This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message at the Groundbreaking of Angat Buhay Weaving Center

    Groundbreaking of Angat Buhay Weaving Center

    Brgy. Buahan, Lamitan City, Basilan

    Magandang umaga. Magandang umaga po! [audience: “Magandang umaga!”] Ayan, good morning!

    Mayor Rose [Furigay]; Vice Mayor Oric [Furigay]—nasaan na si Vice?—Vice Mayor Oric. Ayan, nasa likod; iyong members po ng Sangguniang Bayan ng Lamitan; iyong barangay officials ng Barangay Buahan sa pangunguna ni Barangay Captain Halili Gallego—ayan, nandiyan si Barangay Captain Gallego; nandito po iyong ating mga military officials—kasama po natin si [Brig. Gen. Fernando] Reyeg at saka po iyong kaniyang mga kasama; nandito po iyong ating dalawang National Living Treasures—bihira yata, Mayor, na may isang town na naka-dalawa pa kayo na National Living Treasures—si Uwang Ahadas at saka si Ambalang Ausalin; iyong atin pong mga Buahan Weavers Association, sa pangunguna ni Nanay Laila—nasaan na si Nanay Laila at saka iyong kaniyang mga miyembro? Maraming salamat sa inyo; at iyong kasama po natin ngayong umaga, sila po iyong dahilan kung bakit magkakaroon na tayo ng Buahan Angat Buhay Weaving Center—palakpakan po natin, Architect Peach Buencamino [applause]; at ito po, mangyayari ito dahil may katuwang si Architect Peach na galing dito sa Lamitan, ano. Ipapakilala ko po, Architect Assidin Arabain. [applause] Ayon. Ang kuwento po ni Architect, iyong nanay niya mismo naging weaver, ano. Kaya siya po iyong… siya po iyong magte-take charge ng pagpagawa; Architect Radzna Arabain at saka Ms. Mina Tecson—sila po iyong mga dahilan kung bakit matutuloy na tayo; sa inyo pong lahat, magandang, magandang umaga ulit.

    Pangalawang pagkakataon na nabisita ko po iyong Lamitan. Alam niyo po kung bakit po napunta kami sa Lamitan? Na-meet po namin si Mayor Rose sa amin pong Angat Buhay event. Ang isa po sa sinasabi niya na pangangailan dito sa Lamitan at—dati pangarap pa lang ni Mayor Rose. Dati pangarap pa lang. Sabi niya, iyong mga weavers dito nauulanan, naiinitan, walang silungan. At noong pagpunta po namin, nakita namin. Pagpunta namin naalala namin, binisita namin kayo, kung nasaan iyong mga bahay niyo. Nandoon lang kayo sa may labas ng bahay, nagwi-weave.

    Tama si Mayor, nauulanan, naiinitan pero gawa pa rin nang gawa. Napakaganda ng mga produktong pino-produce [ninyo]. Pero dahil sa kakulangan ng opportunity… ng oportunidad na mailabas iyong produkto, hindi sapat iyong kitang nakukuha. Kaya noong umalis po kami dito, sinabi po namin sa sarili namin na hindi kami hihinto hangga’t hindi kayo magkaroon ng weaving center. [applause]

    Pero alam niyo po, aaminin namin, iyong ini-imagine po namin na weaving center dati, parang iyong weaving center na nakita namin sa Zamboanga, ‘di ba. Iyong open lang, simple lang, basta may bubong lang, kahit wala nang dingding basta mayroon lang bubong na hindi maiinitan, okay na iyon. Pero iba po si Architect Peach. Ayaw niya. Ayaw niya ng simple lang. Sabi niya po, “Kung magpapagawa lang naman tayo, iyong ang ipapagawa natin siya na iyong representation ng culture at saka arts dito sa Lamitan.” Kaya tingnan niyo naman po iyong gagawin natin na weaving center. Palakpakan po natin si Architect Peach at saka ang kaniyang mga kasamahan. [applause]

    Ito po, dapat last year pa natin ito ginawa. Dapat po last year pero marami tayong naging problema dahil sa lupa na tatayuan. Noong una po, iniisip namin manggagaling sa gobyerno iyong perang ipapatayo. Pero nagkaroon po ng maraming delay dahil sa ownership ng property. Nagpapasalamat po kami kay Mayor saka sa Vice Mayor at saka po sa Sanggunian na finally, naayos natin lahat kaya maraming salamat po sa inyo.

    Pero hindi po ito matutuloy kung hindi po dahil kay Architect Peach at saka po sa kaniyang grupo. Noong una po, pinag-uusapan namin, ang budget po namin ay 1 million pesos. Pero dahil sina Architect Peach gusto maganda, ito po ipapatayo natin 2 million pesos. [applause] Kaya hopefully pagbalik natin, pagbalik ko po sa pangatlong pagkakataon, inauguration na. Makikita na nating ang napakagandang—

    Kanina po sa airport, binigyan ako ni Architect Peach noong plano at tinuturo niya nilakihan pa nila iyong… iyong, parang dati iyong plano sa space na—sa weaving space… sa weaving space—parang 14 to 16 na weavers at a time. Pero ngayong nilakihan na nila, magiging 20 weavers at a time na. [applause]

    Kaya ito po, mula noong pumunta kami dito hanggang ngayon, sina Nanay Laila at saka dalawa niya pang kasama—nasaan na si Nanay Laila? Ayon, kayo, kayo, ‘di ba. Si Nurayja? Si Nurayja. Wala yata si Lilibeth dito ngayon. Si Nanay Laila, si Nurayja at saka si Lilibeth, kagagaling lang sa Maynila last week kasi nag-participate po sila sa isang Angat Buhay bootcamp. Ano po iyong gustong sabihin ng bootcamp, pumasyal po sila sa maraming negosyo sa Maynila. Tinitingnan nila kung ano iyong mapupulot nilang aral doon sa mga negosyong iyon. May mga nagtuturo po sa kanilang mga eksperto para iyong natutunan nila doon, madala nila dito sa inyo at ituturo din nila sa inyo.

    Hindi po ito unang pagkakataon na pumunta sila doon. Iyong unang pagkakataon iyong nakaraang taon. In fact, nag-participate sila sa isang trade fair doon sa Gateway Mall sa Cubao. Naalala ko, noong nakita ako ni Nanay Laila doon sa mall, umiyak nang umiyak. Akala ko malungkot siya at nawalay siya dito sa Lamitan. Iyon pala, masayang-masaya siya kasi noong araw na pumunta ako, paubos na iyong kaniyang tinda, ano? At noong nakaraan ding Christmas, kung naaalala niyo po, iyong pinangregalo po ng aming opisina, galing dito sa inyo. Kaya iyong inyong produkto ay pinapakilala natin sa iba’t ibang mga opisina, sa iba’t ibang mga kababayan natin, na makakatulong mag-market ng mga produkto ninyo.

    Ngayon po, nakikita namin mas nakikilala na iyong Yakan. Mas nakikilala na iyong Tennun. Mas marami na iyong gumagamit ng tela. Marami pong mga designers sa Manila ang nagiging interesado na. In fact, kagagaling… kagagaling lang yata dito ni Zarah, ni Zarah Juan. Isang kilala— internationally-awarded na designer at gustong gamitin iyong Yakan weave ninyo [at] i-incorporate sa kaniyang mga produkto.

    Sinadya ko pong ito iyong isuot ko ngayon para makita niyo na ang produkto niyo puwede palang gawin na ganito, ‘di ba? [applause] Dati… dati naman na kayong masisipag, ‘di ba. Dati kayong masisipag, pero dahil wala kayong masyadong access sa market, iyong sipag, binibili ng iba iyong produkto niyo, iyong ibang bumili ng produkto niyo ibebenta rin sa iba. Pero iyong nagbenta sa iba, sila iyong mas kumikita. Ngayon, ang hinahanap natin, papaano kaya na kayo na diretso iyong magbebenta para iyong kikitain sa inyo na, ano? [applause]

    Kaya iyon iyong… iyon iyong ating pangarap at ito, ang matutulungan nito hindi lang iyong bayan ng Lamitan pero iyong lalawigan din ng Basilan. Mayroon kayong dalawang National Living Treasures. Kapag mayroon kayong weaving center na, mai-imagine niyo dadayuhin kayo dahil maraming nagkakainteres sa inyong mga gawa.

    Pero ito pong lahat, gaya ng sabi ko kanina, hindi ito mangyayari kung hindi dahil kela Architect Peach. Pero hindi rin po ito mangyayari kung hindi dahil kela Mayor, kasi napakalaki po ng tulong na binigay ni Mayor. Pinapagaan iyong ating dala-dala. Sabi ni Nanay Laila—‘di ba, sabi mo, Nanay Laila, “best mayor.” [chuckles] Talaga pong napakalaking bahagi ng… kung bakit nadala natin ang proyektong ito, dahil po sa tulong at cooperation ng LGU Lamitan. Kaya maraming salamat, Mayor Rose. [applause] Maraming salamat po kay Vice Mayor Oric at saka sa buong Sangguniang Bayan.

    Ito po, simula pa lang. Kahit nagsimula tayo last year, pero panibagong simula, kasi in a few months tapos na iyong ating center. Pero iyong akin pong pangarap, na sana bago matapos iyong termino ko bilang Pangalawang Pangulo, dinadayo na kayo dito dahil sa inyong produkto. Nagpapasalamat po ako sa lahat sa inyo sa mainit na pagtanggap sa amin [sa] bawat punta namin. Kahit po hindi ako mismo iyong nakakapunta, iyong team ko pumupunta at salamat po sa pag-aasikaso sa kanila.

    Kaya ito po, nilu-look forward po namin iyong muling pagbabalik namin sa pangatlong pagkakataon na nakatayo na iyong center.

    Mabuhay po kayo. Maraming salamat! [applause]

    Posted in Speeches on Dec 11, 2019