Filing of Motion for Production of Evidence in Relation to Sedition Case Against Vice President Leni Robredo 
Department of Justice, Manila

REPORTER 1: What did you file today, Sir? 

ATTY. MARLON MANUEL: We filed a motion for production and copying of evidence asking the DOJ to require the CIDG—which referred the case to the DOJ for preliminary investigation—to produce the additional evidence that they referred to in the referral letter. So hinihingi namin sa DOJ na utusan ang CIDG na ilabas iyong sinasabi pa nila na ebidensya at mga testigo na binabanggit nila doon sa referral complaint na mayroon pa silang hawak. 

REPORTER 2: Sir, bakit nag-file po kayo na bukas may hearing naman? 

ATTY. MARLON MANUEL: Nandoon din kami bukas. Gusto lang namin na mabigyan ng—

REPORTERS: Sir, camera na lang po. 

ATTY. MARLON MANUEL: Gusto lang namin mabigyan ng notice ang task force para hindi bukas ay doon na namin agad isu-sumite. Pero nandoon din kami bukas. 

REPORTER 2: Sir, kaya pa po ba iyon mahabol? Kasi bukas, Sir, hearing date na po. Eh, baka, Sir, hindi ma-distribute iyong motion na iyan sa mga party. 

ATTY. MARLON MANUEL: Nagbigay na kami sa complainant ng copy. May copy na ang CIDG. 

REPORTER 2: Kailan niyo, Sir, pinadala po sa CIDG?

ATTY. BARRY GUTIERREZ: Kahapon. 

ATTY. MARLON MANUEL: Kahapon. 

REPORTER 2: Tapos iyong iba na lang, Sir, for filing na lang dito sa DOJ? 

ATTY. MARLON MANUEL: Oo, isa lang naman na lumalabas na complainant—iyong CIDG. 

REPORTER 3: Sir, will the Vice President be attending tomorrow’s hearing? 

ATTY. MARLON MANUEL: She will be represented by her counsel. 

REPORTER 3: Anong evidence that you expect, Sir, that the CIDG hasn’t produced? Ano-ano iyon, Sir? 

ATTY. MARLON MANUEL: Sila iyong nakakaalam. Sila iyong nakakaalam. Iyon nga iyong hinihingi namin na ilabas nila kasi hindi nila binanggit. Sinabi nila na, “Other evidence, other witnesses,” pero sa ngayon, wala. Sa ngayon ay iyong sinumpaang salaysay lang. Isang sinumpaang salaysay lang ang mayroon tayo. 

REPORTER 1: So tomorrow, Sir, iyong filing—

ATTY. MARLON MANUEL: Ito iyong… ito, iyong finile namin ngayon, para may notice na before the preliminary—before the hearing—to the conference tomorrow sa preliminary investigation. 

REPORTER 4: Tapos, Sir, hindi po ba ang… Sir, bakit—hindi po ba ang proper forum for the request of evidence ay iyong preliminary investigation? 

ATTY. MARLON MANUEL: Nandoon din kami bukas. Nandoon din kami bukas. 

REPORTER 4: Ire-reiterate lang din po? 

ATTY. MARLON MANUEL: Yes, definitely. Pero iyong sinumpaang salaysay—ay, iyong referral letter kasi ay nagsasabi mismo na mayroon pang dagdag na ebidensya, may dagdag na witnesses pa, pero iyon iyong wala kaming kopya. Iyon iyong hinihingi namin na ilabas para nakalatag lahat. 

Hindi puwedeng hulugan iyong ebidensya, hindi puwedeng installment iyong pagbigay ng ebidensya. 

ATTY. BARRY GUTIERREZ: Simple lang naman kasi iyong mensahe namin dito: the PNP-CIDG and the DOJ should play fair. Kailangan nilang ipakita iyong buong ebidensyang sinasabi nila. Kasi sa mga kuwento nila, kapag pinakinggan mo si PNP Chief Albayalde, kapag pinakinggan mo si Mr. Gadon na abogado ni Peter Advincula, sinasabi nila, marami silang hawak na ebidensya. Ngayon, as the respondents in this particular case, may karapatan kaming makita iyong buong kuwentong iyon. 

Eh, sa ngayon kasi nalilito rin kami. Mayroong affidavit na in-execute with the PNP—iyong tawagin nating “Albayalde affidavit.” Mayroon iyong affidavit na finile nila na supposedly tumulong ang OSG—so ito iyong “OSG affidavit” o siguro iyong “Calida affidavit.” Tapos sinabi noong isang araw ni Mr. Gadon, mayroon pa raw silang ifa-file na supplemental affidavit. So ano ito, the “Gadon affidavit”? Eh ano ba iyong totoo, ‘di ba? Ano ba iyong totoong kuwentong talagang ginagawa nilang batayan para dito sa reklamong ito? Nasaan na iyong ebidensyang pinagmamalaki nilang hawak nila? Kailangan naming makita iyon. They should play fair. Iyon iyong sinasabi namin dito. 

Pinanghahawakan namin iyong sinabi ni [Justice] Secretary Guevarra that they will try to ensure na patas itong prosesong ito. So what we’re asking the DOJ to do is sabihan naman niyo iyong mga complainants na pulis, na iyong sinasabi nilang resulta ng imbestigasyon, iyong sinasabi nilang ebidensyang hawak nila, bigyan kami ng kopya para naman maayos iyong maging sagot namin at maging patas iyong laban. 

REPORTER 4: Sir, is it safe to say na you won’t file a counter-affidavit unless makita niyo iyong supplemental affidavit at ma-grant iyong motion niyo for—

ATTY. BARRY GUTIERREZ: Well, mahirap sabihin kasi iyan. As of the moment, ito iyong aming finile na motion and we will await iyong desisyon noong prosecutorial panel on it. Ayaw naming pangunahan iyong kanilang magiging desisyon dito sa motion na ito. 

REPORTER 4: But for the supplemental, Sir? 

ATTY. BARRY GUTIERREZ: Well, problema sa supplemental, sinabi lang nila iyon, eh. Pero ako, wala pa kaming kopya. Wala nga kaming kopya ng kahit ano kundi iyong original affidavit na finile nga nitong si Mr. Advincula. So ang hirap magsalita, eh. 

Iyon nga iyong problema namin: papaano kang gagawa ng maayos na sagot? Papaano kang magkakaroon ng maayos na assessment nitong kasong ito kung sa dulo, eh, hindi mo hawak iyong buong kuwento? Kasi kung ang pagbabatayan lang natin iyong affidavit na kinabit nila, itong tumulong nga raw itong si Calida sa paggawa, eh, halos walang laman iyon na alegasyon laban kay VP Leni. So, gusto lang namin makita iyong buong kuwento muna bago kami magkaroon ng maayos na sagot dito. 

REPORTERS: Sir, thank you! Salamat po. 

ATTY. BARRY GUTIERREZ: Okay. 

REPORTER 4: Sorry, Sir, pahabol lang. Sir, do you see… do you see this sedition complaint as a way to unseat the Vice President? 

ATTY. BARRY GUTIERREZ: Well, hindi kami ang unang nag-bring up ng isyu na iyan. Ang unang nag-bring up niyan ay si Mr. Gadon. Sinabi niya sa isang interview na ang nakikita niyang pupuntahan nito ay impeachment. Para sa akin, very revealing iyong admission na iyon dahil lumalabas talaga dito, hindi ito ordinaryong criminal prosecution na batay sa ebidensya, kundi isang politically-motivated na kaso na ang pakay ay harass-in ang Bise Presidente at kung maaari, simulan ang isang impeachment laban sa kaniya. 

REPORTER 4: Sir, kumusta si VP? How is she taking all these challenges? 

ATTY. BARRY GUTIERREZ: Si VP Leni naman sanay na sanay na iyan ma-harass, eh. Mula pa simula ng terminong ito, mayroong protesta laban sa kaniya, tuloy-tuloy iyong paninira sa kaniya sa social media, tuloy-tuloy iyong banat ng kung sino-sinong opisyal ng administrasyong ito. Si VP, sanay na diyan. Right now, nakatutok siya sa kaniyang trabahong pinangako niyang gagawin sa ating mga kababayan—iyong kaniyang pagtutulong sa mga nasa laylayan through iyong Angat Buhay program. So, sa katotohanan, iyon talaga ang kaniyang tinututukan. Hindi siya masyadong nababahala dito. Pero siyempre, mabuti na iyong nag-iingat, eh. Marami kasing mga kasong sinampa noong mga nakaraang taon. Halimbawa, bibigyan ko na lang kayo ng halimbawa, iyong kay Senator De Lima o iyong kay CJ Sereno na maraming eksperto, maraming abogado nagsasabi na walang kahihinatnan iyan. Pero alam naman natin kung anong nangyari sa dulo. 

So, mahirap iyong hindi nag-iingat. Kaya nga sa puntong ito, ang gusto namin, play fair, ‘di ba. Ipakita niyo iyong buong ebidensya. Galangin niyo iyong karapatan ng mga respondents sa isang criminal investigation. Sundin niyo iyong sarili niyong mga patakaran para hindi na lang magulat tayo isang araw at mayroon nang resulta itong hindi inaasahan ng kahit sino. 

REPORTERS: Thank you, Sir!

– 30 –