mayroong mga... ‘di ba... mayroong untoward na mangyayari ay protected sila, makakadagdag iyon sa confidence.

     

    Pero sa akin, Ka Ely, mas makakadagdag sa confidence kung mas maraming mga health experts na nagsasalita, na nai-interview. Kami, Ka Ely, sumubok din kami, gumawa din kami ng kaunting video na kinukuwento namin iyong mga kuwento galing sa ibang nabakunahan na. Pero tingin ko, Ka Ely, makaka-boost ng confidence na naririnig ng tao galing sa mga doktor, galing sa iyong mga tinitiwalaan nila, na walang dapat ikatakot.

     

    ELY: Opo. Okay, Ma’am, sa iba pa na isyu: Iyong mga market vendors ay hindi po sila sang-ayon dito po sa itinakdang price ceiling sa karneng baboy at manok dito po sa Metro Manila. Kasi talagang ang pinagkukunan daw nila mataas, kaya ang iba hindi na lang nagtinda sa mga palengke kaysa malugi.

     

    VP LENI: Marami yata, Ka Ely, na hindi nagtinda noong nakaraan after siyang inimpose dito sa Metro Manila. Nakita natin sa balita, maraming mga public markets na pinakita na wala talagang tinda ng baboy. Kasi parang ang sinasabi— Again, Ka Ely, babalik tayo doon sa konsultasyon. Na bago sana nagbababa ng polisiya, nakonsulta muna iyong mga taong kailangang konsultahin, iyong mga sektor na kailangang konsultahin. Kasi tayo, Ka Ely, naiintindihan natin, naiintindihan natin kung bakit may proposal na magkaroon ng price ceiling. Pero ito, Ka Ely, hindi sana siya masyadong naging problema kung mas, ‘di ba, nagkaroon ng maayos na konsultasyon. Kasi iyong mga interview, Ka Ely, sa mga vendors o sa mga nagtitinda ng baboy, parang para sa kanila, malulugi talaga sila kung magbenta sila. Sabi nila iyong cost of raising pa lang, iyong cost of production, lugi na. Mayroon silang presyong sinabi, Ka Ely, na magiging breakeven ba o kikita sila kapag between 330 to 380 [pesos] iyong presyo ng kilo ng baboy. So kung mas bababa diyan, hindi na lang sila magtitinda kasi magiging abonado pa sila. Kahit pa yata—parang iyong 330 yata to 380 [pesos], Ka Ely, ito, kung wala pang government subsidy. ‘Di ba may government subsidy na ng transport? Parang kulang pa din, na kahit may government subsidy, hindi pa din sila kikita. So para sa akin, Ka Ely, kailangan pag-usapan, kailangan makonsulta. Ako, malaki naman iyong tiwala ko kay Secretary Dar. Nakita natin siya kung papaano din siya magtrabaho. Hindi ito politiko. Ito ay professional. Ano lang, baka nakulangan lang talaga na magkonsulta.

     

    Pero para sa akin, Ka Ely, sa lahat sana ng policies, lalo sa panahon ngayon, sana hindi ito nakakaligtaan, hindi nakakaligtaan iyong pagkonsulta ng mga sektor na maaapektuhan. Kasi ang ayaw natin, iyong may problema na tayo, nadagdagan pa iyong problema natin dahil hindi tayo nagkonsulta. So sana sa lalong madaling panahon masolusyonan ito.

     

    Iyong problema yata dito sa Metro Manila, kasi sinabayan pa siya ng ASF eh. Ang daming mga baboy dito, lalo dito sa Luzon—halos naubos ang supply ng baboy dahil sa ASF. Tumaas pa, tumaas iyong mga feed, tumaas ang halos lahat na kailangan nila para mag-hog raise, kaya iyong cost of production talaga mataas din. So sana, sana, Ka Ely, pag-usapan, kasi ang epekto nito sa ating lahat. Kahit may pambili ka, kung wala nang mabibili, mahirap.

     

    ELY: At ngayon ay kasi parang ang plano o ginagawang hakbang ng DA, kumuha sa Visayas at Mindanao. Pero may mga agam-agam din na baka malipat lang ang problema sa Visayas at Mindanao, iyong kakapusan ng karne.

     

    VP LENI: Totoo. Kasi ang hindi natin nababasa sa news, Ka Ely—kukuha ka sa Visayas at Mindanao, hindi nasasabi kung surplus sila eh. Hindi nasasabi kung iyong pino-produce nila mas mataas kaysa sa demand. Kasi kung hindi ganoon, sila naman iyong mawawalan, ‘di ba? Pero ang sinasabi nga, Ka Ely, ng mga tagarito, kahit with government subsidy, parang kulang pa din. So sana mapag-usapan na nila. Sana mapag-usapan soon para ma-resolve naman ito nang walang nadedehado, walang nadedehadong tao.

     

    ELY: Opo. Okay, at samantala, ito, isang kontrobersyal na isyu ito, Ma’am: Iyong pahayag ng Pangulo na haharangin niya iyong operasyon ng ABS-CBN kahit bigyan pa ito ng Kongreso ng prangkisa.

     

    VP LENI: [laughs] Nakakalito nga, Ka Ely, kasi ‘di ba noong pinag-uusapan ito sa Congress, parang si Secretary Roque yata iyong nagsabi na hands-off dito si Presidente. Parang sinasabi nila, kung ano iyong desisyon ng Congress ay i-o-honor. Hands-off dito. So ngayon parang baligtad. Parang baligtad na sinasabi na kahit bigyan, sisiguraduhin na hindi makakapag-operate. Habang— Ano iyong ibinigay na reason, Ka Ely? Habang hindi pa binabayaran iyong taxes?

     

    ELY: Opo. Iyong utang daw.

     

    VP LENI: Tama ba?

     

    ELY: Tama, may utang daw sa buwis. Pero sabi ng BIR, wala raw eh.

     

    VP LENI: Iyon nga. Iyon iyong nakakalito kasi sabi ng BIR walang utang. So sino ang papaniwalaan natin? May sinasabi din siya, Ka Ely, tungkol sa DBP. Parang sinasabi niya may mga loans sa DBP na hindi masyadong klaro sa akin iyong detalye. Pero DBP din ang nagsabi na wala silang kinondone, at lahat na... parang lahat na transaksyon ay above board. So hindi mo maintindihan, kasi ang DBP naman saka ang BIR ay pareho din namang government offices. So parang ang sinasabi nila salungat din sa sinasabi ng Pangulo, so mahirap, Ka Ely, na intindihin. Actually nakakalito. Nakakalito kasi iyong sinasabi ng isa, salungat sa sinasabi ng isa. Ito nga, sabi ni—parang pinanindigan nila for a very long time na walang kinalaman si Presidente doon sa pag-cancel ng prangkisa kasi Congress lang iyon. Tapos ngayon baligtad iyong sinasabi. Kasi ‘di ba, Ka Ely, si Senate President Tito Sotto yata isa sa mga nag-file?

     

    ELY: Tama po.

     

    VP LENI: Isa sa mga nag-file o nagsusulong ng pag-award ng prangkisa. Si Congresswoman Vilma Santos-Recto, isa sa mga authors. Alam ko iyong congressman namin, Ka Ely, si Congressman Gabby Bordado, isa din sa mga authors. So medyo nakakalito siya, medyo nakakalito na iyong sinasabi ni Secretary Roque, iba naman sa sinasabi ni Presidente—

     

    ELY: Opo, pero—

     

    VP LENI: —na talagang makikialam siya.

     

    ELY: Pero, Ma’am, ang malinaw dito, umamin na ang Pangulo na siya ay may kinalaman, sa umpisa pa lang. [laughter] Ito ang magiging— Ganito ang magiging persepsyon ng lahat. Ngayon kokontrahin, talagang haharangin. So ito, lilitaw na ho sa bagong pahayag ng ating Pangulo. Ayon. [laughter]

     

    VP LENI: Mahirap, Ka Ely, kasi parang kino-confirm lang iyong pagduda ng marami dati. Pero iyon nga, iyong sinasabi ng spokesperson, iba sa sinasabi ng principal.

     

    ELY: Opo. Pero dito naman, si Pangulo, parang ano... parang tumutulay sa lubid daw, ano, at hindi niya kayang maging palaban kontra China, at kailangan sa US nakikisama. Ano hong tingin n’yo dito, Ma’am? Kasi ang sinasabi noong una eh dapat maging independyente iyong ating mga patakaran at polisiya sa ibayong dagat, iyong ugnayang panlabas.

     

    VP LENI: Alam mo— Parang mapapabuntong hininga ka na lang, Ka Ely, nang napakalalim kapag nabasa mo iyong statement ni Presidente, ni Secretary Lorenzana. Kasi, Ka Ely, parati nating sinasabi na pinahahalagahan natin iyong sarili nating... ‘di ba, iyong sarili nating kasarinlan. Hindi puwedeng iyong desisyon natin, dahil natatakot tayo sa iba.

     

    Hindi naman tayo, Ka Ely, nakikipag-away eh. Hindi tayo nakikipag-away. Pinaglalaban lang natin iyong dapat na sa atin. Pinaglalaban lang natin iyong karapatan natin. Kapag hindi natin maipaglaban ito dahil takot tayo sa kanila, parang nakakahiya naman sa atin.

     

    Sa akin, Ka Ely, kapag pinaglaban mo iyong karapatan mo, hindi naman gustong sabihin nakikipag-away ka. ‘Di ba? Hindi gustong sabihin noon nakikipag-away ka. Pero iyong number one na obligasyon mo sa mga Pilipino. Iyong number one na obligasyon, sa mga Pilipino. Hindi puwedeng hindi mo sila poproteksyunan kasi natatakot ka. Hindi tayo ganiyan.

     

    Kaya sa akin, Ka Ely, nakakalungkot, nakakalungkot iyong nabasa na hindi tayo gagalaw kasi takot tayo at pinapanood tayo ng China. Ano ba naman iyon? Hindi natin kayang proteksyunan iyong sarili natin dahil natatakot tayo sa iba?

    ELY: Pero dito naman, ang kaniyang pahayag sa US eh, “If you want VFA, pay for it.” [chuckles]

     

    VP LENI: Parang extortion lang, Ka Ely. [laughter] Parang ano eh, parang kriminal eh. “Kung gusto mo nito, magbayad ka muna.”

     

    Para sa akin, Ka Ely, iyong pagkakaibigan natin with the US many generations ago, mayroon tayong shared history, na hindi naman ganiyan iyong pag-treat ng ating mga partners. Iyong sa atin, Ka Ely, kung hindi natin iga-grant iyong VFA, dapat because of reasons na makakabuti sa atin, hindi iyong dahil hindi sila nagbabayad. Para sa akin, Ka Ely, parang nakakahiya. Nakakahiya na... ‘di ba... Iyong ano ko nga, parang... parang nag-eextort tayo. [laughs] So sa akin, Ka Ely, kapag sinabi nating ayaw nating i-renew iyong VFA, ilatag natin kung bakit. Ipakita natin bakit hindi siya nakakabuti sa atin. Hindi iyong pera iyong consideration, kasi iyong pera—

     

    ELY: Ayon. Interes ng taumbayan.

     

    VP LENI: Oo. Iyong pera, Ka Ely, ‘di ba, hindi naman... Sa lahat na klase ng relationship, dapat hindi nakabase doon. Nakabase ito sa parang mutual benefit ng parehong parties to a contract. Hindi naman dahil “Kaibigan kita kung bigyan mo ako ng pera.” Hindi iyon ganoon eh.

     

    ELY: [chuckles] Tingnan natin, baka sa mga susunod na araw, Ma’am, magbago na naman ang ihip ng hangin. [laughter]

     

    [END OF GAP 1]

     

    ISTORA NG PAG-ASA SEGMENT

     

    ELY: Okay, Ma’am, at siyempre ito importante rin ito na sangkap ng BISErbisyong LENI ang Istorya ng Pag-asa. Dahil sa ang ating mga nagiging panauhin dito nagsisilbing inspirasyon para po sa ating mga kababayan, lalo't sa gitna po tayo ng pandemya. Ma'am nasa linya na natin, Ma'am ang ating Istorya ng Pag-asa ngayong araw na ito.

     

    VP LENI: Ayon. Ang ating guest ngayon, ‘di ko pa siya nakikita, Ka Ely. Pero ang guest natin ngayon ay taga-Davao. Napakainspiring ng kanyang kuwento. Napakainspiring ng kanyang kuwento kasi siya, Ka Ely, ay barista. Barista siya na naapektuhan noong panahon ng pandemya. Pero hindi siya nagmukmok lang sa isang tabi dahil nawalan ng trabaho. Gumawa ng mga napaka-innovative na paraan para mabuhay pa din kasi siya ay tatay na. Mayroon siyang tatlong anak, talagang naghanap ng paraan para buhayin ang kanyang mga anak. Ang pangalan niya, Ka Ely, John Rey Plaza. Ang kaniyang palayaw ay Biboy. Hindi ko alam kung kasama na natin siya ngayon. Biboy, andiyan ka na ba?

     

    ELY: Ma'am, via phone patch lang ha. Mukhang hindi kaya ng—

     

    VP LENI: Ah, phone patch. Nandiyan na ba siya? Biboy, nandiyan ka na?

     

    BIBOY PLAZA: Opo, good morning po, Vice President.

     

    VP LENI: Biboy, kamusta ka? Happy Valentine’s, Biboy.

     

    BIBOY PLAZA: Happy Valentine's Day po.

     

    VP LENI: Ayon. Biboy, napakasaya namin na nakausap ka namin ngayon kasi nabalitaan namin ang kuwento mo. Parang kuwento mo, Biboy, matagal ka nang barista? 12 years kang nagtatrabaho sa isang coffee shop sa Davao, tama ba?

     

    BIBOY PLAZA: Opo.

     

    VP LENI: Ayon. Tapos sinasabi, Biboy, na last year nawalan ka ng trabaho. Anong buwan ka, Biboy nawalan ng trabaho?

     

    BIBOY PLAZA: Ano po, noong October na po. October last year.

     

    VP LENI: October last year. Pero may ginawa ka Biboy na nakakahanga, ‘di ba? Noong nawalan ka ng trabaho, hindi ka nakuntento na wala kang gagawin. Mayroon kang ginawa na parang pop-up coffee shop, parang mobile coffee shop. Papaano mo ito naisipan?

     

    BIBOY PLAZA: Ano po, nagstart po ako sa bahay lang muna. Nagpop-up ako sa bahay. Bale ginagawa ko, nagdedeliver muna ako ng coffee. At the same time, sinasabayan ko na organic egg. Nagde-deliver ako para kumita. And then—

     

    VP LENI: Pero, Biboy, noong nasa bahay ka pa lang—Biboy, noong nasa bahay ka pa lang, papaano sa iyo nag-oorder ang mga tao?

     

    BIBOY PLAZA: Ano po, sa page ko po. Gumawa po ako ng page sa Facebook. Kapag may mag-inquire, doon kahit malayo pinupuntahan ko. Nagde-deliver ako para lang makainom sila ng coffee ko—

     

    VP LENI: Ikaw mismo? Ikaw mismo nagdedeliver?

     

    BIBOY PLAZA: Opo. Ako mismo. Ako din nagatimpla, ako din nag-deliver.

     

    VP LENI: Ang galing, ang galing! Tapos naisipan mong umpisahan ang Kapewenyo, di ba?

     

    BIBOY PLAZA: Iyong kita ko sa pagdedeliver kasi nag-ECQ na, ‘di ba?

     

    VP LENI: Oo.

     

    BIBOY PLAZA: Then noon, naisipan ko na mag—bakit hindi ko kaya gawing ano, pop-up or gawing mobile ang motorsiklo ko. Mobile coffee ang motorsiklo ko kasi iyon ang ginagawa sa ibang bansa like mga European countries, like Asian countries. Iyon ang ginagawa nila. Iyon, Ma’am.

     

    VP LENI: Pero, Biboy, nakita ko ang picture ng ano mo, ng mobile coffee shop, ito ang Kapewenyo, nakita ko motor ito pero nilagyan mo—tama ba ito, parang kabayo siya ng plantsahan? Parang kabayo—ironing board?

     

    BIBOY PLAZA: Opo. Actually hindi pa iyon ang ginamit ko. Iyong ano pa po, board na may kalakihan na parang table talaga. Medyo nahirapan ako kung paano ko i-balance. Minsan nga nalaglag iyon, nagdrive ako ng motor. So ayon, medyo nahirapan ako sa umpisa. Then noong after 3 days yata iyon, nakita—hindi weeks pala. Nakita ko ang plantsa ng kabayo sa likod ng ano namin door namin, hindi naman siya ginagamit kasi wala namang klase ang  mga anak ko. Then ako din walang trabaho so iyong mga polo namin hindi naplantsa. So iyon ang ginamit ko muna—the same type. Naghanap ako ng ano para mabalanse siya, nakakita ako ng dalawang biak na bato na hollow blocks na semento, iyon ang pinabalanse ko para mapantay siya. Tapos inano ko lang ng tela.

     

    VP LENI: Ang husay! Ang ganda ngang tingnan, Biboy. Tinitingnan ko ang pictures ang gandang tingnan. Pero ang husay naman na naisipan mo—Oo nga eh. Ang husay na naisipan mong iyan ang gamitin. Sobrang ganda niya at sobrang creative. Tapos ito, saan ka pumuwesto?

     

    BIBOY PLAZA: Si Kapewenyo din po nabuo siya noong may barista community kasi kami dito sa Davao. So iyong mga kasamahan ko sa industry, iyong isa nag-ano kami—nag-isip kami kung ano ipapangalan namin. Una isa coffee wenyos, kasi Davawenyo ho. Davawenyo ako, so sinabi ko Kape nalang kasi bisaya tayo. So kape tayo, tapos Davawenyo so pinag-ano namin. Pinaghalo namin so ayon, nabuo si Kapewenyo.

     

    VP LENI: Ang galing nga eh. Ang galing! Tapos Biboy, ang ginagamit niyong  mga coffee beans, diyan din gino-grow sa inyo, ‘di ba?

     

    BIBOY PLAZA: Yes po. From Mt. Apo po talaga ito. Mt. Apo, Bukidnon, from Sta. Cruz, from Davao Oriental. So locally made talaga na coffee.

     

    VP LENI: Ang galing! Ang galing! Tapos ang gandang tingnan. So ang gustong sabihin, Biboy, itong ginagawa mo parang kabahagi din ng programa iyong iba pang mga barista na kagaya mo?

     

    BIBOY PLAZA: Yes po. Ano rin po, inspired sa ibang mga barista or mga coffee shop owners na hindi dahilan po ang pandemic para sumuko tayo. Kasi passion natin si coffee at the same time, ano talaga nakakapagbigay ng  positive vibes si coffee talaga.

     

    VP LENI: Totoo. Ako mahilig din ako, Biboy sa kape. Pero kami, Biboy, gusto ka naming i-feature kasi sobrang inspiring ang ginawa mo. Tama ka ng ang aral nito, hindi tayo magpapadala sa mga dumadaan sa atin na hindi maganda. Pero ikaw ang ginawa mo, parang nawalan ka ng trabaho noong October, November naisipan mo na kaagad ito. Kaya kahanga-hanga talaga, Biboy. At kami nagpapasalamat sa iyo, nagpapasalamat kami sa mga kasama mo. Pero nabalitaan ko, Biboy, ano ka pala, parang naging champion ka sa isang—sa isang ano ito, barista competition?

     

    BIBOY PLAZA: Sa iyong workshop—2019 po, tawag dito Coffee Triangulation. Pwede ko pong banggitin ang nagpaano—

     

    VP LENI: Oo banggitin mo.

     

    BIBOY PLAZA: Okay lang po?

     

    ELY: Sige po.

     

    VP LENI: Oo. Sige lang, Biboy. Sige lang.

     

    BIBOY PLAZA: Si Henry and Sons, sila po ang nagpa-event. Actually ano po, simultaneous po. Davao, Baguio and Cebu. So Coffee Triangulation—

     

    VP LENI: Ah so hindi lang Davao. Hindi lang pala Da—kaya triangulation siya.

     

    BIBOY PLAZA: Opo. Coffee taster po ang sa akin. Bale titikman ko ang 12 cup ng coffee, kailangan ma-identify ko iyon siya within 3 minutes kung ano ang nakuha na coffee.

     

    VP LENI: Kung ano ang ingredients? Kung ano ang kape?

     

    BIBOY PLAZA: Ano po iyong—black coffee lang po siya na arabica. Kailangan ko pong ma-identify within 3 minutes kung ano ang pinakamaraming mas na-identify ko, siya ang panalo.


    VP LENI: So doon ka nanalo. Pero ito, Biboy, magagawa mo lang ito kapag talagang ano ka ano, talagang matagal ka na, grabe na ang experience mo at saka aficionado ka talaga sa kape.

     

    BIBOY PLAZA: Yes po. Parang ganoon na rin po. Siguro sa katagalan na sa coffee industry.

     

    VP LENI: Oo nga. Ito, Biboy, may nakikinig sa amin lagi silang nagmemessage every Sunday na taga Davao. Kaya puwede ba sabihin mo kung saan ka nila makikita? Kung gusto nilang dumaan sa Kapewenyoz. Saan banda sa Davao nila puwedeng puntahan? At anong oras?

     

    BIBOY PLAZA: Doon lang po ako naka pwesto sa may tapat ng Carmelites Church.

     

    VP LENI:  Carmelite Monastery…

     

    BIBOY PLAZA: Sa may J.P. Laurel, Bajada… Malapit lang po sa SM Lanang Premier. Sa gilid lang po ng kalsada.

     

    VP LENI:  Ayon. Iyong mga taga-Davao pong linggo lingo nakikinig sa atin, si Biboy po ay nasa may tapat daw siya ng Carmelite Monastery. Malapit sa SM Lanang, Biboy, ano?

     

    BIBOY PLAZA: SM Lanang Premier po. Monday to Saturday, 6 AM to 9 AM.

     

    VP LENI:  Oh. 6 AM to 9 AM.

     

    BIBOY PLAZA: And then kapag Sunday po… Ngayon po Sunday nandito ako sa Assumption Church, sa may Torres. Every Sunday na po iyan sa Assumption Church kasi…

     

    VP LENI:  Oh, so wala kang pahinga?

     

    BIBOY PLAZA: Iyong Father kasi, si Father Hermin, mahilig din po sa kape. So inivite dito sa Church.

     

    VP LENI: Assumption Church, Biboy, ano?

     

    BIBOY PLAZA: Assumption Church po sa Torres. Every Sunday.

     

    VP LENI:  Ayon, sa mga nakikinig po sa atin na mga taga-Davao, nakita niyo naman iyong mga pictures, pinakita natin kanina, kung gusto niyo po makita si Biboy in person, malasahan, matikman niyo iyong kape ni Biboy, Monday to Saturday, 6 to 9 AM, nasa tapat siya ng Carmelite Monastery sa may SM Lanang. Tapos pag Sunday, sabi niya… Biboy, regular na, ano? Every Sunday nasa may Assumption Church ka?

     

    BIBOY PLAZA: Torres… opo, opo.

     

    VP LENI: Ayon, Biboy, wala na tayo oras, pero gusto ka namin pasalamatan sa inspirasyon na binibigay mo sa amin. Inspirasyon na pwede makuhaan ng aral ng mga kagaya mo na nawalan ng trabaho, na naapektuhan ng pandemya pero hindi sumuko, at naghanap ng mga pagkakataon na makapag hanap-buhay ulit. Tapos nagpapasalamat kami sa pagbigay mo sa amin ng oras kahit nasa trabaho ka, at Valentine’s Day ngayon. Pero siguro, Biboy, mamaya makakapagpahinga ka naman, di ba? Para mag spend ng Valentine’s Day kasama ang pamilya.

     

    BIBOY PLAZA: Actually iyong pamilya ko nasa probinsya po. Nagbakasyon muna.

     

    VP LENI:  Ah, wala sila. So buwelo ka nakakatrabaho ngayon. Pero mag-iingat ka, Biboy, ha? Mag-iingat ka. Mahirap din iyong ginagawa mo kasi siyempre exposed ka sa maraming tao. Mag-iingat ka pa din pero salamat ng marami sa iyo. Happy Valentine’s ulit, Biboy.

     

    BIBOY PLAZA: Sa inyo din po. Maraming salamat po sa time niyo po, VP Leni.

     

    VP LENI:  Maraming salamat.

     

    BIBOY PLAZA: Maraming salamat. Happy Valentine’s din.

     

    VP LENI:  Ingat ka, Biboy.

     

    VP LENI:  Ayan, Ka Ely. Tinitingnan ko iyong pictures, Ka Ely. ‘Di ba napaka creative? Napaka creative. Sino makakaisip na may dala ka na kabayo ng plantsa, ikakabit mo sa motor mo para maging parang mobile coffee cart. Ang ganda pa ng hitsura. Tapos ang gamit niya, Ka Ely, ang gamit niya iyong mga beans talaga. Mga beans na galing din Mindanao. Hindi lang daw galing Davao, pero iyong mga galing Bukidnon tsaka mga karatig probinsya. Kaya, mabuhay ka, Biboy.

     

    Ka Ely, mayroon pa tayong two minutes. Baka pwede tayo magbasa ng ilang mga messages.

    Ang pinaka una, galing kay Jake Regal… O, galing Tokyo, Ka Ely. Nagkaroon ng matinding lindol. Nagkaroon ng matinding lindol sa Japan, parang 7.1 ba, 7.2. Sana nasa mabuti kang kalagayan, Jake, tsaka mga iba pa nating mga kababayan diyan.

    Si Rosie S. Tulano, happy Valentine’s din sa iyo. Maria Mercedes Mangubat, good morning, happy Valentine’s.Tito Robert Piansay, happy Valentine’s din sa’yo at maraming salamat sa message mo. Ayon, si Maria Mercedes Mangubat nasa ano siya… ah nasa Ontario siya. Nasa Ontario siya. Sobrang lamig dun ngayon, Ka Ely. Sobrang lamig. So sana okay ka lang po diyan. Kumusta sa ating mga kababayan.

    Marife Dimaunahan, watching from Indonesia. Wow. Sana nasa mabuti kayong kalagayan. Happy Valentine’s din sa inyo.  Lourdes Bacolod from San Diego, California. Naku, Ka Ely, all over the world iyong mga nakikinig sa atin.

    Nasaan na ako. Nawala ako. Jim Ozilbat from San Jose Del Monte, Bulacan. Nako, galing pa lang kami Jim diyan sa inyo two weeks ago.  Si Big Bro Macky from Laguna. Happy Valentine’s day. May tatlo siyang puso, Ka Ely. Lerdo Alconar Alteo, maray na aga. Maray na aga po. Maray na aga man sa imo.  Gie Blankisa Burce… Bicolana din yata ito kasi iyong kanyang greeting ay in Bicol. Happy Valentine’s sa imo, Gie. Riffy Jane Andrea Vergara, watching from San Jose, Batangas. Nako, napaka ganda ng Batangas, Ka Ely. Dun kami nagbakasyon ng mga bata nung New Year. Delia Relato… si Delia every Sunday natin to kasama from Singapore. Nako, wala na tayong oras.

    Si Richard Agramante, birthday daw niya kahapon, Ka Ely. Birthday ko po ng February 13. Happy, happy birthday sa’yo, Richard. Sorry ha, belated na. Happy Valentine’s today. Si Monmon Bee galing Singapore, every Sunday din natin kasama si Monmon Bee. Dalawa na lang kasi wala na tayo oras, baka mapagalitan na tayo ng susunod sa atin. Lady Beeps, happy Valentine’s din.  Maria Fatima Cabahug, watching from Ormoc. Sabi niya pa-shout out daw kay Mikaela Santos, Chendie Magluyan Pacifico, Maria Celina Pacamalan Manlusok, ayun, sabi niya “Happy Valentine’s mga sizst”. 

    Stay safe and health din sa inyong lahat. Ka Ely, wala na tayong oras, so…

     

    ELY: Yes, Ma’am.

     

    VP LENI: Dagdag ko lang, Ka Ely, kasi si Roger Austria nasa Chicago, tsaka si Paul John Lagunzad ay nasa Davao. Paul John baka gusto mo i-patronize si Biboy, nandiyan siya sa inyo. Napaka husay, Ka Ely, no. Nanalo siya dahil siya iyong pinakamaraming nahulaan  dun sa mga coffee na nilalasahan. So Paul John, bisitahin mo naman si Biboy. Kung nandiyan lang kami sa vicinity, susubukan namin. Di ba, support local. Napaka inspiring ng kuwento.

     

    Ka Ely, napaka haba pa nito pero wala na tayong oras. Pasensya na po iyong mga hindi namin nabasa.

     

    ELY: Opo.

     

    VP LENI:  Pero sa inyong lahat, Happy Valentine’s.

     

    ELY: Okay, at good morning kay Monsi Serrano at Happy Valentine’s din sa aking misis na si Luz.

     

    VP LENI:  Ayon, Luz, happy, happy Valentine’s.

     

    ELY: Opo. Okay, Ma’am, pang huli, mensahe po ninyo sa ating mga kababayan ngayong araw na ito.

     

    VP LENI:  Ka Ely, siyempre, happy Valentine’s uli sa lahat. Sa atin po, patuloy pa din, patuloy pa din iyong pag-remind sa atin ng protocols, health protocols, ang pag-wear ng masks, face shields, social distancing, iyong ating… huwag magtatagal sa enclosed spaces. Pag nag-o-opisina na po, iwasan na nagkakainan nang sabay-sabay kasi dun nag-uupmisa iyon, kasi  tinatanggal iyong mask. Kapag nandito na po iyong vaccine, magtiwala po tayo. Magbasa tayo. Magbasa tayo sa Facebook, marami nagpopost na mga kababayan natin na nabakunahan na sila. Basahin po natin ang kanilang mga kuwento para informed tayo. Sana po magtulung-tulungan tayo para makumbinsi iyong ating mga kababayan na walang dapat ikatakot. Alam po nating marami nang naghihirap na mga kababayan natin kaya ito ay obligasyon natin lahat. Pagtulungan na iyong confidence sa bakuna ay andyan. Again, happy Valentine’s po sa inyong lahat. Sana po—mayroon pa namang oras—kahit hindi tayo buwelo ngayon sa paglabas, sana maging espesyal pa rin iyong araw na to sa inyo tsaka sa inyong mga pamilya. Happy Valentine’s ulit sa inyong lahat. Ka Ely, sa inyo ni Luz, happy Valentine’s pati sa mga bata.

     

    ELY: Okay, salamat po, Ma’am, ingat kayo lagi. Okay mga kasama, iyan po ang ating Bise Presidente Leni Robredo. Maraming salamat, mga kasama. At sumainyo ang isa na namang edisyon ng BISErbisyong LENI dito po sa RMN. Muli po, isang magandang umaga, Pilipinas.

     

     

     - 30 -

    Posted in Transcripts on Feb 14, 2021