Sta. Ana, Calatagan, Batangas

Maraming salamat, Mayor! Magandang hapon. [Audience: “Magandang hapon!”] Maupo po tayong lahat. Sa akin po, pagbigay-galang sa mga opisyal na kasama po natin ngayon. Siyempre po sa pangunguna ng ating mahal na Mayor [Peter Oliver Palacio], palakpakan po natin [applause]; nandito po iyong mahal natin na Vice Mayor, palakpakan po natin si [Vice Mayor Rogelio Zarraga] [applause]; nandito din po si Councilor Tess [Pelea]—magandang hapon sa iyo, Councilor; nandito po si… nandito po si Kapitan Roxas—magandang hapon, Kap!; sinamahan kami ni Kap kanina kasi dumating po kami pasado ala-una, hindi pa kami nanananghalian. Galing po kami sa isang isla sa Occidental Mindoro kaninang umaga. Pagkagaling po doon, dumiretso kami. Kaya maraming salamat, Kap. Sinamahan kami ni Kap pati iyong mga barangay officials na nandito. Kanina po nandito din iyong ating ABC President pero nagpaalam na po siyang umalis; nandito po iyong ating SK Federation Chairman—kanina nandito siya, nakaalis na rin; iyong atin pong mga [Department of Education] officials; iyong ating principal; iyong atin pong mga donors saka mga partners—sa AGAPP, andito po iyong kanilang Executive Director, si Eddie Galvez; nandito po iyong napakahusay natin na host, Mr. Gabby Cruz—akala ko choreographer na si Gabby; nandito si Ma’am Mariel—nasaan si Ma’am Mariel Tolentino?—sila po iyong mga anghel ng aming opisina dahil alam niyo naman, walang pondo iyong aming opisina kaya po humihingi kami parati sa mga anghel na nasa paligid natin para makadala tayo ng mga proyekto. Nagpapasalamat tayo sa K Servico at saka sa… kay Ma’am Grace, ‘di ba, kay Ma’am Grace ng JVR (Jesus V. Del Rosario) Foundation; marami na ding mga school buildings ang AGAPP (Aklat, Gabay, Aruga Tungo sa Pag-angat at Pag-asa) na mga classrooms iyong ating na-partneran. 

Pero alam niyo po, napakahalaga ng araw na ito—August 1 ngayon, ‘di ba?—iyong August 1, death anniversary siya ni former president Cory Aquino. Alam niyo po iyong AGAPP—sina Ma’am Mariel, sina Eddie, si Gabby—sila po ay malalapit na kaibigan ni President Cory. In fact, kasama po sa AGAPP iyong anak po ni President Cory, si Pinky [Aquino-Abellada], sila po iyong nag-umpisang magbigay ng mga classrooms. Kaya sabi ko, napaka-meaningful ng araw na ‘to kasi iyong atin pong turnover ay death anniversary ni President Cory. Kaya inaalala po natin siya ngayong umaga. 

Pero kanina po, sabi ni Gabby ako iyong… ako iyong humingi sa kanila kaya nakarating iyong AGAPP dito sa Calatagan. Pero humingi po kami sa kanila dahil si Councilor Tess ay humingi sa amin. [applause] Si Councilor Tess po iyong humingi sa opisina namin at dahil po wala naman kaming sariling pondo, iyong lahat pong hinihingi sa amin, hinihingi din namin sa iba. Kaya dahil po iyon kay Councilor Tess. At ngayon na araw ko lang nalaman, kapatid pala ni Councilor Tess si Mayor. Hindi ko po iyon alam. Pasensya na kayo hindi ko alam. Nagpapasalamat din tayo kay Vice Mayor. Pagdating ko kanina, sinalubong tayo ni Vice Mayor. 

Pero masayang-masaya po kami na nakarating kami sa Calatagan. Alam niyo po, hindi niyo naitatanong, marami po kaming mga kasamahan sa… [technical difficulty] kasamahan sa opisina… ayan, kasamahan sa opisina na nakabisita na dito sa inyo, ano, kasi kaibigan po nila si Councilor Tess at inasikaso sila ni Mayor. Kaya po, mga kaibigan, iyong aming opisina at iyong officials ng Calatagan kaya nakakarating dito. Sila nakakarating dito pero ako, unang pagkakataon. 

Kinu-kuwento ko pa kanina kay Kap tapos kinuwento ko rin kay Vice Mayor at saka kay Mayor, na iyong pababa na po iyong aming sasakyan, nakita ko ho kung gaano kaganda, ano, kung gaano kaganda iyong inyong lugar. Sabi ko, napaka… [technical difficulty] napaka-suwerte naman ng mga taga-Calatagan kasi napakaganda ng inyong paligid. Kanina po pinagyayabang sa amin ni Kapitan na napakalinis ng inyong lugar at wala raw dito sa inyong mga tambay. Kasi talagang inaasikaso niyong magkaroon ng hanapbuhay iyong lahat. 

Kaya masayang-masaya naman po ako na nagkaroon kami ng pagkakataon na makabisita. Ang bonus po sa akin—kasi itong ating mga student journalists nandito ngayong umaga—kaya siya bonus sa akin kasi noong grade school, high school po ako, ganiyan din ako sa kanila. Parati po akong kasama sa mga contests, iyong mga district, ano iyon, press [conference]. Noong high school na ako, iyong… nakakarating po ako ng [National Secondary Schools Press Conference]. Kinu-kuwento ko nga kay Mayor na iyon iyong dahilan kung bakit nakapunta ako ng Baguio, kung bakit nakapunta ako ng Aklan, nakapunta ako ng Mindanao noong estudyante pa ako. Kasi gaya nila ay kabahagi rin ako. Kaya aliw na aliw akong pinapanood sila. Pero tinanong ko sila kanina, sabi nila mga photojournalists sila. Hindi ako nakasali sa contest na photojournalism. Siguro hindi ako marunong kumuha ng litrato. Naalala ko, kasali ako sa… sa newswriting, sa sportswriting, at saka sa editorial writing. Pero, good luck sa inyo. 

Kanina binibiro ko siya, sabi ko, “Magiging mahusay kang journalist kasi mahusay kang sumingit.” Pero nakakatuwa—nakakatuwa na iyong pagpunta namin mayroong ganito. Nakakatuwa din iyong mga Zumba mommies—nakilala ko sila kanina [applause]—mga Zumba mommies ng Sta. Ana. Mga angels yata ito ni Kap, ano, Kap. 

Pero masaya po… masaya po kaming nakarating kami sa okasyon na ito. Kasi alam niyo po, iyong AGAPP, kung titingnan natin iyong gustong… gustong sabihin ng AGAPP, Aklat, Gabay, Aruga tungo sa Pag-angat at Pag-asa. Ito po… [technical difficulty] Okay na siguro. Ganiyan din iyong microphone namin sa opisina kaya sanay kami na pinu-pukpok iyong microphone kasi sa opisina po namin ganiyan din. Oo, parang nasa opisina lang ako. 

Pero ito po, pagbibigay ng pag-asa. Kaya siya tinawag na Silid Pangarap, ‘di ho ba? Kasi nagbibigay ng pag-asa sa mga kabataan na nandito ngayon. Alam niyo naman na kapag medyo maganda iyong classrooms, ganado ring mag-aral, ‘di ba? [technical difficulty] Ayon, ganoon pala ang sikreto—dapat pala hinahawakan iyong ilalim, ayon. Pero iyong pagbibigay ng pangarap sa ating mga kabataan. 

Kanina po—kahapon—nandoon din po kami sa Batanes. Siguro nabasa niyo sa balita na iyong Batanes nagkaroon ng napakalakas na lindol at napakaraming mga bahay iyong talagang bumagsak sa lupa. Kanina naman po, galing naman kami sa Occidental Mindoro. Ang binisita naman namin iyong mga mahihirap na mga mangingisda. 

At ngayon naman, ang binisita namin mga kabataan na nasa pre-school—isa lang iyong tema: pagbibigay ng pag-asa. Pagbibigay ng pag-asa na sa gitna ng maraming kahirapan, sa gitna ng maraming problema, basta iyong puso natin puno ng pag-asa, iyon iyong nagbibigay sa atin ng lakas, ‘di ba?—[applause]—iyong nagbibigay sa atin ng lakas na, “Sige lang!” 

Mayroon po kaming programa sa opisina, ang tawag, Istorya ng Pag-asa. Napakagaganda ng mga kuwento. Mga galing sa hikahos, galing sa hirap, pero nagiging… nagiging matagumpay dahil sa pagtiya-tiyaga. Kaya iyon siguro iyong pinaka-mensahe ngayong araw na huwag mawawalan ng pag-asa kahit maraming problemang dumarating. Basta nasa tama lang parati iyong ginagawa, darating din iyong panahon na magtatagumpay din kayo. [applause]

Kaya, Mayor, maraming salamat po. Vice Mayor, maraming salamat. Councilor Tess, maraming salamat. Sa DepEd po at siyempre sa ating partners, AGAPP, K Servico, JVR Foundation, sana hindi kayo magsawa sa pagtulong. More than 1,000 school buildings na at classrooms ang binigay ng AGAPP at patuloy pa rin iyong pagbigay sa mga mahihirap na lugar sa Pilipinas. At iyong mga lugar na nangangailangan ng ganito. 

Mabuhay po kayong lahat! Magandang hapon muli sa inyo. [applause