This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Q&A with Vice President Leni Robredo

    Ulat ng Pangalawang Pangulo ukol sa Kampanya Laban sa Ilegal na Droga

    Quezon City Reception House, New Manila, Quezon City

    GMA NEWS: Ma’am, naiulat niyo na po ba sa Pangulo iyong observation niyo?

    VP LENI: Na-receive na ng Malacañang iyong kopya ng aming… iyong kopya ng aming report.

    GMA NEWS: Ma’am, ihabol ko lang na parang noong kayo po ay inalis ng Malacañang sa puwesto, may mga nasabi po silang pahayag, ano, tungkol sa kung bakit po kayo inalis at isa po doon ay sinasabi po ay incompetence at iyong walang ganoong naidagdag doon sa kampanya.

    VP LENI: Ito, alam niyo naman kung ano iyong ginawa ko noong 18 days. Marami sa inyo iyong sumubaybay sa lahat na activities na ginawa natin from Day 1 to Day 18 at alam niyo na wala tayong sinayang na oras. Sinubukan natin na maaral, sinubukan nating madiskubre iyong lahat ng nangyayari. Iyong mga… iyong bawat linggo—halos tatlong linggo ako, two and a half weeks—pero bawat linggo na inilagi ko sa puwesto, nagbibigay ako ng report sa Malacañang. At nandoon sa report na iyon iyong ating nadidiskubre at iyong ating mga rekomendasyon. Kaya siguro hindi tayo… hindi tayo masasabihan na hindi natin ginawa nang naaayon sa expectations sa atin iyong trabaho.

    ATTY. BARRY GUTIERREZ: Llanesca?

    GMA NEWS ONLINE: Good morning po.

    VP LENI: Good morning.

    GMA NEWS ONLINE: Ma’am, given the data, 1% lang iyong supply constriction, 1% also for drug money na frozen. At this point, can we say that it is a failure?

    VP LENI: Iyong ano?

    GMA NEWS ONLINE: At this point, can we say that the drug war is a failure? It’s one percent, it’s one over 100. Failure na siya?

    VP LENI: Failure talaga siya dahil… dahil iyong kampanya laban sa ilegal na droga, maraming aspeto ito. Maraming aspeto at nakikita natin, gaya ng sabi ko sa report, na masyado lang natutukan iyong street-level na enforcement, iyong pagtugis sa mga maliliit na pushers at users. At kahit gawin ito araw-araw, kung hindi naman inaasikaso iyong supply constriction na nanggagaling sa pagtugis ng mga malalaking suppliers, talagang hindi matatapos ang problema. Kaya iyong hinihingi nga natin ngayon mas malawak na perspektibo, mas balanseng… mas balanseng pagtugis ng kampanya kasi hindi puwedeng isang aspeto lang iyong inaasikaso natin. Kailangan lahat ng aspeto, ginagawan natin nang karampatang, hindi lang panahon, pero budget.

    Makikita niyo doon sa mas mahabang report na grabe talaga iyong… very lopsided. Very lopsided iyong budget natin. Nagkaroon—ginawan namin ng comparison kung magkano ba iyong budget na binibigay for law enforcement at magkano iyong budget na binibigay for advocacy, for rehabilitation, and reintegration, sobrang layo. Kapag ganito iyong… kapag ganito iyong pag-tackle natin noong kampanya, talagang hindi siya magiging successful.

    Kung titingnan natin iyong Executive Order creating ICAD, nandoon na iyong konsepto. Iyong konsepto na magkakaroon ng balanseng… balanseng pagbigay ng atensyon at resources sa kampanya pero hindi iyon nangyari.

    ATTY. BARRY GUTIERREZ: Adrian, go.

    ABS-CBN NEWS: Ma’am, anong difference kung DDB iyong magiging chairman kaysa PDEA?

    VP LENI: Iyong DDB kasi siya iyong policy-making. Siya iyong… siya iyong opisina na mayroong partisipasyon sa buong aspeto ng kampanya. Siya iyong gumagawa ng mga polisiya, siya iyong gumagawa ng… nagbibigay ng direksyon. Kapag PDEA kasi, law enforcement.

    Iyon siguro iyong isang failure ng ICAD dahil iyong chairmanship niya, binigay sa PDEA. Talagang iyong, ano ito, iyong pagka-lopsided in favor of law enforcement, napakalaki. Kung DDB, ang tingin namin mas—iyong perspektibo mas malawak, mas strategic iyong pagplano ng mga programa.

    At ito, galing din sa karanasan ko sa pakikipag-ugnayan sa PDEA at sa DDB. Iyong DDB, talagang mas may capacity. Mas may capacity na mag-lead ng kampanya na sinisiguro na iyong lahat na aspeto, binibigyan ng atensyon.

    ABS-CBN NEWS: Related siya, Ma’am, doon sa street—[inaudible]

    VP LENI: Hindi lang doon. Hindi lang doon pero kapag tiningnan kasi natin iyong… kapag tiningnan natin iyong responsibilities ng PDEA saka DDB, makikita natin na iyong PDEA talaga mas enforcement. Iyong DDB, kabahagi siya ng halos lahat ng aspeto ng kampanya.

    Gaya noong sabi ko, isa sa pinaka… isa sa pinaka-nakita ko talagang opisina na may capacity iyong DDB. Unang-una, iyong buong kampanya naka-anchor siya sa Philippine Anti-Drug Strategy at iyong Philippine Anti-Drug Strategy, iyong DDB iyong namumuno. Iyong DDB iyong kausap ng halos lahat na ahensya na kabahagi ng ICAD at halos lahat na ahensya na may programa patungkol sa kampanya laban sa ilegal na droga. Iyong aking paniniwala, kung sila iyong namumuno, masisiguro na hindi lang enforcement iyong nabibigyan ng atensyon pero lalong lalo na iyong prevention, lalong lalo na iyong advocacy pati iyong justice pati rehabilitation saka reintegration.

    ATTY. BARRY GUTIERREZ: Jhesset?

    PHILIPPINE DAILY INQUIRER: Good morning. Ma’am, given your recommendations, do you also recommend to the law enforcement cluster, particularly to the Philippine National Police, to completely scrap Oplan Tokhang?

    VP LENI: Yes. Yes.

    PHILIPPINE DAILY INQUIRER: And given that, Ma’am, what would be in its place po?

    VP LENI: Iyong ito, hiningi natin ito from Week 1—hindi, from Day 1 pala—from Day One, hiningi na natin talaga na i-scrap ang Tokhang. Iyong una iyong dahilan natin because of the notoriety na na-a-associate sa kaniya. Pero as we went along, nakita natin na marami talagang butas iyong kampanya. Halimbawa, isa sa mga pagkukulang ng Tokhang, in-implement siya Day One ng Duterte administration na walang operational guidelines. Kahit halughugin natin iyong operational guidelines ng PNP, parang ang pinaka-last nito was 2014, ‘di ba? Kahit halughugin natin, there is nothing there na patungkol sa Tokhang. Dahil wala siyang operational guidelines, maraming butas. At dahil maraming butas, in-allow noong sistema iyong abuses to happen.

    So talagang iyong sa atin, ang gusto sana natin na iyong nasa law enforcement cluster, magbuo ng panibagong… panibagong, hindi lang guidelines, pero panibagong programa to take the place of Tokhang. Marami tayong—kapag tiningnan niyo iyong mas mahabang report—marami tayong ibang recommendations. Iyong isa doon iyong nasa Executive Order kasi creating ICAD was also the creation of Anti-Illegal Drugs Task Force na 2017 pa nilabas iyong EO pero until now hindi pa rin siya binubuo. Na para sa akin, napakahalaga sana na buoin na iyon. Ngayon, puwedeng ang head noon ay PDEA at magkaroon na ng operational guidelines na common sa lahat ng law enforcement agencies na mayroong programa patungkol sa illegal drugs. Iyon iyong una.

    Pangalawa, iyong participation mismo ng police doon sa paghahalughog ay i-revisit. Ang recommendation nga natin ayusin… ayusin iyong role ng police saan ba siya papasok. Kasi sa Tokhang, parang iyong katok at—ano nga iyong term na ginamit nila? Parang pakiusap—iyong katok at pakiusap—ano iyon, hangyo? Basta iyon, pakiusap—eh iyon pa lang, iyon iyong nag-breed ng maraming abuses. Kaya iyong sa atin, ang recommendation nga natin bakit hindi iwanan sa LGUs o sa ADACs or sa ADAOs iyong paggawa noong paghalughog? Papasok ang PNP kapag kailangan lang silang pumasok. Makikita niyo iyon doon sa report.

    PHILIPPINE DAILY INQUIRER: Sir, may follow-up—

    ATTY. BARRY GUTIERREZ: Sige, sure.

    PHILIPPINE DAILY INQUIRER: Ma’am, you recommended po that the chairmanship or the leadership of the ICAD be transferred to—

    VP LENI: DDB.

    PHILIPPINE DAILY INQUIRER: —to DDB. But, Ma’am, given in the past two years, there’s been kind of a rotational leadership within DDB, ano po iyong assurance na, well, the leadership of the ICAD will be in better hands as you would say?

    VP LENI: Pero kasi iyong DDB as an office, sila talaga iyong may responsibility. Sila iyong may responsibility to implement—ay, hindi, to create policies para sa anti-illegal drugs campaign. Sila iyong may saklaw sa lahat ng aspeto ng kampanya. Iyong sa DDB kasi, hindi iyon sa kung sino iyong nakaupo pero kung ano iyong mandato ng opisina. At kung titingnan natin iyong mandato ng PDEA saka mandato ng DDB, parang mas nararapat na iyong DDB iyong mamuno given iyong expectation sa ICAD kasi ang expectation sa ICAD, siya iyong maghaharmonize. Siya iyong maghaharmonize ng responsibilities saka mandates ng kaniya-kaniyang member-agencies pagdating sa pagpapatupad ng kampanya laban sa ilegal na droga. And ang paniniwala ko iyong DDB will be in a better position to lead ICAD in the manner na expected sa kaniyang gawin. At iyong expectations na iyon is to harmonize all the agencies that are a member of ICAD.

    ATTY. BARRY GUTIERREZ: Raymund?

    MANILA BULLETIN: Good morning po.

    VP LENI: Good morning.

    MANILA BULLETIN: Good morning, VP. I’m reading your 40-page report. Given our deadline, it will take us time to read and study it. [laughter] But, VP, ano, kasi last year, I can’t forget the term used, “natuklasan” during your short stint as ICAD co-chair. Ma’am, mayroon po ba kayong nalaman or natuklasan na wala dito sa report niyo na kailangan malaman ng taumbayan?

    VP LENI: Marami pa—marami pa kaming natuklasan. When I was co-chair of ICAD, maraming lumapit with information. Pero maraming information ang hindi namin vetted, maraming information ang wala sa aming capacity to check kung ano iyong veracity ng information. So we decided not to include that in the official report. But we will include it in the private letter that we will be giving to the President.

    Okay, Mara.

    RAPPLER: Okay, Ma’am, since we’ve been discussing the law enforcement side of the drug campaign, this morning the PNP—lumabas po sa reports that the PNP is now listing the Top 10 drug targets per region. Was this discussed during the time you were with ICAD and is this a good approach or maybe an alternative approach to Tokhang and how do you think gaano po ba ka-reliable itong paglilista ng mga drug targets per region?

    VP LENI: Hindi siya kabahagi. Kung naaalala niyo, it was one of the things… it was one of the information na hinihingi sana natin sa ICAD pero hindi sa atin binigay. It was being offered to us noong kinu-kuwestiyon na ng Pangulo iyong aking… na it was outside my mandate to ask about the high-value target list. Kaya mula noong kinuwestiyon ng Pangulo, sinabi kong hihintayin ko. I wrote the President. Tinatanong ko iyong President ng limits ng aking mandato. Pero bago… bago sinagot iyong aking tanong ay tinanggal na ako sa ICAD.

    Pero iyong sa akin kasi, walang saysay iyong Top 10 kapag hindi na natin pinag-uusapan ano ba iyong… ano ba iyong nirerepresent ng Top 10? Kasi naalala ko noong nag-meeting kami ng law enforcement group, mayroon silang accomplishment na binibigay about—sinabi ko na iyon kanina—iyong amount of shabu that has been seized. Noong tinanong ko kung—if I’m not mistaken parang 4,000 ba iyon? 4,000 kilos; hindi ko masyadong sigurado pero binigay na namin kanina—noong tinatanong ko na 4,000 kilos of what, ano iyong universe, kasi kahit pa 10,000 kilos kung iyong umiikot ay napakarami, parang napakaliit pa rin iyong accomplishment. So ang dapat talagang—para sa akin—ang dapat mag-usap iyong law enforcement agencies. Kasi iyong PDEA, sinabi niya during our meeting na hindi nila kino-compute kung ano iyong universe ng pumapasok dito sa atin. Pero later on, iyong PNP nagkaroon ng presscon, sinasabi nila kung magkano iyong estimate noong amount of shabu na umiikot.

    Iyong sa akin, iyong high-value targets kailangang malaman papaano sila na-consider na high-value. Kasi parang iyong description ng high-value sa kanila, basta kilalang personality high-value na. Tingin ko hindi iyon, eh. Tingin ko hindi iyon iyong high-value, pero ano ba iyong ganap nila? Ano ba iyong ginagawa nila in the scheme of things? Bakit sila kinonsider na high-value? Tingin ko hindi iyon… hindi iyon iyong sa popularity pero iyong high-value iyong ano bang klaseng operasyon iyong ginagawa nila dito. Kailangang maipakita iyon kasi kapag hindi iyon mapakita, baka marami na namang mabiktima na pinag-iinitan lang na hindi naman natin alam kung ano iyong nirerepresent nila sa gawi tungkol sa pagpapalaganap ng ilegal na droga.

    RAPPLER: Follow-up lang, Ma’am. Speaking of high-value targets, during your 18 days dito sa ICAD, Ma’am, mayroon po ba tayong na-vet na pangalan ng isang high-value target or several. Were we able to confirm this and will you—are you allowed to share it in public since you said, it’s very important for us to know kung sino iyong mga dapat—

    VP LENI: Una, alam ng lahat na pinagkait sa akin iyong listahan. Despite the fact na pinagkait sa akin, maraming lumapit with information. Pero ayaw ko siyang isali sa report. Ayaw ko siyang isali sa report kasi hindi… hindi vetted iyong information. Kailangan ko pa ng mas maraming oras para alamin at kailangan ko ng mas maraming mandato para maalam ano iyong veracity noong information na natanggap. So ang aming desisyon, iyong natanggap kong information isusulat ko kay Presidente.

    Even after I was booted out of ICAD already, marami pang mga nagpapaabot. Ang daming nagpapaabot ng impormasyon. Pero tingin ko kasi mali na sasabihin ko na hindi naman vetted kasi hindi naman natin alam kung ano iyong katotohanan.

    RAPPLER: Huli na po sa akin. You mentioned that you will not stop helping address the problems of the drug war even if you’re no longer ICAD co-chair. So bilang Vice President, Ma’am, maybe through Angat Buhay, ano pa po iyong puwede naming—we can expect from the OVP and from you regarding helping end the drug problem in the Philippines in the coming months?

    VP LENI: Unang una, very active kami sa pag-push ng Community Drug Rehabilitation—Community-Based Drug Rehabilitation Programs. Iyong opisina namin member ng COBRA. Alam niyo iyong COBRA, it’s an alliance of organizations na pinu-push iyong community-based drug rehab program. Ngayon, patuloy iyong advocacy. We have been meeting with not just the member-organizations of COBRA, but with many other organizations na may kaniya-kaniyang programa. Mayroon kaming isang pagpupulong with parishes na mayroong mga programa. Mayroon kaming isang pagpupulong with pastors na mayroong mga programa. Mayroong pagpupulong with private organizations na mayroong mga programa. And the idea and the target also is to create a unified program. Mayroon nang draft of the unified program, na part of it is mentioned in the report.

    Gusto din naming mas maging aktibo sa pag-push ng prevention, rehabilitation—prevention and reintegration. Makikita niyo sa report na hinihingi namin na sana— Kasi ang daming member-agencies ng ICAD na nasa kanila iyong capacity na mag-create talaga ng programs for prevention and reintegration. Ang hinihingi namin, sana mas strategic. I think it was mentioned in the report, iyong isang suggestion halimbawa, bakit hindi pagtuonan ng pansin iyong mga communities, halimbawa dito sa Metro Manila, na grabe iyong drug infestation, kasi parati siyang rooted sa poverty, eh. Bakit hindi gumawa ng mga programa na very focused and strategic and directed? Ang aming minention diyan sa report, puwedeng mag-train ng mga— Kasi isa sa mga flagship programs ngayon ng pamahalaan Build, Build, Build at sinasabi kulang tayo sa mga skilled workers, kailangan ng mga Chinese workers na nagtatrabaho sa construction. Bakit hindi pagtuonan ng pansin iyong pag-train, pag-train ng mga kababayan natin na mga walang maayos na trabaho. Pag-train at pag-hire para ma-include sila sa mga government programs. Kasi sana iyong participation ng mga agencies, na ngayon, ang napansin ko during the meetings, while may mga ginagawa sila, hindi focused. Hindi in connection with, or in conjunction with the programs of other agencies. Sana ito, mas matutukan, na hanapin iyong mga drug-infested areas, halimbawa, in Metro Manila, at talagang pagbuhusan ng tulong. Kasi hindi magwo-work iyong, halimbawa, education program lamang ng DepEd. Hindi iyon magwo-work na by itself.

    Marami din na mga evidence-based na mga ginagawa, at ito ay documented ng UNODC. Mayroon siyang evidence-based na prevention and rehabilitation and reintegration programs na puwedeng maging modelo natin, para mas maayos iyong kampanya. Kapag sinabing evidence-based, nasubukan na ito sa ibang bansa, at noong nasubukan siya sa ibang bansa ay naging successful iyong kampanya. Bakit hindi natin tingnan iyon ngayon?

    Ngayon kasi, while may mga programang existing, ang napansin natin hindi siya ganoong ka-focused. Hindi masyadong nag-uusap-usap iyong mga… iyong mga… iyong mga iba’t ibang mga ahensya.

    ATTY. BARRY GUTIERREZ: Allan, yes.

    DZBB: Binabanggit niyo kanina na wala pa sa 1%, pero iyon ay based sa kalat-kalat ng report ng PNP, hindi galing sa PDEA iyong bilang ng droga na nasa Pilipinas. Kung hindi malinaw iyong mga impormasyon, hindi malinaw iyong mga datos, possible ba na hindi naman ganoon kalaki na problema iyong droga sa Pilipinas, pero pinalaki ito, out of proportion, para mas ito iyong maging atensyon ng publiko kaysa sa ibang mga problema na kailangang tutukan ng gobyerno?

    VP LENI: Parati siyang posible, pero hindi natin alam iyong totoo. Parati siyang posible, hindi natin alam iyong totoo, kasi in the first place, hindi natin alam kung ano iyong datos na papaniwalaan. Halimbawa, gaya ng sabi ko, from a 2015 survey ng DDB, 1.8 million ang users. Pero iyong ICAD, officially, ang ginagamit niya ay 4 million. Pero kapag titingnan natin iyong… kapag titingnan natin iyong… kahit… kahit— Kapag titingnan natin iyong figures ng ibang mga ahensya na kabahagi din ng ICAD, iba din iyong figures na ginagamit. Halimbawa, nagsabi na iyong ICAD na iyong official na figures nila 4 million, pero kapag titingnan natin iyong presscon ng PNP Drug Enforcement [Group], ang ginamit nilang figure ay 3 million sa pag-compute noong amount ng shabu circulating. Ang PCOO nagpalabas ng bagong dokumento, ang ginagamit naman na figures, 7.8 million. Eh iyong PNP saka PCOO, pareho siyang members ng ICAD. Pero during the ICAD meeting, sinabi ng ICAD na 4 million iyong official numbers. Si Presidente mismo, ang sinabi niya 7 to 8 million. So sila-sila mismo, iba-iba iyong figures, so hindi natin alam iyong papaniwalaan. Kaya iyong atin doong rekomendasyon, parang once and for all, i-settle natin ilan ba talaga?

    Iyong isang nakita natin, iyong umpisa kasi… iyong umpisa nito, Tokhang saka surrenderers, ‘di ba? Ang number of surrenderers, mahigit 1.2 million. Pero kapag tinanong mo—kapag may pinakitang flowchart—after sumurrender, kailangang i-assess, kailangang dumaan sa DDEs, iyong [Drug Dependency] Examination. Pero kapag tinanong mo na sila—even during the meetings, at sinulat din namin, humingi kami ng data—ano iyong nangyari doon sa 1.2 million, nagtuturuan din. Walang data kung anong nangyari sa 1.2 million. Iyong mga… iyong mga LGUs na maaayos, may data, pero iyong ICAD mismo walang solid na data. Makikita natin iyan, iyong Real Numbers PH, walang data tungkol sa anong nangyari sa surrenderers—ilan na ba iyong nabigyan ng intervention, ilan na ba iyong… ilan na ba iyong na-screen. Hindi klaro. At mayroon mang data iyong iba’t ibang agencies, pero iba-iba.

    So ang tingin natin, dapat talaga ayusin muna iyong numero, kasi paano natin masusukat kung tama iyong ginagawa natin? Marami tayong perang inilalaan, marami tayong programang binababa. Pero para masukat natin kung effective ba iyong binababa, wala tayong sukatan kasi hindi nga maayos iyong numero.

    Halimbawa ngayon, mayroong drug… drug-clearing, iyong drug-clearing ng mga barangays. Okay naman iyong drug-clearing ng mga barangays, pero kapag tiningnan mo iyong datos niya, walang mention about the surrenderers. So parang… parang detached siya sa programang ni-launch na. Mayroon tayong mga mayors na nakausap na ito din iyong puna nila: na puwedeng ma-drug-clear iyong barangay kahit iyong mga surrenderers nila hindi na lahat na-screen, kasi hindi siya kabahagi noong requirements sa pagda-drug clear ng barangays.

    So ito talaga iyong pinaka— Pinaka-problema talaga, walang iisang datos. Mayroong attempt—mayroon na ngayong attempt ang DILG saka ang DDB na magkaroon ng unified na datos. Ang PCOO sana, gumagawa siya ng Real Numbers, pero kapag tiningnan mo kasi iyong available na data sa PCOO, parang it doesn’t say anything about how the drug war is… parang, how we are accomplishing. Kasi ang nakalagay lang sa kaniya, ilan lang iyong drug addicts, ilan ba iyong… ilan ba iyong—ano ito—ilan ba iyong mga pagtugis, ilan ba iyong— Pero hindi sinasabi, hindi sinasabi kung ano nang nangyari doon sa pinag-umpisahang numbers.

    Halimbawa, rehabilitation. Ang DOH mayroon siyang rehabilitation centers, pero supposedly iyong rehabilitation centers ng DOH, for drug users. Pero ngayon, DOH mismo ang nagsasabi, pati iyong mga pushers na nag-avail ng plea bargain, pinapadala na din sa rehabilitation centers nila. So nagsasama-sama iyong mga pushers saka users—at nagkakaroon ng mga bagong drug networks. Na imbes na iyong rehabilitation makakapagaling sana sa kanila, iyong mga pumasok na hindi kasing lala ng iba, parang nahahawa pa tuloy.

    Halimbawa iyong PNP, mayroon siyang Bahay Pag-asa. Iyong PDEA, mayroon siyang Balay Silangan. Iyong Bahay Pag-asa saka Balay Silangan, intended sana ito sa mga pushers who are not users. Pero ang nangyayari ngayon, hindi ganoon. Ang nangyayari ngayon halo-halo—kahit sa Bahay Pag-asa, kahit sa Balay Silangan—at nangyayari ito kasi wala din tayong datos kung sino ba doon sa 1.5 [million] ang users saka pushers. Tinanong natin iyon during the ICAD meeting, kung doon sa 1.5 [million] ang pushers, ilan ang users, ang sabi nila they have no way of knowing. Alarming ito. if we do not have any way of knowing, alarming siya, kasi ang intervention na kailangan ng users, iba sa pushers. Kapag pushers, ‘di ba, reformation iyon. Kailangan iba iyong programa. Kapag users naman, dapat rehabilitation. Pero ngayon, dahil hindi maayos iyong datos, naghahalo-halo lahat.

    Iyong geographic, ano ito—kapag minap mo iyong mga existing na mga… mga existing na mga rehabilitation centers, Bahay Pag-asa, saka Balay Silangan, hindi din naka-streamline iyong locations. Dapat sana nag-uusap iyong tatlong ahensya para sisiguraduhin na lahat na provinces mayroon, kasi iyon naman iyong nasa batas—na lahat na provinces. Ang nangyayari ngayon, iyong isang region, may isang napakalaking rehabilitation center. Hindi naman pinupuno iyong rehabilitation center, kasi kontra sa programa na ang layo nila sa kung saan sila nakatira at nasaan iyong pamilya nila. Part of the rehabilitation is also rehabilitation of the families. Kung sobrang layo ng rehabilitation center, hindi makakasali sa programa iyong pamilya. Alam natin na iyong drug addiction is a relapsing disease, na hindi puwedeng na-clear ka na ngayon, tuloy-tuloy na iyong pagiging magaling mo. ‘Di ba iyong gusto natin hindi superficial iyong pagiging magaling, pero kaya sinasabi natin na gusto natin i-treat ito as a health concern, kasi gusto natin gumaling talaga sila na pangmatagalan. Pero kung haphazard iyong programa, iyong chances na babalik-balik lang, nandoon. So ngayon, ang hinihingi din natin, ilatag, ilatag iyong lahat na rehabilitation saka reformation centers, at i-assess ano pa ba iyong mga kailangan. Iyong report sa amin ng DOH, if I am not mistaken, dalawang regions na lang ang walang DOH na rehab center. Dalawang regions na lang. Pero ang problema nga nito, may mga lugar na isang malaki lang iyong kanilang rehabilitation center—hindi akma sa klase ng treatment iyong sobrang laki na rehabilitation center. Ang gusto sana natin, maraming maliliit, maraming maliliit para maasikaso iyong pagre-rehabilitate, at kasama iyong pamilya sa programa. Pero ngayon, hindi pa iyon nangyayari. Ngayon, parang basta lang naglagay ng mga rehab centers na hindi… na iyong iba over-capacity, iyong iba naman hindi nakalahati iyong capacity.

    ATTY. BARRY GUTIERREZ: Paul?

    SONSHINE MEDIA NETWORK INTERNATIONAL NEWS: Hi, Ma’am. Good afternoon po. Paul, SMNI News. Dalawa iyong question po. Balik po tayo doon, Ma’am, sa private message na ibibigay niyo kay President. What do you think is the weight noong report that might change the ways and means of the strategy na ginagawa ngayon ng administration in the fight against illegal drugs?

    VP LENI: Ako kasi kung napapansin niyo, iyong lahat na recommendations namin patungkol sa how to manage the campaign. How to correct iyong mga nakita nating pagkakamali. Pero iyong private message is about the information that we got unofficially. Wala… wala ako sa capacity para to check iyong katotohanan behind the information. Iyong Pangulo ang may capacity na gawin iyon. So ibibigay natin sa kaniya iyong mga hindi vetted na information at lahat na information na binigay sa atin privately, iyong lahat na nakasaad dito, iyong lahat na information na nakuha natin as co-chair of ICAD, and lahat na datos dito—halos lahat na datos dito official kaya ito iyong ginagawa nating public kasi this is based on official data, official documents coming from, most of them coming from the different agencies under ICAD.

    SONSHINE MEDIA NETWORK INTERNATIONAL NEWS: In an interview with Secretary Panelo, sabi niya po dito ay the President is open to the possibility of working with you again as long as you are a team-player.

    VP LENI: Ako, ayaw ko na sanang… ayaw ko na sanang mag-comment sa mga sinasabi ni Secretary Panelo kasi paiba-iba naman, ‘di ba. Pero iyong sa akin kasi, ano iyong definition mo ng teamwork? Iyong teamwork ba iyong may nakikita kang mali, pipikit ka na lang? Para sa akin iyong teamwork kapag tama, tumulong, pero kapag mali, kailangang sabihin mo para ma-correct.

    SONSHINE MEDIA NETWORK INTERNATIONAL NEWS: Thank you, Ma’am.

    ATTY. BARRY GUTIERREZ: Okay. So, thank you.

    VP LENI: Thank you very much. Happy New Year!

    REPORTERS: Happy New Year! – 30 –

    Posted in Transcripts on Jan 05, 2020