Closing Remarks at the Istorya ng Pag-asa Film Festival 2019 Awards Night
Trinoma Mall, Quezon City

Maraming salamat! Maupo po tayong lahat. 

Mr. Ruel Maranan, President of Ayala Foundation, Inc.; Ms. Cathy Bengzon, Head of Corporate Communications of AyalaLand; Ms. Cel Amores, Senior Director for Corporate Communications of Ayala Foundation; our partners from the Ayala Group of Companies; from Black Maria Pictures; SEDA Vertis North; our esteemed members of the board of judges who have been with us since last year—Ms. Shamaine Centenera Buencamino, Mr. Doy Del Mundo, Mr. Dan Villegas—nakita ko si Quark. Nasaan si Quark?—Mr. Quark Henares, ang ating bagong kasal. Akala ko—akala namin nagha-honeymoon ka pa. [laughter]—Ms. Liza Diño, who is represented here tonight by Mr. David Fabros, Executive Director of the Philippine Film Export Services Office; our INPFF Ambassadors, Mr. Dingdong Dantes and Ms. Iza Calzado; the government officials who are with us tonight; our Angat Buhay partners; our INP partners and champs; our INPFF filmmakers and film subjects; honored guests; ladies and gentlemen, magandang gabi po sa inyong lahat! 

Habang pinapanood ko po ang mga masterpiece ng ating filmmakers kanina, punong puno ako ng saya at pagmamalaki para sa lahat ng mga tagumpay nila ngayong gabi. Ang hirap pigilan ng luha at galak, dahil sa ganda ng mga kuwento at aral na dala ng mga ito. Kaya sa lahat pong kasama natin ngayong gabi, maraming, maraming salamat sa inyong pakikiisa para gunitain ang ating mga natatanging istorya ng pag-asa. 

Ang istorya ng bawat Pilipino ay istorya ng tagumpay at pag-asa. Sa ating pagtutulungan, kaya nating lagpasan ang anumang problema at gawing mas maginhawa ang buhay ng bawat isa. Kahit minsan, ang pakiramdam natin ay tila unti-unti nang nawawala ang liwanag ng pag-asang ating pinaka-iingatan, kumakapit tayo sa iisang paniniwala: na sa huli, ang mabuti ang siyang mananaig.

We started Istorya ng Pag-asa as a roving photo gallery of stories of hope in November of 2016. But as we were about to celebrate our first year anniversary of Istorya ng Pag-asa in 2017, we asked ourselves: “Why don’t we bring the program a step further, to do justice to the beautiful stories we were starting to unearth?”

We wanted to elevate the art of storytelling to inspire more people and give them hope to rise above today’s extraordinary times because the miracles that we need to shape our future are best told through the screen. If we are to send our message to our people in the most powerful way, we must choose the medium that makes them cry poignantly, laugh wholeheartedly, or be moved to action by empathy. That medium is film. 

But we do not just look for stories that recount personal hardships. Our criteria for choosing the best films involve how the theme is presented, the quality of production, the reach and impact of each film, and the overall experience. The INP Film Fest is not just about the most memorable stories of poverty and tragedy, but the long and often times arduous process behind its retelling, and the power of moving pictures. 

So, in November of 2017, we partnered with the Ayala Foundation and launched the Istorya ng Pag-asa Short Film Festival. We initially planned the film festival to be a one-time event to celebrate our one-year anniversary. But because of the wealth of stories submitted to the Office of the Vice President in 2018, we have decided to make the film festival an annual gathering. To give you an idea of the transformative power of last year’s films, here are some highlights of the gala night last year. Panoorin po natin. [Video plays] [applause] 

Ayon, naaalala niyo yata iyong mga pelikula last year. Ngayong taon, mas bumuhos ang husay at galing ng ating mga filmmakers. Sa katunayan, mas marami ang nagpasa ng entries ngayong taon: 98 lahat, at napanood nga natin ang top 10 ngayong gabi. 

Kaya naman abot-abot ang pasasalamat natin sa ating partner, ang Ayala Foundation Inc., para sa suportang ibinigay nila sa ating adbokasiya. Truly, we could not have asked for a better partner, because through the years, the foundation has been instrumental in bringing hope to our very poor communities.  

Bilang dagdag na suporta sa ating film festival, pinaunlakan tayo ng Ayala Foundation sa ating hiling: na ang mananalong Top Three Films ay mapapanood sa mga Ayala Malls Theaters nationwide mula June hanggang October ngayong taon. Ayon, maraming salamat, Ayala Foundation. [applause] Sa tulong rin ng Film Development Center of the Philippines, napabilis ang pag-apply natin ng ating mga permits na kailangan upang mas maayos at mas marami ang mararating ng ating mga istorya ng pag-asa. 

Now, when we speak of hope, we do not just wait for something to happen. We strive to be defiantly hopeful by springing to action, so that our dreams will become reality. 

Halimbawa na lang dito ang tulong na ating naiabot kay Marky Talibutab, ang bida ng “Climbing Puppeteer”—ewan ko kung naaalala niyo iyong Climbing Puppeteer—mula sa Top 15 entries last year. Si Marky ay isang BPO worker na umaakyat ng mga bundok sa Tanay para marating ang mahihirap na komunidad doon. 

Nang mapanood natin ang kuwento ni Marky, agad tayong naghanap ng tulong para sa komunidad na pinupuntahan niya. Dahil liblib at napakalayo, isa sa mga problema nila ay ang kawalan ng kuryente. Sa tulong ng ating partner na One Meralco Foundation, nakapag-ocular inspection na sa komunidad upang matukoy ang iba pa nilang mga kailangan. Ngayon, isa sa mga tinututukan natin ay ang pagkabit na ng mga solar panels para makapag-aral na ang mga bata ng mabuti dahil magkaka-kuryente na sila. [applause]

Nariyan din ang kuwento ni Vejiel Velez—ewan ko kung naaalala niyo siya—na bida ng short film na “Ang Gahum Sang Daku Nga Handum (The Power of Big Dreams).” Si Vejiel ay miyembro ng Ata tribe, at isang volunteer teacher sa Bagac, Bataan. Para makatulong sa kaniyang klase, nagbigay tayo ng mga school kits, sa tulong ng ating partners na International School Manila at Keys School Manila. [applause]

Sa pelikula namang “Alkansiya”—naaalala niyo ba iyong Alkansiya?—sa pelikula namang Alkansiya, nakilala natin si John-John, isang batang sumisisid sa Manila Bay araw-araw bago pumasok sa eskwela para sa kakarampot lang na barya. Ang sabi niya noon, ang maiipon niya ay para sa pamasahe ng nanay niya para makabalik sa kanila galing sa probinsiya. 

Naisip namin na ipasyal si John-John para naman makita niya ang ibang mukha ng buhay. Isang araw, dinala ko siya sa isang indoor amusement park. Bakas sa mukha niya ang tuwa at kasiyahan, na parang ito iyong first time niyang nakapaglaro. Maliban dito, tinutulungan natin siya sa kaniyang pag-aaral sa pagbibigay ng school supplies, damit, at sapatos, at tinulungan din natin ang kaniyang nanay para makakuha ng puhunan para makapagtayo ng sariling negosyo. 

Si Ernie Gawilan naman—naaalala niyo ba iyong Gawilan?—isang para-swimmer na bida sa pelikulang “Gawilan”, ay nabigyan naman ng multivitamins mula sa isa pa nating masugid na Angat Buhay partner, ANCOP USA. Nakakatindig balahibo po ang galing ni Ernie sa paglalangoy. Sa katunayan, noong October of 2018 sa Jakarta, Indonesia, humakot siya ng mga parangal sa Asian Para Games—kabilang na ang kauna-unahang gold medal ng ating bansa sa palarong iyon. Kung susumahin, nasa 15 gold medals na ang awards na nakuha Ernie sa kaniyang karera. 

Si Marlon Fuentes naman, ang masayahing driver na ‘di nagpapatalo sa kaniyang Tourette Syndrome at bida ng nanalong “Ang Biyahe ni Marlon,” ay ilang beses nang lumabas sa TV para ibahagi ang kaniyang kuwento. Hindi lang yata MMK, Dingdong. Mayroon din yatang iba. Ang kaniyang mga anak ay nakatanggap din ng school supplies mula sa ating partner na International School Manila at Keys School Manila. May puhunan din tayong naibigay sa kaniyang napakabait na asawa para makapagtayo ng sariling sari-sari store.

Sina Lola Lita Vinuya at iba pang Malaya Lolas mula sa pelikulang “Liham Pagmamahal Para sa Kasalukuyan” ay tinulungan rin ng ating partner na ANCOP USA, upang matutukan ang kanilang kalusugan. Kasama sa mga ipinagkaloob ay ang mga blood sugar monitors, blood pressure instruments, nebulizers, wheelchairs at mga saklay. Binisita po sila ng ating team at kakaiba ang kanilang pagiging masayahin, sa kabila ng trauma na kinailangan nilang harapin sa buhay. 

Nakapagbigay din po tayo ng art materials kay Jhalanie Matuan—kung naaalala niyo siya, siya iyong babaeng nasa kalye na binubuhos ang kaniyang kahirapan para sa pagpe-painting—siya iyong ating street artist na siyang paksa ng pelikulang “Dibuho.” Kahit na po napakasakit ng pinagdadaanan at pinagdaanan ni Jhalanie dahil sa kaniyang paglalaboy sa kalye, hanga po ako sa mga obra niyang binubuhay ng iba’t ibang matitingkad na kulay. Sabi niya po, mas mabuti na iyong nagpipinta kaysa mamalimos sa kalsada.

Si Maricor Book naman, ang ating visually impaired teacher, ay nakapagtrabaho na sa Department of Labor and Employment – Caloocan ng tatlong buwan, tapos bilang intern sa Schools Division Office sa Caloocan. Nitong nakaraang buwan lang, nakapasok na rin si Maricor sa listahan ng Ranking of Qualified Applicants ng Department of Education, at ngayon ay naghihintay na lamang ng vacancy bilang SPED teacher. Iyon po talaga ang kaniyang pangarap.

All these are beautiful, incidental results of the awarding last year that inspire us to work even harder. Hindi po natin inasahan ang mga ito; dumating po ang mga tulong na ito galing sa ating mga Angat Buhay partners para sa mga bida ng mga napanood nating mga pelikula. Ngayong taon, may mga plano na rin po tayo upang maisakatuparan ang mga pangarap ng ating mga nakilala sa film fest na ito.

Mayroon na pong mag-aayos ng bahay ng magkapatid na Rodrigo at Robinson—[applause]—na umaakyat ng puno at nagbubunot ng niyog, kahit sila ay bulag. 

Dahil sa kaniyang karanasan at kaalaman, iniisip din po nating yayain—actually, niyaya ko na po siya kanina—si SPO4 Bill Felisan sa ating kampanya laban sa pagbaba ng “age of criminal liability”—[applause]—para makatulong tayo sa rehabilitation ng mga batang naliligaw ng landas. Totoo po talagang bayani si SPO4 Felisan, at sa tingin natin ay magandang marinig ng ordinaryong Pilipino ang kuwento ng kaniyang buhay, ‘di ba.

Ang atin namang “Maestro ng Pagbasa,” si Ryan Habitan Homan, na siyang nagsimula ng Balsa-Basa movement sa Sorsogon, ay magiging advocate natin para sa pagpapataas ng literacy levels sa iba pang malalayong lugar. Kanina po kausap ko si Sir. Sabi ko bibisitahin ko iyong kaniyang community. [applause] Saludo po tayong tunay sa mga gurong katulad niya; sigurado akong matinding pagmamahal para sa mga kabataan ang nag-udyok sa kaniyang magturo sa napakalalayong mga lugar. 

Si Anthony “Lumaroc” Lawang, ang ating hiphop artist, ay gusto rin nating imbitahan na maging influencer para ating adbokasiya na itulak ang mental wellness lalo na po sa panahon ngayon. [applause] Dapat marinig ang boses ng mga katulad ni Anthony: silang may malasakit sa mga dumadaan sa depresyon at nakapagdaan din. Iyong kaniyang ekspiriyensya ang tunay na makakatulong sa mga nagdadaan din sa parehong pinagdaanan niya.

Marami pa po tayong mga plano para sa iba pang sumali sa ating film fest, at napaka-excited po namin na maisakatuparan ang mga ito sa susunod na mga araw.

I see defiant hope in all of these narratives, and I hope that you will, too. When we all go home tonight, I pray that these films will teach us to be a bit kinder, a bit more empowered and empowering, and a bit more inspired—because our every action and our every word can bring a little bit of hope to those around us. 

Kaya mabuhay po kayong lahat! Maraming salamat po sa pagpunta ngayong gabi. Congratulations po sa inyong lahat! [applause