Visit to Survivors and Families of Victims of Iloilo-Guimaras Sea Tragedy
Jordan, Guimaras

REPORTER: Nakipag-dialogue po kayo sa mga survivors and families po ng mga casualties natin. Ano po iyong napag-usapan? 

VP LENI: Marami silang… marami silang hinihinging tulong. Number one, makuha iyong hustisya para sa mga yumao nilang mga kapamilya. Pakiramdam nila hindi naging maayos iyong, ano… iyong, ano ito, iyong pag-retrieve sa kanila. Ang pakiramdam ng karamihan, kung mas maayos iyong rescue, mas marami sanang buhay iyong na-save. Siguro iyong ire-request natin dito—humingi ako sa kanila ng kanilang mga statement para ipaabot natin. Siguro iyong pinaka-request natin, na magkaroon ng masusing imbestigasyon, para kung mayroong kailangang managot, managot. 

Iyong mas urgent na hinihingi nila ngayon, makabalik iyong biyahe—makabalik iyong biyahe ng mga pump boats. Kasi apparently noong nangyari iyong aksidente, hininto, pero sabi nila, between the time na hininto noong August 3 hanggang ngayon na August 12, wala namang nangyaring inspeksyon, walang anything. Ang nagbibiyahe dito RoRo, na ang priority daw cargo saka mga sasakyan. Mayroong nagbibiyaheng fast-craft, pero sobrang mahal. Hindi— Ang claim nila anti-poor iyong desisyon. 
So iyong sa akin, kinalap ko iyong lahat na comments, iyong mga hinaing.

Bukas kaagad magbibigay ako ng report sa DOTr at ipapaabot ko iyong mga request. Ifa-follow-up ko na maayos. Kasi iyong tingin ko, may air of desperation dito. Ang sinasabi nila iyong kabuhayan na nila iyong apektado, iyong hanapbuhay nila apektado, dahil sa pag-cancel ng mga trips. Tingin ko hindi dapat iyong reaksyong knee-jerk; dapat konsultahin iyong mga tao dito, pag-usapan nang maayos, kasi ayaw natin na on top of the tragedy na pinagdaanan nila, may another tragedy na mangyayari. Kasi iyon iyong reklamo nila ngayon. Iyong reklamo nila iyong hanapbuhay nila, hindi sila nakakadala ng mga produkto sa Iloilo. Iyong mga estudyanteng nag-aaral, iyong mga taong naghahanapbuhay sa Iloilo, hindi talaga nakaka-travel na maayos. Nakita natin mismo with our own eyes kung gaano kahaba iyong pila. Talagang iyong pahirap, medyo mabigat. 

Kaya ipapaabot natin ito, ipapakiusap natin na sana bigyan ng boses iyong mga nandito, sana pakinggan, kasi sila naman iyong nakakaramdam ng kahirapan, at pakinggan kung ano iyong solusyon na makaka—para hindi padalos-dalos. Ang sabi kasi nila, ang solusyon na binigay sa kanila, instead na nakatulong, parang lalong nakapahirap. So ipapaabot natin iyong sinabi nila sa atin. 

REPORTER: Iyong iba, Ma’am, hinihimatay na sa pila kanina. 

VP LENI: Balita ko nga. Iyong mga may sakit daw hindi kinakaya iyong pila. Nakita naman natin. Nakita natin kung gaano kagrabe. So ipapaabot natin. Baka dapat hindi padalos-dalos. Hindi naman puwedeng bigla na lang hihintuin, kasi iyong number of trips pala noong pump boats dito every day, talagang napakahaba. Pero ako, tinitingnan ko, tinuturo nila kung saan nag-sink—biniyahe ko din kanina—parang unimaginable na sobrang lapit pero iyong dami ng casualties ganoon kagrabe. So kailangan talagang imbestigahin. 

REPORTER: Thank you, Ma’am!

-30-