This website adopts the Web Content Accessibility Guidelines (WCAG 2.0) as the accessibility standard for all its related web development and services. WCAG 2.0 is also an international standard, ISO 40500. This certifies it as a stable and referenceable technical standard.

WCAG 2.0 contains 12 guidelines organized under 4 principles: Perceivable, Operable, Understandable, and Robust (POUR for short). There are testable success criteria for each guideline. Compliance to these criteria is measured in three levels: A, AA, or AAA. A guide to understanding and implementing Web Content Accessibility Guidelines 2.0 is available at: https://www.w3.org/TR/UNDERSTANDING-WCAG20/

Accessibility Features

Shortcut Keys Combination Activation Combination keys used for each browser.

  • Chrome for Linux press (Alt+Shift+shortcut_key)
  • Chrome for Windows press (Alt+shortcut_key)
  • For Firefox press (Alt+Shift+shortcut_key)
  • For Internet Explorer press (Alt+Shift+shortcut_key) then press (enter)
  • On Mac OS press (Ctrl+Opt+shortcut_key)
  • Accessibility Statement (Combination + 0): Statement page that will show the available accessibility keys.
  • Home Page (Combination + H): Accessibility key for redirecting to homepage.
  • Main Content (Combination + R): Shortcut for viewing the content section of the current page.
  • FAQ (Combination + Q): Shortcut for FAQ page.
  • Contact (Combination + C): Shortcut for contact page or form inquiries.
  • Feedback (Combination + K): Shortcut for feedback page.
  • Site Map (Combination + M): Shortcut for site map (footer agency) section of the page.
  • Search (Combination + S): Shortcut for search page.
  • Click anywhere outside the dialog box to close this dialog box.

    Message at the Ahon Laylayan Koalisyon – Rizal Provincial Launch

    Gruar Covered Court, Brgy. Sto. Domingo, Cainta, Rizal

    Maraming salamat! Magandang umaga sa inyong lahat! [audience: “Magandang umaga!”] Ayon. Umupo po tayong lahat.

    Maraming salamat, Ka Jaime. Maraming salamat sa lahat na pumunta dito sa… ngayong umaga. Executive Secretary Sison, maraming salamat sa pag-welcome sa barangay; iyong atin pong mga opisyal ng ating Ahon Laylayan Koalisyon na nandito; nasa harap iyong ating ALK Rizal convenors; kanina po narinig natin si Ka Jaime Evangelista; nandito po Homer Nuqui, tayo po tayo para makilala tayo nila; Cristina Casano, nasaan si Cristina? Ayon, Cristina; Edna Gunio, nasaan si Edna? Ah, paparating pa lang; Pamela Joy Reynes, nandito na ba siya? Ayon, nandoon sa likod; Mico Aragoncillo, nandito na ba si Mico? Wala pa; Jay Loyola, nandito si Jay? Maila Padito, ayon, si Maila. Palakpakan natin si Maila—[applause]; Lino Dinoso, nasaan si Lino? Nasa likod. Bakit nasa likod si Lino? Emelita Dejero, ayon, si Ma’am Emelita; Gay Madella, maraming salamat. Si Gay ay galing Antipolo, ayon; Gusto rin nating paabutan ng pasasalamat iyong ating mga police officials na nag-assist sa atin ngayong umaga—nandito si Col. Alba, ang ating Provincial Director; nandito si Police Lt. Col. Mark Marigondon; nandito rin si Police Maj. Carlos Caceres, ayon; at puwede bang makita—may mga late daw kasi na-traffic pero baka nandito na sila. Nasaan iyong ating mga kababaihan? [cheers] Nasaan iyong mga kababaihan? Lahat yata kababaihan. Kaunting-kaunti lang iyong mga kalalakihan; Nandito na ba iyong mga mangingisda? [cheers] Nandito na! Ayan. Mayroon na ba tayong mga magsasaka na kausap? Dumating na ba? Ayon, hiwa-hiwalay. Iyong mga kabataan? Nasaan na iyong mga kabataan? [cheers] Nasa likod ang mga kabataan. Iyong ating mga PWD. Mayroon—nandito sa unahan iyong ating mga senior citizens, ayon! [cheers] Marami ang senior citizens. Ang ating mga informal settlers, mayroon ba? Mayroon! Ang ating mga NGOs at saka CSOs kanina, na-meet ko na iyong iba, pero kayo pong lahat na nandito, iyong ating mga taga-Barangay Sto. Domingo. Sino dito iyong mga taga-Barangay Sto. Domingo? Ayon. [applause] Nandito sa bandang ito. Maraming, maraming salamat!

    Napakasayang umaga kasi nakabisita ako ngayong umaga dito sa Barangay Sto. Domingo. Napakasayang umaga kasi nagkita-kita naman tayo. Kailan nga tayo huling nagkita? Kailan? [November 7] November 7. Saan tayo huling nagkita? [Talim Island]. Sa Talim Island. Alam niyo ba kung nasaan iyong Talim Island? Kailangan pang sumakay, ano, kailangan pang sumakay sa bangka para makarating sa Talim Island galing Binangonan, ‘di ba? Galing Binangonan sumakay kami sa bangka para lumipat sa Talim Island. Iyon din iyong araw na galing din kami sa Tanay, ano. Sino bang taga-Tanay dito na—mayroon bang taga-Tanay dito? Wala pa. Napakalayo kasi, ‘di ba? Iyong aming nilakad ay mahigit isang oras para makarating sa Tanay. Pagkagaling sa Tanay, pumunta sa Binangonan, sumakay kami ng bangka papunta sa Talim Island, ayon. Mayroon ba ritong taga-Talim Island? Mayroon! Ang layo ng pinanggalingan, ano. Malayo iyong pinanggalingan—Talim Island.

    Pero bakit tayo nandito ngayong umaga? Sabi kanina ni Ka Jaime, dahil nag-oorganisa tayo ng Ahon Laylayan Koalisyon. Alam niyo po iyong Ahon Laylayan Koalisyon nakapag-organisa na kami sa ibang probinsya. Pero ang pinakasadya nito, para magkaroon ng plataporma iyong mga nasa laylayan ng lipunan, iyong mga mahihirap na mga sektor na hindi masyadong naabot, hindi masyadong napapakinggan. Ginawa po namin ito sa iba’t ibang bahagi ng bansa—sa Bicol, marami bang Bicolano dito? Nasaan iyong mga Bicolano dito? [cheers] Ano ba iyong ginagawa niyo sa Cainta, ha. [chuckles] Bakit nandito kayo lahat? Iniwan niyo iyong ating pinanggalingan, ayon. Sa Bicol, nakapag-organisa na tayo sa Visayas at ibang lugar sa Mindanao. Pero ang sabi natin, kahit dito sa Metro Manila at saka sa Rizal, at saka sa Bulacan, saka sa Laguna, mayroon ding mga nasa laylayan ng Lipunan. Tama? Tama.

    Kaya dito sa Metro Manila, unang pag-organisa namin dito sa Rizal, ano. Kaya maraming, maraming salamat sa ating mga convenors. Hindi ko alam kung nag-usap-usap na iyong mga sektor. Mayroon na ba? Nag-divide na ba kayo into groups? Kasi ang usapan, mag-uusap-usap iyong mga sektor para mailista ano ba iyong agenda at saka ano iyong mga pangangailan kasi sabay-sabay nating hahanapan ng solusyon iyong mga kailangan.

    Marami namang mga programa ang pamahalaan para sa mga nasa laylayan. Pero ang hahanapin natin, ano iyong hindi pa nasasagutan. Para ito, tulong sa mga programa ng pamahalaan. Naiintindihan? Ayon. Kaya mamaya kapag nag-divide tayo into groups, mga sektor, iyon iyong pag-uusapan natin. Gaya ng seniors, maraming mga seniors dito, ano ba iyong mga panguahing mga suliranin ng mga seniors? Ano ba iyong mga hindi natutugunan at sabay-sabay nating hahanapan ng sagot.

    Kanina, galing kami diyan sa katabing day-care center. May nakilala akong isang grupo na naglalivelihood dito sa inyong barangay. So, pinag-usapan namin ano iyong mga kailangan at baka makatulong iyong aming opisina, ‘di ba. So iyon iyong pag-uusapan natin.

    Halimbawa, ano ba iyong ginagawa ng ating opisina? Mayroong mga lugar na napakataas ng drop-out rate sa mga paaralan, lalo kapag high school. Hindi iyon problema dito sa Metro Manila at saka sa Rizal. Siguro ibang bahagi ng Rizal, iyong mga bundok, ‘di ba. Pero maraming mga lugar gaya sa Eastern Samar, sa ibang lugar sa Mindanao, sa Sumilao, mayroong Zamboanga del Norte, napakataas ng drop-out rates sa high school. Noong tinanong namin kung bakit ganoon, ang problema pala kasi walang malapit na high school. At iyong mga bata kailangang maglakad—iyong iba, sampung kilometro papunta, sampung kilometro pabalik. Gumigising iyong mga bata alas-3 ng umaga. Alas-4 magsisimula nang maglakad, alas-7 iyong pasok nahuhuli pa. Kaya iyong ginawa namin na programa doon, naglagay kami ng mga dormitories—mga dorm—sa loob ng campus ng high school para iyong malalayo iyong tinitirhan, Lunes hanggang Biyernes, hindi na kailangang maglakad araw-araw. Puwede silang tumira doon sa dorm na libre. So ngayon—[applause]—ngayon, mayroon nang nakatayong limang dormitories. Dalawa sa Siayan sa Zamboanga del Norte; isa sa Sumilao, Bukidnon; isa sa Balangkayan, Eastern Samar; at isa sa Salcedo, Eastern Samar. Mayroon pang pangalawang i-inaugurate sa January sa Sumilao, Bukidnon.

    Iyong pinuntahan namin sa Tanay ang problema naman nasa taas siya ng bundok; karamihan ay IP communities. Iyon pala mula noon hanggang ngayon, wala silang kuryente, ano. Walang kuryente doon. Mahirap iyong tubig inumin. Naglakad kami paakyat noong November 7. Sino iyong kasama namin pag-akyat? Kasama namin One Meralco Foundation. Kasi iyong One Meralco Foundation, naglagay ng mga solar panels sa mga bahay doon. Kaya ngayon, mayroon nang kuryente iyong mga bahay, ‘di ba. [applause]

    So, ganoon iyong hinahanap namin na mga problema kaya tayo nandito ngayong umaga. Ano ba iyong mga pangangailangan na hindi natutugunan kasi kahit wala masyadong pera iyong opisina namin, marami kaming mga partners na mga private corporations na tumutulong. Gaya noong pagpa-kuryente sa Tanay private iyon, One Meralco Foundation. Gaya noong mga dormitories, galing iyon sa private companies na nakikipag-partner sa amin.

    So ito iyong hinahanap natin. Gaya noong pagpunta natin sa Talim. Ayan sila. Sila iyong mga kababaihan doon. Ang problema ng mga kababaihan doon, ang hanapbuhay nila nagtatahi. Pero marami silang miyembro, kakaunti iyong kanilang mga makina, ano. Kaya hiraman lang sila ng makina, nagse-schedule—maraming order pero kaunti iyong makina. Nakahanap kami ng partner—private—nagbigay sa kanila ng mga makina. Kaya kami— [applause]—kaya kami pumunta sa Talim Island para dalhin iyong mga makina.

    So iyon iyong sadya natin ngayong umaga sa pag-organisa. Kaniya-kaniyang sektor, kaniya-kaniyang lugar, mayroong mga problemang hindi natutugunan, ‘di ba. So aalamin natin ano ba iyong mga problema na hindi natutugunan. Pero ang gusto natin kinalaunan, iyong mga local government units bibigyan tayo ng espasyo sa governance, ‘di ba. Gustong sabihin, sana kapag napalakas na natin iyong sarili natin, iyong mga local governments, may espasyo para sa civil society at saka para sa mga organisasyon. Para kapag nagpaplano iyong bawat lugar, kapag gumagawa ng budget iyong bawat lugar, napapakinggan kayo, ‘di ba. Iyon naman iyong gusto natin—pakinggan tayo para kapag gumawa ng programa ang pamahalaan, kasama iyong pagtugon sa ating mga pangangailangan, ‘di ba.

    Gaya kanina iyong ka-meeting kong grupo, ni Kagawad, ang grupo nila may mga—mahuhusay silang gumawa ng kung ano-ano pero kulang ng kapital, mahirap iyong market. So iyon iyong tutugonan natin. Pero iyong tanong, ano ba iyong mga problema ng ibang sektor, ‘di ba. Gaya ng seniors, karamihan ng programa ng seniors iyong maintenance medicines, ‘di ba. Iyong mga gamot na pang-araw-araw, dapat araw-araw iniinom pero dahil walang pambili paminsan-minsan lang iniinom, ‘di ba. So iyon iyong hahanapan natin ng paraan. Puwedeng makipag-partner tayo sa DOH, makikipag-partner tayo sa mga kumpanya para matugonan iyong mga problema, ano. Naiintindihan po?

    Pero ito, hindi ako iyong magsasabi kung ano iyong gagawin. Kayo iyong magpaplano, tutulong lamang kami. Kasi kadalasan iyon iyong problema sa pamahalaan. Mga lider lang iyong nag-uusap. Kapag lider lang iyong nag-uusap, iyong akala ng mga lider na solusyon, hindi pala iyon iyong gusto ng taumbayan. Kaya ito, ang gagawin natin kayo iyong magpaplano, kayo iyong magsasabi ng pangangailangan, tayo iyong maghahanap ng solusyon sabay-sabay. Okay ba iyon? Okay.

    Kaya ito, ngayong umaga siguro pagkatapos ko magsalita, magkakaroon—hindi ko alam kung mayroon nang pag-uusap iyong mga sektor. Mayroon na ba? Ah, okay. Dapat daw pala nauna sa aking magsalita si—Ka Jaime, na-excite ka raw. Dapat raw pala sektor muna iyong magsasalita bago sa akin. So ngayon, pagkatapos kong magsalita papakinggan natin, ‘di ba. Papakinggan natin iyong bawat… iyong kinatawan ng bawat sektor para alam natin kung ano iyong mga agenda ng bawat sektor. Okay ba iyon? Okay.

    So ngayon, ibalik ko iyong mic sa emcee para tawagin niya iyong kinatawan ng bawat sektor. Mabuhay kayo! Maraming salamat. [applause]

    Posted in Speeches on Dec 13, 2019